قصـائد ,, لاتنسـى

[روح الورد]

بسم الله الرحمن الرحيم




حينمـا ننتهـي من قـراءة قصـيدة

تبقى أبيـات منها عـالقة في الذاكـرة ونرددهـا باستمـرار

والاجمـل أنها تعيش معـنا

في عقولـنا ,, وقلوبنـا

.
.


اذاً هـذه الصفحـة .. لتلكـ القصـائد الخـالدة

التي لاتنسـى





,؛,






تعبت واتعبت فكري في تفاكيرة
..................اللي لها داع واللي مالها داعي

اللي لها في جليل الملك تذكيرة
.................في تالي الليل يوم الناس هجاعي

من ضاع له شي لو كثرت تحاسيرة
.................كد قيل مايحيي الميت بكاء الناعي

يامل قلب تقل في داخله نيرة
................مافيه عرقٍ متين وغض ماماعي

امسى مثل وادي خضراء نواويره
...............واصبح مثل وادي مافيه مرباعي

حطيتني يازمان الغدر في حيرة
...............ضيعتني بين مدخالي ومطلاعي

الهم دقيت في كبدي مساميرة
...............سم الافاعي تجرعني تجراعي

الغيب لغز ولا يعلم بتفسيرة
...............ياكود من ترقد العالم وهو واعي

الملك بيدين راع الملك تدبيرة
...............مايملكه لاملك دوله ولا راعي

ربي وانا ارجيه ماارجي واحد غيرة
...............هو الذي في يده تحسين الاوضاعي

يالعبد لو طرت مالك عن مقاديرة
...............الليا نوى شي ماله عنه مناعي

لو تشلق الثوب من ذيله لازاريرة
...............والا تقطع من الفرحة تقطاعي

الوقت لابد له ضحكة وتكشيرة
...............متعرض للتقلب والتزعزاعي

اسري مع الليل من ديرة الى ديرة
................والليا اصبح الصبح ضعت وضاع مرماعي

ألعب بشعر النبط وأوزن معاييرة
................وزن الذهب بين متسوق وبياعي

والصعب ماهو عليه صعب تصخيرة
.................الليا بغيته يطيع يصير مطواعي

واليوم كثروا على الساحه مغاويرة
.................كلٍ ركب له جواد وجاك فزاعي

مافيه عدٍ يعرفون العرب بيره
..................الا بجنبه ثمانين الف نباعي

((وكل لحاله تصفق له جماهيرة
.................ياكثر صفق الكفوف وطق الاصباعي ))

لو يابس السدر ماعاشت عصافيرة
................تصرعت قبل مايابس تصراعي

كلٍ يقيَم وقدرة مثل تقديرة
................الحج لله واجر الحج للساعي

وكل يحاسب على مبلغ فواتيرة
................والخام بالياردة والكيل بالصاعي

لو البضايع تباع بدون تسعيرة
................مايمرح الفقر في مخباة طماعي





عبد الله زويبن

[روح الورد]

ياالله ياربـي عليـك التساميـح
...............لولاك عرجات السنيـن عرجتبـي
منك أستمد العون رهبه وتسبيح
..............والعفو كان جروح وقتي صطتبـي
الحظ كوره والنوادي ضحاضيـح
................سددتهـا بالعارضـه واحدرتبـي
شوطين أضافيه وركلات ترجيح
................وآخـر نهايـه مابعـد سجلتبـي
أقول لحظه للجماهيـر وتصيـح
..............خسرتها كاس الفرح واخسرتبـي
لو طاحت انفوس الرياجيل ماطيح
...............عليـت نفسـي للعـلا واعتلتبـي
صم الجبال اللي حجرها صلافيح
..............لو جيت أهـز حيودهـا مادرتبـي
لكن لي مبـدا معـزه وتصفيـح
..............أبـوي سمانيبـهـا واستمتـبـي
اذخر بواعيس الرجال الطحاطيح
..............وأبقى على هقواتها اللي هقتبـي
اقدر ظروف الوجيـه المفاليـح
...............اللـي ليامـن جيتهـا رحبتـبـي
قولت هلا واقلط على هبت الريح
...............ثروة غنى فيها أغتني واغتنتبـي
ماهو كلام ملاعبيـن المسابيـح
...............اللي نموذج كتبهـم غيـر كتبـي
ملقحين منمـق الهـرج تلقيـح
...............ياما حكت عنـدي ويامـا حكتبـي
تصوم وتصلي قيـام وتراويـح
...............لكنهـا بالـشـذب ماقصرتـبـي
عيال رعيان الحلال السواريـح
.............لو حصلت ضحكن علي ضحكتبـي
لولا العصا كان الكلاب النوابيـح
.............عن مشرب العد العذي صدرتبـي
والصبر زين وللمغانـم مفاتيـح
...........واكحل عيونن بالحسـد تلتفتبـي



سلطان الهاجري

[روح الورد]

احذر تجامـل واحـدٍ مايجاملـك
.................لو أقـرب الجـدان جـدك لجـده
.عامل عبـاد الله مثـل ماتعاملـك
................من شان كلن توقفـه عنـد حـده
واللي بهرجه وده انـه يزعلـك
................اسمع كلامه وازعلـه مـن مـرده
وان كان رايك مايعالج مشاكلـك
..............كلن تصـرف بـك علـى مايـوده
وان كان طيبك مايغطي خواملـك
..............مالك سوا تصبر على كـل ضـده
ترى العفو ماهو من الناس شاملك
...............ومن طال صبره بيح الوقت سـده
وأكال غيرك لاتجي معـه ياكلـك
..............لو يعترض بالـدرب قدمـك تعـده
ومن أفطربنصك تعشـى بكاملـك
..............لكـن تريـق فـيـه وإلا تـغـده
ومن لا رجا نفعك ولا خاف باطلك
..............عن الخطا في واجبـك وش يـرده
ورفيقك اللي بالشدايـد يلازمـك
..............لاصار باللازم علـى النفـس بـده






سعود جمعان

[روح الورد]

