الــعـــجــايب

[عهود]

كل من عاش بالدنيا يشوف العجايب=مثل ما شفت بالدنيا وشفته بأهلها
قمت أبرق وأفرق بين مخطي وصايب=مثل فرق الجبال النايفه من سهلها

والتوافيق عند الله حظوظ ووهايب=عند رب يجازي كل نفس بعملها

أشهد أن الهدوم يسترن المعايب=إثرها تستر الحرمه وتستر فحلها

الأوادم بعضهم مثل وصف الجلايب=لو توحد بها ذيب الخلا كان أكلها

كم صبي تحسب إنه عطيب الضرايب=وإن بخصته كرهت الديره اللي نزلها

ما يسر إن حضر وإن غاب ماقيل غايب=مير الأرزاق عند الله لخلقه كفلها

مايضد الضديد ولا يفيدالقرايب=يوم نفسه تعدى حدها من زعلها

وفيه رجل يحل المشكله والنشايب=كل ماحملوه الواجبات إحتملها

واقف للزوم ومرتكي للنوايب=والحمول الثقيله مالها إلاّ جملها

ليت روحه قبل تركز عليها النصايب=حط عنه أربعين من الزلايب بدلها

وفيه منهو مسالم ما يحب الطلايب=ماشتقى من رضا نفسه ولا من زعلها

وفيه منهو إلا كبرت عليك المصايب=ساق وجهه وجاهه لك ونفسه بذلها

وفيه منهو يبا الجودا فلا شك هايب=كل ما ناض صدره جاعضوده خللها

وفيه منهو يحل المعجزات الصعايب=أصغر أفعاله الجزلات محد فعلها

وفيه منهو يعيش وعيشته بالسبايب=كل ما سمع له غلطه من رفيقه نقلها

وفيه منهو على نفسه رضا بالغلايب=الله اللي رفع نفس ونفس خذلها

لو تبي تنصحه لله مجري الهبايب=أنكرك والنصيحه ردها ماقبلها

أشهد أنه عقوبه من كبار العقايب=قاصر المعرفه قلبه كما قلب بلها

مختارات عهود

[هبوب الشمال]

اختيار رائع

وقصيدة اروع


عهود انت دائما كما عهدناك

[عهود]

مرحبا بك استاذ هبوب الشمال

وشكرا لتواجدك الدائم على صفحتي

لك التقدير والاحترام

[هادي]

صدق من عاش شااف العجاااااايب

اختيااارك جميل جدااااا

مشكوووووووره



سلام

[عهود]

مرحبا بك استاذ هادي

وشكرا لمرورك العذب

تحيتي وتقديري

[توأم الجود]

اختيار موفق
وقصيدة ذات دلائل و معاني
ومشكورين على الاختيار

[راعيها]

تسلميييييييين عهووووود

قصيدة رائعة

واختيار يدل على ذائقة راقية

صح لسان القائل

وسلمت اناملك

تحياتي وصادق مودتي

[ابو متعب]

الأخت عهود تسلم يمينك على حسن اختيار الموضوع
والنقل الجيد
تحياتى

[عهود]

الله يسلمكم جميعا

الحصاد

راعيها

ابو لافي

والف شكر لمروركم العطر

تحيتي وتقديري لكم