إلى متى يامستشفى تمير؟

[ران]

http://www.tumaer.com/vb/mwaextraedit4/extra/01.gif


أسعد الله مساء وصباح كل رواد هذا المنتدى

طرحت هذا الموضوع لعله بعد الله سبحانه وتعالى أن يسدد ماأصوبوا إليه أو مانصبوا إليه جمعياً
سأني اليوم منظر لقد تكرر مرارا ولكن لم أتوقع أن يكون بهذه الصوره اللي يقشعر منها البدن
النظافه مطلوب في كل مكان ولكن في المستشفى تكون مطلوبه أكثر لأنه يتطلب منه العناية الشديده بالنظافه والمعقمات والمطهرات
ولكن حينما تبدل هذه الروائح لروائح كريهه أعزكم الله تضاء هنا الأضاءه الحمراء كنت في زيارة موعد للمستشفى وكثيرا ماأتردد ويسؤني الأهمال
في نظافة أستراحة لنساء فهي لحد كبير مهمله فحاوية الكتب مهمله وبها من الكتب ماهو ممزق وأوراق في رف وأوراق على كرسي ولكني قلت قد تكون
هذه الفوضى قبل مجيء بوقت قصير أخذت العذر رغم أنني لم أشاهد في أي مره عاملة النظافه تتجول في أستراحة النساء حتى لو لم يكن بها سوى واحده من الزائرات
ولكن تفاجأت في زيارتي الأخيره بأن هناك تحت الكراسي أغبره بل شعر تحت الكرسي والجدران مهمله لأبعد حد كل هذا يبقى أهون بكثير مماشاهدته دخلت أعزكم الله
دورة المياه كدت أن أختنق وكأني لست بدورة مياه مستشفى وربي يشهد على ماأقول مرحاض الحمام أعزكم الله مليء ورائحته تعج والمغسله لاأرى فيها من النظافة دليل
لدرجه أمسك المناديل لأفتح الصنبور من شدة القذرات كيف يكون هذا في مستشفى يحتاج لتعقيم مستمر لتكاثر الميكروبات والجراثيم والمصدر الأول لذلك الحمامات أعزكم الله وليس هذا فقط
فسلة النفايات الموجوده في الحمام مليئه بالقذورات وحفاظات الأطفال أجلكم الله أين العامله عن ذلك كيف لا تهتم أن تفرغ النفايات ليس كل ساعه بل كل ساعتين أليست هناك عامله خاصه
بالأستراحه حتى أنني بحثت عن عاملة نظافه ولكن وجدت ممرضه وعندما أخبرتها أشمئزت ولم تتدخل دورة المياة أكرمكم الله
هذا كلام حقيقي وكنت أريد أن أدعم موضعي بالصور ولكني راعيت مشاعر رواد المنتدى لأن القذاره العظمى في دورة المياة
إذا كان هناك من يشكك في كلامي فأن أشهد الله على ماأقول وليذهب يشاهدها
وأنا هنا أناشد إدارة المستشفى لأتخاذ إجراء لازم وضروري فهذا الحال لايسر فأصبحت دورة مياة الأستراحه أكرمكم الله أشبه بدورات المياه في المحطات
أردت مصلحة الجميع من هذا الموضوع فالصحه لاتتعوض,,,

لكم كل التحايا..

[3]

ليتك نزلت الصور يمكن يتسنعون

[جار القمر]

ان شاء يتحسن الوضع

[matab]

ادارة المستشفى ما ادري وشلون ساكتين على الموضوع

وعندي اقتراح لادارة المستشفى :
1 يوضغ ورقة في كل حمام رسميه فيها توقيع اسم عامل او عاملة النظافه

2. يحاسب العامل او العامله التي لاتقوم بواجبها من مسئول عمال النظافه

3. الورقه تكون ثابنه في الدورة اعزكم الله . (( شوفوا حمامات كودو وهرفي كيف نظيفه )) لأن العامل المناوب محاسب بتوقيع النظافه ..

4. كذا يكون كل عامل او عامله مرتبطه بتوقيع النظافه وتكون معروفه اللي ما اكملت واجبها على ما يرام .

