أحوال الضبان, في أرض الصمان , وفيديو يقطع المصران 5/6/1431هـ

[المهند]

http://www.up-tumaer.net/up//uploads/images/tumaer-4a5b00017e.gif

في الاسبوع الماضي الموافق 5/6/1431ه كان لنا زيارة إلى البلاد والأراضي الحبيبة ... والتي تأخرنا عن زيارتها لأنها لم تلبس حُلة الربيع إلا في ماندر من جهاتها ..
ألا وهي أرض الصمان ... كانت الانطلاقة عبر الطريق الجديد .. تمير .. الشحمة .. القاعية .. الأرطاوية .. أم رقيبة .. من يوم الاربعاء حيث نزلنا مع الردمية المتجهه لفياض الحصبيات .. ووجدنا خمسة عشرة ضب كانت كفيلة لأن تُعشينا مساء تلك الليلة ..
في الصباح الباكر توجهنا إلى العودة وأم صحن .. وأخواتهن وردائفهن .. وكأن القوم ماكانوا إلا من بعض شجيرات الثيل الخضراء .. وبعض وريقات النفل المقاومة ..
كان الوقوف للغداء في روضة أم الطين .. ومع هذا الوقوف تم العثور على الكاميرا بين أكوام العفش اللي معي فبدأ الفلم والاخراج ..