الوقت يامقسى عنـاه وعذابـه
.................حطاب ليـل ولـه معاويـن وفـزوع
أحد ٍ منه يمكن يعالـج صوابـه
..................وأحد ٍ يموت بعلتـه مـوت جربـوع
يروح مثل مقاط مااحـدٍ درابـه
.................لاحبل يرقابـه ولا صـوت مسمـوع
بغا يجيب رشاه ورشـاه جابـه
...............من عالي الشفه ضرب به على القوع
هذا مقاط اللي رشـاه التوابـه
...............وأصبح مثل للناس في كل موضـوع
قصت مقاط وقصتـي ماتشابـه
.................أسباب وقت وكل قصـه لهـا نـوع
مقاط صفى في زمانـه حسابـه
...............وأنا بلشت بوقـت طامـع ومطمـوع
ناسٍ يحسبون المراجـل نهابـه
...............وهيـه عليهـم كنهـا حبـة الكـوع
ودك بعضهم تربطه في رسابـه
..............تصبح وتمسي فوق راسه بكرسـوع
كم واحدٍ وقت اللـزوم تهقابـه
.................وأليا نصيته غيـر الطبـع بطبـوع
الصاحب اللي صحبته ضحك نابه
.................يبيني أبقى له على الـدوم مـزروع
لا شاف وجهي قال يامرحبابـه
..............وإن غبت ينساني على راس الأسبوع
واليا نسيني منه حضرة جنابـه
................أنساه واجعل دونـه الخـط مقطـوع
وعيبٍ عليه كان طقيـت بابـه
................لو إني أمسي بالخـلا ميـتٍ جـوع
من خلقت الدنيا تجوع الذيابـه
.............بس المهم تعيش والـراس مرفـوع
وتكسب بعز النفس قدر ومهابه
...........وتمشي على خط ٍ سليم ٍ ومشـروع





رشيد الزلامي

[روح الورد]

قـال الـذي نفسـه بعقلـه حكمهـا
عن كلمة (ن) مضمونها يجـرح شعـور
مـا ذم نـاس ولا تخطـرا شيمهـا
وليا خصـم يفلـج علـى شاهـد الـزور
وناس(ن) تكا في شرها مـا شتمهـا
يرعى الحقوق ولا كشف ستـر مستـور
والقافيـه لا لاوحـت مـا غشمهـا
ماهـو علـى البهتـان والظلـم مجبـور
لو هو ليا مـس الحبـال وحزمهـا
يبـل بهـا محـدود الأفكـار ويـخـور
ما هو عمـى عينـه تقـدي قدمهـا
جـرب ومـن كثـر التجاريـب دكتـور
والطيبـه لاوافقـت مــا لطمـهـا
يفتح لهـا المصـراع والبـال مسـرور
مـا غرتـه دنيـا النهايـة عدمهـا
مصيـر اهلهـا تحـت الألحـاد بقبـور
الدايـم اللـي بيـن خلقـه قسمـهـا
اللي دعاء موسى علـى جانـب الطـور
مـرارة الدنيـا تخـرب طعمـهـا
ابا انصـح الجاهـل بهـا يقبـل الشـور
قـدام تـردم فـوق راسـه اردمهـا
في ماقف(ن) عن شوف الاحباب مهجـور
من لاعرف مقـدار نفسـه ظلمهـا
بالكـذب والبهتـان مغـراء وممـهـور
اما شـرع بالنـاس ياكـل لحمهـا
والا ورى دنيـا الفنـى تقـل مسـعـور
يخطي على نفسـه ويتبـع وهمهـا
والنفس ماتحمـل وزن ريـش عصفـور
وش حيلها كان ان مـا الله رحمهـا
في ساعة(ن) فيهـا معـذب ومـا جـور
في ما قف(ن) شمسه شديد (ن) وحمها
تشخص بـه الأبصـار والكبـر مكبـور
مـا ينفـع النفـس الذميمـه ندمهـا
خص النفوس اللي بهـا كبـر وغـرور
كـل جـزاه بصفحتـه لاستلمـهـا
يبـي يشـوف اللـي بالاحكـام مذكـور
تفقد بـه النفـس الرهينـه كرمهـا
لـو كـان بالدنيـا لهـا ذنـب مغفـور
حسيبهـا الخـلاق مجـري نسمهـا
اللي علـى ظلـم الجهـل سلـط النـور
ومن صان نفسه با حترام وعصمهـا
يخشى الكريـم ويجتنـب كـل محـذور
ويسايـر العالـم ويقـرق قيمـهـا
النفـس مثـل النفـس مـا تقـل الجـور
واللي عرف للنفـس قـدر وحشمهـا
يجعل لها من حسـن الاخـلاق ميسـور
واللي من اخـلاق المكـارم حرمهـا
يعـيـش بالدنـيـا معـقـد ومقـهـور
اخـص نـاس(ن) ماتبـري ذممهـا
حديثهـم بالنـاس غيـبـات وفـجـور
اللـي بنفسـه شـك هـو متهمهـا
واللـي يحقـر النـاس بالعيـن محقـور
مـن دق بحقـوق العبـاد وهظمهـا
اقرب حراه اردى العرب بـاع وشبـور
ان حب يبـدي حجتـه وان كتمهـا
قيـده ثـلاث اقفـال والحبـل مقصـور
وان العقـول التايهـه مـا عزمهـا
وان سيرت تقلـط علـى غيـر مخسـور
تقلط على اللي سمهـا فـي دسمهـا
للقـلـب جنبـيـه وللكـبـد دافـــور
هـذا دواء القلـوب .... وشممـهـا
وباقي الدواء لأمراض الاعصاب مصرور
ودرعـي ليامـس الذريبـه دمقهـا
يوم البراء مكشـوف والـدرع لـه دور
لاعشرت عـوب النفـوس نخزمهـا
ايـام وضـع النـاس ظافـر ومظفـور
نوفـي ونافـي للرجـال بلزمـهـا
يوم العرب مـن بينهـم خـوف ونـذور
على النقاء دهـم الجمـوع نهزمهـا
يـوم السبايـا عجهـا يركـب الـقـور





بدر الحويفي المحمدي الحربي

[روح الورد]

رفيقـك اللـي مـا يقـدر مواقفـك"
"ترى ربيـع القلـب بعـده وفرقـاه
ليا صار لا رجلن مقامـه يشرفـك"
"ولا طيبـن تقـدر تحمـل خطايـاه
أحرص على فرقاه لو من طوايفـك"
"ليا صار ما تقوى على شيل عوجـاه
ليا صار دايـم بالمواقـف يخالفـك"
"ويفرض عليك الراي من غير ترضاه
منت أولـد لـه يستهينـك ويعسفـك"
"ولا والدن ودك على مكسب رضـاه
ولو لا لزومه بـول العـام عايفـك"
"ولو شاف طيبك عقب يومين ينسـاه
وان قلت له مخطي فضحك ابمعارفك"
"وليا تجاوزت الخطى عنـه مرضـاه
وليا سكت وشمت يجـرح عواطفـك"
"ضحوك في وجهك وسـودن خفايـاه
وان قمت ما يسوى هبايب عواصفك"
"وان شلت له عرقا على الكبد عرقـاه
وان جيت له محتاج ما تقل يعرفـك"
"ويعطيك مع بيض المعاذيـر علبـاه
ليا صار عند اللازمة مـا يساعفـك"
"وقت الرخا منتـه بعـازت حمايـاه
لا تشتكـي عنـده يكبـر سوالفـك"
"فرقاه تغني عـن مسـرات جـدواه
وحاذور عنـه لا يسـود صحايفـك"
"ولا تقربه مـا دام تعـرف نوايـاه
وبعدك عنه في ديرتن مـا يشاوفـك"
"أخير مـن قربـه وشوفـه ولامـاه
وموتك بعـزك جنتـن مـا تكلفـك"
"ولا حاجتن عنـد المنـون وترجـاه
وموت الكرامة عن جنابـه تشرفـك"
"ولا منتـه عسـى نواعيـه تنـعـاه
ومن يجهلك في منطق العرف ياصفك"
"وعرف الفتى تنبيـك عنـه مزايـاه
وترى الرفيق اللي يهمـك يناصفـك"
"ويفزع ليا شاف الخلل فيـك يرفـاه
ودايم صـدوق وبالحمـوه يلاطفـك"
"ويقوم في واجبك مـن قبـل تنخـاه
رجل على كـل المواجيـب عارفـك"
"ودايم طواريق الشرف ساس ممشـاه
وان حلت الرفقـة يشيـد بوصايفـك"
"مـا كنـك إلا واحـد مـن دنايـاه
ليا جاء مجالك جاب عنك طرايفـك"
"وليا ذكـرك بجملـة الخيـر مبـداه





