الى المسئول في المستشفى

[المحقق كونان]

اخواني انا لا اجيد الاسلوب في الكلام ولكن لعلي ان اجعل رسالتي تصل الى المسئول في المستشفى فانا والله اتضايق عند دخول المستشفى نظراً لوجود الف موظف يستقبلونك بكلمه (عسى ماشر) والمقصود بالكلمه وش عند جاي واذ لم تخبره اصبح يراقبك حتى يعرف ليش جاي وخصوصاً اذا كان معك حرمه وانا استغرب والله من الموظفين هناك كلهم في الاسياب ينتظرون المراجع لمعرفه اين يذهب واذا ذهبت الى المكاتب لم تجد فيها احد والصيدليه تجلس ساعه تدوره علشان يصرف العلاج لك فاتمنى من المسئول ان يرى لنا حل لهذه المشكله فاصبحنا نذهب الى المستشفيات المجاوره لنا بسبب هذه القضيه فالمريض له خصوصيه مع طبيبه ولا يريد ان يعرفها احد فلما فارجو من المسئول ان يرى لنا حل لهذه المشكله والله اننا اصبحنا لا نذهب بالنساء للمستشفى نظرا لكثره النظر لها من قِبل الي في الاسياب فارجو انني قد وصلت جزء من المعانات التي اعنيها في المستشفى وارجو من المسئول ان يحل هذه المشكله.

[دحوم الخالديه]

والله انك صدقت وبس
إن شاءالله توصل رسالتك..

[ندووش]

كلامك في الصميم الله يهدينا وياهم

[طير شلوى]

الله يكون في عونك اخي , والله يشفيك ،
والله لايحدك على اي مستشفى سواء هنا بتمير او غيرهـ ,

والاخوان ما سألوا عنك الا خوف عليك وحرص وان دل على شي دل على التكاتف الاجتماعي بين اهال تمير ,

كما قال الرسول عليه افضل الصلاه والتسليم ,(( يقول رسول الله المسلم للمسلم كالجسد الواحد اذا اشتكى منه عضو تداعى له سائر الجسد بالسهر والحمى )) او كم قال .

[راعي الاولة]

أخي اسمح لي بأبداء رأيي ..

لك من اسمك نصيب المحقق كونان .. ان تحب ن تتعمق في الامور ياخي امر طبيعي .

واحد شايفك في مستشفى لازم يسأل عن سلامتك .. وش تبيه يقول

وأنصحك أخوي عدم الوسوسه .

انا عن نظري والله استانس لما احد يسأل عن صحتي .

وبالنسبة للنساء مااتوقع احد يسألك مهوب من محارمك عن وش عند اللي معك جاي..

وبالنسبة للصيدليه انا جيت كم مرة للمستشفى صحيح مااحصل الصيدلي بس في اقل من دقيقة يجي . لما ادورة وش تبيه يطقه الهم لحاله كنه موسوس خله يروح يوسع صدره ويقطع وقته خل نفسك محله تبي تنحبس نص ساعه محد يجيك قاعد ماعندك شغل .

وتقبل مروري الدافئ . وشكرا .

[M J]

بالله ؟
عسى ماشر كلمة عادية و ..
إذا حد جاني وقال تعبان وهيك اقوله عسى ماشر .. ولا انا غلطان ؟, :t24:
وبالنسبة للقافة طبيعي .. متعودين من الناس كلهم هالشيء :t24: ,
تلاقيك تمشي بالممشى .. ويجيك واحد يدور عندك سبع مية الف وخمس مية دوره عشان يعرف من انت ! :t32:
ويالمحقق كونان ابشر باللي يرضيك
اليوم ان شاءالله قبل ماروح الداوم .. بروح للمستشفى اكلم مديرها يخفس عيون
الموظفين عشان نرتاح من لقافتهم مرة وحدة ..

