هذي مشكلة بلديتنا

[لورنس العرب]

مشكلة بلديتنا في ها الديرة إن كل الشهور اللي راحت قاعدين متسدحين

يوم جاء طاري مناسبة بتصير في تمير ومسئولين بيجون للديرة تطامروا بينجزون شغلهم

فالشغل اللي ما يمكن إنجازه في أشهر ينجزونه لك في اسبوعين

وخذ من الشغل اللي حيا الله أهم شيء نخلص قبل الموعد

ويا دار مادرى عنس أحد

[M J]

مشكلة بس بالبلديه ؟
هذي مشكلة بالمملكة العربيه السعوديه كلها :t169: ,
نفس نظام مدارسنا .. النشيد الوطني ماينشد الا اذا كان فيه موجه او زائر من الوزارة هع !

[عالمي تمير]

مشكلة بلديتنا في ها الديرة إن كل الشهور اللي راحت قاعدين متسدحين

يوم جاء طاري مناسبة بتصير في تمير ومسئولين بيجون للديرة تطامروا بينجزون شغلهم

فالشغل اللي ما يمكن إنجازه في أشهر ينجزونه لك في اسبوعين

وخذ من الشغل اللي حيا الله أهم شيء نخلص قبل الموعد

ويا دار مادرى عنس أحد
لامناسبة ولاشي
الشركة تشتغل من زمان وينك عايش

[دحوم الخالديه]

يشتغلون يوم واسبوع واقفين ...

[جن جنونه]

هم يشتغلون والله يعفيهم ان شاء الله وان شاء الله يكون شغلهم زين مو حياا الله

[لورنس العرب]

مشكلة بس بالبلديه ؟
هذي مشكلة بالمملكة العربيه السعوديه كلها :t169: ,
نفس نظام مدارسنا .. النشيد الوطني ماينشد الا اذا كان فيه موجه او زائر من الوزارة هع !



صدقت أخوي

[لورنس العرب]

لامناسبة ولاشي
الشركة تشتغل من زمان وينك عايش

وين تشتغل فيه من زمان

أنا لو إني عايش في الصين

أعرف إنها ما تشتغل من خلال الشكاوي اللي في المنتدى

بعدين نسيت نص الدوار اللي صلحوه في يوم وليلة عشان احتفال العيد

وتركوا الدوار ألين ها المناسبة الجديدة

وبعدين من شفتك تشجع العالمي وأنا داري إن عندك صبر أيوب :t32:

[لورنس العرب]

يشتغلون يوم واسبوع واقفين ...

هذا اللي صاير

لكن ها اليومين حامين عشان فيه مناسبة قريبة

[لورنس العرب]

هم يشتغلون والله يعفيهم ان شاء الله وان شاء الله يكون شغلهم زين مو حياا الله

المشكلة بها السرعة أكيد راح يكون الشغل حيا الله

[طير شلوى]

الله على الدنيا يعيين بس ،،
ماحولك احد يا لورنس ،

[اناوياة]

هلا بك
الله يعين البلدية عليكم !!
كل شي البلدية !! أبلشتوهم خلوهم يشتغلون بس !!
الشي مايجي يوم وليله !!
وسعو صدوركم !!

[ريسوو]

كل واحد يتكلم وهو قاعد في بيته على النت الناس تشتغل وانتم تسبون فيهم ماعليكم شرهه بس الله يخلف علينا وعليكم انتم تبون تصير تمير مثل الرياض وتشوفون عيالكم عاقلين لايفحطون ولايزعجون البلديه ماقصرت ويعطيها الف عافيه لو انت تشتغل معهم كان ماقلت هالكلام اتمنى تكوون دقيق اذا بغيت تكتب مو يجي اي واحد يكتب من راسه عشان يسوي فيها فاهم

[لورنس العرب]

الله على الدنيا يعيين بس ،،
ماحولك احد يا لورنس ،

شاكر مرورك

[عيونه]

النآس تشتغ ـل وتسسوي اللي عليها وانت جآلس هنآ تكتب ومو ع ــآجبك

خل النآس تشتغل في حآلها

[لورنس العرب]

هلا بك
الله يعين البلدية عليكم !!
كل شي البلدية !! أبلشتوهم خلوهم يشتغلون بس !!
الشي مايجي يوم وليله !!
وسعو صدوركم !!