جزاء بن صالح الحربي

[روح الورد]

سمعت لي كلمة ٍ مدري وش أقصاهـا
حزت بصدري وأنا مانـي بهارجهـا
لو كـل كلمـه ليـا جتنـا طردناهـا
بعنا الثمينـه بسعـر ٍ مـا يخارجهـا
لو مرت السمـع مـا كنـا سمعناهـا
وانقفّل الـراس عنهـا لا يبرمجهـا
ومـن يـم هـذا لهـذا مـا نقلناهـا
والناس واجد وتلقـى مـن يروجهـا
من جابها بيـن خلـق الله ووداهـا
لو به مراجل ترى نفسـه يسمّجهـا
من عامل الناس فـي سابـق خطايـا
يقعد بـدار ٍ خـلا مـا داج دايجهـا
في كنّة ٍ تشوي الجربـوع رمضاهـا
تابس غصون الشجر من حر واهجها
والناس بالحق حكم الشيخ ما ارضاها
ما ترضي الناس لـو انـك تحججهـا
ياللي تبي الطيبـه خذهـا وعطناهـا
وخـل الطريفـه طريـه لا تثلّجهـا
واقضب طريق الأوادم وامش ممشاها
واتبع دروب العرب وادرج مدارجهـا
وارسـم لنفسـك حـدود ٍ لا تعداهـا
من حط نفسه بدرب الضيق يحرجهـا
وان كان نفسك هواهـا قـام ينحاهـا
حط الأعنه بروس الخيـل وأسرجهـا
وفكّـر بمنكافهـا قــدام مغـزاهـا
واضرب حساباتها وتشـوف ناتجهـا
وكل ٍ بعضده يمـوح الدلـو برشاهـا
وتلقى كبود الضوامي مـن يبرهجهـا
وان كان توك على صـدرك تهجّاهـا
حنـا ترانـا نـدرّس فـي مناهجهـا
من يـم مصباحهـا نبعـد معشاهـا
اليـا قعـد راعـي الضلـع يدرجهـا
لو هي صعيبه اليا انعاجـت عدلناهـا
واللي تجي مستقيمـه مـا نعروجهـا
نهتم فـي وزنهـا وإبـرام معناهـا
ومـن الكرستـال واللولـو نتوّجهـا
مثل الجواهـر ليـا منـا نضمناهـا
وسلوكها من جديد الـزري ننسجهـا
مخايـل ٍ ترتـدم والصـدر منشاهـا
ان دك بالبـال داكــوك ٍ يهيّجـهـا
واليا امطرت ضاقت الوديان في ماها
تاخذ اليا الحول ما يبسـت مدالجهـا
ان صدت الناس عنا ما اعترضناهـا
ما تقفـي النـاس عنـا ونتولّجهـا
وان جاتنا الطيبـه بالطيـب زدناهـا
الطيبـه بالعسـل والسمـن نمزجهـا
وان جاتنا الثانيـه نصبـر ونرفاهـا
يمكـن ليـا فـاق راعيهـا يعالجهـا
وان عادها عودة س ما عاد ينساهـا
من حربة س في صميم الصدر نولجها
مسمومـةٍ يبلـش الدكتـور بدواهـا
ما يقنع الخبـل ليـن إنـه يلامجهـا




عبد الله زويبن

[سُلاَفْ القَصِيدْ]

شكرآ لك يالغلا على انتقآءك للقصآئد المميزه
ويعطيك العآفيه

[جار القمر]

موضوع جميل وانتقاء رائع
مسموح بالمشاركة ؟

[روح الورد]

شكرآ لك يالغلا على انتقآءك للقصآئد المميزه



ويعطيك العآفيه


تسلمين غلاي على روعة حضورك

وبأنتظار مشاركاتك هنا

تقديري لكِ

[روح الورد]

موضوع جميل وانتقاء رائع
مسموح بالمشاركة ؟


جزآك الله خير على حضورك ...

اكيد مسموح المجال مفتوح للكل !!

[روح الورد]

النـــــاس ماهمها وش كان مقلقني 00000 الناس تبغا القصـــــــيد وتترك الباقي

هذا هو اللي مع اوراقــــي موهقني 00000 لاجيت ابكتب همــــومي لجت اعماقي

الشعر مجتاحني والوقـــت يسرقني 00000 من دفتري والسنين الشهب واشواقي

الهاجس اللي من البـــــارح معلقني 00000 على دروب السهر والضيق والشاقي

ان قلت هات القلم ماهـــوب معتقني 00000 وان قلت خــــل القلم ما يطلق اوثاقي

ادور ارضاـــــــــاه لكنه يضــايقني 00000 طبعه يحب الزعـــــــل ويدور احراقي

ابواب طقيتها وابواب تطـــــــرقني 00000 وابواب من قبل اجيها ينثني ســـــاقي

في بعض الاحـــلام ما ربي موفقني 00000 اموت عطشـــــــــانها وتموت بحداقي

الصمت والليل والهـوجاس يخنقني 00000 لين القصـــــيده تموت بموعد اشراقي

حتى اكذب الشعــــر عيا لايصدقني 00000 من كثر مااحكي عن اجروحي وعشاقي

وياليت فاضي الورق بكره يطوقني 00000 باللي نظمته من ابـــداعي على اوراقي

خاطي قصــــــيده تجي مره تعانقني 00000 تشرب قراح الغــــلا مع باقي انياقي

احطب لها من ضلوعي لين تحرقني 00000 تستوعب اكبر همومي وابعد آ فاقي

تحمل صفـــاتي ومفهومي وتنطقني 00000 الصــوت صوتي وتاريخي وميثاقي

اجمع بقــــــاياي فيهـا ما تفرقني 00000 تبت يد الوقت ما يقدر على اغراقي

والناس ماهمها وش كان مقلقني 00000 النــــاس تبغا القصيد وتترك الباقي





جهز العتيبي

[النادر]

