رساله الى محافظ المجمعة يجب ايصالها

[النايف]

ياجماعتي ياأهل تمير الاعزاء ياعزوتي
يجب علينا التكاتف والوقوف على هذه الظاهر التي تحدث داخال الديره
والرفع لسمو الامير محافظ المجمعه
1/ ملاحقة الشرطة للمفحطين داخل الاحياء مما يسبب في حصول على حوادث لا يحمد عقباها .
2/ وقوف افراد الشرطه عند ابناء الديره .؟؟؟؟


لا يكفيني المرور على الموضع بلى يجب الرد

اخوكم
النايف

[البحار الشبرمي]

أخوي النايف الغـلط مهوب من الشرطة الغلط من المفحطين أول مايفحط ويشوف الشرطة وراه على طول يدخل الحارة ولو أن الشرطة تركته راح يفحط دايم أقرب مثال شارع الثلاثين الناس تفحط فية وأول ماتلحقهم الشرطة على طول في الحواري ينحاشون فيها ولو تركتهم الشرطة الناس مهوب راضية تبي تقول ليش الشرطة ماتلحقه
............................... النقطة رقم 2 مافهمت وش معناها من قصدك باأبنائنا ياليت توضح هذي النقطة وشكراا لك على الموضوع المميز

[كايدهم]

اكتب معروض وامش على الدوائر الحكومية لكي يوقعون معك

[جار القمر]

اشكرك على طرح هذا الموضوع وتبادل وجهات النظر فيه
لذا ارى أن ينقل لساحة الحوار والنقد
اما قضية التفحيط فهي قضية القضايا ومشكلة المشاكل وأمر الشرطة فيها محير فلو تركوهم لم يلاحقوهم لاستمروا في ممارسة سلوكهم المشين ولو طاردوهم لعرضوهم والآخرين للحوادث
ولعل انسب الحلول يأتي في أمور
أخذ رقم لوحة السيارة واستدعاء صاحبها وتعريضه لأقسى لعقوبات ومنها مصادرة السيارة او حجزها لعدة أشهر
مخاطبة المحافظ للأمر على من يلزم بتكليف المباحثين بمتابعة المفحطين والتبليغ عنهم
تبليغ ولي أمر المفحط بعمل ابنه فلعله لا يدري
وهنك طريقة قد تجدي وهي تعريض سيارة المفحط للتهشيم وكسر الزجاج برميها بالحجارة من قبل اهالي الحي المتضررين

هذا وأسأل الله للجميع الهداية والرشاد وسلوك الطريق القويم

[جن جنونه]

وانت اظااهر مالقيت لك شغل الا الشرطه ترفع معروض لهم اول شي شل عيال ديرك اللي يفحطون والشرطه مااهي لحقه احد منهم ..
اما وش تقصد وقوفهم عند ابنااء الديره يعني تبيهم ماايمسكون احد ماايوقفون احد
والله ماعرفو لكم هم ان ماطلعو قلتو الشرطه ماتطلع وان طلعو قلتو تطلع تلاحق عيلنا وتوقفهم

[سلطان نجد]

((( من امن العقوبه اساء الادب )))

- لو عوقب المفحط مااستفحلت تلك الضاهرة...

تحيااتي

[ولد الضيعة]

انت يا النايف شكلك من الي يفحطون او يتجمهرون في الثلاثين

علشان كذا تقول جماعتي وما جماعتي

الا بارك الله فيهم الشرطة والله يعطيهم العافية

ياليت والله يلااحقونهم من حارة لحارة ليكفو شرهم عنا وعن شيبانا

ما خليتو احد يرتاح حتى اخر الليل تفحيط في الثلاثين عالم ماتخاف الله

الا اقلب رسالتك للمحافظة يرسل تعزيزات لمنع ظاهرة التفحيط في البلد

والله كل ما فحط واحد في الشارع مااسمع الا الدعاء عليه

وياويلهم من الله من دعى ها الشيبان عليهم

اما موضوع وقفتهم عند ابنائكم هذي مالها حل في عقلك ؟

واحد يفحط وبزارين تتجمهر ماتبي الشرطة توقفهم وتوقف عندهم شي غريب انت

الا ودك يمسكون هالمبزرة ويحجزونهم ولا يطلعونهم الا بتعهد من ولي امرة

بانه مايتجمهر او يفحط .

