( الحكي ) في بعض المواقف ,, ثرثـره ..

[تحدوك ياقلبي]

:
:


الحكيَ في بعض المواقـف .. مـا يفيـد ..
دام السكـوت احيـان ياتـي ,, بثَمـره ..



وشهوله احكـي او اناقـش او .. اعيـد ..
مدام حكَيـي عنـد مثلـك ,, ثرثـره !! ..



من خلقني وانـا لـي الطبـع الفريـد ..
ماهـو غـرور إلآ ثـقـه او مـقـدره ..



ولا هو اكيد اني عرفتـك بـس .. اكيـد ..
ان الزمـن لابــد كــل ٍ .. يـحـذره ..



انا ( الحليم ) إلي صبر .. صبرٍ حميد ..
وإليـا نفـذ صبـري لمثلـك ,, بعـذره ..



هذا الخبيَل إليآ ربـع مـن دون .. قيـد ..
(تقيّـده) روس الرجـال و ( تهـجـره) ..



مـدآم مثلـي مـا عـرف خـوَة بليـد ..
اكيـد مثلـك لــو اشـوفـه بحـقـره ..



ماني بـ/ اعدك .. لا خـوي ولا عضيـد ..
ولاهو بـ/ مثلـك للمواقـف .. اذخـره ..



اتعب على الطيب وهـو كـل .. الرصيـد ..
واشيـل حملـه لـو زمـانـه بعـثـره ..



لو إن عيني شافـت إلـي .. مـا تريـد ..
ولو إن وقتـي وسـط ظهـري خنجـره ..



ولو إن همـي لآ بـدا ليلـي .. شديـد ..
ولو إن ليلي كـل يـوم ٍ ,, اسهـره ..



طآل الزمن والعمر ينقص .. مـا يزيـد ..
وكـل ِ يبـي بالعمـر شـي ٍ يـذكـره ..



بعض العـرب لآ رآح .. ماهـو بالفقيـد ..
وبعض العرب لآ رآح ربعـه ,, تخسـره ..



وبعض العرب لآ شفت زوله من .. بعيـد ..
(تستكبره) وإليآ حكـى ,, ( تستصغـره ) ..



عشنا وشفنـآ والزمـن هـذا .. عنيـد ..
إليآ نـوآ ماضنـي احـدٍ ,, يقـدره ..



ولآ انآ مآلي سـوآ .. حـرف القصيـد ..
وصوت ٍ ليآ من ضقت ,, هـز الحنجـره ..



و ( الصمت ) في بعض المواقف .. ما يفيد ..
و ( الحكي ) في بعض المواقف ,, ثرثـره ..




:
:
:




ودي و عطــــــري ..

[اهينهم ببتسامه]

ابيات رائعه
سلمت يمناك علي طرحك المميز
دمت ودام تواجدك لنا

[تحدوك ياقلبي]

سلمت يالطيب

[أج ـْمَلْ إحْ ـسَآس]

يعطيـــك العافيه على الابيــــات الرائــــــعه ..

تسلم اناملك ... دمت بود ..