** الوقوف في أم الطين .. ونظرة عامة ..

http://m5awitumair.com/upload/uploaded/10_01274528393.jpg

** اختيار مكان معزول في طرف الفيضة .. طمعاً في بعض الهواء ..ولو كان سموماً ..!!


http://m5awitumair.com/upload/uploaded/10_21274526347.jpg

** ثم تم طربلة الموقع المُعد للجلسة .. حماية من تسلط أشعة الشمس الحارة..

http://m5awitumair.com/upload/uploaded/10_11274526362.jpg

** نسناس الهواء الحار يداعب قطرات العرق المتدفقة .. فيصبح الناتج = هواء بارد عليل ..

http://m5awitumair.com/upload/uploaded/10_21274526362.jpg

** تم عزل الضبان الهرافى .. لحجزهن لوجبة الغداء في هذا الشبك ..

http://m5awitumair.com/upload/uploaded/10_01274526362.jpg

** وكانت الحصيلة في "طاقية فليشة" الخيشة الخضراء لابأس بها ..

http://m5awitumair.com/upload/uploaded/10_11274526163.jpg

** ثم بدأ الذبح والسلخ ...

http://m5awitumair.com/upload/uploaded/10_21274526163.jpg

** وتم تجريدهن من ملابسهن .. ومراعاة لشعور البعض سأكتفي بالقليل من الصور.. !!

http://m5awitumair.com/upload/uploaded/10_11274527540.jpg

** أما عن السمنة فلا تسل .. خصوصاً ماكان ساكناً بجوار ربيع الحصبيات ..

http://m5awitumair.com/upload/uploaded/10_01274526347.jpg

** فكان كما قيل ... السلايق طالعة مع أرقابهن ..ولا أدل من هذه ..!!

http://m5awitumair.com/upload/uploaded/10_21274527540.jpg

** أما عن حال العكر ... فقد تم نقلهن للشاخوف الناري .. لتعذيبهن به ..

http://m5awitumair.com/upload/uploaded/10_01274526163.jpg

** يتم شواء الذرة ... وحسحسة عكرهن بهذه الطريقة .. !!

http://m5awitumair.com/upload/uploaded/10_01274527540.jpg

** ثم إلى قدر الضغط ... الذي يخرج اللحم من العظام ..

http://m5awitumair.com/upload/uploaded/10_11274526347.jpg

** يتم وضع بعض السلايق أو الثروب أو الخلوف مع الرز .. مع قطعة من الزبدة لتنثر الرز نثرا..

http://m5awitumair.com/upload/uploaded/10_21274528393.jpg

** تفضلوا يارجال ... حياكم ... ألقط البيضة ..!!

http://m5awitumair.com/upload/uploaded/10_01274528424.jpg

** نكمل المشوار .. لنبحث عن موقع شرب الشاي .. ولنجد الثيل منتشراً في بعض الريضان ..

http://m5awitumair.com/upload/uploaded/10_11274528424.jpg

** نبات الثيل وجدناه مرقعاً في بعض الفياض رقعاً ليست بالكبيرة ..

http://m5awitumair.com/upload/uploaded/10_11274528495.jpg

** اختيار صلوعقة .. مبلطة بالسراميك .. لمسامرة ذعاذيع هبايب نجد الليلية ..

http://m5awitumair.com/upload/uploaded/10_01274550569.jpg

** وما يمنع تجهيز مشوي السمان .. كعشاء خفيف ..

http://m5awitumair.com/upload/uploaded/10_11274528442.jpg

** بهذه المكينة الكهربائية المختصرة ..تم الشواء.. لنهنأ بعشاء لذيذ بحمد الله وشكره ...

http://m5awitumair.com/upload/uploaded/10_21274528442.jpg

** في الصباح الباكر من يوم الجمعة .. تجهيز الافطار ..

http://m5awitumair.com/upload/uploaded/10_01274528471.jpg

** ومن أراد التمرق فليتمرق من مرقة الخضار ..

http://m5awitumair.com/upload/uploaded/10_11274528471.jpg

** وجبة كودو .. أو صدور الدجاج ...

http://m5awitumair.com/upload/uploaded/10_21274528471.jpg

** حمسة صدرية على التاوه الاستيلية ..

http://m5awitumair.com/upload/uploaded/10_01274528495.jpg

** الانطلاق نحو المعركة الثانية .. لمطاردة الضبان .. وحركات قديمة من الضبان .. يسوي نفسه ميت ..

http://m5awitumair.com/upload/uploaded/10_01274528513.jpg

** تم حجز منزله .. بعد سكوته .. تابع الفيديو لتستمتع أكثر وأكثر عن هذه الطريقة المهندية ..!!

http://m5awitumair.com/upload/uploaded/10_21274528424.jpg

** أشجار الموز .. تكثر كل ما اقتربنا من جهات فياض الحاج وأم دغيم .. نظراً لقلة الربيع ..

http://m5awitumair.com/upload/uploaded/10_11274593693.jpg

** مدري هو راقي على شان الخيشة .. أو على شان أوراق السدر ...

http://m5awitumair.com/upload/uploaded/10_01274593693.jpg

** شجرة موز ثانية .. قد نزل منها الأول الأيمن .. وبقي الأيسر حتى تم القبض عليه .!!

http://m5awitumair.com/upload/uploaded/10_21274528495.jpg

** قد تتعرض لمشاكل في الرحلات البرية .. وهنا آثار الهواء الخارج من الكفر قد اتضحت في الأرض...

http://m5awitumair.com/upload/uploaded/10_11274528513.jpg

** ولكن لرقعة التيوبلس .. فضلاً كبيراً بعد الله ..فقد تم التعامل مع المشكلة في خلال دقيقتين ..

http://m5awitumair.com/upload/uploaded/10_21274528513.jpg

** الوصول إلى التنهات .. ولازالت تقاوم حرارة الصيف ..

http://m5awitumair.com/upload/uploaded/10_01274528539.jpg

** اختيار موقع مناسب .. وتجهيزه بالمظلات ...

http://m5awitumair.com/upload/uploaded/10_21274528539.jpg

** حصيلة طيبة .. لإحدى السيارات..

http://m5awitumair.com/upload/uploaded/10_01274528563.jpg

** موقع الكشتة ..

http://m5awitumair.com/upload/uploaded/10_11274528563.jpg

** كم تحلو السباحة والخوض في مياه السيل .. بعد عناء يومين ..

http://m5awitumair.com/upload/uploaded/10_21274528563.jpg

** مرة ثانية للغداء .. ولا أحد يشوف طراف الأصابع ..!!

http://m5awitumair.com/upload/uploaded/10_01274528587.jpg

** نثرية منتثرة .. تزينها حلقات البصل .. وعصائر الليمون .. وأكواب المرق ..

http://m5awitumair.com/upload/uploaded/10_11274528587.jpg

** تم اطلاقهن في السور .. ليأخذ كلاً نصيبه .. ولاهداءها لمن يريد .. فلقد اعتاد الكثير هدايا سنوية غالية على قلبه ..

http://m5awitumair.com/upload/uploaded/10_21274528587.jpg

*******************

من الكشتة .. :
** الكشتة في الصيف .. ليست كما هي في الشتاء .. فيجب التزود من الماء والثلج ..
** ولله الحمد لم نصطد ضباً واحداً بالسلاح .. وللأسف واجهنا كثير من ضحايا هذه الأسلحة وقد أصابته شظيه إما في يده .. أو في ظهره .. فمن هنا أدعو الاخوة إلى عدم الصيد بالسلاح .. لما فيه من الضرر الكبير على البيئة الضبانية ..
** تعرضت إحدى السيارات لانسلاخ كفرين .. جديدين بمنظرهما .. قديمين في تاريخهما على خط الصمان .. فتم التوجه إلى محطة الدوار فوجدنا الكفر بـ 750 ريال فلاحرج في ذلك لأن مصائب قوماً عند قوم فوائد .. ثم تم التوجه إلى حفر العتش التي لاتبعد سوى عشرة كيلومترات لنجد الكفر بـ 600 ريال ومن نوع يوكاهاما .. فتم حل المشكلة .. وهنا دعوة أخرى إلى صيانة السيارة من كفرات وسيور .. وبطارية .. وعدم الكشتة بسيارة واحدة .. حفظ الله الجميع ..

** هنا ثلاث مقاطع مجتمعة في مقطع لايتجاوز الدقيقتين .. للطريقة المهندية لصيد الضبان المجحرية >>> ضرورة شعرية ..
تابعوا واستمتعوا ... وما يمنع تستفيدوا .. إنما يمنع مشاهدة الأطفال وأصحاب القلوب الحساسة ..

http://m5awitumair.com/thban.rm

للتحميل (http://m5awitumair.com/thban.rm)

للجوال (http://m5awitumair.com/thban.3gp)

</B></I>



** في الختام ..
أشكر لكم متابعتكم ...
وتقبلوا أحلى التحايا ..
من أخيكم ..
المهند
تمير
9 / 6 / 1431ه
لاتنسوا التقييم والنجوم:t24:

</B></I>

[فتى السويدي]

مشكووووور اخوي المهند على الصور الرئعه ويعطيك العاااافية وبيض الله وجهك ولا تحرمناا من جديدك والله الغدا كبسة وتكلون بلعااافيه

[روح الورد]

ماشاءالله تبارك الله

رحله ممتعه استمتعت بصور والتقرير الرائع

اعجبني الضبان الي بسور شكلكم ماخليتم شي في البريه

المهند الأبداع بحقك قليل

تستاهل التقييم

احترامي

[المتحـ2007ـد]

:t32::t32::t32::t32::t32::t32::t32::t32::t32::t32: :t32::t32:

تمزعت من الضحك على هالمقطع يا المهند :t32::t32::t32:

ما شاء الله مربعه هالضباااان مهوب مثل الصياهد ملزومين ناكل البيض

ما لقيناه هالسنه

موضوووووع رااائع ويستحق التقيم والنجوووووم

كل الشكر لك على هذا الطرح المميز اللي ما يجي الا من المميزين شرواك

والله يعطيك العافيه والحمد لله على السلامه

وشكرا على النصائح المهمه في الكشته الصيفيه

[TUMAER 2010]

تقرير متعوب عليه

بصراحة ممتع ورائع يا المهند

وتم التحميل للجوال يا بعدهم

[أبـوحـمـد]

الله يعينك بتلاقي الضبان راقيه السطح يالمهند!!

ما شاء الله عليك تقرير جميل ورائع والفديو محليه زود..

بس بيني وبينك حررررروهبايب تشوي الواحد والضب ما طلع فوق شجره الموز عبث!!..

بس من الي بياكلهن عقب نعالك هههههههه

تستاهل التقييم والنجوم..

تحياتي لك..

[المهند]

مشكووووور اخوي المهند على الصور الرئعه ويعطيك العاااافية وبيض الله وجهك ولا تحرمناا من جديدك والله الغدا كبسة وتكلون بلعااافيه
العفو ...
والله يعطيك العافية أخوي الطربوش .. شاكر لك حضورك ..
تستحق التقييم لمرورك ..

[المهند]

:t32::t32::t32::t32::t32::t32::t32::t32::t32::t32: :t32::t32:

تمزعت من الضحك على هالمقطع يا المهند :t32::t32::t32:

ما شاء الله مربعه هالضباااان مهوب مثل الصياهد ملزومين ناكل البيض

ما لقيناه هالسنه

موضوووووع رااائع ويستحق التقيم والنجوووووم

كل الشكر لك على هذا الطرح المميز اللي ما يجي الا من المميزين شرواك

والله يعطيك العافيه والحمد لله على السلامه

وشكرا على النصائح المهمه في الكشته الصيفيه
الله يوسع صدورنا بالعافية .. يالمتحد .. وشوي شوي لايتقطع ذا اللي معك ..
ولا يفوتك ضبان الحصبيات ... حليله .. وسمينة .. خصوصاً اللي حول الربيع ..
عافاك ربي على الحضور ..
وتستحق التقييم لمرورك الكريم ...