وأنت وإياه شايفنا ألحين قاعدين في طريقهم لا يشتغلون

ما أقول إلا الله يصبر أهل الديرة على ها البلدية ودفنستهم

[لورنس العرب]

كل واحد يتكلم وهو قاعد في بيته على النت الناس تشتغل وانتم تسبون فيهم ماعليكم شرهه بس الله يخلف علينا وعليكم انتم تبون تصير تمير مثل الرياض وتشوفون عيالكم عاقلين لايفحطون ولايزعجون البلديه ماقصرت ويعطيها الف عافيه لو انت تشتغل معهم كان ماقلت هالكلام اتمنى تكوون دقيق اذا بغيت تكتب مو يجي اي واحد يكتب من راسه عشان يسوي فيها فاهم


شوي شوي أخوي ريسوو لا يضربك فيك عرق

شكل عرقك في البلدية قوي مره

عاد بذمتك ما لاحظت إنهم متحركين ها اليومين

[لورنس العرب]

النآس تشتغ ـل وتسسوي اللي عليها وانت جآلس هنآ تكتب ومو ع ــآجبك

خل النآس تشتغل في حآلها

يعني أنت اللي عاجبك شغلهم ذا

قل به قل به تقول ملحوقين

كلها كم شهر وبتدرون إن العجلة ما فيها خير

[لورنس العرب]

النآس تشتغ ـل وتسسوي اللي عليها وانت جآلس هنآ تكتب ومو ع ــآجبك

خل النآس تشتغل في حآلها

يعني أنت اللي عاجبك شغلهم ذا

قل به قل به تقول ملحوقين

كلها كم شهر وبتدرون إن العجلة ما فيها خير

[T_N_T]

اول شي نبي نعرف وش المناسبة اللي تقول عنها؟؟؟

ثاني شي البلدية كبرت اللقمة وهي هالحين غاصة !!

لو بدو بالمشاريع واحد واحد كان يكون الشغل انظف واسرع ومن زمان قد خلصو من جميع المشاريع

لكن الله يعين الجميع

[الادميرال]

والله ناس مايملى افواههم الا التراب

ان اشتغلوا قلتوا مناسبه وان جلسو سبيتوهم

ماعرفوا لكم

[أبو تميم الفيصل]

الله يكون في عونهم يشتغلون يوم ويغابون اسبوع

[خزاما]

المشكله ان بعض ربعنا با البلديه يتفننون في تطبيق مبداء ماكاري من احد

[المهند]

العمل الآن على قدم وساق .. ومعدات المقاول بقضها وقضيضها تملأ شوارع المدينة يمنة ويسره ..
العمل يبقى أشهر عجاف على وضعه المتهدم .. ثم ينجز ويوجز في عدة أيام .. ليتوقف بعد مناسبة أو احتفالية ..
دوار الدفاع المدني أنشأ نصفه في ليالي رمضانية .. وانتهت المناسبة وانتهاء معها العمل ..
ليبدأ مشروع اكمال النصف الآخر بحلول مناسبة ثانية .. "الغريب فيها أنها لاتختص بالبلدية"
ولعل لنا في بوابة تمير ذكريات وكوابيس عشناها حتى أكتملت .. فبقرب كل مناسبة يتم العمل بها ..
لماذا هذا التقاعس ,, وإلى متى سنظل مع هذا الأمر وهذه القصص ..
نسأل الله العظيم أن يبدل الحال إلى أفضل .. وأن يُكثر مناسبات البلد واحتفالاته ..

[لورنس العرب]

اول شي نبي نعرف وش المناسبة اللي تقول عنها؟؟؟

ثاني شي البلدية كبرت اللقمة وهي هالحين غاصة !!

لو بدو بالمشاريع واحد واحد كان يكون الشغل انظف واسرع ومن زمان قد خلصو من جميع المشاريع

لكن الله يعين الجميع

المناسبة يجيك خبرها في المنتدى قريب

اللي خلهم يغصون إنهم جمعوا شغلهم ألين جعتهم المناسبة فجأة

[لورنس العرب]

والله ناس مايملى افواههم الا التراب

ان اشتغلوا قلتوا مناسبه وان جلسو سبيتوهم

ماعرفوا لكم

يشتغلون زي الناس

مهوب يتسدحون ألين يضيق بهم الوقت ثم يشتغلون أي كلام

الديرة للجميع مهيب لهم لحالهم

[لورنس العرب]

