سؤاااااااااااااااااال

[واحدنت]

السلام عليكم ورحمة الله وبركاااااته
شخباركم يالتميراويه عساكم طيببين
أنا عندي سؤال وعساكم تجاوبونني علية أو بالأصح طلب وياليتكم تلبونه
مرة من المرارير سمعت في الإذاعة بيت من شعر لواحد من شعراء تمير
واللي أبغاه يا أهل تمير القصيدة كاملة وأسم الشاعر .............والبيت هو

أقفى وأنا مع مفرق تمير لفيت
مدري من أهل سدير وألا القصيمي

وعلى المحبة نلتقي

[المدرس]

شكرا لك تساؤلك

وإن شاء الله تلقى الرد

[واحدنت]

ياهل تمير والله إني ما سجلت في هالمنتدى إلا حبا للأصيلين شرواكم و
علشان ألقى من يساعدني على سؤالي السابق
وهو معلافة القصيدة اللي منها هذا البيت :

أقفى وأنا مع مفرق تمير لفيت
مدري من أهل سدير وألا القصيمي

وقد يكون بدل كلمة (أقفى) (أشمل)

أرجوووووووووووووووكم الإفادة إن كانت فعلا لأحد شعراءكم وهو ماسمعته في الإذاعة
ولعلمكم ترى بيني وبينكم أكثر من 500km ولا سجلت إلا عشان أطلع على الموروث عندكم

ولكم خالص تحياتي

[عهود]

مرحبا بك

ولعل من يعرف هذا البيت ان لايبخل علينا

ننتظر الرد على سؤال الاخ ولكم الشكر

تحياتي لك

[هادي]

ابشر يالغااااالي

ونعتذر عن التأخر

وباذن الله سوف ابحث غدااااا الاثنين عن الابيات ولعلي اجدها



سلام

[واحدنت]

ما أحد أفادني حتى الآن...................
وعود وبس!!!!!!!!!!!!!!!!!!!!!!!!!

[السنافي]

اخي الغالي واحد نت هذه القصيد للشاعر فهد بن ابراهيم المفرج وهو من شعراء تمير المتميزين وهذ هي القصيده كامله ولا تزعل


رحت الرياض وجيت يومي تقضيت = واقول سمح دربنا ياكريمي

يومي تعديت الحسي وارجهنيت = سالي ومتسلي وحالي سليمي

عرض غزال وشتت العقل تشتيت = مزيون ومتزين وشكله عديمي

نظرني بعينه وانا ماستعديت = واصبحت من نظرة عيونه سقيمي

اهملت انا الطاره وبالزين سجيت = كني على وارد امريكا غشيمي

عشرين كيلو كلما اسرعت هديت = واقفى ولا خذت الوفا من غريمي

اشمل وانا مع مفرق تمير لفيت = مدري من اهل سدير والا قصيمي

مير الوكاد اني بشوفه تسليت = والظاهر ان الزين منا تميمي

يوم التفت لي وابتسم شمعة الليت = ضاعت علومي والسبايب خصيمي

من شوفته لانيب حيآ ولا ميت = جدد حبيب الروح جرحآ قديمي

عاقل ولكن عقب فرقاه جنيت = ودموع عيني مثل دمع اليتيمي

ماينفعن الادويه لو تداويت = ادواي شوفك ياهبوب النسيمي

لو بالتمني يوم شفتك تمنيت = تصير لي كل الليالي نديمي

لكن ماخبر احدآ ترى فادته ليت = خليتني ياصاحبي مستهيمي

ياصاحبي ودعتك اللي حمى البيت = اللي عن احوال الخلايق عليمي

[واحدنت]

اخوي السنافي انا أشهد إنك على أسمك سنافي
بيض الله وجهك والله لايهينك على هالإفادة اللي كم لي وأنا أدورها
بيض الله وجهك عد من صلى وصام وعد حبات الرمال وعد افعال الرجال

[السنافي]

وجهك ابيض ولا هنت ياواحد نت ياشوق البنت

شكرآ على هاالاطرا الذي يستحقه افراد هذا المنتدى فرد فرد وما انا الا واحد منهم .


تحيااااااااااااااتي

[نقا هشال]

صح لسان الشاعر فهد

قصيدة متميزه
السنافي ماقصرت