مناشدة لبلدية تمير""~~

[عزوف]

http://www.tumaer.com/vb/mwaextraedit4/extra/110.gif




مرحبا اخوانى عندى طلب لكم يامن تسمعون كلام المواطن

نحن نعلم انكم لم تقصرو في وضع مضمار المشاة لكن ينقصة

حواجز حديدية مقابل المراجيح خوف على الابناء من

السياراتالمتهورة كما يجب وضع مطبات صناعية مقابلها

عشان الشباب الذي

اذا شاف النساء قام جاي رايح يستعرض سرعتة

اعرف البعض مو مؤيدالمضمار بس مايهم راى المعارض

ارجو ان صوتى وصل""

[matab]

السلام عليكم اختي الفاضله

النساء التي تمارس الرياضه في المضمار التي وضعته البلديه في حي الملك فهد جنوب الخالديه...... ضمن مشاريع البلديه المطوره في مدينة تمير

ونحن نعلم ان من يمارس الرياضه هم اخواتنا وبناتنا نحن اهالي تمير ويهمنا صوتكم واقتراحاتكم

ومنسوبي البلديه هم من اهالي تمير ويهمهم امركم لأنكم من اقاربهم

نتمنى من البلديه ان تهتم باصواتكم ومقترحاتكم

والف شكر لك اختي الفاضله على حرصك على اطفالك واطفالنا ......

[المهند]

بالفعل ..
ساحة المراجيح .. تحتاج اهتمام أكثر ...
سواء بصيانتها .. وقد لاحظت انكسار أحد الألعاب .. وخطورة سقوط الأطفال منها ..

أيضاً لماذا لايتم إيجاد لبّاد عن اللعب في الزحليقة .. حماية للأطفال ..

أعانكم الله .. مسؤولي البلدية ..

[غريب 2005]

العيب في ابنائنا...


الممشى كل ابوه مكسرر من قله وعي ابنائنا... لابد يكون فيه وعي من ابنائنا ثم بعد ذلك نطالب البلديه مانطالب!!

[ابو مشعل]

نشكر لك حرصك اختي مالكه القلم
وان شاء الله يصل رايك لمنسوبي البلديه الذين لن يقصروا في خدمه ابناء مدينتهم

[الموادع]

صوتك ان شاء الله وصل
وضع شباك يحمي الاطفال من خطر السيارات مهم جداً
والله ويوفق الجميع ويستر على نسائنا واطفالنا من جميع الخواطر

[ابن المملكة]

البلدية تقوم ولله الحمد كل يوم بعمل جبار من أجل تطوير مضمار المشاة وأماكن الترفيه الموجودة بجوارة
حيث أننى اشاهد ذلك بصفة يوميا
حيث تبقى دور المواطن الذى يجب عليه أن يبلغ أبنائه بأن يهتمو باللعب السليم وعدم المساس بها مما يؤدى إلى اتلفها
حيث نشاهد دائما من يقوم بالعبث بها مما يجعلها تتلف من جراء ذلك

[تولة عود]

فية عياال الله يهديهم يستعرضون اما بالتفحيط او السرعه الزايدة وبعضهم يمر وهو مشغل الاغاني الله يهدية انا مستعدة اشهر بهم ونوع سياراتهم ورقم اللوحة اذا ماتأدبو
خطر على العيال الصغار اللي يلعبون كورة عند الشارع منهم--يعني شفنا تفحيط بصالون وهايلكس غمااارة --وددسن رايح جاي مدري وش يبي

وفية نقطة ثانية ان المفروض الامهات اللي معهم بنات يعودونهم الادب وانهم مايتعدونهم والا يمشون من جهه الشارع واللي تلبس عباية المفروض ماتلعب بالمرجحية وقت مرور السيارات فقط تعويد البنت عالادب والحشمة

وامممم وش بعد اية صح الحواجز مهمممة مررررررررررررة يتعب الواحد وهو يراقب عيالة خايف عليهم من الشارع خاصة اللي توهم ماشين مايفهمون
ولو حصل كم دكة ياسلااااام

وشكر خااص لصاحبة المووضوع

[سويد السويدي]

ادعي لهم بالهدايه
والدعوة مو تهديد لو سمحتي

[فديت تمير]

الله يهـــديهم
مــووفقيــن يآآرب
..