الله يكون في عونهم يشتغلون يوم ويغابون اسبوع

أبشرك ها اليومين حامين

حتى ما تقدر تمشي زين في الشارع العام من كثر معداتهم

لكن الشغل السريع يخرب بسرعة

[لورنس العرب]

المشكله ان بعض ربعنا با البلديه يتفننون في تطبيق مبداء ماكاري من احد

المعذرة أخوي مافهمت شيء

[لورنس العرب]

العمل الآن على قدم وساق .. ومعدات المقاول بقضها وقضيضها تملأ شوارع المدينة يمنة ويسره ..
العمل يبقى أشهر عجاف على وضعه المتهدم .. ثم ينجز ويوجز في عدة أيام .. ليتوقف بعد مناسبة أو احتفالية ..
دوار الدفاع المدني أنشأ نصفه في ليالي رمضانية .. وانتهت المناسبة وانتهاء معها العمل ..
ليبدأ مشروع اكمال النصف الآخر بحلول مناسبة ثانية .. "الغريب فيها أنها لاتختص بالبلدية"
ولعل لنا في بوابة تمير ذكريات وكوابيس عشناها حتى أكتملت .. فبقرب كل مناسبة يتم العمل بها ..
لماذا هذا التقاعس ,, وإلى متى سنظل مع هذا الأمر وهذه القصص ..
نسأل الله العظيم أن يبدل الحال إلى أفضل .. وأن يُكثر مناسبات البلد واحتفالاته ..

يكفيني في الموضوع كله تأييدك يامرقبنا المبدع

[الفجر2002]

الله المستعان اسالوا المقاول .........
**********
الدخول في الذمم ,, والرمي والاتهام .. ليس مجاله في ملتقى الأهالي .. أعتذر عن تحرير الرد .. وحذف الردود التي بعده
المهند

[خزاما]

المعذرة أخوي مافهمت شيء
وسع خيالك ورؤيتك وارجع بذاكرتك سنوات للاحداث المتعلقه باالموضوع وتدري ولا تقل عقب ذا مافهمت لان المعنى في بطن الكاتب

[لورنس العرب]

وسع خيالك ورؤيتك وارجع بذاكرتك سنوات للاحداث المتعلقه باالموضوع وتدري ولا تقل عقب ذا مافهمت لان المعنى في بطن الكاتب

أبشر بسعدك الليلة مانيب نايم ألين أفهمها

[لورنس العرب]

إلى الإخوة اللي يلاحظون

تم تأجيل المناسبة فتوقف العمل

ها قد عادت المناسبة وعادت معها البلدية للعمل

اللهم اجعل مدينتنا دوما مناسبات

[جنـgن رجل~]

الله يعين وبس والله يزين الحال

[عزوز الرياض]

اقول والله من 000 فيها
يوم تلاقيهم عند دوار الوسيعه ثم يحسون فيها ويجونك في وسط الديره كم يوم يدبسون ويلعبون ثم يروحون عند تميريه يعني شوي شوي الين يروحون اهل تمير

[انين قلم]

من تكلم ضدك غلطان
دوار الوسيعه تم فوق السنه
ماحركوا فيه عود
والحوادث فيه كثيره

[أبشر]

شوي شوي أخوي ريسوو لا يضربك فيك عرق

شكل عرقك في البلدية قوي مره
عاد بذمتك ما لاحظت إنهم متحركين ها اليومين




جبتها على الجرح صح ههههههههههه



وكل الدوارات اللي حاطينه مافيها لوحة وحده مكتوب فيها الافضليه للقادم من اليسار

http://www.alyaum.com/images/12/12062/399134_1.jpg

وسمعت انهم بيحطون بدالها من سبق لبق داخل الدوار هههههههههه

[عاصم]

والله شي غريب من بلدية تمير وشلون مخلين دوار الوسيعه على شغله وحوسته ويروحون يسون دوارات جديدة ولا ويخلصونها في وقت قياسي المفروض انهم خلصو حق الوسيعه اول وبعدين يصلحون دوار ثاني جديد لاكن بهالطريقه واضح ان الشغل حوسه وماشين على البركه والله يكون في عون اهالي الوسيعه وانا اقترح عليهم يستضيفون لهم مسؤل كبير في الدولة عشان تلتف البلدية لهم