منع الحطب والرعي في الدهنا

[المتحـ2007ـد]

http://www.tumaer.com/vb/mwaextraedit4/extra/72.gif

http://www.jazannews.org/newspic/80.jpg

يتم هذه الايام اخلاء الدهنا من اصحاب الماشيه ومنع الأحتطاب منها

وسيتم وضع اربع مراكز للمجاهدين في الدهنا لحمايتها وذلك لمدة اربع سنوات

وتم صرف العديد من السيارات وتجهيزها لهذه المهمه

لذا وجب التنبيه والحذر وسيتم مصادرة اي سياره تقوم بالاحتطاب

[جار القمر]

الله يقويهم اعدموها الناس بالاحتطاب الجائر

[أبـوحـمـد]

اجل بيصير الحطب فيها تهريب...

جعلهم على القوه وراح تزين الدهنا ان شاء الله عقب هالحمى..

[عرق الأرطى]

الله يقويهم بس اخاف باتسر اخوي المتحد يشفون معك كم كسرت حطب ويقلون انت حاطب
عاد ابلش معهم لاهنت اخوي .

[نسيم]

الله يبشرك بالخير احسن خبر سمعناه .
تسلم يالمتحد

[ابو مشعل]

مشكور اخوي المتحد على هالتنبيه
وماقصرت

[صاحب المعالي]

افااااا يازين التحطيب بالدهنا والله وناسه هاذاا يسحب وها ذا يكسر فله لا واذا الجو غيم الله يعين ومشكور يالمتحد على التنبيه

[المهند]

الله يبشرك بالخير ...
والله يقويهم على هالعمل الجبار ..
العرق الأول من الدهناء انعدم من كثر الاحتطاب الأخضر واليابس ..
وبإذن الله يبدأ العمل على مراحل ليصل إلى الصمان وشعبان تمير ..

على ما سمعت أنه في الخليج تم منع الرعي في الصحراء والبراري كالامارات .. لذا تجدهم قد دخلوا داخل السعودية ليزاولوا هذا الرعي ..

شكراً على هذا الخبر ياملك البراري ..

[النادر]

عساهم على القوة وياليت يجون عندنا
الشجر انعدم من هالعالم
ومشكور ياملك البراري

[ابو شادي]

الله يهديك يا لمتحد الناس تجيب العلووووم الزينة وانت جايب هالخبر الشين وين نجيب الحطب منه
طيب والسياره الي خبرك مزينها للدهناء والحطب وش اسوي فيها
ملزووووم لنا بروحه للدهنا لو مره وحده نحلل السياره

[التسعاوي]

مشكور اخوي المتحد على هالتنبيه...

[أتعبني غلاك]

والله ازين ما سوا العالم ما تخلي شي كلش تكسره الله يعطيهم العافيه عساهم على القوه
بس لو اروح اتمشى فيه عادي

[انين قلم]

منعوا الارطى بيلتفتون الناس للطلح والسدر

[الأنيق]

يسلمك ربي يالمتحد،على هالخبر.
وياليت يكون لهم في كل شعيب من شعبنا مركز.وخصوصاً الشوكي..

[جنـgن رجل~]

وانا ناوي اروح امل الهايلكس حطب الله يعطيك العافيه يالمتحد
على الخبر جعل يديك ماتمسها النار احتراااامي لك,,,

[طيرالحومه]

طيب ولذود وين نوديه يالمتحد>> مافيه ازين من شوفتها وهي بالدهناء.

[أمير بأخلاقي]

الله يعينكم بتموتون برد

[راعي الاولة]

جا دور الشد .. يالمتحد ..

احطب ولاحد داري عنك خخخخخ

[طير شلوى]

الحمايه زينه ،
بس مثل الدهناء صعب حمايتها ،، سبعه عروق وش يحمي وش يخلي ،
وبعدين خوفك يصير حاميه حراميها ،،
على العموم لاهنت على الخبريه يالمتحد والله يكتب الي فيه الخير .

[طير شلوى]

يسلمك ربي يالمتحد،على هالخبر.
وياليت يكون لهم في كل شعيب من شعبنا مركز.وخصوصاً الشوكي..
لو حطوهم صدقني يجي باكر تقولون فكونا منهم ،

[طير شلوى]

منعوا الارطى بيلتفتون الناس للطلح والسدر
كل شي الا السدر والطلح ،،
خلهم يفنون الارطى من الدهناء بس السدر والطلح ماودك احد يجيه،
شف الاعصل والشوكي العالم بدت تلتفت له .

[أبو تميم الفيصل]

الاحتطاب يمكن لكن الرعي وش الفايده من منع الرعي