[ابو ثابت]

نعم حماية أطفالنا اهم شيء وانا مؤيد وضع سياج جمالي على ارتفاع بسيط على الشارع ومغلق ووضع بوابه من الجهه الجنوبية لان الاطفال ينطلقون بسرعة للشارع على باله هذا ابوه

[جعبوط تميراوي]

الله يهـــديهم
مــووفقيــن يآآرب

[2006]

اختي ادعيلهم بالهداية...وترى محد درى عنكم

[عزوف]

مشكورين لمن ضم صوتهم لصوتى

وشاكرة مداخلتكم""

[2006]

الله يهدي الجميع

[أبونواف11]

كلام جميل أتمنى الأخذ به

[جن جنونه]

لاتسوووئو الظن

[وافي تمير]

السلام عليكم
الحمدالله انكم تكلمتو عن الممشاء
لااني كثير اشوف مبزره هناك وانا رايح للمزرعه
واللي يسرررع واللي يفحط مسوووي فيها قوي عند الابنات
مادري ليه .؟
واكثرهم من عيال الخالدية الا كلهم
مالقو يوقفون سيارتهم الا عند الممشا
ماأدري وش عندهم وعلى فكره ترى فيه اماكن تمشي فيها كثير
مثل تميريه ومثل الشارع الجديد اللي يودي للمقبرة بعد الممشا
ومخططات المستشفى يقدر الواحد يمشي فيها بس ماأدري وش عندهم
على الممشا.....
انا ودي الا امنيتي يجي احد ويفحط وامي تمشي في الممشا
يمين بالله لأسلخ ظهر واخليه يتأدب اذا ماأدبه ابوه..


ـالـــــــــى اللقـــــــــــــــــــــاء

[20]

حريم ما لقو لهم حاجه الا سردادي مردادي للممشى كل يوم ناطين فيه تقولون ما عندهن بيوت ولا رجاجيل تقولون حديقه مهيب ممشى

قال تعالى((وقرن في بيوتكن ولا تبرجن تبرج الجاهليه الاولى))

الله يهديهن بس الي تخاف على بزرانها تشتري لها زحليقه او مرجيحه في بيتها وترتاح وشوله هالصجه كلها و الي تبي الجمعه والوناسه تعزم في دارها وقضينا

وصلى الله وسلم على نبينا محمد

[المبارك التميمي]

الحمد لله هم ماحطوه الا للي يبي يرووح

والي مايبي يرووح يقعد في دااااااااااااااره مهوب يحتسي ويقول لاتروحون لاتروحون ..

الناس مهوب سوااااااااااااا ..

وهلي يبترمون ويفحطون عااد مانقول الا الله يهاديهم وبس ..

والسلام ختاااااااااااااااااااااااااااااااااام ..

.........................

[ابو هشه]

طريق المشاة زين فيه مفاسد و فيه محاسن
لكن اجازة الاسبوع اللي بوسط الترم الصراحه انقلب .... مايحتاج اقول وش انقلب
و الى امس الخميس الساعه 1 بالليل و اللي فيه شباب قدام البيوت مع العلم اني من اهل الرياض لكن الشباب تارك الجهه الي مافيها بيوت وقارب من البيووت صاحب البيت له حق انه يخاف على بيته و اهله

[مصرقعهـ بقوهـ]

انا اضم صوتي لـختي مالكه
بس العيب مو منا يالحريم العيب من اللي يمرمرون علينا
اذا شافوا سواده تمشي لااله الا الله تقول شارع تحليه يعني وش يحسون به

الله يهديهم بس ويصلحهم
مشكوره اختي ع حرصك

تقبلي مروري~.

[همي ولدي]

الصرااااحه الشباااب مايطااالعون بالوحده الا اذا كانت غير محتشمه استري نفسك ولا يطااالعونك الحق ينقااال والصراااحه ماينزعل منها اختكم

[جنـgن رجل~]

الحين البنت تطالب بوضع حواجز وانتم فتحتو سالفه الشباب الشباب
وش يبون يمرون اصلا مالقيتو سالفه يعني بس اقتراحك اعجبني ياليت ينفذوة
بيطلع شي والله وما اقول الا الله يهدي الميع,,

[سمو الأمير]

عيالنا شر مافيه شي يصلح لهم

[عزوف]

مشكورين على مداخلاتكم

دمتم""

[الهديبيه]