على الرغم من تقصير الي يحصل من الشرطة الا بارك الله فيهم والله يعطيهم العافية

وياليتهم يتمركزون في اول الثلاثين واخر الثلاثين

واي بزر يتجمهر يحملونه التوقيف

ناس تتطالب بتدخل لإنهاء ظاهرة المراهقين من المفحطين

وناس تفحط وتتجمهر وفي الاخير تجي تطامر في المنتدى

وتكتب مواضيع مالها سنع

[غريب 2005]

شوي شوي ,,,

أي وااحد يفحط سجل رقم لوحته وارسلها للشرطه والشرطه كذالك ماينبغي لها انها تطارد العالم,,, سجل رقم لوحته وبلغ عنه وانتهى الامر,,,, لكن المصيبه الاعظم ان افرااد شرطتنا الموقرين مايعرفون يقروون ويكتبون ... هذي المشكله عشان كذا نطالب برجال أمن مثقفين ومتعلمين عشان تقضي ع هالظاهرهـ,,,


اماا يكون قطعة مدري ايش ويطاردك وينفخ عليك خير ياطير,,,,

ثانيا مسئله التجمهر هذي متعلقه بالوالد لو ابوه يمهده بطراااق كان ماطلع ,,,,

والشرطه مالها حق انها توقف عند الاطفال مثل مانخاف عليهم من بعض الشباب نخااف عليهم من عساكرنا الموقرين,,, ويصير مالا يحمد عقباهـ,,,, لكن المسئله متعلقه بولي الامر ماله دااعي انك تعرض ابنك للخطر,,,

وترا كل ديره فيها الصالح والطالح!!! حتى لو كان ممن يسمون بحاميين الديرهـ!!

[أبشر]

طيب وفحط وخير ياطير يطرده لا مايطرده يسوي نقطه او ينطق في مركزه حتى يبلغ عنه بمعلومات سيارته
لكن يطرده الطرد ممنوع ياجماعة الخير لكن هذا تصرف فردي من العسكري يبي يفرد عضلاته

وحسب المعلومات اللي عندي أبشركم العسكري تم الوصول الى اسمه وقام اشخاص بمطارده العسكري الهارب من موقع ( الجريمه ) حتى تم أخذ رقم لوحة الدورية وبأذن الله الشهود حاظرين وجاهزين وراح يتحاسب على كل شي سوه ولكن الاهم هم راح يتوقفون عن الطرد مده بسيطه وراح يرجعون لطرد مره اخرى ولكن لازم الجميع يكون مستعد اي وقت لو شاهد مطارده يصور المطارده فديو وينزلها هنا مع معلومات الدوريه حتى نوقفهم عند حدهم

[مثل القمرعالي]

الى شرطه تميرخذرقم اللوحه وخله وتجيبه عن طريق البحث .....ليه تلحق المفحط تراهم مراهقين ..يعني اذا لحقتوه اعلم انه سيعرض نفسه للخطر ولغيره من الأمنيين...وترى الدعوه ماتبي هياط كل شي يجي بالطيب

[L O R D]

هذا اللي استفدنا منه

شرطة تمير تقتل شخص وتصيب اثنين (http://www.tumaer.com/vb/showthread.php?p=662448&posted=1#post662448)

[النايف]

انا لا اقول اي شي عن اخواني الذين شاركون في الرد على هذا الموضوع
لا ن الذي كتبته حصل في نفس اليوم
وحصل ماكنت متوقعه
لا تعليق
ارجو منهم تصحيح الرد واعادة

[معقولة2008]

شرطة تمير معندهم معمله صح يكلامك بطرف خشمه
وانت مسويتا شي بالله هذي معمله

[المارد]

جابه النايف على الجرح المفروض شرطة تمير يتم تصفيتهم

[المحقق كونان]

صدقت ياخوي غريب 2005 المفروض ان الشرطه تسجل رقم الوحه وتحضره باي طريقه من غير المطارده في الشارع اتوقع ان الشرطه تشوف فلم مطارده في اخر الليل وتجي تطبقه في عيالنا اما بانسبه للوقوف عند الاطفال فهذا حاصل فانا امام عيني يوقف الطفل ويجلس يسولف معه ولا ندري وش القصد من السواليف معه ويستغل عمله في امور لا ترضي الله ولا رسوله وارجو من المسئولين يحطون بحث على رجال الشرطه وارجو ان يكون من هيئه الامر بالمعروف والنهي عن المنكر

[فهد800]