[المهند]

ماشاءالله تبارك الله

رحله ممتعه استمتعت بصور والتقرير الرائع

اعجبني الضبان الي بسور شكلكم ماخليتم شي في البريه

المهند الأبداع بحقك قليل

تستاهل التقييم

احترامي
الضبان اللي في السور ... ورطنا بتجميعها .. يالله نستفزع باللي حولنا ..
تستحقين التقييم للحضور الجميل ...

[صاحب المعالي]

ما شالله باين انها شبعانه مشكور على الصور

[المهند]

تقرير متعوب عليه

بصراحة ممتع ورائع يا المهند

وتم التحميل للجوال يا بعدهم

مرحباً بك أخوي تمير 2010 ..
وانتبه تنشر المقطع وتفشلنا << أكتر من كده إيه ..

شكراً لحضورك .. وتستحق التقييم إذا فتحوا المجال مرة أخرى ..

[ام منى]

ماشاء الله تبارك الله..
يعطيك العافيه ع الصور ومقطع الفديو بصراحه ابداع..
الشكرلك ومخاوي تمير ع الاخراج الجميل..
واحلى تقييم..

[المهند]

الله يعينك بتلاقي الضبان راقيه السطح يالمهند!!

ما شاء الله عليك تقرير جميل ورائع والفديو محليه زود..

بس بيني وبينك حررررروهبايب تشوي الواحد والضب ما طلع فوق شجره الموز عبث!!..

بس من الي بياكلهن عقب نعالك هههههههه

تستاهل التقييم والنجوم..

تحياتي لك..
مشكور على التقييم أخوي أبوحمد ..
بالنسبة للضبان انطلق واحد في وسط البيت وحتى كتابة هذا الرد لم يتم العثور عليه حياً أو ميتاً ..
والله يجيب العواقب سليمة ..
أما عن الحر والشموس فلا تسأل .. الضب يدخل بيته دقيقة ثم يجيك راجع من الحر اللي فيه ..
وحزوز الغالوقة في الرقبة بينه من الحر .. وش نسوي .. مبطين عن هالأجواء الجميلة ..
تسلم على المرور ..

[سُلاَفْ القَصِيدْ]

مآشآء الله تبآرك الله
كشته كامله مكمله الله لآيضركم
الكشته كوم واللي بالسور كوم ثآني
خفت وانا من ورى الشآشه
بس شكل طبخكم روعه مآشآء الله
شكلي بجرب اصيده وآكله :t24:
مشكور على المقطع والله شوي وأموت من الضحك ياليته طول شوي
يعطيك العاافيه يآرب على التقرير
والله لايفرقكم ويجمعكم على طاعته
وتستآهل التقييم

[طير شلوى]

وين هالتقرير قصرنا نحتريه يالمهند ،،
تقرير رائع من شخصكم الرائع ،،
وماشاء الله عليكم في الفديو كنكم باردين شوي وانتم تصيدون !!
ماهوب حنا قلبه قلبه ولادسوس ولا شي ،،
ماغير الحقه لين تخبط عليه وهو في يديك اما خبطت على ركبك وانشق سروالك بعد خخخخخخ ،،
لاهنت وتستاهل التقييم بجدارة

[فتى الديرة]

ماشاء الله تبارك الله
يعطيك الف عافيه يالمهند على الصور ومقطع الفديو
ولاهنت وبيض الله وجهك
وتستاهل التقييم

[أبو تميم الفيصل]

بارك الله فيك يالمهند على التقرير الرائع والله يكون في عونكم على هالحر يقطع الجلد
اما مقطع الفديو قمة في الابداع

[جنـgن رجل~]

ماشاء الله تبارك الله ياخوي المهند دايم تقريرك رائع من شخص اروع
وهالضبان والله كايفه والطلعه الحلوه ماشاء الله
تشكرااات لك على التقرير احتراااامي

[كنـق تمير]

عز الله ماقصرتوا

بس خل عنك طلعة ولا في الخيال

ههههههههههههههههههههههههههههههههههههه

اما المقطع كلام ثاني

والله ضحكت لين تمزع بطني

هههههههههههههههه

[جار القمر]

ماشاء الله عليك يالمهند
وياسعد من يخاويك http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)
بس تقريرك اليوم غير http://www.htoof.com/vb/images/smilies/99.gif (http://forum.arjwan.com/t76398.html)http://www.htoof.com/vb/images/smilies/3.gif (http://forum.arjwan.com/t76398.html)

http://m5awitumair.com/upload/uploaded/10_01274526362.jpg

ماشاء الله مربربه وعكر مبترمه

http://m5awitumair.com/upload/uploaded/10_01274526362.jpg

http://m5awitumair.com/upload/uploaded/10_21274528495.jpg

حرااااام عليكم حتى حياهم الزوجيه ما خلتوهم يستمتعون بها http://www.htoof.com/vb/images/smilies/148.gif (http://forum.arjwan.com/t76398.html)http://www.htoof.com/vb/images/smilies/64.png (http://forum.arjwan.com/t76398.html)http://www.htoof.com/vb/images/smilies/115.gif (http://forum.arjwan.com/t76398.html)

http://m5awitumair.com/upload/uploaded/10_01274593693.jpg

من لهيب الارض يحاول يرتفع شوي بس يازين لهيب الارض عند لهيب الشاخوف

http://m5awitumair.com/upload/uploaded/10_21274528587.jpg

اما هذي ليتك ماطلعتها صارت مثل الشق في ...... خربت كلش
اما الفيديو فهو والله يقطع القلوب مهوب المصران
مرة من المرات سوينا الطريقه هذي وحطيت نعلتي وجلست انتظره وراحو الاخوان يلحقونه
تصدق وانا اشوفه مقبل يمشي طبلونه يبي الامن في بيته ذكرت اخوانا في فلسطين وافغانستان ورحمته وشلت انعله وخليته يدخل http://www.htoof.com/vb/images/smilies/63.png (http://forum.arjwan.com/t76398.html)
تهانينا لك يالمهند وتستاهل التقييم http://www.htoof.com/vb/images/smilies/115.gif (http://forum.arjwan.com/t76398.html)

[احلام وردية]

يعطيكم العافية
تقرير جميل ما قصرت

[المهند]

ما شالله باين انها شبعانه مشكور على الصور
أن تقول أنها شبعانة ..
الشحم خطر انه يتفزر مع جنوبهن ياصاحب المعالي ..
العفو .. وشاكر لك حضورك ..