الطعنة اللي من ورى الظهر تنهيك

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
واغلى من اخوانه بقلبه يعـــــــــــــدك

وياصاحبي هالحين بانت خوافيك
علقتني مابين مزحـك وجـدك

وش جاك مني ياعشيري وانا اخيك
قبل امس انا صاحبك واليوم ندّك

لاضاق صدري من عنا الوقت انا اجيك
واشوف دمعات الغلا فوق خدك

والحين تظلمني وانا منك وفيك
بكل احترام اقول ياخوي حدك

ثمن كلامك ياعسى الله يهديك
لاصار ماي الوجه يعجز يردك

ثوب الردى ياصاحبي مايقديك
الثوب ماهوب لك ولا القد قدك

وانا خلاص اليوم والله مابيك
النفس طابت سوّ ماهو بودك

الطعنه اللي من ورى الظهر تنهيك
وشلون لاجاتك من اللي يودك

لاواهني يوم انا اموت بييديك
ذابح وتبكي من ذبحته بيدك

[روح الورد]

إنتقـاء جمـيل اخي النادر

شكـراً لك على إضـافتها

لاهنت على طيب حضـورك

[روح الورد]

الأميرة سلمى السعود الرشيد رحمها الله....هي جدة الأمير بدر من جهة الأم

ولقد تربى في كنفها بعد وفاة والده...وزواج والدته الأميرة وضحى الحمود الرشيد رحمها الله.....

فكانت أقل الوفاء قصيدة أقل ما يقال عنها بأنها رائعة !!




ما نشدت الشمس عن حزن الغياب
علمتنا الشمس نرضى بالرحيل
كل يومٍ يغرق الضي افـ عباب
ما سمعنا ناعي ٍ .. مابه عويل
وما هقيت الموت يجرحني جواب
لين شفتك في سما عمري اصيل
علميني ياللي كفوفك سحاب
وابتسامك غيث واهدابك نخيل
وش أسوي لا دخل فصل الضباب
وكفت عيوني وضيعني الدليل
حاجتي والشيب بهديني الصواب
حاجتي لك ما مضى افـ عمري حصيل
آه يا سلمى مضى وقت العتاب
والحديث اللي باقوله لك طويل
اعتذر يمه حصل مني غياب
واعتذر ازريت لا ارد الجميل
من يجازيك وعطاياك الشباب
والله العالم ترى ماني بخيل
يوم انا عاري غديتي لي ثياب
وان شكيت الضر شافيتي العليل
ويوم كبر الطفل ولمتي الزهاب
كل ما في الكون من طبعٍ جميل
هي درت حايل وهذيك الهضاب
عن غيابك هو درى الروض المسيل
بنت من لا ثوروا فوق الركاب
ما يباريهم سوى نصل وأصيل
واخت من لا كسرت سمر الحراب
من عنيف الطعن ردوا للصقيل
وام من جدانهم مثل الشهاب
كاسبين المجد من جيلٍ لجيل
يالله المطلوب يا جزل الثواب
تجعل الجنة لها ظلٍ ظليل


بدر بن عبد المحسن

[روح الورد]

يا ذيب أنا اوصيك لا تاكل الذيب كم ليلة عشاك عقب المجاعة





ذيب بن شالح رحمة الله مات و لم يتجاوز عمره الـ 25 سنة

ووالده : شالح بن حطاب بن هذلان الخنفري القحطاني توفي عام 1340هـ وعمره 100 سنة


---------------------


يا ذيب أنا يابوك حالـي تـردّى
وأنا عليك من المواجيب يا ذيب
تكسب لي إللي لاقِحٍ عِقب عـدّا
طويله النسنوس حرشا عراقيب
تجر ذيـلٍ مثـل حبـل المعـدا
وتبري لحيران ٍ صغار ٍ حباحيب
وأشري لك إللي ركضها ما تقد
اماحدٍ لقى فيها عيوب وعذاريب
قبا على خيل المعـادي تحـدى
مثل الفهد توثب عليهم تواثيـب
أنا أشهد أنك باللـوازم تِسـدا
لو حال من دونه عيال ٍ معاطيب
ليث ٍ على درب المراجل مقدّى
ما فيك يا ذيب السبايا عذاريـب




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,





يا ربعنا ياللي على الفطّـر الشيـب
عز الله أنـه ضـاع منكـم وداعـه
رحتوا على الطوعات مثل العياسيـب
جيتـوا وخليتـوا لقلبـي بضاعـه
خليتـوا النـادر بـدار الأجانـيـب
وضاقت بي الآفاق عقـب إتساعـه
تكـدرن لـي صافيـات المشاريـب
وبالعون شفت الذل عقب الشجاعـه
يا ذيب أنا بوصيـك لا تاكـل الذيـب
كم ليلـةٍ عشّـاك عقـب المجاعـه
كم ليلةٍ عشّـاك حِـرش العراقيـب
وكم شيخ قوم ٍ كزتـه لـك ذراعـه
كفـه بعدوانـه شنيـع المضاريـب
ويسقي عدوه بالوغى سِـم ساعـه
ويضحك ليا صَكّت عليـه المغاليـب
ويلكد على جمـع العـدو باندفاعـه
وبيته لجيرانه يشيّـد علـى الطيـب
و للضيف يبني في طويـل الرفاعـه
جرحي عطيب ولا بقى لي مقاضيـب
وأفخت حبل الوصل عقـب إنقطاعـه
كني بعـد فقـده بحامـي اللواهيـب
وكني غريب الـدار مالـي جماعـه
من عقب ذيب الخيل عِرج ٍمهاليـب
ياهل الرمك ما عاد فيهـن طماعـه
قالوا تطيب وقلت : وش لون أبا طيب
وطلبت من عنـد الكريـم الشفاعـه




***


ثم أردفها بقصيدة على نفس البحر والقافيه وقال :





