النصب والشرطه

[جن جنونه]

بسم الله الرحمن الرحيم

الحي الشرطه وش فيهااا على اللي يسوون نصب ويعرضون موترهم اول يوم عرضو على الشارع العاام جااء موكب من الدورياات مدري ايش هم مسوين ياااخي تراااهم نااصبين سيرااتهم وش عليكم منهم انا لو موتري نصب لا اطفيه واخليه مااعلي من الشرطه انا ملبقه في مكااان صحيح ولا سويت شي ليه تجي تقول شل سياارك

[عاشق هواه]

بالله ناس موقفه لا لهم ولا عليهم تجي وتاخليهم يحركون وين تبيهم يروحون او على شان يدرون
وتلعب معهم لعبة القطو والفار

[دحوم الخالديه]

يارجال شرطتكم الله بالخير ماعندك احد قسم بالله مايدروون وين ربي حاطهم اجل ناصبين على الرصيف حلو ماتسببو بتضيق بس مزاجهم الا بالغصب يبون يعاندون
مافيها شي ترا .
وثاني مره ينصبون جت الدوريه تدور حولهم خيــــر ماصارت ذي

شكرآ يالهواوي ع الموضوع ..

[راعي الاولة]

من رايي اذا كان بس توقيف سيارات مافيه مشكله ..بس اتوقع انهم يخافون من الجمهرة والتفحيط بس .>>> محايد .

[جار القمر]

وش ترجي من ناس اعلى واحد فيهم معه شهادة سادس ويمكن ليلي بعد
توقع منهم اي شي
يمكن يقول لك في يوم من الايام اذا دقيت ريوس لا تولع لمبات الريوس علشان ما تسطع القادم من الخلف >> حلوة القادم من الخلف يبطي ما قالها !!
مرة وقفني لاني موقف غلط وقال رخصة واستمارة
عطيته اياهن قال الاستمارة بسمك قلت لا بسم جدتي
قال تهزا ؟ قلت ماتشوف اقر وتدري منهي بسمه
قال وليه موقف غلط قلت بمزاجي عطي قسيمة وخلني اروح
قال وراي للقسم قلت وشو قسمه ياعمي قال وراي بس
رحت معه للقسم ودخلت على الضابط مدري وش اسمه نسيته بس سمعته يقول له هذا يابوعبدالله موقف في سط الشارع وقال له السالفه كلها
قال صحيح
قلت موقف في وسط الشارع صحيح اما متهزي به فيخسا ويعقب
وقلت له السالفه
قال الضابط للجندي انصرف
ثم قال لي وش تبي بذولا تحارشهم ... الخ
وعطاني رخصتي واستمارتي بدون قسيمه وصارت جيتي خيره
طبعا الكلام هذا قبل كم سنه
وشكرا

[فهد7]

مشكوووووور والله يعطيك الف عافيه

[أبوســعدون]

بتكلم بشكل حيادي جداً

سبب انهم يقروشون الي ينصبون لانها تؤدي لتجمهر الشباب والتي قد تؤدي الى امور غير جيدة ولذالك يفرقونهم

وانا مالومهم

لاكن لو يتفقون مع الشرطة ويكون الممشى الي بتمير هو شارع حق نصب

كونة صاد عن العالم وحركة السير فية قليلة جدا وفية اماكن لنصب المواتر وهو افضل مكان ينفع للنصب

اما الشارع العام طريق قد تكون فية حوادث بسبب النصب ويكون فية ازدحام او ازعاج للمارين وزي كذا

مجرد وجهة نظر

ومـضة:

النصب هو ان تظبط سيارتك وتركنها في مكان يوجد بة سيارات مماثلة وكل شخص يتنافس في ان تظهر مركبتة بشكل اجمل من الاخرى

[عالمي تمير]

أنا أشوف النصب في مكان بعيد وفي المخططات شي عادي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
هواية أحسن من التفحيط والدوران

[بن صماخ]

لا حياة لمن تنادي.
الشرطه ماخذه الدعوه مزاجيه
جهال....

[اصيل تمير]

لاتلومون الشرطة في مايسوون ( لاحسيب ولارقيب )

الله يكون بعونكم يااهل تمير مع هالشرطة الدايخه

[مستشار تمير]

لاتلومون الشرطة في مايسوون ( لاحسيب ولارقيب )

الله يكون بعونكم يااهل تمير مع هالشرطة وبعدين ازين لشرطه اذاالشباب عرضو مواترهم