انا لله وانا اليه راجعون الله يرحم اللي توفي بواسع رحمته ويصبراهله علي مصيبتهم والله يشفي المصابين
اخواني بقول لكم شي قد يخفي عليكم وهو ان اول كان اهل تمير ياخذون حقهم بالكامل لان كان لدينا شياب لاياخافون في الحق لومة لايم واكثرهم الله يرحمهم ماتوا لاكن الان كلن نفسي نفسي ولو اهل الديرة اللي بمناصب عليا بوازارة الداخليه وغيرة عرضوا لوزير الداخلية بما يحصل بالديرة لما وجدة عسكري فاسد في الديرة

[برق تميرية]

الحمدلله على قضاءالله وقدره......الله يرحم الشاب طارق ويسكنه الجنه ..ويشفي عبدالعزيز وسلطان
..................................حسبناالله ونعم الوكيل انا لله وانا اليه راجعون...............................

[النايف]

انا ياشباب اتوقع انهم يسون كذا علشان يجيهم نقل الى ديارهم

الله يرحم الشاب طارق ويسكنه الجنه ..ويشفي عبدالعزيز وسلطان

[&اثير&]

حسبي اللة ونعم الوكيل شرطة فاشلة...............

[دحوم الخالديه]

المشكله انهم بادين يمدون يديهم على شي سخيف مثل واحد يمشي متائخر بالليل يجون يوقفونك ويركبونك ويمدون يدهم
وانا واحد منهم قد تكلم علي وع اهلي بس سكت خلها ع الله والله لايوفقهم..

[غآآمض]

وش تقصد بالنقطة رقم 2

http://up.arab-x.com/Feb10/Jiy22337.jpg

[هتلر صدام]

انا اصادق النايف في الكلام الي قاله لو لحق احد من عياله وصار لهم شيء
قال الشرط والشرطه خلاص اكتب رقم لوحته ولا تلحقه ولا اي شيء

[عاشق ديرتي]

الاساس يا أخي النايف
أن يقوم أهل شارع الثلاثين
بالرفع للمحافظ بطلب تعزيز
لأجل وقف هذهـ الاستهبالات
اللي فعلاً ذمرتنا والله يالنوم يالله
يجي ، من هالسيارات اللي تجتول
في شارع الثلاثين ، فعلاً هم يطاردونهم
بعض الاحيان من دون ان يضيئوا الانوار
وسبق وان رأيتهم خاشين في وجهي
من دون احم ولا دستور لكني تفاديتهم
وشارع الثلاثين والله ودكـ ان تكون فيه
نقطتين ، وحدهـ عند المديور حق تسالي
والاخرى عند الشارع العام ، والله ياهم
بهذلونا وربي لجونا لجج ، هم فعلاً يخطئون بهذهـ
الحركه السرعه في الحواري من اجل ملاحقة
السيارهـ المطلوبه وهذا غلط ، المفروض ان تكتب
رقم اللوحه واسم السيارهـ وتبلغ عنها في المدينة
كي تتم اتخاذ الاجراءات المناسبة والقبض على المطلوب

[بوندى]

اكثروا للموتى بالرحمة وللمصابين بالشفاء

والبكاء والعويل لالالالالالالالالا يفيد شىء المهمل العمل
وإن كان لن يرجع موتى ولن يشفي موتى لكن الحق لا بد ان يظهر والمتسبب لابد ان ينال عقابه
وإلا والله لترون شيئا لا يرضيكم من آخرين اصبحت ارواح الناس كارواح الدجاج

[فهد7]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[جعبوط تميراوي]

ياڵڵه بّڵغنا بّشفاء عبّداڵعزيز ۈســـــڵطان
ۈأرحم من اڵي رحڵ ۈٺرگ ۈراه اڵخڵان
ۈٺڵهم ذۈيــــهم اڵصــــبّر ۈاڵســــــــڵۈان
ياڵڵه عســـاها خاٺمــــــــــه اڵأحــــــــزان
من يۈم سمعٺ اڵخبّر ضاق بّي اڵمـــگان
حسبّي اڵڵه عڵى من ٺسبّبّ بّۈفاه طارق اڵعثمان
ياڵڵه أنگ ٺرحمه ۈٺســــگنه دار اڵجــــنان
ۈيــــــــاڵڵه يااڵـــــــــگريم ياڵمـــــــــــــنان
عجڵ بّشفاء عبّد اڵعزيز ۈسڵـــــــــــــطان
ۈاڵي دعا ڵهم يعجـــــــــــز اڵڵســــــــان
عن اڵشـــــــــــــــــــــــــگر ۈاڵعـــــرفــان