ذيبٍ عوى وأنا على صوتـه أجيـب
ومن ونتي جضت ضواري سباعـه
عز الله إني جاهل ٍ ما أعلم الغيـب
والغيب يعلم بـه حفيـظ الوداعـه
يالله يـا رزّاق عِكـف المخالـيـب
يا محصي خلقـه ببحـره وقاعـه
تفرج لمن صابه جروح ٍ معاطيـب
وقلبه من اللوعـات غـادٍ ولاعـه
إن ضاق صدري لذت فوق المصاليب
مانيب من يشمـت فعايـل ذراعـه
صار السبب مني على منقع الطيـب
ونجمي طِمَن بالقاع عقب إرتفاعـه
يا طول ما هجيتهن مـعْ لواهيـب
ولاني برادي كسرها مـن ضلاعـه
ويا طول ما نوختها تصـرخ النيـب
وزن البيوت إللـي كبـار ٍ رباعـه
وأضوي عليهم كنهم لـي معازيـب
إليا رمـى زيـن الوسايـد قناعـه
أضوي عليهم واتخطـى الأطاتيـب
وآخذ مهاويـه الجمـل باندفاعـه
أبا أنذر إللي من ربوعي يبا الطيـب
لا ياخذ إلاّ مـن بيـوت الشجاعـه
يجي ولدهـا مـذرب كنّـه الذيـب
عِز لِبُـوه وكـل مـا قـال طاعـه
وبنت الردي ياتي ولدها كما الهيـب
غبـنٍ لبُـوه وفاشلـه بالجماعـه
يا كبر زوله عنـد بيـت المعازيـب
متحـرّي ٍ متـى يقـدّم متـاعـه

[عزوف]

رإئَعَه وربكَ رآإْئعهَ .،
آحرفَ تآملتهآإْ كثيرَ . وآحترتَ آنتقيَ منَ قصيدتكَ .
مآيرويَ آعجآإْبي .،
فـ هنيئآ لكَ

[روح الورد]

هنئيآ لنآ بحضورك هنآ ...
وآتمنى آن تشآركينآ في متصفحنآ آلعآمر بوجود آمثآلك !!
__________________________________________

الشاعر بركــات الشريــف ...

وهذه قصيدته المشهورة بوصيتة لإبنه مالك حيث يقول !!










يـــا مـرقــب بالـصـبـح نـطـيـت عـالـيـك ..... مـــــا واحـــــد قـلــبــي خـبــرتــه تـــعـــلاك
ولـيــت يـــاذا الـدهــر مـاكـثـر بـلاويــك .... الله يــزودنــا الـسـلامــة مــــن اتـــــلاك
ياللـي علـى العربـان عمـت شكـاويـك .... ولـيــت يـــا دهـــر الـشـقـا ول مــقــواك
والــيـــوم هـالـكـانــون غـــــاد شـبـابـيــك .... تلـعـب بــه الاريــاح مـــن كـــل شـبــاك
يـا مالـك اسمـع جابتـي يـوم اوصـيـك .... وأعـرف تـرى يابـوك بـآمـرك وانـهـاك
وصــيـــة مــــــن والــــــد طـــامـــع فـــيـــك .... تسبـق علـى السـاقـه لسـانـه العلـيـاك
أوصيـك بالتقـوى عـسـى الله يهـديـك .... لـــهـــا وتــدركــهــا بـتــوفــيــق مـــــــولاك
الله بــــرب أجـــــدادك الــغـــر يـعـطـيــك .... مرضـاتـه مــع مــا تمـنـى مــن إمـنــاك
إحفظ دبشك اللي عن الناس مغنيك .... الـلــي لـيــا بـــأن الـخـلـل فـيــك يـرفــاك
وإعـــرف تـــرى مـكــة ولاهـــا بنـاخـيـك .... لـو تشحـذه خمسـة مــلا لـيـم معـطـاك
إجـعـل دروب المـرجـلـه مـــن معـانـيـك .... وإحــذر تـمـيـل عـــن درجـهــا بـمـرقـاك
لا تنـسـدح عـنـهـا وتبـغـانـي اعـطـيـك .... جـمـيـع مـــا يكـفـيـك مـــا حـاصــل ذاك
أدب ولــدك إن كـــان تـبـغـاه يشـفـيـك .... لـــو ضـاقــت إمــــة لا تـخـلـيـه يــــالاك
إمـا سمـج واستسمجـك عـنـد شانـيـك .... ويـفـر مــن فعـلـه صـديـقـك وشـــرواك
والا بــعــد جـهـلــه تــــرا هــــو بـيــاذيــك .... لـــو زعـلــت أمـــة لا تـخـلـيـه يــــا لاك
وإحذر تضيع كل مـن هـو ذخـر فيـك .... مــعــروف لا تــســاه واوفــــه بـعــرفــاك
تـرى الصنايـع بيـن الاجــواد تشـريـك .... إلــيـــا طـمــعــت بـغـرســهــا لا تـــعـــداك
واحــذر ســرور بغـبـة البـحـر يـرمـيـك .... ولا عنـده افلـس مـن تشكيـك وبـكـاك
وأوف الـرجــال حقـوقـهـا قـبــل تـاتـيـك .... لا تـوفـيــه بـالـهــرج فـالــحــق يـقــفــاك
وهــرج النميـمـة والقـفـا لا يـجـي فـيـك .... وأيــاك عـــرض الـغـافـل أيـــاي وأيـــاك
تـبــدي حـديــث لـلـمــلا فــيــه تـشـكـيـك .... وتهيـم عنـد النـاس بالـكـذب واشــراك
والـيــا نـويــت إحــــذر تـعـلــم بـطـاريــك .... كـم واحـد تبـغـي مـنـه عــرف وأغــواك
وأحذر شماتت صاحـب لـك مصافيـك .... ولــيــا جــرالــك جــــاري قــــال لــــو لاك
ولا تـحـســب أن الله قــطــوع يـخـلـيــك .... ولا تفـرح إن الله علـى النـاس بــداك
الضـيـف قــدم لــه هــلا حـيــن يلـفـيـك .... ومـمـا تـطـولـه يـافـتـى الـجــود يـمـنـاك
إحـذر تلقـي الضيـق مـقـرن علابـيـك .... خلـيـه مـحـب لــك صـديــق لـيــا جـــاك
ووصيـك زلات الرفيـق أن عـثـا فـيـك .... مـا زال يغطـاهـا الشـعـر فاحتـمـل ذاك
راعــه ولــو مــا شـفـت إنـــه مـراعـيـك .... عـســاك تـكـسـر نـيـتـه عـــن مـعــاداك
وإحذر عدوك لـو ظهـر لـك مصافيـك .... خـلـك نـبـيـه وراقـبــه ويـــن مـــا جـــاك
لا تـامـنـه واطــلــب مــــن الله يـنـجـيـك .... ويـكـفـيـك ربـــــك شـــــر ذو لا وذولاك
شفنـي أنــا يــا بــوك بـآمـرك وانهـيـك .... عـن التـعـرض بـيـن الاثنـيـن حــذراك
إذا حــضــرت اطــلابــه بــــه شـرابــيــك ....اســع لـهـم بالصـلـح والــلاش يـفــداك
ابــــذل لــهــم بـالـطـيـب ربــــك يـنـجـيـك .... ولا تجـضـع الـمـيـزان مـــع ذا ولا ذاك
أمــا الشـهـاده فـادهـا إن دعـــوا فـيــك .... بيـن عمـود الـديـن لا عمـيـت أريــاك
بــالــك تـمـاشــي واحــــد لـــــك يــرديـــك .... طـالـع بـنـي جنـسـك وفـكــر بمـمـشـاك
رافـــق أصـيــل فـــي زمـانــك يـشـاكـيـك .... لا شـاف خلاتـك عـن النـاس غطـاك
وحـذراك عـن طــرد المقـفـي حـذاريـك .... علـيـك بالمقـبـل واتــرك الـلــي تـعــداك
ثــم إلـعـن الشـيـطـان حـــذراك يـغـويـك .... تـــــــرى أن تـبــعــتــه لـشــرابــيــك وداك
وأوصـــل لا تـشـكــي عـلـيـنـا بــلاويــك .... انـت السبـب اطـرفـت عيـنـك بيمـنـاك
وإعرف ترى اللي واطا الفعرو اطيـك .... ولا أنتـه أعـز مـن الجماعـة هـذولاك
ألمسـك يـا راسـي مـن الـذل وأخطـيـك .... وأحـــــذر تــكــلــم يـالـســانــي وحــــــذراك
وألطف بجارك قـوم مـن دون عانيـك .... وافطـن لمـا يعنيـك عـن ربعـة اخــواك
ياذيـب وإن جـتـك الغـنـم فــي مفالـيـك .... فـاكـمــن لــهــا يــاذيــب لامـــــا تــعـــداك
فيمـا مضـى يـا ذيـب تـفـرس بيـاديـك .... واليوم جاء ذيـب عـن الفـرس عـداك
يـاذيــب عـاهـدنـي وعـاهــدك مـارمـيـك .... مرمـيـك أنــا يـاذيـب لـــو زان مـرمــاك
والنـفـس خـالــف رايـهــا قـبــل تـرمـيـك .... تـرى لهـا الشيـطـان يـرمـي بـالاهـلاك
ومن بعد ذا لا تصاحب النذل يعديك .... عـن صحـبـة الانــذال يـابـوك حــذراك
والهقـوة انــك مــا تـجـي دون أهالـيـك .... ولا ظــن عــود الــورد يـثـمـر بتـمـبـاك
الحـر مثلـك يستحـي يصـحـب الـديـك .... وإن صاحـبـه عـاعـا معـعـات الاديــاك
لا تستمـع قــول الـطـرف يــوم يلقـيـك .... بالـكـذب يقـضـي حاجـتـه كــل مـاجـاك
مـن نـم لـك نـم بــك ولا فـيـه تشكـيـك .... وألــــيــــاه قــــــــد زرى رفــيـــقـــك وزراك
عنـدك حـكـا فيـنـا وعـنـدي حـكـا فـيـك .... وأصـبــحــت كـارهــنــا وحــنـــا كـرهــنــاك
ما خطاك ما صابك ولـو كـان راميـك .... والـلـي مصيـبـك لــو تتقـيـت مـخـطـاك
ميـر استمـع منـي عسـى الله يهديـك .... أنصـحـك يــا مــا لــك لــك الله مــولاك
عــنــدي مـظـنــه مــــا تمـثـلـثـهـا فــيـــك .... واطلب لـك التوفيـق مـن عنـد مـولاك