[المهند]

ماشاء الله تبارك الله..
يعطيك العافيه ع الصور ومقطع الفديو بصراحه ابداع..
الشكرلك ومخاوي تمير ع الاخراج الجميل..
واحلى تقييم..
الله يعافيك أختي أم منى ..
شاكر لك حضورك ..
ومخاوي تمير وأعماله تجعل الشخص يقدم الجديد والجديد ..
كل الشكر على التقييم والحضور ..

[المهند]

مآشآء الله تبآرك الله

كشته كامله مكمله الله لآيضركم
الكشته كوم واللي بالسور كوم ثآني
خفت وانا من ورى الشآشه
بس شكل طبخكم روعه مآشآء الله
شكلي بجرب اصيده وآكله :t24:
مشكور على المقطع والله شوي وأموت من الضحك ياليته طول شوي
يعطيك العاافيه يآرب على التقرير
والله لايفرقكم ويجمعكم على طاعته

وتستآهل التقييم

الله يعافيك أختي الراقية ..
لو فيه مسابقة أفضل طبخة هاليومين .. إن كان على المضمون .. لأن الكبسة على مرقة الضبان شيء ثان ..

كل الشكر على مرورك وتقييمك ..

[المهند]

وين هالتقرير قصرنا نحتريه يالمهند ،،
تقرير رائع من شخصكم الرائع ،،
وماشاء الله عليكم في الفديو كنكم باردين شوي وانتم تصيدون !!
ماهوب حنا قلبه قلبه ولادسوس ولا شي ،،
ماغير الحقه لين تخبط عليه وهو في يديك اما خبطت على ركبك وانشق سروالك بعد خخخخخخ ،،
لاهنت وتستاهل التقييم بجدارة
هلا بك أخوي أبوعلي ..
وش نسوي الدعوة فيها فيديو وإخراج وتدوير تفحيط ..!!
وحنا نلعب على الخبرة في ملاحق الضبان .. يعني اللي وده يجي يجي .. واللي ماوده يجي بصره ..
أما المداس لايفوتك شيء ثاني .. لاتمخيش ولا تقطيع يدين ..
يريحك عسى من صنعه للجنة ..
كل الشكر على المرور والحضوروالتقييم ..

[المهند]

ماشاء الله تبارك الله
يعطيك الف عافيه يالمهند على الصور ومقطع الفديو
ولاهنت وبيض الله وجهك
وتستاهل التقييم
الله يعافيك يافتى الديرة ..
شاكر لك هالحضور وهالمرور وتسجيل الاعجاب ..
وإن شاء الله نكون عند حسن الظن ..
لاهنت على التقييم ..

[المهند]

بارك الله فيك يالمهند على التقرير الرائع والله يكون في عونكم على هالحر يقطع الجلد
اما مقطع الفديو قمة في الابداع
الله يبارك فيك يا أبوتميم ..
والله ياجان حر يوم الخميس قعدنا نلاحق الترمس ملاحق ..
شكراً لحضورك .. ولاهنت ..

[المهند]

ماشاء الله تبارك الله ياخوي المهند دايم تقريرك رائع من شخص اروع
وهالضبان والله كايفه والطلعه الحلوه ماشاء الله
تشكرااات لك على التقرير احتراااامي
مرحباً لك أخوي دحوم ...
حضورك ومتابعتك الدائمة تجبرنا على تقديم الكثير والجميل ..
العفو ولاهنت على المداخلة ..

[المهند]

عز الله ماقصرتوا

بس خل عنك طلعة ولا في الخيال

ههههههههههههههههههههههههههههههههههههه

اما المقطع كلام ثاني

والله ضحكت لين تمزع بطني

هههههههههههههههه
بسم الله على بطنك ...
قايل لك لايشاهدها أصحاب البطون المتمزعة .. بس حقك وماجاك ..
شكراً لهالمرور ...
ولاهنت..

[المهند]

ماشاء الله عليك يالمهند
وياسعد من يخاويك http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)
بس تقريرك اليوم غير http://www.htoof.com/vb/images/smilies/99.gif (http://forum.arjwan.com/t76398.html)http://www.htoof.com/vb/images/smilies/3.gif (http://forum.arjwan.com/t76398.html)

http://m5awitumair.com/upload/uploaded/10_01274526362.jpg

ماشاء الله مربربه وعكر مبترمه

http://m5awitumair.com/upload/uploaded/10_01274526362.jpg

http://m5awitumair.com/upload/uploaded/10_21274528495.jpg

حرااااام عليكم حتى حياهم الزوجيه ما خلتوهم يستمتعون بها http://www.htoof.com/vb/images/smilies/148.gif (http://forum.arjwan.com/t76398.html)http://www.htoof.com/vb/images/smilies/64.png (http://forum.arjwan.com/t76398.html)http://www.htoof.com/vb/images/smilies/115.gif (http://forum.arjwan.com/t76398.html)

http://m5awitumair.com/upload/uploaded/10_01274593693.jpg

من لهيب الارض يحاول يرتفع شوي بس يازين لهيب الارض عند لهيب الشاخوف

http://m5awitumair.com/upload/uploaded/10_21274528587.jpg

اما هذي ليتك ماطلعتها صارت مثل الشق في ...... خربت كلش
اما الفيديو فهو والله يقطع القلوب مهوب المصران
مرة من المرات سوينا الطريقه هذي وحطيت نعلتي وجلست انتظره وراحو الاخوان يلحقونه
تصدق وانا اشوفه مقبل يمشي طبلونه يبي الامن في بيته ذكرت اخوانا في فلسطين وافغانستان ورحمته وشلت انعله وخليته يدخل http://www.htoof.com/vb/images/smilies/63.png (http://forum.arjwan.com/t76398.html)
تهانينا لك يالمهند وتستاهل التقييم http://www.htoof.com/vb/images/smilies/115.gif (http://forum.arjwan.com/t76398.html)
هلا بك يالجار ..
ويالله تولم هالاسبوع نروح يم قرية وبحر النعيرية ..
منها تمشية ومنها تضبيه ..>>>أشغلتنا هالضرورات الشعرية ..!!