وتقبلوا تحياتي ,,,

[مروة]

إن شاء الله إدارة المستشفى يشوفون هذا الوضع وينتبهون لعمال النظافة

[أبو تميم الفيصل]

لعل الصوت يصل الى ادارة المستشفى ويشوفون الوضع ويتعاملون به

[نخيتني وعطيتك]

انا اضم صوتي معاكم وياليت الموضوع يقتصر على الحمامات فقط ايضا امتد الوضع لغرف المرضى الذي يجب ان تكون معقمه ونظيفه لسلامة المرضى فلقد شاهدت الصراصير الصغير كثيره جدا تحديدا في غرفه تسعه منظر مقرف ومقزز وايضا عاملات النظافه لاتنظف ماتحت السرير تنظف فقط وسط الغرفه والباقي مهمل لم استطع النوم ذالك اليوم واضطريت الخروج من المستشفى دون اكمال علاجي وايضا حمامات الغرف لاتنظف فقط العاملات يسكبون الكلوركس وهي واقفه عند الباب بدون تنظيف لدرجة رائحه الكلوركس قويه فلم نستطيع التنفس فطلبت منها فاليوم الاخر بعدم وضع الكلوركس وتنظيف الحمام فلم تستجيبوايضا من ناحية الاكل فلقد وجدت في فطور الصباح النمل على الجبنه فماذا اقول يعني المطبخ افضع من الغرف هذي ليست مستشفى بل المرض كله الى متى اين المسؤالين اين المراقبين ياكلون الرواتب بدون ذمه او ضمير

[ذكرى الايام]

اشكركم اخواتي لطرح الموضوع المهم جدا

فاضم صوتي لكم بغض النظر عن كل ماذكر فهوا صحيح وازيد عليه تسيب الدكاتره بالفحص على المرضى بأي وقت بحيث انني ذهبت للمستشفى الساعه 11 وكانت الدكتوره عندها حالت ولاده والدكتور مأمون موجود في غرفة دكتور العظام وطلبت منه شخصيا بفحصي لعدم تفرغ الدكتوره فرفض بحجة انه لم يبداء دوامه بحيث يكون الساعه 12 ونص فضاقت بي الدنيا

بحيث كنت انزف وبيه دوخه وقد اخبرته بذلك ولم يهتم وعلى الفور ذهبت للإداره وشكوت لهم ذلك فبادر احد الاخوه جزاه الله خيرا بأقناع الدكتور بفحصي لكن بعد ماذا ساعه كامله من المحاولات سامحهم الله لايقدرون ارواح البشر وكأن مهنة الطب كأي مهنة أخرى أرجو حث الموظفين على الجديه ومراقبة الله في عملهم ...

التسيب موجود وبشده من قبل جميع التخصصات بحيث ننتظر الدور لساعات طوال واغلب النساء تذهب دون فحص لتأخر دخولهن لبعد الظهر فيضطررن للذهاب للمنزل ..

الى متى ونحن نعاني الا يوجد من يسمع لنا اين الذمة والضمير ...

لااقول غيرحسبي الله ونعم الوكيل في كل شخص متسيب في عمله وكل شخص لا يراعى حقوق عمله وواجبه ...

[اناوياة]

الله لا يحدنا للمستشفيات !! يتأخرون عليك بالملف وإذا سئلت الممرضة وين الملف شوي تطقك !!
والأعظم من ذا وذاك وقوف موظفي المستشفى أمام بوابة الأسعاف لا يدعون المراجعين الدخول لوقوفهم على البوابه كالحراس !!
والله تستحي وأنت جايب أهلك للمستشفى من وقوفهم أمام البوابة !! بالعامية !! إذا بغيت تدخل شوي تلمسهم !!
أمل من المسئولين في المستشفى النظر لشكوى المراجعين بكل جد دون تأخير ومحاسبه المقصرين !!
وما ودي أتدخل في شغل الإدارة !! ياليت يحطون في كل شفت مدير مناوب !! لتحدث معه في التقصير من الموظفين !!

[حـلآي مـعـذب غـيـري]

مشكوره والله يعطيك العافيه والله يحسن وضع المستشفى

[أبونواف11]

إن شاء الله يلتفتو لهذه المشكلة في أقرب وقت ويعالجوها

[فديت تمير]

الحمد الله أحد تكلم عن هذا الوضع المزري.........!!
آآملين منكم الاسستجابه وتحسين
اوضاع المستشفى والرقي به
من أجل صحه وسلآمه المرضى
ولكم من أطيب التحايا ووفقتم لما يحب الله ويرضا
...

