رثاء طارق من استاذه

[المدرس]

السلام عليكم ورحمة الله وبركاته ,,



هذه قصيده في المرحوم طارق بن ناجم بن حمد العثمان .



بقلم مدرس بمدرسته جزاه الله كل خير , وكثر الله من أمثاله .


أ: عبدالعزيز بن عبدالرحمن الفوزان الدوسري .



أيا طارق الناجم وأيا طـارق العثمـان


وأيا طارق اللـي فـارق ومايحاكينـي


وأيا طارق الأحزان يوم المقـدر كـان


نعم طارق اللـي لاذكرتـك تبكينـي


عرفتك وزرع الوجه في عارضك مابان


ودفن أرضك الهامد قبل زرعك يبينـي


عسى اللي يضمك يجعله ربنـا بستـان


ويمد النظر لك فيـه بيـن البساتينـي


وعسى المعصرة تولي على روضتك هتان


وينبت علـى منزلـك فـل وريحانـي


واسال الولي القـادر الغافـر الرحمـن


يبدلك دارن خيـر مـن دارك الحينـي


ويزيدك حسناتٍ تثقـل لـك الميـزان


ويغفر ويعفو ويتسامـح عـن الشينـي


أكفكف دموعي يوم جاني الخبر يااخوان


اجل كيف من كانوا يشوفونه العينـي


واحر الكبود اللي تقلب على النيـران


واحر الكبود اللـي تحـز بسكاكينـي


عسى الله يصبر والدينه على الاحـزان


وعسى الله يعظم أجرهم قولوا آمينـي



وصلتني واحببت نشرها مع الشكر لشاعرها وموصلها

[نبرة فرح]

صح اللسانك
الله يرحمه ويغفر له

[الحياة امل]

قصيدة رائعة والله يعطيك العافية يااستاذ

[فديت تمير]

آآآآآآآآآآآآآمين
قصيده رائعه ومؤثره تسسلم ..

[secondwish]

القصيده جدا مواثره
رحمك الله ياطارق واسكنك فسيح جناته وغفر الله لك جميع ذونوبك

[الأنيق]

اللهم أغفر لطارق وأسكنه جنات النعيم
صح لسان قايلها
وجزاك الله خير على النقل

[مهند2000]

لاهنت يابو عاصم . .