انا مع الاخت في كلامها واوصي اخواتي بالستر والحشمه ستري نفسك وبناتك اذا رحتي للممشى وشبابنا الله يهديهم الفراغ مالقولهم حاجه مغير يستعرضون سياراتهم

[كلي طيب]

الممشى ماله داعي الا كله خراب وفساد يعني ضاقت الاماكن يوم الحريم يتجمعون فيه عشان زحليقه ومرجيحه اللي يشوفوهم يقول رايحين لملاهي..
احنا ساكنين قريب من الممشى وبصراحه الوضع مو عاجبنا تفحيط وهبال وماجاء هذا الا من هبال الحريم وتزاحمهم في هالمكان وسياره المطعم رايحه جايه تجيب لهم العشاء ..
اتمنى من البنات الستر وعدم الاكثار من الطلعه له والا يمنعون منه مره وحده أحسن ويتعازمون في بيوتهم ويحمدون ربهم..

[2006]

مضمار المشاه ليس محدد للنساء والبلديه لم تضع لوحات ارشاديه انها لهم والي خايف على حريمه واطفاله فيه مكان مخصص للنساء في دكات التميريه
والي مو عاجبه كلامي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[ضحية هواك]

الممشى ماله داعي الا كله خراب وفساد يعني ضاقت الاماكن يوم الحريم يتجمعون فيه عشان زحليقه ومرجيحه اللي يشوفوهم يقول رايحين لملاهي..
احنا ساكنين قريب من الممشى وبصراحه الوضع مو عاجبنا تفحيط وهبال وماجاء هذا الا من هبال الحريم وتزاحمهم في هالمكان وسياره المطعم رايحه جايه تجيب لهم العشاء ..
اتمنى من البنات الستر وعدم الاكثار من الطلعه له والا يمنعون منه مره وحده أحسن ويتعازمون في بيوتهم ويحمدون ربهم..


يا اختي الممشاء حطوه حتى نغير الجو بدل الجلسه فالبيت وكاتغيير للروتين
اوما مسألة خراب وفساد اسمحي لي بالغتي فيها يعني انتي شايفه بنت وولد يرقم وراها يومك تقولين خراب
والحمدالله كل وحده تشوف ثمره تربيتها في بناتها هو معاك حق في مراهقات
يستعرضون العبايات ويلعبون وفيه شباب يسوي فيها انا الولد السريع شوفوني
بس وش بيدنا غير ان نطلب لهم الهدايه ..

اتمنى تقبل رائي بصدر رحب والسموحه لو اخطيت في شي .....

[*نجمة تمير*]

الممشى ماله داعي الا كله خراب وفساد يعني ضاقت الاماكن يوم الحريم يتجمعون فيه عشان زحليقه ومرجيحه اللي يشوفوهم يقول رايحين لملاهي..
احنا ساكنين قريب من الممشى وبصراحه الوضع مو عاجبنا تفحيط وهبال وماجاء هذا الا من هبال الحريم وتزاحمهم في هالمكان وسياره المطعم رايحه جايه تجيب لهم العشاء ..
اتمنى من البنات الستر وعدم الاكثار من الطلعه له والا يمنعون منه مره وحده أحسن ويتعازمون في بيوتهم ويحمدون ربهم..


أنآ ضد كلآمك مع العذر أختي الممشى وضع للترفيه وتغيير الجو والبيت ملينآ منه وأذآ أجتمعنآ الحريم يسولفون وهآ البزرآن يآكلونهآ

خليهم يآخذون رآحتهم ويلعبون وينفهون عن أنفسهم

أمآ بآالنسبه للشبآب الله يهديهم من جد يضآيقون الوآحد مآ يخلونآ نآخذ رآحتنآ نطآلب البلديه الله يحفظهم بأستعجآل السآتر ع الشآرع

دمتم بسعآده ورضآ

كل الشكر لـ صآحبه الموضوع ع أهتمآمهآ

[2006]

أنآ ضد كلآمك مع العذر أختي الممشى وضع للترفيه وتغيير الجو والبيت ملينآ منه وأذآ أجتمعنآ الحريم يسولفون وهآ البزرآن يآكلونهآ


خليهم يآخذون رآحتهم ويلعبون وينفهون عن أنفسهم

أمآ بآالنسبه للشبآب الله يهديهم من جد يضآيقون الوآحد مآ يخلونآ نآخذ رآحتنآ نطآلب البلديه الله يحفظهم بأستعجآل السآتر ع الشآرع

