صور ليلية ... لممشى الشغية الشمالية .. من شعيب رويغب ..

[المهند]

مرحباً بكم ..

وردني اتصال قرابة الساعة 6.20 من الأخ المتحد يخبرني عن جريان شعيب رويغب .. وكنت وقتها في أسفل شعيب مبايض ..
تم الاتجاه إلى الموقع .. مساءً ..
فكان لي بعض اللقطات الخفيفة..
** بعد عدة مكالمات .. وما بين مصدقاً ومكذب مع ملك البراري المتحد .. يالله لقيت هالشغية اللي تمشي .. مع أن روضة نورة وماجاورها غبرة تربة .. وكما يبدو عرض المقطع قرابة عشرة أمتار .. وعمقها يصل إلى الركب ..

http://www.up-tumaer.net/up//uploads/images/tumaer-1ac5f0bf0e.jpg

** توجهنا مباشرة إلى مدينة رويغب .. لنأخذ بعض حاجيات العشاء .. وطحنا في هالمطبخ .. وشكل شغلهم شغل منول .. في المندي وحركات .. وإن شاء الله أننا نجيهم يوم من الأيام ونتعشى معهم .. !!

http://www.up-tumaer.net/up//uploads/images/tumaer-b719677e89.jpg

** قوة اندفاع وجريان السيل ... والذي استمر من الساعة الخامسة وحتى الحادية عشرة مساءً وهو يمشي ممشى زين وهو ضاعف ..

http://www.up-tumaer.net/up//uploads/images/tumaer-2bb57ad973.jpg

** تم شراء ذبيحتين مجمدات ... وقد هبّ علينا هواء قوي شوي ..

http://www.up-tumaer.net/up//uploads/images/tumaer-b9314a4be8.jpg

** وكانت الجلسة على ضفاف نهر النيل .. مع سماع خرير السيل بين الأحجار ...

http://www.up-tumaer.net/up//uploads/images/tumaer-82f3fff409.jpg

** أما العشاء فكان داخل الصندوق .. نظراً للظروف التي أحاطت بنا ..

http://www.up-tumaer.net/up//uploads/images/tumaer-d4e59120e9.jpg

والمعذرة على الصور الليلية .. لو معي كاميرا مثل حقت جريح الصيد .. كان خليت كل اللقطات في سفر ووضوح ..

تقبلو تحياتي السريعة ..

[صاحب المعالي]

مشكور والصور واصح والله لا يحرمنا من جديدك

[المتحـ2007ـد]

هلا بالمهند عساكم استمتعتم بهالسيل بدل العج اللي في الفيضه

عقب المغرب جت سحابه وضربة علو الشعيب وزاد ممشاه

وترى صورك حلووووه بس الله يرزقك بكميره مثل كميرة جريح الصيد

والله يعطيك العافيه

[النادر]

هلا بالمهند يعطيك العافيه على التقرير
وياليت السيل طار بك انت ومواعيدك
تسلم على تقريرك

[جريح الصيد]

ماشاء الله بين ممشاه طيب بالحيل

ياليت منهو نصاه كنت متوقع انها ساعة زمن ويايوقف بس الحمد لله على كل حال

ايه اجل الكامره تفداك يالغلا متى مابغيتها دق وتلقاها

بس تحمل شوي هالكمرات يبيلهن وجعت راس الين تعرف تاخذ صوره وحده

وانا الى الان من جنبها في استخدامها

[ابودقس]

تقرير في قمة الروعة

يعطيك العافية على صور السيل ،،،،

[سُلاَفْ القَصِيدْ]

ماشاء الله تبارك الله
اللهم اجعلها امطار خير وبركه
يعطيك العافيه على الصور

[عرق الأرطى]

يعطيك العافيه اخوي المهند والله يرزقك الي في بالك

[ابو مشعل]

يعطيك العافيه اخوي المهند
على هالصور
كن طافشت في هالسيل كلك لا يطلع الا خشمك
تقبل مروري

[المهند]

