مخرج تمير و وجود النخل

[ابو هشه]

السلام عليكم و رحمه الله

صباح الخير يا جماعة الخير

مع ارتفاع النخل الموجود في مخرج تمير راح يسبب مشكله حوادث خاصه انك ماتشوف اللي طالع من الديرة و انت جاي من ثادق بتروح القصيم
لازم حتى تتاكد من عدم وجود سيارة ان تتقدم بسيارتك حتى يصير اكثر من ربع السيارة في الطريق اللي طالعين من الديرة

امس حصل اني طالع من تمير و بالصدفة ان كان جنبي سيارة لما وصلنا لتقاطع المخرج طلعت علينا سيارة انا متاكد انه ما شافنا لاني اشوف راس الرجال في القزازة الامامية يتشوف فيه سيارات او لا لكن الحمد لله ان السيارة اللي جنبي صاحبها ذكي فرمل و راح يمين خلى لي فرصه اني اتفادى السيارة اللي طلعت علينا مع العلم ان السيارة دخلت في ربع الطريق اللي انا فيه

اتمنى ازالة النخيل الواقعه فوق الكبري و تمنع النظر

[جن جنونه]

ايه والله انك صااادق بس مو كل النخل لا يشيلون اللي تكووون عند المديووووور بس ....

[ط َـموح]

أن شـآء الله البلدية تبت فـي امرك ...



//

[دحوم الخالديه]

ان شاءالله ينفذو الطلب..

[جنـgن رجل~]

اتمنى يسمعونك وينفذون هالشي

[هاوي العشق]

السبب يا خوي السرعه الزايده عند حدها ليت تنتبه ولا تسرع سواء انت اوغيرك والحمد لله ما قد حصل لي مثل الي حصل ك مع كثر ترددي مع ذالك الطريق
والنخل معطي الكبري جمال

[الادمن]

طريق من هنا للهند
ومالقيت ألا هالطلعه تسقط فيها؟؟؟
والله حاله
ياليت الطريق كله نخل
ولا تسرعون:t18:

تحياتي!

[الادمن]

مابقي على المخرج الا 5 أمتار
ودي أعرف
وش أنت عجل عليه
لو مافيه نخل
قلتوا ليه مافيه شي يجمل المنظر؟؟
ويوم حطوا قلتوا شيلوه
لأن حنا نبي نسرع ونناظر

تحياتي!

[هدوء الورد]

اي النخل خطنطر مررره
لان البعارين تتخبى وراه ماتنشاااف
شوفو لنا حل

[ابو هشه]

طريق من هنا للهند

ومالقيت ألا هالطلعه تسقط فيها؟؟؟
والله حاله
ياليت الطريق كله نخل
ولا تسرعون:t18:


تحياتي!


ياشين اللي يسوي نفسه انسان يحب يتفلسف

سوا مسرع او مهدي الطريق لي يعني مايطلع علي

و الله العالم انك من الناس اللي تطب بوجة السيارات عشان تقول ليه مسرعين

صدق اهل العقول براحة

[matab]

ما فيه مشكله الا لها حل ........ واكيد فيه حل افضل ....

[الموادع]

الله يستر علينا وعلى اخونا المسلمين من خطر الحوادث
النخل منظر جمالي وبنفس الوقت خطر
والله يكتب لنا ولكم الا فيه خير

[طير شلوى]

كل واحد يصلح سيارته وخلوا النخل في حاله ،

[المهند]

هناك حل أفضل .. من اقتلاع رمز المدينة ..
النخل لاشك أنه أعطى منظراً جميلاً لمدخل المدينة ..

لماذا لا يُدرس تغيير المدخل وجعله مثل مدخل محافظة المجمعة .. وبذا نسلم من التقاطعات الخطرة ..

[سهيل تمير]

أشكرك أخوي على اهتمامك

الحل في نظري مثل ما قال المهند
جمال لمدخل تمير ، والإخوان في البلدية يدرسون ذلك إن شاء الله

[عالمي تمير]

وش تبغاهم يسوووووووون
يقلعون النخل
كل المخارج فيها نخل
وتاتجي وتقول بعارين
أنا معك تتخبا البعارين فيها
لكن مو يقلعون النخل
!!!!!!!!!!!!!!!!!!!!!!!!!!
تقبل كلامي بعقلانية!!

[ابو هشه]

كل المخارج فيها نخل لكن موب كل المخارج مخرج تمير
مخرج تمير حركه طول الوقت تحصل فيه ناس داخله و ناس طالعه