يـاحظ من عنده عجوزِ ~ وشايب

[احلام وردية]

http://www.gulfup.com/lives/12680870071.gif





ياصباح الخير ~





يــــا حظ من عنده عجـوزٍ وشايـب
وإلا حدى الاثنين يا ســــــعد عينـه



وجودهم يجلـــى النكد و الصعــايـب
و يـــا حظ من يـدرك حدى والدينــه



ابوٍ كبير و له علومِ طــــــــرايب
و كل المــــراجل حازها في يمينــه



و أمٍ إلى شافه تهــــون المصــاعـب
تسعـــــــد بـبرّه لو يقبل جبينــه



ترفع يدينه للولي بالمطـــــــــالب
و ترجـــي ولي العرش يسعد سنينـــه



أقدامها تحتـــه جنــــانٍ رطايــب
و أبــوك عـزّه في توالــــي سنينــه



و بيتٍ بدون كبــار مثل الخــــرايـب
و اللي فقـــــــدهم قولوا الله يعينـه



نــور البيـوت و يجمعــون الحبايـب
وكل السلـــــوم الطيبــة جامعينـه



فيهم لقسوات الليـــــالي غلايــب
مروضيـــــن الوقت ومطوعينـــه



اخضـــع لهم و إنذل إن كنت راغــب
في جنــــــــةٍ يا علّنا ساكنينــه



و ازرع و تجنــــي لكل شيٍ عقـايب
وكلٍ يبـــي ياخـذ على قد دينـــه



و احــــذر تقول أجيب واحد يراقــب
و يخـــــدم أبــوي وراتبه دافعينـه



وأمــك تقول الخادمــة له تواضـــب
بغريفـــــــةٍ بالحوش ومكرمينــه



لعيونـــنا كم جــت لهم من متاعــب
ووقتٍ شحيـــــح وليلهـم ساهرينــه



و مهما نســوّي لأجلهم فهـو واجــب
شيءٍ قليـــــــل وحقهم هاضمينـه!!




اغنـــــم زمانك قبل جمع الكسايــب
يا سعـــد منهو بــر في والدينـــه






مما راق لـي

[المهند]

عز الله ..
بيتً مافيه ريحة الماضي .. وعبقه .. وخبرات السنين ما ينبغى ..
الله يجعلنا بارين بوالدينا ووالديهم ..

اختيار راقي جميل ..

[النادر]

و مهما نســوّي لأجلهم فهـو واجــب
شيءٍ قليـــــــل وحقهم هاضمينـه!!

اغنـــــم زمانك قبل جمع الكسايــب
يا سعـــد منهو بــر في والدينـــه

اختار موفق والله يعطيك العافيه
اختى احلام وردية

[جار القمر]

البيت اللي مافيه عجوز وشايب طافي نوره وش ينبغى به
شكرا احلام وردية على الاختيار الموفق ويستاهل التقييم

[احلام وردية]

اخواني
المهند ـ النادرـ جار القمر
حياكم الله على هذه الصفحة
وربي يسلمكم وما تشوفون شر ويخلي لكم والديكم

[سُلاَفْ القَصِيدْ]

اللـه اللـه قصيده قمة الروعه
الشايب والعجوز هم الخير والبركه...الله لايحرمنا منهم...

انتقاء رووووعه
ســلمت يــداك
احترامي وتقديري

[روح الورد]

الله يخليهم لنا

تسلمين والله على الذائقه الرائعه

ودي وتقديري

[لحظة ضعف آهـ]

ابيات رائعة وقيلت في اعز الناس الله لايحرمنا منهم وان يجعلنا بارين بهم
شكرا من الاعماااااااااااق

[احلام وردية]

تسلمون والله
الراقية
روح الورد
لحظة ضعف
نورتوا الصفحة بطلتكم الغالية