فصل الكهرباء صباح الخميس 8/5/1431 " ساعات الأرض"

[المهند]

مرحباً بكم ..

شركة الكهرباء .. تستبيحكم عذراً مع بداية الصيف وزيادة حرارة الجو بإطفاء الكهرباء يوم الخميس 8/5 من الساعة 6.30ص .. إلى الساعة 12.30م .. وتطبيق اليوم العالمي للاحتباس الحراري .. وإن كان متأخراً في مدينتنا .. لذا يلزم من جميع ساكني المخططات المحددة بالخروج مبكراً إما للتنزه وصيد الضبان ... أو للإستئجار في حي العزيزية الراقي ..
حيث سيتم فصل التيار عن المناطق التالية :
* حي الخالدية بالكامل .. " ياحظ العزيزية "
* مستشفى تمير العام وماجاوره من منازل ." كان الله بعون المرضى "
* المركز الصحي القديم . " هو فيه جديد "
* حي المراجيم . " ماعليهم في رفاعة وبرااد "
* برج التلفزيون . " جعل ما يطفي إلا هو "
* برج الاتصالات وموبايلي . " خذوا حقكم من المكالمات .. وشغلوا السيناو"
* جميع محطات الوقود محطة المناع والملتقى والصبيح والعبدالله .. " على الجميع تعبئة الوقود الليلة "
* تميرية ومزارعها .. " ازبنوا المسابح والبراك "
* الباطن والقري ..
* دواجن العثمان ..
* جزءً من أباخسيفة والوسيعة .. وش حيث الباقين طيب ..

مع الشكر والتقدير لشركة كهرباء تمير .. وإخطارها المواطنين بهذا الأمر ..

[M J]

والله اني رحمتكم http://www.tumaer.com/vb/images/icons/icon9.gif !
بس ماعليكم أن شاءالله الاجواء تكون خياليه بكره
ولا تفكرون بكهرب ولا شيء :t24: ..

[نسيم]

بدينا في قلة الحياء .والله مهزلة من هالشركة الداجه.ياخوي وينهم عن الصيانة في الشتاء .او الشتاء في الحوطه وحنا في الصيف .والمسئولين الى عندنا مالهم كلمة او تدخل في الوضع هذا ؟

[D7OOM]

يووووه مشكله بس بنكون بالبر يعني مومشكله
اذارجعنا الا قد اشتغل والله يعينا من هالحر
الله يجيب الخير ان شاء الله

[!مجهوله!]

ياليل بدينا الناس وصلت للمريخ وتمير للحين كل يوم والثاني مطفين الكهرب

لين متى وحنا كذا ؟؟ وياليت يطفونه العصر حزت الناس نايمه يطفونه

نظام بايخ

[المتحـ2007ـد]

خلوه يطفي حتى نقوم بدري ونكشت وندور البراااااد والسيول في البر ان شاء الله

مشكوووور يا المهند على التنبيه

شغلوا الدينموا لا يقطع الماء عليكم

[دحوم الخالديه]

هههههه اجل انواع الفله هع

[zxx_99]

هلا وغلا :t18:
حظي حلو بجي بكرة العصر احد يوصي شي
:t24:

[ريسوو]

بالله اجل بنقعد في الحمام على الدش لين الظهر

[أبوكدش]

الله يعنــا ع الحر يعني بنقووم مبكرين من الحر
..

[&رذاذ الالماس&]

تكفى لاتقول انه صدق
يووووة الله يعينا على الحر
وبعدين وش حيث العزيزية على راسهم ريشه ........
شكلي بنام بدري او انام من الحين عشان اشبع نوووووم

الله يعطيك العافيه اخوي على الخبر

[دمعه على خد القمر]

تع،ـالوا ع،ـندنآأا فيْ الع،ـزيزيُة :70:

[المهند]

بداية الخير ..
إطفاءه خطافية .. لمدة ثلاث ثوان .. لمعرفة مدى صلاحية الأجهزة الكهربائية .. قبيل ساعتين من الآن ..

[ولد العز]

المهند اظاهر الشركة بدت تطفي الكهرب مسبقا

مزارع العودة انقطاع الكهرباء من قرابة الساعة 10مساء وكذلك الشحمة وام رجوم وعدد من الاماكن ..
وطوارئ الشركة ليس بيدها اي شي تعمله بسبب قلة الافراد وقلة الامكانيات وتلفونهم شغال من كثر مايتصلون المتضررين عليهم

[يقين]

فصل الكهرباء في تمير بس والا جميع مناطق المملكه

يعطيك العافية على التبيه خيو

[7amooode]

والله حرااااااااام عليكم من 6 الى 12 والله حرام

والله انهبلت يوم قريت الموضوع شيء يقهر


الله يسامحكم بس

والله يصبرنا ع اليوم


تحيااتي لك..

[فارس الجزيرة]

يوم الارض للديار اللي تمر سنوات ما طفى الكهرب عليهم ..

اما الناس اللي كل يوم يطفى عليهم ماله داعي ..

بعدين يوم الارض له فتره والا ربعنا توهم يذكرون !!

[رغباويه]

ياااكرهي للحر :S

زي كل صيف يطفا الكهرب ع السويدي بظهر >> مانسيت ذ1ك اليوم الي بايام الاجازه الصيفيه العاام << قصت قصتها :|

تسلم ع المعلومه