دمتم بسعآده ورضآ


كل الشكر لـ صآحبه الموضوع ع أهتمآمهآ

اختي الممشى وضع لممارسه الرياضه وللشباب ايضا لهم حق فيه ماوضع للشاهي والقهوه وغيرها اما بالنسبه للترفيه فهو وضع لاجل الاطفال وليس للنساء
كلامي واضح

[حلم عمري]

اختي الممشى وضع لممارسه الرياضه وللشباب ايضا لهم حق فيه ماوضع للشاهي والقهوه وغيرها اما بالنسبه للترفيه فهو وضع لاجل الاطفال وليس للنساء
كلامي واضح


صح كلامك الممشى للجميع بس وشوله حاطين المظلات الا للجمعه وشرب الشاهي والقهوه ونغير الجو !!

[2006]

صح كلامك الممشى للجميع بس وشوله حاطين المظلات الا للجمعه وشرب الشاهي والقهوه ونغير الجو !!المظلات موضوعه للأستراحه وانتم مابقيتوا شي .للشباب

[ابوخليــــل]

الله يهديهم ان شاء الله

[حلم عمري]

المظلات موضوعه للأستراحه وانتم مابقيتوا شي .للشباب


الشباب يقدرون يمشون ويستريحون على الكراسي وعندهم الدكات الي في تميريه

اما المظلات اغلب الي يجلسون فيها حريم ومعهم بزارينهم

يعني ماتوقع فيه شاب يرضى يجلس عند حريم هو وربعه !!

[Dr.google]

السلام عليكم
أنا أضم صوتي لصوتك ملكة القلم . . . وبقوة . . . وأشكرك على اهتمامك .
وبما أن النقاش أخذ منحى آخر فحبيت أن أعبر عن رأيي . . .
نحن نعلم ما تعانيه النساء في البيوت من تعب وعمل شاق وروتين يومي ممل ولا أحد ينكر ذلك , فلا يجب أن نبخل عليهم بوقت قليل من الوناسه هي وأبناءها ولو مرة واحدة في الأسبوع .
وإذا ما فيه كشته عائلية . . . ما عندهم في هالديرة إلا هالممشى
والصراحة ما تنلام الحريم وعيالهم لو راحوا للممشى منها يغيرون الجو ويغيرون الروتين ومنها يلعبون عيالهم في المراجيح – حتى لو كان البيت فيه مراجيح تغيير المكان يغير كل شيء- ولأنه ما فيه بديل عن الممشى . . .
أنا معكم أن الحرمة مكانها البيت لكن تغيير الجو مهم لكل شخص - وما زاد عن حده انقلب ضده- , وأيضاً نؤكد عدم ترك البنات يروحون للممشى لوحدهم ومراقبتهم من قبل الأم .
وموقع المراجيح غير مهيأ للشباب مراجيح وجلسات عائلية .
اختلاف الرأي لا يفسد للود قضية
شاكر ومقدر

[الدلع فن]

السلام عليكم ورحمه الله وبركاته
اشكرا كل الذين كتبوا في هذا الموضوع
وان البلديه حريصه كل الحرص على راحه اهل تمير في كل الاماكن
وسوف تقوم ان شاء الله بعمل المطلوب في اقرب وقت ممكن
بس يوجد لدي ملاحظه على شباب تمير من حيث العبث في ممر المشاء 0

[2006]

السلام عليكم ورحمه الله وبركاته
اشكرا كل الذين كتبوا في هذا الموضوع
وان البلديه حريصه كل الحرص على راحه اهل تمير في كل الاماكن
وسوف تقوم ان شاء الله بعمل المطلوب في اقرب وقت ممكن
بس يوجد لدي ملاحظه على شباب تمير من حيث العبث في ممر المشاء 0صحيح صحيح انا رأيت بعض الشباب بالامس يكسرون الامبات في الممشى بالرجم بالاحجار والاعبث بالكراسي وللأمانه هم ليسوا من شباب تمير وانما هم من المقيمين في تمير
وشباب تمير ليسوا بهذي العقليه لكي يعبثون ففي ممتلكات المدينه
والله على ماقول شهيد
مشكور الدلع فن على الحرص

[بروق الامل]

الله يهدي الجميع

[نصراويه بنكهه عالميه]

الله يعين , صوتك وصل ان شاء الله ,,

[قالب ثلج]

ياسلام لو يحطون كشك يبيعون فيه ذره