مشكور والصور واصح والله لا يحرمنا من جديدك
هلا بك ياراعي المعالي ..
العفو والشكر لحضورك ..
عندي احساس كبير أن حرف الضاد ما يشتغل عندك .. أو .. لا ؟؟

[المهند]

هلا بالمهند عساكم استمتعتم بهالسيل بدل العج اللي في الفيضه

عقب المغرب جت سحابه وضربة علو الشعيب وزاد ممشاه

وترى صورك حلووووه بس الله يرزقك بكميره مثل كميرة جريح الصيد

والله يعطيك العافيه
والله غسلنا وجيهنا منه .. عقب ما اندفنا في الفيضة ..
وبصراحة أشكرك على اخباري بهذا السيل .. وعقبال إن شاء الله شعيب مليح .. بس أهم شيء ما تصير مداوم ..

أما الكاميرات فخلصنا معد فينا شدة .. ومثل كاميراتكم يبي لها مناظر وعناية فائقة .. مهوب مثل كميرتي أسحب عدستها بقول على شان تشتغل.. .

شكراً لحضورك ..

[المهند]

هلا بالمهند يعطيك العافيه على التقرير
وياليت السيل طار بك انت ومواعيدك
تسلم على تقريرك

أفا يالنادر .. وش دعوة يطير بي ..

والله إني ناسيك ودقيت عليك حول الساعة 11.30 في الليل ..
أنشغلت مع سحاب تميرية وملاحق وراها .. تسني مضيع لي شيء ..

أبجيك إن شاء الله بس خل الرمي يركد شوي ..

[المهند]

ماشاء الله بين ممشاه طيب بالحيل


ياليت منهو نصاه كنت متوقع انها ساعة زمن ويايوقف بس الحمد لله على كل حال

ايه اجل الكامره تفداك يالغلا متى مابغيتها دق وتلقاها

بس تحمل شوي هالكمرات يبيلهن وجعت راس الين تعرف تاخذ صوره وحده

وانا الى الان من جنبها في استخدامها

والله ما مشيت إلا عقب غياب الشمس من طعيسات شعيب مبايض .. بعد ورود مكالمة من المتحد .. ووصلت إلى نورة ولا فيه أثر .. ويوم كلمت المتحد قال أنه يزود .. وعز الله وصلت وهو يزود ..
الجايات أحلى ..
والله يخلي لك كاميرتك ..

[المهند]

تقرير في قمة الروعة



يعطيك العافية على صور السيل ،،،،


الله يعافيك يا أبودقس ..
شاكر لك حضورك واطلالتك الرائعة ..

[المهند]

ماشاء الله تبارك الله

اللهم اجعلها امطار خير وبركه

يعطيك العافيه على الصور


اللهم آمين ..
الله يطرح فيها البركة .. ويسقي مزارعنا ..

[المهند]

يعطيك العافيه اخوي المهند والله يرزقك الي في بالك

عافاك الله يالعرق ..
والله يرزقك اللي في بالي .. !! وبال كل مسلم ..

[المهند]

يعطيك العافيه اخوي المهند
على هالصور
كن طافشت في هالسيل كلك لا يطلع الا خشمك
تقبل مروري
الله يعافيك يا أبومشعل ..
أنا خشمي صغير .. ويا سرع ما يدخله الماء ..
يجي ناس خشومها كنها غواصة ... ما شاء الله لاإله إلا الله .. ما عليه من شيء ..

ما بعتني الشاشة .. وش تحتري ..

[جنـgن رجل~]

مشاء الله سيل طيب الحمدلله واشكرك
اخوي المهند على التقرير وتصويرك بالليل
الف شكر لك تقبل مروري

[أبـوحـمـد]

ما شاء الله سيول وارزاق ...
هذيك الجهه هالسنه وامره الله عليها...

