اليوم اول يوم من نجم التويبع

[نسيم]

اليوم السبت الموافق 20/6/2010م
دخول نجم التويبع ويسمى الدبران .
فيه اطول نهار واقصر ليل .ويبدء الليل في الزيادة وينعدم ظل الزوال وتشتد فيه الحرارة ويزيد تلوين طلع النخيل.
مدته 13 يوماً وهو يوافق و30 من برج الجوزاء و302 من سهيل والدبران نجم بين الثريا والجوزاء وسمي دبراناً لأنه يدبر الثريا ، أي يتبعها ، وهو النجم الثاني من البارح ، تجف فيه الجدران ويحمد فيه أكل البقول والبصل ويستعمل فيه كل بارد رطب : ويقول الشاعر : يدب في أثنائه دبرانهـا فلا هو مسبوق ولا هو لاحق
وفي أثنائه ينتهي قصر الليل ويتوقف ثلاثة أيام ثم يأخذ في الزيادة ابتداء من التاسع منه
تقول العرب اذا طلع الدبران توقدت الحزان ، وكرهت النيران ، واستعرت الذبان ، ويبست الغدران ، ورمت بانفسها حيث شاءت الصبيان : وتقول العامة : ماذكر وادي في التويبع سال

[عرق الأرطى]

تسلم اخوي نسسسسسسسسيم
متى يبدا البراد يهيب علينا ....؟

[ابو مشعل]

بعد تزيد فيه الحراره الله يصبرنا على هالحر
مشكور اخوي نسيم على هالنشره

[النادر]

الله يريد بنا خير يانسيم الوكاد اننا انشوينا

[جار القمر]

وتشتد فيه الحرارة
الله يدفع البلا

الله يلطف بنا
شكرا نسيم

[المهند]

الظاهر هالاجازة نبي نقضيها كلها في أبها وجبال السروات ...
لا وهنيهم .. لايعرفون تويبع ولا نويبع .. إلا بغوا البراد رقوا .. وإن بعوا الحر نزلوا ..
الله يهنيهم بديارهم ..

[نسيم]

تسلم اخوي نسسسسسسسسيم
متى يبدا البراد يهيب علينا ....؟
تونا فالحمد ياعرق الارطى

[نسيم]

بعد تزيد فيه الحراره الله يصبرنا على هالحر
مشكور اخوي نسيم على هالنشره
السنة هذي جانا حر على غير العادة والا المفروض الليل يكون الجو براد ماهوب مثل الان لكن ارادة الله سبحانه

[نسيم]

الله يريد بنا خير يانسيم الوكاد اننا انشوينا
تهون ان شاء الله .لكن حنا الان في بداية تحسن الجو بحول الله

[نسيم]

الله يدفع البلا

الله يلطف بنا
شكرا نسيم
امين اخوي جارالقمر.

[نسيم]

الظاهر هالاجازة نبي نقضيها كلها في أبها وجبال السروات ...
لا وهنيهم .. لايعرفون تويبع ولا نويبع .. إلا بغوا البراد رقوا .. وإن بعوا الحر نزلوا ..
الله يهنيهم بديارهم ..
الجنوب ،امحق ديرة .شف لو يشب الطلح من شدة الحرارة محناب رايحين للجنوب واللي فيها فيها .

[المتحـ2007ـد]

مشكوووور يا نسيم على هذه المعلومات

والله يعجل بالبراد

[أبـوحـمـد]

موضوع رائع يا نسيم تسلم وعسى عمرك طويل..

جزاك الله خيروبارك في جهودك الرائعة والمميزة .

تحياتي لك..

[ولد نسيم]

كلتن الشموس والحراري بزعمي مابوه غير هالسني حاري بالحيل تفقع النافوخ

[خالده]

الله يرحمنا برحمته وينجينا من النار ووالدينا

[نسيم]

مشكوووور يا نسيم على هذه المعلومات

والله يعجل بالبراد
تسلم يالمتحد .ياسرع البراد على الحي والمتعافي

[نسيم]

موضوع رائع يا نسيم تسلم وعسى عمرك طويل..

جزاك الله خيروبارك في جهودك الرائعة والمميزة .

تحياتي لك..




الله يخليك ويطول بعمرك يابوحمد على تشجيعك ومشاركات معنا

[نسيم]

كلتن الشموس والحراري بزعمي مابوه غير هالسني حاري بالحيل تفقع النافوخ
انتم ابرد منا يا اهل الشمال .
الله يعينكم

[نسيم]

الله يرحمنا برحمته وينجينا من النار ووالدينا
امين الله يرحمنا برحمته

[المهند]

وتقول العامة : ماذكر وادي في التويبع سال
يذكرون اليوم الساعة 2:40 دقيقة قبل وبعد كوبري جلاجل .. المساحات ما تلحق من المطر ..

الأرض جاءها نقع زين .. يالخبير

[ام منى]

الله يعين ..
مشكور ع الخبر..

[نسيم]

يذكرون اليوم الساعة 2:40 دقيقة قبل وبعد كوبري جلاجل .. المساحات ما تلحق من المطر ..

الأرض جاءها نقع زين .. يالخبير
المهند تدري وش مشكلتك انك ذكي بزياده ومن الذكاء الخارق عندك قمت تفوت شوي.
ياخوي انا اقول اخر انواء الصيف يعني النجم هذا فيه سحاب لكن قليل المطر .

[نسيم]

الله يعين ..
مشكور ع الخبر..
تسلمين والله

[» اِلـَوَفْآءْ بـِنْـتْ]

الله يجيبْ البردْ طبخنآ http://www.5foq.com/vb/emoticons/14.gifhttp://www.5foq.com/vb/emoticons/14.gif

يعطيك العآفيه + http://www.t9oor.com/forum/images/smilies/0000100.gif (http://www.tumaer.com/vb/showthread.php?t=65623)

[نسيم]

الله يجيبْ البردْ طبخنآ http://www.5foq.com/vb/emoticons/14.gifhttp://www.5foq.com/vb/emoticons/14.gif

يعطيك العآفيه + http://www.t9oor.com/forum/images/smilies/0000100.gif (http://www.tumaer.com/vb/showthread.php?t=65623)
ابشري بالخير يالوفاء .وان شاء الله يتحسن الجو الى الافضل

[كحيلان التميمي]

الله يانسيم ياحلو البراد ويازين ديرتنا
الا ماتبي نروح انبربس في الامازون
نربص براد ثم نجي
مع احترامي لك ولمواضيعك المميزه

[أبونواف11]

الله يصبرنا على هالأجواء