الشاعر بركــات الشريــف !!

[ابو شادي]

قمة الروعة الشعرية
تسلم على النقل

[روح الورد]

شكرآ لحضورك هنآ وبآنتظآر مشآركتك !!
-----------------------------------------------------------

هذة القصيدة للشاعر الراحل (طلال الرشيد) رحمه الله







ياالصـــغير ما يكــبّرني لـــــقب*****ومايصغرني الـيا انكـرني صغــير




ما خذينا الصيت من جمع الذهب*****ولا نسابة شـــــيخ أو قربة أمـــيـر




كاســــبينه من هل السيف الحدب***** الجــنـأيـز كــان مــا جـــاك الـنذير




صــيتهم نجم على راســــــه لهب*****سمعوا الصقهان به واجهر ضرير




بالوفا تاريــــخ ابــيض ينحســـب***** لا حكــوا بالحـــق حيـيـن الضمــير




ضيغمي ٍ للســـناعيـــــس انتسـب***** لابت – طلنــا بـها عــرش – كبـير




عنـــد حـدك يا كــثـير الهـرج تب***** ولا تمر النار وثــوبك مــن حريــر




كـان لك عــز ٍ بذلي فــتــعـقــــب***** والله إلا تـبـطي وحــبـلك قـصـيـــر




احســب انك من صنــاديد العرب***** واثري ســـاتــرتـك عباتك يا غرير




ما حســب للسّوس زراع القصب***** والـقـرادة مــادرى عــنـهـا البعـيـر




لو حســــبنا للحســـــايف والتعب*****مابـذرنا ياالـعـصـافـيـر الشــــعـيـر




عن هــــلك وبراي لله احتــســـب*****الرجـــال اللي مـجــاراهـم عســـير




من قريش المصـطفى وابو لهــب*****والدغالب ما غشـــت عذب الغديـر




لـلرجال من الرجاجـيل الـعــــتب***** والــزكــاة اتـحـل في حـال الـفـقـير




لــعـن ابو وقـتٍ غـدينا به حـطب***** تحــرقه نـارٍ "...." يـثورها أجـيـر




ما ألومـك الـزمن ســـــوا العجب***** هو بــقى غــير الـكـرامـة بالـجفير




ما أذل والـــراس يشـــم اللــــهب***** لو بقى من شــمـر ٍ طــفـل ٍغــرير




ما أهــاب ولا يــزلـزلني غـضب***** الشــــجاعة ورث والعاقـــل غزير




يـا صــغيــّر مـا يـكـبـر بـاللــقـب*****غـير منـهـــو كان للدونــة صــغير


رحمك الله ياطلال الرشيد


قصيده تحمل الكثير



وهذا رد الأمير عبد الرحمن بن مساعد على قصيدة طلال الرشيد رحمه الله ياصغير مايكبرنى لقب



والقصيدة هى ثلاث أبيات ولكن معناها كبير جدا ومو غريب على الأمير عبد الرحمن بن مساعد



يارفيقـي مـا يكبّـرك اللـقـب
به ومن دونه ،، تظل انت الكبير



لا يهمّك حكي حمّـال الحطـب
ما ينّقص قدرك الهـرج الكثيـر



الرجال اخلاق ،، ماهم بالحسـب
والمواقف درس ، والجاهل غرير

[ام منى]

اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه ..
وكتب القصيده هذي... أبكت من لا يبكي

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني ..