[ران]

أشكر كل من ساهم في هذا الموضوع
والله حال صعب مره ياأخي شوفوا شكوانا والله المستشفى على حاله مايتغير
ماأقول إلا حسبي الله ونعم الوكيل..

[نسمة هوا]

مشكوررررررررررررررررره

[ناعسة الطرف]

موضوع مستهلك ولا مجيب ..!!

[نور عينك]

خخخخخخخخخ والله ياريتة على هذا بس المستشفى من اردى الى اردى وبعد ازودكم من الشعر بيت اوقات الزيارة انا خابرة الزيارة تفتح الساعه 4الى الساعه الثامنة والبعض يدخل الصباح مدري وين الحارس ولا يتعللون

الي مرافق المفروض يكون هناك ورقه للمرافق لدخول بها وخروجه وعند العودة يبرز الورقه وين راحت المرضاا وفي كل وقت دخول الزوار ولا بعد عاملات النظافه كااليوم رازات اعمارهم يدورنا شي يعني حتى عند الوجبات\

تلقهم عندك الواحد يكرهاا الوجبة وعيونهم طايرهاا هل هذا منطق وبعد العناية المركزة غير في تمير حطينهاا مفتوحه نفس الغرفه مافية شي الشاهي والفلة والسوليف من الزوار والدكاترة والضحك بين السستر والدكتور

فالينهاا والمريض باالطقاق ولا ولا الممرضة تروح باالساعات وتخلي المريض لوحدهاا واذا دورتهاا لقيتهاا في احد الغرف حقات المرضى مع خوياتة طاقه معهاا الضحك والسواليف وين حنا فيهاامو حراام والله من شي خله على ربك
والمشكلة في الاطباء مادري وش شهاداتهم هل هم اطباء ام ؟؟؟؟
شوفو حوطة سدير وشلون صارة افضل من اول والسبب الرئيسي هوا المدير

[دائما دموع]

وانا اظم صوتى لصوتك

والله ياختى لاحياة لمن تنـــــــــ:t15:ــــــادي (الله لايحدنا لهم ) الواحد يدخل المستشفى مايطلع الاجاية المرض :t85:ااااستغفر الله
ااااااااهمـــــــــــــــــــــــال شي فــــــــــــــــــــــــضيع
<حتى انا كمان عندي صور للصراصير في غرفة التنويم وكذلك لدورة المياة الصنابير متكسرة -وكرسي افرنجي اكرمك الله متكسر - و دش الاستحمام مافية ماادري ايش اسميه بس هذي صورة له
:t97:

http://www.sanliv.com/faucets/rain-shower-head-arm-a2601.jpg

تخيلو مو موجودة كيف الماء يصب لما الوحد يبغي يتروش يكسر الظهر تكسيررررررر!!!!!!!!!!>
بس حيلهم كله في الكلوركس يكبونة كب من غير تظيف ..

والعاملات..
ماتشوفها الا عند الوجبات :t75: عيونها طاير في الاكل يكرة واحد الاكل من نظرتها
او تشوفهااثناء الزيارة تمون تدخل الغرفة وفية الزوار وتوقف وتكتف ايدها وتناظر الحلويات والمعجنات وعيونها طايرة في الزوار و الله تخرع الزوار ..شي لايطــــــــــــــــاق

والعمال..
يدخلون الساعة( 2أو3) في منتصف الليل لقسم تنويم النساء وتسمع اصواتهم يسولفون وش يدخلة مااااادررري؟؟
لاحول ولاقوة الابالله

والملفات
عاد حالـــــــــــــــة ااااااخرررررررررى:82:

وحدة من قريباتي تقول:

والله اني جالسة من الساعة 8 الصبح الى 11 الظهر في الاستراحة انتظر الدكتورة عندها ولادة طيب ..
ok
ما قلنا شي ولكن ليش مايكون في دكتورة ثانية :t155:والله ان الاسترحة مليانة مراجعات والمكيف يشتغل علــ :t143: اللي راحت لبيتها واللي راحت للمركز الصحي..طيب واللى حالاتها حرجة مثل الاخت السابقة (ذكرى الايام) ايش تسوي ؟؟

اتمنى منك اختي تنزلي الصور اللى عندك
خلى الكل يشوف علشان يصدقون كلامنا
لان انتي مو اول وحدة تشتكي..
كذا موضوع يتكلم عن اهمال المستشفي بس ما فية من يسمع ..