كني مشبه على ابو نظاره... هع

[نسيم]

ماشاء الله على هالسيل الزين والخيرات .شعيب رويغب وصل نورة والا توه؟
http://www.up-tumaer.net/up//uploads/images/tumaer-1ac5f0bf0e.jpg

[المهند]

مشاء الله سيل طيب الحمدلله واشكرك
اخوي المهند على التقرير وتصويرك بالليل
الف شكر لك تقبل مروري
هي مجرد مشاركة يا دحوم .. والاخوان ما قصروا .. صوروا بالنهار ..
العفو على المرور والحضور ..

[المهند]

ما شاء الله سيول وارزاق ...
هذيك الجهه هالسنه وامره الله عليها...

كني مشبه على ابو نظاره... هع
الحيا على الحيا يا أبوحمد ..
عسى الله يعدله لنا في مزارعنا ومكاشيتنا ..

وراعي النظارة يوم خليته يقطع الشعيب جته الدوخه وانقلب رأسه ... ياويلي منه ..

[المهند]

ماشاء الله على هالسيل الزين والخيرات .شعيب رويغب وصل نورة والا توه؟
http://www.up-tumaer.net/up//uploads/images/tumaer-1ac5f0bf0e.jpg
سحاب وسيول الصيف ... تخلي الواحد يكذب الرجال ..
يعني لو تروح هالحين يمكن ما تلقى إلا بعض الأثر .. لا وعقب ذا العج يمكن حتى الأثر ما تلقاه ..
وعلى كلام المتحد بقي عليه 800 متر البارح .. يعني ياقربه على طرافها ..
والله يلحقه بوحدة ثانية ..

[نسيم]

رجاء خاص يالمهند بدون زعل الله يرحم والديك .

[المهند]

هالأيام شعيب فويلق يمشي .. والغالب شافه ..
سولفت على واحداً من الربع وجاء عاني من الرياض يمه .. ويوم شافه دق علي يقول أراك تكذب علي ..
هو يحسبنه وادي يبي له اسبوع يمشي ..

[نسيم]

تبي العلم يالمهند،ترى ربي ماهوب ناشدنا عنه يمشي والا مايمشي .

[ولد العز]

ماشاء الله تبارك الله

لقطات وصور رائعة

لاهنت يالمهند
تقبل تحياتي

[فتى السويدي]

مشكووووووووور اخوي على الصور الرئعه ويعطيك العااااافيه اللهم اجعلها امطار خييير وبركه

[معانق هم]

مراحب ياهلا بسندباد التمير
ماشاء الله ، الله يجعلها امطار خير وبركه
مشكور على التقرير والله يعطيك العافيه
http://m5awitumair.com/upload/uploaded/14_01271531298.gif

[المهند]

تبي العلم يالمهند،ترى ربي ماهوب ناشدنا عنه يمشي والا مايمشي .
العلم الصحيح يانسيم ..
أن الدنيا ماتسوى .. شيلة شيء على أخوك ..

[المهند]

ماشاء الله تبارك الله

لقطات وصور رائعة

لاهنت يالمهند
تقبل تحياتي
هلا بك أخوي ولد العز ..

لاهنت على المرور ..

[المهند]

مشكووووووووور اخوي على الصور الرئعه ويعطيك العااااافيه اللهم اجعلها امطار خييير وبركه

العفو أخوووي الطربوش ..
عافاك ربي .. والله يطرح فيها البركة ..

[المهند]

مراحب ياهلا بسندباد التمير
ماشاء الله ، الله يجعلها امطار خير وبركه
مشكور على التقرير والله يعطيك العافيه
http://m5awitumair.com/upload/uploaded/14_01271531298.gif
عافاك ربي أخوي معانق هم ..
العفو .. والله يحييك .. في هالموضوع ..

واطلالة مشرقة ..

[نسيم]

العلم الصحيح يانسيم ..
أن الدنيا ماتسوى .. شيلة شيء على أخوك ..
كلامك صحيح يالمهند لكن يجب ان تكون هناك امانة في النقل .مثل خويك اللي جاء للفويلق يدور السيل.

[نسيم]

معليش يالمهند لاني ابروح للمدونة عندي شغل هناك عقب العج اللي جانا .