تعليقات رائعة .. بدابة من ابترام العكر .. ما شاء الله تقول كنها تمر برحي مقصوص طرفه .. وانتفخت حبته .. وعساك تفهمها ..
أما الحياة الزوجية .. فلقيت لك أربعة ضبان في بيت واحد .. كل ماسحبنا الأول إلا الثاني قدامه وأشوى أن الأرض طينية .. وجبنا الأربعة كلها ...
ولو أن ألحن دارين أن لهيب الأرض يفيد فيه رقي الشجر إن كان ما بقى منا أحد على الأرض .. لكن شكل الدعوة لهيب بطون .. خصوصاً إلا منك جيت يم روضة حسناء ونورة ..
والضبان اللي على البلاط متمددات .. مسيكينات لهن يومين وهن على جلسة وحدة إلى أن يبسن ..

وترى الطريقة هذي حصرية .. بل نلفت الانتباه أننا خارج المسؤولية إذا دخلت الحذوة أو شيء ثاني وسط البيت ..!!

تعليقات جميلة ..
ومرور رائع منك أخوي جار القمر ..
كل الشكر على هالمداخلة ..

[المهند]

يعطيكم العافية
تقرير جميل ما قصرت

عافاك ربي يا أحلام وردية ..
ولاهنتي على المرور ..

[sarab88]

الله يعطيك العافيه ورحله صراحه في مننتهى الراااااااااااائع وعليكم بالعافيه وتقبلوووووووووا مروري

[جار القمر]

أما الحياة الزوجية .. فلقيت لك أربعة ضبان في بيت واحد ..
هههههههه
أكيد ان المكون اللي بالداخل ..... http://www.htoof.com/vb/images/smilies/36.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/67.png (http://forum.arjwan.com/t76398.html)

[جار القمر]

تراي خويك المرة الجاية اذا شكت البيض
وما يحتاج تراس في الاختاله خذ رجال http://www.htoof.com/vb/images/smilies/29.gif (http://forum.arjwan.com/t76398.html)

[عزوز الرياض]

والله ما خليت شي لخيرك
ماشاء الللله تقرير رائع ومشكوووووووووور

[عدنان $$$]

اف شكلها سموووووووووووم ثم تسكن ولا تسمع إلا ونت الذباب
http://m5awitumair.com/upload/uploaded/10_21274526347.jpg

[فارس الجزيرة]

وعليكم السلام ورحمة الله وبركاته

ماشاءالله تبارك الله

تقرير مميز بحق .. وليس غريب على شخص بحجم المهند ..

تقاريرك لها رونقها الخاص .. لو لقيت لك تقرير في منتدى ثاني ومعرف آخرى عرفت اسلوبك السلس والرائع ..

الله يوسع صدوركم بالعافيه .. افضل تقرير شفته عن الضبان هالموسم ..

تستاهل التقييم

[ولد نسيم]

تقررررررررير ممتاز جدا بارك الله فيك

[الموادع]

هههههه
والله انك خطير بعد ذالمقطع من مزينه لك
والضبان شكلها مخيف بالحوش من كثرها
ضحكت عليك ضحك بس مايجوز تمشي بنعله وحده
والشيخ ابن عثيم على مااعتقد يقول لاتعصي الله ولو بخطوه واحده
دمت بخير

[النادر]

منتب صاحي وش هالضببه كلها
هي دواك عند سلطان بن سلمان
انت ناوي تخرب الطبيعه .
بس تقريرك يشفع لك
والله يعافيك والله الله بالبيره لاتغتث

[طير شلوى]

تتوقع لو نرفع هالتقرير لهيئه الحمايه الفطريه وش بيكون تصرفهم ؟

[النادر]

بيضفونه واعرف المهند بيشيل ناس معه والله يستر
شكل منتدى تمير بيتوقف ويقفل عشان البيئة
لانه ضرر على البيئة وحيواناتها

[طير شلوى]

اجل ترى في واحد يدخل باسمي وينزل تقارير وانا لا اعرفه ولايعرفني !!
ويافكاك فك ،،
واليوم نقولها نضحك وباكر نروح ضحيه مثل صاحب المقطع الفديو الي مسكوه صايد وعول وغزلان .

[المهند]

الله يعطيك العافيه ورحله صراحه في مننتهى الراااااااااااائع وعليكم بالعافيه وتقبلوووووووووا مروري
الله يعافيك أخوي سراب .. شاكر لك هذا الحضور ..

مرور متقبل .. وحضور أجمل ..

[المهند]

هههههههه
أكيد ان المكون اللي بالداخل ..... http://www.htoof.com/vb/images/smilies/36.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/114.gif (http://forum.arjwan.com/t76398.html)http://www.htoof.com/vb/images/smilies/67.png (http://forum.arjwan.com/t76398.html)
والله ما أدري ..
أو انها ثلاث مكون وواحد مو مكون .. !!!

[التسعاوي]

والله يالمهند شكل الجو حار مره بس ماغير الخفجي ضبان وبحر وفله بس تستاهل التقييم مشكور اخوي المهند....

[المهند]

تراي خويك المرة الجاية اذا شكت البيض
وما يحتاج تراس في الاختاله خذ رجال http://www.htoof.com/vb/images/smilies/29.gif (http://forum.arjwan.com/t76398.html)
خوة السعد يالجار .. وهذي والله الساعة المباركة ..
ومعد ورى البيض يبي يصير أبيض ....
والله يكفينا شر الختالة ..

[المهند]

والله ما خليت شي لخيرك
ماشاء الللله تقرير رائع ومشكوووووووووور

العفو ياعزوز ..
شكراً لحضورك ومرورك ..

[المهند]

اف شكلها سموووووووووووم ثم تسكن ولا تسمع إلا ونت الذباب
http://m5awitumair.com/upload/uploaded/10_21274526347.jpg
تصدق حتى الذباب ماشفناه من قو الحر ..
لكن الميزة هالنسمات العليلة الباردة عقب قطرات الندا اللي على الوجه ..!!

[المهند]

وعليكم السلام ورحمة الله وبركاته

ماشاءالله تبارك الله

تقرير مميز بحق .. وليس غريب على شخص بحجم المهند ..

تقاريرك لها رونقها الخاص .. لو لقيت لك تقرير في منتدى ثاني ومعرف آخرى عرفت اسلوبك السلس والرائع ..

الله يوسع صدوركم بالعافيه .. افضل تقرير شفته عن الضبان هالموسم ..

تستاهل التقييم
أولاً شكراً على التقييم .. وهذا مانطمح ونبحث عنه ..
ثانياً .. بالعكس تقارير الاخوان جميلة وماقصروا فيها وكلاً على جهده ونظرته ..
والأهم أن نقدم ونجتهد ..

