ياشاص جيت وناوي اعزيك رااااائعه

[نقوشي]

هذة القصيدة قالها أحد الشعراء عندما رأى أحد الشباب المراهقين وهو يقوم بتفحيط على جيب
شاص جديد بالاضافه إلى انتشار الجيوب وبشكل ملفت جدا مع الشباب الخكاري فثارت قريحته
وأنشد يقول :-





يا شاص جيتك نأوي اليوم أعزيـك
……………………قرب يجيك الموت حـان ارتحالـك
من يوم شفنا لابس ألكـاب راعيـك
…………………..مدري وش اللي غير اليـوم حالـك
أبـو سبيـب كنهـا شكـة الديـك
…………………….يمشـي وكنـه مـوردك للمهالـك
إن كـان ذا حالـك فحنـا نخليـك
…………………….يوم الربـع قالـو ترانـا رجالـك
عقب الكوامر والعبث بالشرابيـك
…………………واليوم فوق الشاص عقب الكدالـك
مـا بـاقي الايقلبـونـك تماتـيـك
…………………..ويبـدلـون ألمرتـبـه بالمـدالـك
مادام حطوا لـك جنـوط وسيراميـك
…………………..اصبر تحمّـل كـل شـي ينالـك
يا للي ركبته وش تبـي بالمهاليـك
…………………غلطان أبوك اللي رضا واشترى لـك
الشاص ماهو لك ولا هـوب باغيـك
……………….الشاص لرجال(ن) تعرف المسالك
لصار جـو البـر يمخـش اياديـك
…………………..خله يجـي قرم (ـن) يسوقـه بدالـك
مدام طوقك مرتفـع عـن علابيـك
…………………….وأبـوك زود بالنعـومـة دلالــك
عز الله إن أبوك عجز(ن) يربيـك
…………………ولامسك نصب المساحـي شمالـك
لمـع وظلـل صافيـات الشبابيـك
………………..لا يفارق الفيري مع الوقـت بالـك
الشاص مالك به أقصار خطاويـك
……………………حـدك تراه الدائـري ذا مجـالـك

[سُلاَفْ القَصِيدْ]

لصار جـو البـر يمخـش اياديـك
…………………..خله يجـي قرم (ـن) يسوقـه بدالـك
خكري ومعه شاص .. تناقض
نقل موفق
واختيار اكثر من رائع
يعطيك العافيه

[النادر]

لصار جـو البـر يمخـش اياديـك
…………………..خله يجـي قرم (ـن) يسوقـه بدالـك
مدام طوقك مرتفـع عـن علابيـك
…………………….وأبـوك زود بالنعـومـة دلالــك
عز الله إن أبوك عجز(ن) يربيـك
…………………ولامسك نصب المساحـي شمالـك

الله يعافيك اخوي مذهل قصيدة رائعه
تمثل حال البعض اليوم

[جار القمر]

والله انه صادق
الخكاريه ذولي ملاحقين القروم في كل شي منول اذكر الجمس ما يسوقه الا الرجاجيل ثم صار موضه البزارين اهل الكريمات والجرنجيز والجنوز
واليوم جاء دور الشاص
الجيب مهوب لك ياراعي الديرة
الجيب للي ينوبه في الخلا الخالي
شكرا مذهل على الموضوع الجميل وصح لسان الشاعر

[عرق الأرطى]

انشهد انه صازز
الجيب موهب لك يراعي الديره خل ابوك يشتريلك اصغيره

[المتحـ2007ـد]

الولد اللي توه متخرج تلقى معه شاص وجديد

بس شاريه من طحانة ابوه الله يخليه له

يا للي ركبته وش تبـي بالمهاليـك
…………………غلطان أبوك اللي رضا واشترى لـك
الشاص ماهو لك ولا هـوب باغيـك
……………….الشاص لرجال(ن) تعرف المسالك

مشكووور على هذا النقل الراااائع يا مذهل

[أبـوحـمـد]

عقب الكوامر والعبث بالشرابيـك
…………………واليوم فوق الشاص عقب الكدالـك

هههههه حلوه الابيات...
خلاص الحين صار موضه راعي الكاب شاص..
وتلميع كفرات ..
مشكور يا مذهل على هذي القصيده..

[ابوتمه]

اولا" الشاص موتر ما ياخذه الى هاويه ثانيا" الي يلمع ويغسل الكفرات هذي هوايه ما تمنع انه يكشت البر ويقنص عليه ويروح ويجي عليه وبعدين الشاص ما صنعته اليابان للكشتات صانعته موتر تحميل مثله مثل الدينا وما اقول لراعي القصيده الا الي مايطول العنب حامضن عنه يقول هههههههه وشكرا"