واللي يحزن .............
لكن لو كان حفل ولا اجتماع على طول لقينا تغطيات وصور - ياليت يهتمون بالمستشفي بعدين بالحفلات والاجتماعات -من برى الله الله ومن جوى يعلم الله......

والله كثيرررررررررررررررر يتكلمون عن المستشفى وعن

التسيب الحاصل بس ناس توصل كلامه :93: الله يجزهم كل خير وناس جالسة تشتكي منهم في المجالس ...
شوفو لنا حلّّّّ!!!! من يعرف مدير المستشفى يكلمة :t169: خلوة يشوف هالموضوع والردود
والله تعبنا من اهمالهم لها المستشفى ..
احنا ما نطالب بالمستحيل بل شي من الأساسيات التى لابد ان تكون بكل مستشفى
شي يرضي الجميع ..
كل اللي يصير يسبب (المديرررررررررررر )..
وكان الله بعونا اذا كان مصير هالموضوع مثل باقي الموضيع مجرد فضفضة لااقل ولااكثر
بس ان شاء الله الامل كبير ان هالموضوع يكون اخر موضوع يشتكى من المستشفى

[نور عينك]

لا وبعد ازيدكم على طاري الزيارة وحدهاا من قريباتي ولادة الساعه 8ونص والله تقول الا بعض الاهل دخلين علية في غرفه الولادة 9 صباح ؟؟؟؟ هل يعقل ياخي حطوو حارس امن يستاهل والله عيب

[ورده موف]

صدقتي يااختي وحده من قرايبي تقول حمام استراحة النساء مقرررررررررررف مايندخل وين العاملات ؟؟؟؟؟؟
وش نقول وش نخلي اتمنى يزين حال المستشفى الى الافضل

[ابو هشه]

الله يعين
اضحك على كلام نور عينك تحسها محتررررة مرة منهم و كانها عجيز كل شوي ناقزة بسالفه حلوة تتذكر و ترجع تكتبها بمشاركة
اذا تغيرت الشركه اللي ماسكه المستشفى ضبط الوضع

[الكاتب2010]

بالنسبة لمستشفى تميرأعتقد دائما أن منسوبي هذا المستشفى يعتقدون أن هذا المستشفى مؤقت كالستشفيات المؤقته التي تقيدمها القوات المسلحة ، لإنك لا ترى في أغلبهم أنتماء لبلده وحرص واهتمام ووعي ، يجب أن يكون هاجس الجميع الرقي والأبداع من أجل عروس الربيع

[عزوز الرياض]

الله يوفق القائمين عليه
الله لا يحدنا له لمستشفيات

[عزوز الرياض]

الله يوفقه ان شاء الله

[نور عينك]

الله يعين
اضحك على كلام نور عينك تحسها محتررررة مرة منهم و كانها عجيز كل شوي ناقزة بسالفه حلوة تتذكر و ترجع تكتبها بمشاركة
اذا تغيرت الشركه اللي ماسكه المستشفى ضبط الوضع

اذا حجت ام سويد على قرونة خخخخخخخخ

[العلاقات العامة بمستشفى تمير]

بسم الله الرحمن الرحيم

نشكر لكم حرصكم واهتمامكم بمستشفى مدينتكم

ونشكر لكم انتقادكم الهادف فيما تشاهدونه من اخطاء بالمستشفى

ونحب ان نوضح اننا قمنا بعمل اصلاح الملاحظات في استراحة النساء

ودورات المياه حيث تم استدعاء عاملات النظافة لعمل التنظيف اليومي

وذلك خلال كل ساعة وكما تم توجيه التوعية الدينية بمتابعة الكتب والمنشورات

الدينية وتزويد الاستراحة بكل ماهو جديد اعتبارا من هذا اليوم ..

شاكرين ومقدرين حرصكم واهتمامكم مرة اخرى ..

[المهند]

تواصل مستمر ..
وتجاوب جميل ..

لمشكلة ومعاناة بعض الأهالي لبعض الملاحظات على مستشفى تمير ..

شكراً لمندوب المستشفى اشعارنا بما تم عمله حيال هذه المعاناة ..

يغلق الموضوع بعد تواصل إدارة المستشفى ..