ماشفنا لك تقارير مع الضبان يالفارس ..

[المهند]

تقررررررررير ممتاز جدا بارك الله فيك

الله يبارك فيك أخوي ضراب ...
وبصراحة أعجبني تقييمك .. ونظرتك الجميلة ..
الله يجزاك خير ..

[المهند]

هههههه
والله انك خطير بعد ذالمقطع من مزينه لك
والضبان شكلها مخيف بالحوش من كثرها
ضحكت عليك ضحك بس مايجوز تمشي بنعله وحده
والشيخ ابن عثيم على مااعتقد يقول لاتعصي الله ولو بخطوه واحده
دمت بخير

هلا بالموادع .. ليتك والله مع الضحك تقييمني .. ترى الضحك مهوب ببلاش هاليومين ..
وأول مرة اسمع بالشيخ ابن عثيم خابره راعي بقالة وسوبر ماركت ..
والضرور لها أحكام .. تخيل حطيت لي شماغ أو طاقية ثم دخل بها ..
منور الحته يالموادع ..

[المهند]

منتب صاحي وش هالضببه كلها
هي دواك عند سلطان بن سلمان
انت ناوي تخرب الطبيعه .
بس تقريرك يشفع لك
والله يعافيك والله الله بالبيره لاتغتث
هلا بك يا أبوعثمان ... ترى نصيبك محجوز ..
وترى الصيد مامن زود ..
عددنا اثنا عشر .. وكل واحد يبي له ثلاثة أو أربعة ..
والله يستر لايجينا شيء مثل هاك اللي قنص في المحمية ..

[المهند]

تتوقع لو نرفع هالتقرير لهيئه الحمايه الفطريه وش بيكون تصرفهم ؟
ما عليك الهيئة ماتبي التثوير بالسلاح ..
وأنا محرم أكله على نفسي ..

[المهند]

بيضفونه واعرف المهند بيشيل ناس معه والله يستر
شكل منتدى تمير بيتوقف ويقفل عشان البيئة
لانه ضرر على البيئة وحيواناتها
أنتم فكوا الضبان من التسعاوي ولاعليكم ..

[المهند]

اجل ترى في واحد يدخل باسمي وينزل تقارير وانا لا اعرفه ولايعرفني !!
ويافكاك فك ،،
واليوم نقولها نضحك وباكر نروح ضحيه مثل صاحب المقطع الفديو الي مسكوه صايد وعول وغزلان .
الله يستر يا أبوعلي ..
منتدى مكشات حذف له صورتين اللي في الصندوق واللي في البيت .. وأرسل لي المراقب رسالة عن هالأمر ..
والظاهر إني أبحذفهن عن منتدانا ..

[المهند]

والله يالمهند شكل الجو حار مره بس ماغير الخفجي ضبان وبحر وفله بس تستاهل التقييم مشكور اخوي المهند....
ما غير والله البيت ومكيفاً ينفخ فيك .. على البارد ..
مالك وللمشاكل ..

[الموادع]

هلا بالموادع .. ليتك والله مع الضحك تقييمني .. ترى الضحك مهوب ببلاش هاليومين ..
وأول مرة اسمع بالشيخ ابن عثيم خابره راعي بقالة وسوبر ماركت ..
والضرور لها أحكام .. تخيل حطيت لي شماغ أو طاقية ثم دخل بها ..
منور الحته يالموادع ..
آسف أخطيت يوم قلت ابن عثيم المقصد الشيخ ابن عثيمين
وابشر بالتقييم ماجاء على بالي ولك مني احلى تقييم ياالغلا

[المهند]

آسف أخطيت يوم قلت ابن عثيم المقصد الشيخ ابن عثيمين
وابشر بالتقييم ماجاء على بالي ولك مني احلى تقييم ياالغلا
الله يغفر له ويرحمه ..

أحلى تقييم دخلني لقائمة الشرف .. مشكور يالغلا خخخخخخخخخخخخ

[الأنيق]

جتنى هالشموس يالمهند وبداء يقل دخولنا لمنتدى البراري
ولوني داري عن هالتقرير الممتع والمميز والمشهوي كان عسكرة هنا.
ولاكن ما أقول إللى بيض الله وجهك ياملك الرحلات على هالرحله، إللي أحس أن فيها كثير من التعب والعناء.
وياليتني داري كان ماقيمتك اليوم إللى على هالتقرير.
ولاكن راجعن أقيمك على هالتقرير لو عقب أسبوع....

[أبونواف11]

تقرير أكثر من رائع

الله يصبركم على هالحر

[المهند]

جتنى هالشموس يالمهند وبداء يقل دخولنا لمنتدى البراري
ولوني داري عن هالتقرير الممتع والمميز والمشهوي كان عسكرة هنا.
ولاكن ما أقول إللى بيض الله وجهك ياملك الرحلات على هالرحله، إللي أحس أن فيها كثير من التعب والعناء.
وياليتني داري كان ماقيمتك اليوم إللى على هالتقرير.
ولاكن راجعن أقيمك على هالتقرير لو عقب أسبوع....

الشموس يومين وراحت يا أبومنيرة ..
اليوم درجة الحرارة 34 وجو على الكيف ..
الظاهر أننا أقبلنا على الشتاء ..

منتظرين التقيم ولو بعد حين ..

[المهند]

تقرير أكثر من رائع

الله يصبركم على هالحر

نسينا ما كلينا يا أبونواف ..
الله أقوى نسيت هاك الحر .. والشموس اللي في القرية ..
أيه أكيد مكيفات الديرة خلنك تنسى ..
ترى فيه روحة هالاسبوع إن كان لك نظر ..