[روح الورد]

تسلمين آم منى على آلآضآفه آلرآئعة !!
------------------------------------------------------------

قصيدة من آجمل القصائد اللي سمعتهآ وقرأتهآ

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

سعد بن جدلان

[روح الورد]

من القصائد اللتي تروي المتذوق ..


.. للأستماع ... (http://www.motir.net/vb/uploaded/107_1277021079.mp3)





........ توديع الاحباب مثل الموت له سكره
........ ........ ........ ........ ادمي جروحي وشق الصدر منيّا



........ والقلب طيرن ضلوع الادمي وكره
........ ........ ........ ........ لاشاقه الطلع لاسلم ولا حيّا




........ قل غيرها منت لامجبر ولا مكره
........ ........ ........ ........ لاصار ماهي غلا مابيلك احميّا



........ مسير الاحزان تنساني وتفتكره
........ ........ ........ ........ ماكل الايام بيض وسمحة محيا




........ لوفي يدي شي ماقلت الوعد بكره
........ ........ ........ ........ حزمت حدب الضلوع وقلتلك هيّا



........ ولوكل غالي يجي دايم على ذكره
........ ........ ........ ........ ماصرت اشوفك هناك وحبك هنيّا



........ ياليتني لابغيت اكره قدرت اكره
........ ........ ........ ........ ماكان قلبي اللياجيت اكرهك عيّا



........ مادامك معيف رح لكن علي فكره
........ ........ ........ ........ ماقلتلى ليه دمعك سال منيّا



مـتـعـب الـتـركـي

[روح الورد]

" اللي يبينا عـيّـت النفـس تبغـيـه ... واللي نبي عيا البخت لا يـجيبه "


القصة والابيات للشاعرة نورة الحوشان ...وهي شاعرة معروفة وشهيرة عند اهل التراث


ويشهد لها بكرمها وعطفها على الفقراء والمساكين بشهادة كبار السن ومايتناقلونه من

اخبار عنها

وقد تزوجها عْبود بن علي بن سويلم الشلواني العازمي ورزقت منه بولد اسمته حوشان ...

من قصائدها المشهوره وقصتها

كانت تعيش مع زوجها عْبود بن علي بن سويلم

وقد وقع بينهما خلاف أدى الى طلاقها طلاقاً لا رجعة فيه

وبعد طلاقها تقدم الكثير طالبين الزواج منها حيث انها امرأه جميله ومن عائله معروفه

ومحافظه وقد رفضت الزواج بعد زوجها عبود

وذات يوم كانت تسير على طريق يمر بمزرعة مطلقها وبصحبتها اولادها منه

وعندما مرت بمزرعته رأته فوقفت على ناصية المزرعه وانطلق الاولاد للسلام على ابيهم

وبقيت تنتظرهم الى ان رجعو من ابيهم فأخذتهم

واكملت مسيرها وقد تذكرت ايامها معه

وتذكرت من تقدم الى خطبتها بعد طلاقها ورفضها له

فقالت هذه القصيده الّتي تحتوي على اخر بيت اصبح مثلاً دارجا يقال على ألسنة الكثير من

الناس


ياعين هللي صافي الدمع هليه ... واليا انتها صافيه هاتي سريبه



ياعين شوفي زرع خلك وراعيه ... شوفي معاويده وشوفي قليبه



امـنـولٍ دايـم الـرايــه انـمـالـيـه ... والـيـوم جـيتهـم عـلينا صـعـيبه



وان مرني بالدرب ماقـدر احاكيه ... امصـيبتٍ يا كبـرها من مصـيبـه



اللي يبينا عـيّـت النفـس تبغـيـه ... واللي نبي عيا البخت لا يـجيبه

[روح الورد]

حينما كان الشاعر / رشيد الزلامي / يعمل بالجيش الكويتي وفي يوم من الأيام كان
وحينما كان جالساً على مكتبه ويتصفح مجلة على غلافها صورة للملك /فهد بن عبدالعزيز ـ رحمه الله ـ
أطال زميله الكويتي الإنتظار و/ رشيد الزلامي/ يتصفح المجلة ويتمعن بصورة الأمير / فهد بن عبدالعزيز ـ
آنذاك ـ فقال له زميله باللهجة العامية ( ماشبعت من شوفتك لمعزبك)
فغضب رشيد الزلامي وأدخل المجلة بدرج الطاولة
وقال برد قاسي مافيه مجلة ، فذهب الكويتي إلى مكتبه
وأرسل مع المراسل ورقة فيها ثلاثة أبيات من الشعر وهي :ـ

حنا بدارٍ مدلهة صدر من ضاق
بلّغ سلامي للزلامي وقل له

ياعابد الصورة على بيض الأوراق
دارك عرفناها وعلتك عله

إن كان حبه محرقٍ قلبك إحراق
شد الرحال ودرب عمك تدله


فإعترف رشيد الزلامي بقوة الأبيت وصلابتها
وقال إنه لم يتوقع من زميله هذه لأبيات القوية ،
التي استثارته في الحال فرد عليه رشيد بهذه الأبيات :ـ

أنتم بدارٍ مدلهة صدر من ضاق
وانا اتخيّل صورته بالمجلة

ماتعرفونه يارديين الأعماق
هذا الفهد ذخر الفهد في محله

اللي لياشطت ونشفنّ الأرياق
أنا وأنت ومعزبك تحت ظله

وحنّا سعوديين ياطاق طرباق
أحرار ماعشنا بعيشة مذله

رجالنا لو هو على مكسر الساق
حب الكرم والوفا عادة له

وأهل الحسد ماهم على باب الأرزاق
رزقي على اللي كوّن الكون كله

[روح الورد]

مايرد النفس عـن درب السخـط غيـر القناعـه
و[الرضا حِكمـة] تشـدّ العـزم بالحـزن الثقيـل

مالنـا لاثـار مـوج الـهـم وإشـتـد إندفـاعـه
غيـر دعـوة رب هـذا المـوج و [الخافـق ذلـيـل ]

نوب نضعـف لا غزانـا الهـم وأتعبنـا شِراعـه
نفقد الحِكمـة و [نبحـر بالأسـى ]مـن دون حيـل

ونوب تِفقِدنا المصايـب مـن بلاويهـا الشجاعـه
ونوب [نخـوات الشجاعـه] ترمـي الخافـق قتيـل

عايشين بطيب عيـش ونشتكـي ظُلـم المجاعـه
في [مظاهرنـا سكـون] , وفـي مخابرنـا فتيـل

نشتكي ونقـول: جـرح الوقـت يـا كبـر إتساعـه
والحقيقـه لاتمايـل هالزمـن [قمـنـا نمـيـل ]

ماخذتنـا هالليالـي .. بيـن أياديـهـا بضـاعـه
ليـن [جيناهـا عـروض] .. وسعرنـا جـداً قليـل

إن وقفنا ماوقفنا .. غير فـي وجـه الجماعـه
وإن جلسنا ماجلسنا .. غير عن [ فعل الجميـل ]

وإن حكينا ماحكينا .. غير بـ فـلان ومتاعـه
وإن سكتنا ماسكتنا .. غير عن [ حق ودليـل ]

تشتكي منّا أخـوّة .. أصبحـت وهـم , وإشاعـة
ليــــه خليتوا [جروحـي] .. مـن فعايلكـم تسيـل

وتشتكي منّا صداقة .. أصبحـت زيـف وصِناعـة
ليه وقفات الصداقة .. مالقت فيكـم [ أصيـل ]

وتشتكـي منّـا مبـادي .. مالقـت منّـا شفاعـة
حقّها مُجحف وفينـا [ مالقيـت ] درب وسبيـل..!