[الادميرال]

يعطيك العافيه

[المهند]

كلامك صحيح يالمهند لكن يجب ان تكون هناك امانة في النقل .مثل خويك اللي جاء للفويلق يدور السيل.
هذا جاي يدور السيل ..
وأنت مدري وش أنت جاي تدور ..

معليش يالمهند لاني ابروح للمدونة عندي شغل هناك عقب العج اللي جانا .

رح للمدونة وأبجي أسولف أنا وإياك .. بس عدّل الصنيعات والحكر ... لا يجينا السيل ويطير بنا ..!!

[المهند]

يعطيك العافيه

الله يعافيك ...
ياالادميرال ..

[sarab88]

ماشاء الله عليكم رحله والله خبله ويعطيكم العافيه على التصوير

[نسيم]

هذا جاي يدور السيل ..
وأنت مدري وش أنت جاي تدور ..




قلها يالمهند.قلها وادخل في نيتي .انا ما احب المشاكل لكن مبلي .مبلي .

[راعي الاولة]

عسى الله يغيث البلاد والعباد ...وينفع به الاسلام والمسلمين..

[مودع السويدي]

يعطيك العافية اخوي المهند

[المهند]

ماشاء الله عليكم رحله والله خبله ويعطيكم العافيه على التصوير

من هي الخبلة .. أخوي سراب ..

عافاك الله على حضورك ..

[المهند]

قلها يالمهند.قلها وادخل في نيتي .انا ما احب المشاكل لكن مبلي .مبلي .

المبلي .. ندعي الله أن يشفيه ..

[المهند]

عسى الله يغيث البلاد والعباد ...وينفع به الاسلام والمسلمين..

اللهم آمين ..
أنت راعي الأولة وراعي السبق .. والبركة في أبوخليل ..

[المهند]

يعطيك العافية اخوي المهند

الله يعافيك أخوي مودع السويدي ..

[» اِلـَوَفْآءْ بـِنْـتْ]

ماشاء الله ... تبارك ّ الرحمنْ
امطآر طيبة
اول تقرير لك ليلاً .. وبعدين وش حآدك على هالمخآطر ورايح ْ هنآك :71:
وكآن تعيشتوآ بالمطعم بدل هالدجآج المجمد حسيت ببرد مطر ودجاج مجمد :t24:
شكراً كبيرة على هالتقرير البطل
عوآفيّ http://www.t9oor.com/forum/images/smilies/0000100.gif

[نواف التميمي 506]

مشاء عليكم طلعة حلوة الله يونسكم صدوركم بالعافيه

[دحوم الخالديه]

مشكور اخوي والصور واضحه والله لا يحرمنا منك...

[المهند]

ماشاء الله ... تبارك ّ الرحمنْ

امطآر طيبة
اول تقرير لك ليلاً .. وبعدين وش حآدك على هالمخآطر ورايح ْ هنآك :71:
وكآن تعيشتوآ بالمطعم بدل هالدجآج المجمد حسيت ببرد مطر ودجاج مجمد :t24:
شكراً كبيرة على هالتقرير البطل

عوآفيّ http://www.t9oor.com/forum/images/smilies/0000100.gif


اللهم لك الحمد .. والله يزيد ويبارك ..
واللي حادني أني اشتقت لوضوء الصلاة من ماء سيل يجري ..
وقد تحقق ولله الحمد في صلاة العشاء ..
والله يعيد علينا ويحقق لنا هالأمنية ..

[المهند]

مشاء عليكم طلعة حلوة الله يونسكم صدوركم بالعافيه

الله يجزاك خير .. ياملك السويدي ..

شاكر لك هذا الحضور الجميل ..

لاهنت

[المهند]

مشكور اخوي والصور واضحه والله لا يحرمنا منك...
العفو أخوي دحوم الخالدية ..

شاكر لك هذا التواجد والله يعطيك العافية ..

[أبونواف11]

ما شاء الله تبارك الرحمن

اللهم انفع به البلاد والعباد والبهائم

شكراً على تقريرك يالمهند