[زمان الصمت]

يا سلام عليك تسلم يديك

روعة يا المهند انسجمت وتفاعلت مع الصور والمقاطع

تستاهل كل التقيم

[ابو مشعل]

مبدع اخوي المهند وخاصه الفيديو ولدي سد اذانه وغمض عيونه
من الروعه خاصه الضحكه اللي بالمقطع خخخخ
وتستاهل النجوم يا نجم

[M J]

,

الله يرج أبليسك يالمهند http://vb.eqla3.com/images/smilies/biggrin.gif !
شكل الشمس لاعبه بمخك .. وش هالاسلوب الزاحف http://vb.eqla3.com/images/smilies/grins.gifhttp://vb.eqla3.com/images/smilies/004.gif
بس خل عنك ياكذا المواضيع .. يابلاها !
أستمعت جدا بالفيديو .. وماشاءالله خبرة بالمؤثرات الصوتيه http://vb.eqla3.com/images/smilies/biggrin.gif

[خالد البلطان]

انتبه بس لاتدخل ذا الضبان داركم ثم وش يمسكهن:72:
يعطيك العافيه

[» اِلـَوَفْآءْ بـِنْـتْ]

بسمُ الله الرحمنْ الرحيمُ
المهندْ الله يغربلْ آبليسك َخوفتنيّ وكملتهآ بـ المقطعْ
وقصمنْ فلمُ رعبْ
مآعرفتْ آكتبْ رد طيحتْ قلبيّ منْ محلة http://www.5foq.com/vb/smail/frown.gif

مآفيّ نجومُ ولاتقيمُ http://www.5foq.com/vb/emoticons/888.gifhttp://www.5foq.com/vb/emoticons/888.gif

[المهند]

يا سلام عليك تسلم يديك


روعة يا المهند انسجمت وتفاعلت مع الصور والمقاطع


تستاهل كل التقيم


حياااك ربي أخوي زمان الصمت ..
شكراً لتقييمك ..
ومرحباً بك ..

[المهند]

مبدع اخوي المهند وخاصه الفيديو ولدي سد اذانه وغمض عيونه
من الروعه خاصه الضحكه اللي بالمقطع خخخخ
وتستاهل النجوم يا نجم

هلا بك أخوي أبومشعل ..
أجل ولدك أنواع الحلوم في الليل .. وشكله يمثل عليك .. لو أنه خايف كان سد عيونه وغمض آذانه ..
الله يخليه لك ..
الضحكة شيء ثاني ..

[المهند]

,

الله يرج أبليسك يالمهند http://vb.eqla3.com/images/smilies/biggrin.gif !
شكل الشمس لاعبه بمخك .. وش هالاسلوب الزاحف http://vb.eqla3.com/images/smilies/grins.gifhttp://vb.eqla3.com/images/smilies/004.gif
بس خل عنك ياكذا المواضيع .. يابلاها !

أستمعت جدا بالفيديو .. وماشاءالله خبرة بالمؤثرات الصوتيه http://vb.eqla3.com/images/smilies/biggrin.gif

شويه لاعبتاً فيني ..
دمرتنا دمر ..
مرحباً بك في هالموضوع وغيره من المواضيع ..
أما المؤثرات الصوتية ..
الله يخلي لنا مخاوي تمير ..
سنعها لنا وماقصر ..
بس عجزنا نجيب صوت تفحيط سنع ..

[المهند]

انتبه بس لاتدخل ذا الضبان داركم ثم وش يمسكهن:72:
يعطيك العافيه
الله يعافيك .. أخوي خالد ..
واللي مسكهن في السعة مهوب عجز يمسكهن في البيت .. لو بعصا .. ألاحقهن ملاحق .
شكراً للحضور ..

[المهند]

بسمُ الله الرحمنْ الرحيمُ

المهندْ الله يغربلْ آبليسك َخوفتنيّ وكملتهآ بـ المقطعْ
وقصمنْ فلمُ رعبْ
مآعرفتْ آكتبْ رد طيحتْ قلبيّ منْ محلة http://www.5foq.com/vb/smail/frown.gif


مآفيّ نجومُ ولاتقيمُ http://www.5foq.com/vb/emoticons/888.gifhttp://www.5foq.com/vb/emoticons/888.gif

أنا كاتب إني ماني مسؤول عن الضرر للي بيشوف المقطع ..
لكن وش حليله يوم طمر على عدسة الكاميرا ..
حتى ضريساته ناعمة .. الله يكفينا شرها .
أمحق مرور .. لانجوم ولاتقييم ..!!

[بصمة تميز]

http://m5awitumair.com/upload/uploaded/10_21274528587.jpg

يؤيؤيؤتماسيح ولا ضبان ؟!!!:t18:انقرضـــــــــــــــــــن..

[اخطر دلخ]

يمـــه خفت مانيب نايم الليله ------>> :t32:

يعطيك الف عافيه,.

[المهند]

http://m5awitumair.com/upload/uploaded/10_21274528587.jpg

يؤيؤيؤتماسيح ولا ضبان ؟!!!:t18:انقرضـــــــــــــــــــن..
يع ..
من يأكل تماسيح ..
هذي ضبان ..

[المهند]

يمـــه خفت مانيب نايم الليله ------>> :t32:

يعطيك الف عافيه,.
الله يعافيك ..
وأقر وردك ..
ولاعليك ..
لاأنت محلم بهن ولاشيء ..

[نسيم]

الله يحوم كبدك ،ياخوي وشلون تقوى نفسك وتاكله وانت تشوف المنظر المقزز حتى الغشاء المخاطي في البيض والسلاقي واضحه.
http://m5awitumair.com/upload/uploaded/10_01274526347.jpg
http://m5awitumair.com/upload/uploaded/10_01274526347.jpg

[مخاوي تمير]

الله يحوم كبدك ،ياخوي وشلون تقوى نفسك وتاكله وانت تشوف المنظر المقزز حتى الغشاء المخاطي في البيض والسلاقي واضحه.
http://m5awitumair.com/upload/uploaded/10_01274526347.jpg
http://m5awitumair.com/upload/uploaded/10_01274526347.jpg

نسيم الله يقطع بليسك صاير دقيق في الاغشية المخاطية

:: ::



ابو مهند تسلم يمينك على التقرير الشامخ والاروع والاقوى في عالم المنتديات والذي تحدث به الكثيرين

لجماله ولتميزه وللابداع الحواري بمحاكاة اللقطات .. شكرا والف شكر يا المهند لهذا التقرير الضخم

[اسيره]

الموضوع كله زين الا حوستكم وشيل جلده الضب هذي استغفرالله بس

وقبل كل هذا الي في توقيعك ياليت تغيرها تحط الضبان الي فالسور اهون لنا >> بنكرش

يعطيك العافيه ../

[نسيم]

نسيم الله يقطع بليسك صاير دقيق في الاغشية المخاطية


:: ::



ابو مهند تسلم يمينك على التقرير الشامخ والاروع والاقوى في عالم المنتديات والذي تحدث به الكثيرين


لجماله ولتميزه وللابداع الحواري بمحاكاة اللقطات .. شكرا والف شكر يا المهند لهذا التقرير الضخم

يامخاوي تمير يرحم والديك خف شوي عن هالكذب .والله اني اناظر فيهم وهم يسلخون الضب وحاطينه على صحن الغضار واحسبنه جحه .ياساتر الله من الريح الزين.