هالزمن لـو مايطيعـك طاوعـه وإحـذر خداعـه
نوب [ تغرينا ] ملامـح , وسطهـا وجـه ٍبديـل

و الشقا وإن طال غيمه .. تالي الغيـم إنقشاعـه
ماخبرت الغيم يبقـى .. فـي سمانـا [لـو يخيـل]

و الوجع موجود طبّه .. بس يحتـاج لـ مناعـه
و [المناعه] حزم قلب , وصبر , مع قلب ٍ يشيـل

و الزمن وإن زاد قسوة .. يبتسم لك لو لـ ساعه
وإن تبسّـم لـو لساعـه إحمـد [الـرب الجلـيـل]

إبتسامة عقب دمـع ٍ .. حـرّق الجفـن إلتياعـه
خير من دمع ٍ [فقد ضحكات] من وقـت ٍ طويـل

بإختصار :: إرضى بواقـع دنيتـك وإقبـل سماعـه
و اقتنع بأحكام وقتـك لوغـدى [قلبـك عليـل]


محمد صالح غنيم الغامدي

[روح الورد]

أبي كل البشر تدري وأبي كـل البشـر تفهـم
أبيهم يدركـون إنـك سكنتـي داخـل عيونـي

،
محد غيرك ولا قبلـك ولا بعـدك عليـه أنـدم
ولك ياغالية كـل الوفـاء المكنـون بجفونـي
,
,
وأنـا يمـه باقي خافـق فـي عالـم مظلـم
صفا لي من صفا والبعض صك الباب من دوني
,
,
وأنامتذكـرٍ ظمـة شتاتـي بصـدرك المهتـم
وقلتي لايهمونك تعـال العـب علـى متونـي
,
أنا جيتك أبوس خطاك صغيـرٍ تايـهْ محطـم
أبي كلمة وأبي ظمـة حنـان تخفـف غبونـي
,
,
على الغبراء مشيت ولا احتريت ولا بغيت أسلم
عطيت الدين للديـان وصرتـي أكبـر ديونـي

,
وبأبقى في زوايـا عمـرك الوهـاج مسترحـم
وبأثبت للحيـاة إنـك سكنتـي داخـل عيونـي

,
أبي كل البشر تدري وأبي كـل البشـر تفهـم
أبيهم يدركـون إنـك سكنتـي داخـل عيونـي
,
,
محد غيرك ولا قبلـك ولا بعـدك عليـه أنـدم
ولك ياغالية كـل الوفـاء المكنـون بجفونـي !!

[روح الورد]

من أبيات : نواف خآلد









الهمّ رفرف جناحه من خفوقـي وطـار
...........وأحزان قلبي بعد ماجيتهـا .. وينهـا ؟


الحزن ياخذ مساراتـه وهمّـي مسـار
...........لا شفتها كل ( ضيقه ) , تنتهي حينها ..


الله خلقهـا لنـا رحمـه ونعمـه ودار
...........والله خلقني لهـا معكـاز وأعينهـا ..


إي والله إنّي عليها مـن خوانـي أغـار
...........وأغار من كل شيء ايطـول يدّينهـا !


أحبها يوم ترخي عن دعاهـا الستـار
...........أنا فدى قلبها وأنـا فـدى عينهـا ..


وأحب أسوي عليها من ( حناني ) حصار
...........وأبْعّد الناس من بينـي ومـن بينهـا !


أكذب عليها وأطمّنها ومالـي خيـار !
...........الحال يازينها .. لـو كـان ياشينهـا !


مهما تعاليت فالدنيـا مقـام و وقـار
...........مايرتفع خشمي إلا ( تحت رجلينهـا )


أرخاي للراس يوم تمرّ ( هيبـه وكـار )
...........والمؤمن الحـق ! مايعقـد حجاجينهـا


يا جعلها من طويلات الصبـر والعمـار
...........وأمراضها ليتهـا فينـا ( محبينهـا ) !


أطير لاشفتها تضحك وأقول إنتصـار !
...........وأكبر هزيمه لا طاح الدمع مـن عينهـا

[روح الورد]

مآيسر البآل ويزيد انشرآحهـ
غير طاعهـ من خلق فالجسمـ روح ..

والبعـــد عمآ يسد النفس رآحهـ
في كـــــلآم الجد ولا في مزوح ..

لآزم الشدة يجي معها سماحهـ
كآن تقدر للجزآء خلكـ سمــــــوح ..

مايغثكـ غير من فـــيهم وقآحهـ
لآ بلآكـ الله بهم وانت نصــــــــوح ..

مايهم القلب لو زادت جرآحهـ
المهم اش قد تأثير الجـــــروح ..


لآ يغركـ ضحكـ من يكثر مزآحهـ
يمكن انه لا ختلى يقعد ينوح ..

شوف صدري فيهـ للضيقآت وآحهـ
رسمهآ بالعين يوضح لك وضـوح ..

مابقى للهم في قلبي مسآحهـ
كل جزء فيه بهمومي يفـــــوح ..

اتصــــــبر واطلب الله الابآحهـ
واكتمـ الآهآت ماودي ابــوح ..


مابغيت افصح واخليها نياحهـ
بس وقتي دوم بأفرآحي شحوح ..


كل صدر فيهـ للأحزآن ساحهـ
غير ساحات المسرة والفـــروح ..

بس بعض الناس بإسلوبهـ بجآحهـ
دايما تلقاهـ في هرجهـ لحـــــوح ..

أكثر العالمـ تضيق من الصرآحهـ
بس ضيقة وقت ماتبطي تــــروح ..

لا جلس وحدهـ صفق رآحهـ برآحهـ
وأيقن ان العلم مايبغى شـــــروح ..


في بحور الشعر يازين السبآحهـ
ومن خيولهـ ماحلى عسف الجموح ..

لآ كتبت الشعر ودي بالفصاحهـ
لأن شعري دايمآ قافهـ يلـــــــوح ..

[نووف]

تسلمين يآالغــــــــــــــلا
يعطيك العافيه*