شاطئ الراحة
26 / 03 / 2010, 11 : 02 PM
قصيده رائعه للشاعرة وحيدة السعودية
ياحيلة الله ما بالاجواد فزاع
يفزع ليا صاحت من الناس حره
الصيحة اللي مزعت قلبي امزاع
رددتها بالقاف مره ومره
هي ماتت الفزعات ياوال الافزاع
يامحصي ماكان لو قدر ذره
تفر قلب الادامي بين الاصباع
وترد للقيعان نجم المجره
تسمع دبيب النمل والخلق هجاع
وتحيي هشيم ساف الارياح ذره
كم قد نصيت الناس من روس واتباع
وانكفت في قلبي من الناس حره
الناس ذا يشري وهذاك بياع
ومن هو قصر خيره تلقاك شره
ماينفعك كود الذي ذاق الانفاع
هذي بذيك وكرة عقب كره
ذي سلة أوجاعي ولا سلة اوجاع
المانع اللي ثوب الاحزان صره
امشي بهاالدنيا على ماض الاسناع
وكم لطمة جتني على حين غره
وانوخ ركابي على جال مرباع
في نجد واصبح في نواح المعره
أجواد ياكثر الاجاويد بالقاع
ياكثرهم وقت الرخا والمسره
واليا اختلف وقت الفتى بانت اطباع
كن الحصيني ذيب لله دره
لله در اللي نصيته ولاطاع
ولله در اللي عليه اتشره
اللي ترجيته وفيه الرجا ضاع
ماصب لي بالضيق فنجال مره
يافزعة الله مابالاجواد فزاع
يفزع ليا صاحت من الناس حره
ياحيلة الله ما بالاجواد فزاع
يفزع ليا صاحت من الناس حره
الصيحة اللي مزعت قلبي امزاع
رددتها بالقاف مره ومره
هي ماتت الفزعات ياوال الافزاع
يامحصي ماكان لو قدر ذره
تفر قلب الادامي بين الاصباع
وترد للقيعان نجم المجره
تسمع دبيب النمل والخلق هجاع
وتحيي هشيم ساف الارياح ذره
كم قد نصيت الناس من روس واتباع
وانكفت في قلبي من الناس حره
الناس ذا يشري وهذاك بياع
ومن هو قصر خيره تلقاك شره
ماينفعك كود الذي ذاق الانفاع
هذي بذيك وكرة عقب كره
ذي سلة أوجاعي ولا سلة اوجاع
المانع اللي ثوب الاحزان صره
امشي بهاالدنيا على ماض الاسناع
وكم لطمة جتني على حين غره
وانوخ ركابي على جال مرباع
في نجد واصبح في نواح المعره
أجواد ياكثر الاجاويد بالقاع
ياكثرهم وقت الرخا والمسره
واليا اختلف وقت الفتى بانت اطباع
كن الحصيني ذيب لله دره
لله در اللي نصيته ولاطاع
ولله در اللي عليه اتشره
اللي ترجيته وفيه الرجا ضاع
ماصب لي بالضيق فنجال مره
يافزعة الله مابالاجواد فزاع
يفزع ليا صاحت من الناس حره