[نسيم]

الموضوع كله زين الا حوستكم وشيل جلده الضب هذي استغفرالله بس

وقبل كل هذا الي في توقيعك ياليت تغيرها تحط الضبان الي فالسور اهون لنا >> بنكرش

يعطيك العافيه ../
من اللي يكرشك يا اسير؟والله انك صادق في التوقيع .صراحة منظر يروع وقد سواه العام بعد.

[المهند]

الله يحوم كبدك ،ياخوي وشلون تقوى نفسك وتاكله وانت تشوف المنظر المقزز حتى الغشاء المخاطي في البيض والسلاقي واضحه.

http://m5awitumair.com/upload/uploaded/10_01274526347.jpg

هلا بك أخوي نسيم ...
إيه من قدك ياراعي تركيا ... سافرت لك يومين .. ونسيت عيشة أهلك وأبائك وأجدادك ..
هالبطن اللي تشوف فيه ذهب .. ذهب .. يتلاصف .. وفيه بعد لؤلؤ ..

[المهند]

نسيم الله يقطع بليسك صاير دقيق في الاغشية المخاطية


:: ::



ابو مهند تسلم يمينك على التقرير الشامخ والاروع والاقوى في عالم المنتديات والذي تحدث به الكثيرين


لجماله ولتميزه وللابداع الحواري بمحاكاة اللقطات .. شكرا والف شكر يا المهند لهذا التقرير الضخم

هلا بك أبوعبدالعزيز ..
الابداع والجمال كله جاي من عندك ..
مقطع الفيديو انتشر وراح .. في هالمنتديات الله يخلف ..
ماتدري كم حملوه من مرة وكم من مشاهدة له ..؟؟

[المهند]

الموضوع كله زين الا حوستكم وشيل جلده الضب هذي استغفرالله بس

وقبل كل هذا الي في توقيعك ياليت تغيرها تحط الضبان الي فالسور اهون لنا >> بنكرش

يعطيك العافيه ../
الله يعافيك ... ويفك أسرك ..
التوقيع أبغيره هاليومين ..
بس اصبري ألين ينزل التقرير الجديد ..

[المهند]

يامخاوي تمير يرحم والديك خف شوي عن هالكذب .والله اني اناظر فيهم وهم يسلخون الضب وحاطينه على صحن الغضار واحسبنه جحه .ياساتر الله من الريح الزين.
الريح الزين ... لاتنشد عنه ..
هذا الضب .. دمه يستخرج منه المسك ..

[نسيم]

الله يعافيك ... ويفك أسرك ..
التوقيع أبغيره هاليومين ..
بس اصبري ألين ينزل التقرير الجديد ..
المهند تكفى يكفي هالتقرير مانبي ازود منه.يعني وش تبي تضيف كلها ضب*ضب مافيه جديد

[زيد الخير]

الله يعطيك العافية اخوي المهند انت دائم مبدع
بس فية ملاحظة المفروض انكم ماتصيدون الانثى
لاتقل وش الفرق بين الانثى والذكر الفارق واضح
والان وقت وضع البيض ارجو ان يكون الصيد يبداء بتاريخ 25/6/1431هـ
بعد تفقيس البيض وخروج (السحل )الصغير
واكررها مرة ثانية وش ينبغى المنتدى بدون ( المهند )

[معانق هم]

وعليكم السلام ورحمة الله وبركاته
مشاء الله كالمعتاد تقرير روعه كروعة وجودك
ألف شكر لك على هذا التقرير المميز
http://m5awitumair.com/upload/uploaded/14_01271531298.gif

[المهند]

المهند تكفى يكفي هالتقرير مانبي ازود منه.يعني وش تبي تضيف كلها ضب*ضب مافيه جديد
لا تونا ...
تو التقارير ماتجي ..
جاك الصيف وجتك الكشتات والروحات والجيات ..
عندي لك تقرير ضباني بحري .. لكن مافيه مناظر زينه ..!!

[المهند]

الله يعطيك العافية اخوي المهند انت دائم مبدع
بس فية ملاحظة المفروض انكم ماتصيدون الانثى
لاتقل وش الفرق بين الانثى والذكر الفارق واضح
والان وقت وضع البيض ارجو ان يكون الصيد يبداء بتاريخ 25/6/1431هـ
بعد تفقيس البيض وخروج (السحل )الصغير
واكررها مرة ثانية وش ينبغى المنتدى بدون ( المهند )

عافاك ربي .. أخوي رجاااال الرجااااجيل ..
وملاحظتك محل نظر واهتمام ...
والتركيز على بعض من فيهن بيض لنتطعم ببيضهن ...
والمنتدى فيه أهله .. ومنور بهم ..

أخوي رجال الرجاجيل وبقية من لايأكل الضب..
ودي أنك تذكر الموقف اللي تسبب في تركك لأكل الضب .. لعله يكون رادع للبعض منا ..!!!

[المهند]

وعليكم السلام ورحمة الله وبركاته
مشاء الله كالمعتاد تقرير روعه كروعة وجودك
ألف شكر لك على هذا التقرير المميز
http://m5awitumair.com/upload/uploaded/14_01271531298.gif
العفو أخوي معانق هم ..
حضور جميل .. ومتميز ..
تشرف فيه هذا الموضوع ..

[شجون الليل]

http://www.tumaer.com/vb/mwaextraedit4/extra/69.gif

[المهند]

http://www.tumaer.com/vb/mwaextraedit4/extra/69.gif

عافاك ربي ...
وشاكر لك مرورك ...

[عاشق ديرتي]

تقرير رائع ومتعوب عليه
تسلم يمينكـ يالقرم

[سهيل تمير]

رحلة ممتعة وجميلة
شاهدت صورا رائعة وممتعة وتقرير رائع وعمل جبار

ألف شكر لك أخوي المهند
إبداع


تقبل مرور أخوك
سهيل تمير

[المهند]

رحلة ممتعة وجميلة
شاهدت صورا رائعة وممتعة وتقرير رائع وعمل جبار

ألف شكر لك أخوي المهند
إبداع


تقبل مرور أخوك
سهيل تمير




مرحباً بهذا المرور ..
الذي يحمله سهيل تمير ..

شكراً لك ولاطلالتك الرائعة ..

[المهند]

تقرير رائع ومتعوب عليه
تسلم يمينكـ يالقرم

سلمت ولا هنت يا عاشق ديرتي ...

[- فوق مستواك -]

مقطع يقطع المصران http://vb.eqla3.com/images/smilies/grins.gif
لك احلى تقيييم http://vb.eqla3.com/images/smilies/rose.gif