الـجوال

[عهود]

سـبـحـان ربٍ بــــدّل الــحــال بــأحــوال=وكشف لنـا ف"البـدو" بعـض الدعـاوي
من يوم جاء في "مدركة" برج الإرسـال=راحـوا عـلـى الـجـوّال بـلـوى االـبـلاوي
تـسـابـقـوا لـلـســوق رجــلــي وخــيّــال=صـاحــي ومـجـنـون وفـقـيـر وغـنــاوي
تسـمـع لـهــم عـنــد الـمـحـلات ولـــوال=والاجـهـزة مـــا خـلــوا إلـهــا شـــلاوي
تـقـول واحـدهـم مـــن الامـــر مـهـتـال؟=مـاهـو مـصّـدق مــدري أمــرٍ سـمــاوي
حــتــى لــيــا صــلّــى يـخـلـيـه شــغّــال=ولــيــا تــربّــع فــــوق وارد عــــراوي
ولـيــا جـلـسـت بمـجـلـسٍ فـيــه عـقّــال=وانـتـه عـلـى زيــن السـوالـف شـفـاوي
مـا عــاد تسـمـع مــن تكـلّـم ومــن قــال=مـــا غـيــر جــــوالاتٍ إلــهــا تــعــاوي
والمشكـلـة لـــن كـــان لـبّـاسـة الـشــال=حطّت ل"اريسكون" ف: رقبتها عراوي
وحـتـى العـجـايـز كـــل وحـــدة بـجــوال=ولا يــاخـــذنّ إلا الـجــهــاز الــغـــلاوي
حــي الجـهـاز وحــيّ حـتـى الكريـسـتـال=والـوانــه الـــوردي والازرق سـمــاوي
لـــو إنـهــا خـســارةٍ فــــي هـالاشـكــال=ولا يشـتـريـه لمثـلـهـن غـيــر غــــاوي
والقـصّـة الـلـي مــا تـصـوّر عـلـى بــال=و يـتــوه فــــي تفـسـيـرهـا كــــلّ راوي
مـعـي ثــلاث أرقــام يــا سـاتــر الـحــال=عـنــدي عـدمـهـا والـوجــود مـتـسـاوي
والهـرج مهـمـا كــان يسـمـج لـيـا طــال=ومــا قــلّ يكـفـي عــن كثـيـر الحـكـاوي
جـــهـــازي الاول يــقــولــون بـــطـــال=وأنــا شريـتـه مــار مـــا كـنــت نـــاوي
وسافـرت لابـو ظبـي انـا ومـعـي رجّــال=مــن روس نـــاسٍ يـبـعـدون الـهـقـاوي
طـلـبـنـي الــخــوّة ووافــقــت فـالــحــال=وإن كـان مـا اخاويـه مـن عـاد اخـاوي؟
وبعـد قضينـا ف السفـر بعـض الاشـغـال=جـيـنــا لــــدار مـريّـحـيــن الـشــقــاوي
وقابلـت فـي الجـمـرك رديـيّـن الأعـمـال=واحـد قـريـت إسـمـه .. يـعـوّد حـسـاوي
قالـوا جـهـاز "البـانـدا" مــاض الافـعـال=قــد اصــدروا فـيــه المـشـايـخ فـتــاوي
لازم يـصـادر مـنــك يـــا طـيــب الـفــال=وإلا تـبـيـعـه كـــــان لـلـبـيــع هـــــاوي
وليـا هـذاك الـرجـل أبــو ثــوب وعـقـال=عـطـيـتـه الـقـصّــة وكــنّـــي حــيـــاوي
قــال إحـمـد الله , هــاك تسعمـيـة ريــال=مـن عـنـد غـيـري مــا تـجـي بالمـنـاوي
قلـت الخسـارة نـص مـن روس الأمـوال=لـكـنّ انــا مـــا احـــبّ كـثــر الـرجــاوي
" ريح الشّياط ولا العـدم " مثـل مـا قـال=راع المـثـل... حــزّة قـنــص بـالـنـداوي
شيـلـه و رح يالـخـال حــق إنــك الـخـال=تـــراه يـصـلـح لـــك إذنّــــك هــــواوي
وجبـت الشريحـة , مـار بعـد أربـع ليـال=ضاعـت وصــار الـجـرح مـالـه مــداوي
وجـهـازي الـثـانـي غـــدا عـنــد نـشّــال=وجـهــازي الـثـالـث طـرحـتـه سـهــاوي
مـا اخبـر جهـاز اخـذ مـن هــلال لـهـلال=لازم يـجـيــه مــــن الـصــواديــف لاوي
امــا طـرحـتـه وإنـــه مـــروّح أوصـــال=وإلاّ انسـرق واخفـوه بـعـض الضـنـاوي
حـظــي كـــذا مـــن عـــام الاول ولا زال=مـــا فـادنــي كـثــر الـمـنـى والـعــزاوي
وحــظّ الـرجـل مـــا ينـتـعـدّل لـيــا مـــال=لــو قــام مــن قـبـره بخـيـت الـعـطـاوي

مختارات عهود

[هادي]

صدقتي يا عهووود

والله العااالم مهيب مصدقه

وتركض ورى موضة الجواالات

مشكوووره على اختياااااااارك


سلام

[هبوب الشمال]

صح السان الشاعر

واشكرك عهود على النقل


راوى المنتدى

[UMTUTU]

http://home.att.net/~scorh3/Flower04a1.gif

الجوااااااااااال

سلاح ذوو حدين

تسلمين عهوود على اختيارك كلمات تخدم المجتمع بما تحمله من عبرة

تسلمين


http://home.att.net/~scorh3/Flower04a1.gif

ام توتو

[ابو متعب]

الاخت عهود تسلمين على حسن لاختيار
تحياتى

[عهود]

شكرا لكم جميعاااااا

والجوال صنع لغرض الفائده ليس التباهي

تحياتي لكم

[فــتــى نــجـــد]

عهــــــــود

ياسلام على الاختيار

مشكوررررررررررررررررررررررة

وما قصرت