[درة الكون]

السؤال عن سبب مجيئك للمستشفى ليس للقافة ولكن من باب الخوف عليك فقط فلولا محبتهم لك ماسألوا ولكن يجب أن يكون سؤالهم في حدود المعقول لذاعليك النظرإلى الاخرين من الجانب الحسن وليس من الجانب السي

[وردهـ]

الله يعينك ويشفيك
يخوي الناس تدور الي يسال عنها وانت تزعل منها

[قصام]

الدنيا مشاكل..

[TNT]

آلحين آلوآحد آذآ كآن يسآل علشآن يتطمن عليكـ يصير ملقوف..!!!!

[T_N_T]

المستشفى يبي له
7
7

اين مندوب المستشفي ويبدي لنا مرئياته حول الموضوع

او عندهم مناسبة اليوم؟؟

[معانق هم]

يااخوان الرجال معاه حق
الرجال يقول موظف يسأله ( عسى ماشر ) وهذا شي طيب والله يجزاه خير على حرصه
لكن ماهو دكتور عشان يسأله
وبالنسبه للمراقبه انا شخصياً قبل فتره جيت المشتشفى وسألني واحد
شعندك ؟!! << لا تعليق بصراحه !!
واحد جاي المستشفى شعنده يعني يبي يصور مثلاً ؟!
اكيد تعبان ،، والاخ مثل الظل وين ماروح وراي بشكل غير مباشر
وبخصوص الصيدلي بصراحه لا تعليق

[اكتوبر]

مااقولك الا
( الحي يحييك والميت يزيدك غبن )
الله يكثر من هالامثال لانهم هم الرجال
فيه اثنين من جماعتي في المستشفى يصلحون لك مررررره
الاول تخيل يشوف عمته معي ما سلم عليها ولا سئل عنها
والثاني براجع طبيب الاسنان قبل نهاية الدوام بنصف ساعة يقولي خلص الدوام مع العلم ان فية واحد من زملائه يجتلد(يعني وده يخدمني) بس هو اللي رده لانه ردي
فتذكر ياخي ان الطيب اخير من الردا
واتمنى لك الشفاء

[أبونواف11]

أخي اسمح لي بأبداء رأيي ..

لك من اسمك نصيب المحقق كونان .. ان تحب ن تتعمق في الامور ياخي امر طبيعي .

واحد شايفك في مستشفى لازم يسأل عن سلامتك .. وش تبيه يقول

وأنصحك أخوي عدم الوسوسه .

انا عن نظري والله استانس لما احد يسأل عن صحتي .

وبالنسبة للنساء مااتوقع احد يسألك مهوب من محارمك عن وش عند اللي معك جاي..

وبالنسبة للصيدليه انا جيت كم مرة للمستشفى صحيح مااحصل الصيدلي بس في اقل من دقيقة يجي . لما ادورة وش تبيه يطقه الهم لحاله كنه موسوس خله يروح يوسع صدره ويقطع وقته خل نفسك محله تبي تنحبس نص ساعه محد يجيك قاعد ماعندك شغل .

وتقبل مروري الدافئ . وشكرا .


أعجبني هذا الكلام لله درك

[البحار الشبرمي]

أخوي المحقق كونان اول شي اسمحلي ابدي رأئي في موضوعك هذا شي طيب انهم بقولون لك عسى ماشر اما بالنسبة للنساء ماأضن احد يبي يسئل أما بالنسبة الى راعي الصيدلية فدايم تحصلة في الطوارى يعني على طول يجي ماياخذ اكثر من دقيقة وشكرااااااا

[عالمي تمير]

صح كلمة (وش عندك) تقهر لوه مستشفى أبوه
لو يقولها لي لأشكيه
لكن عسى ماشر أحس إنها عادية
شكرا المحقق كونان

[مزاجيه]

المشكله مهيب في اللي يسألون عنك
المشكلة وصلت الأطباء اللي متمركزين على السياج عند باب الطوارئ
شكينا من الموظفين وحقين الامن وجونا الاطباء

[الساطع 2004]

كلامك فيه الكثير من التجني والشكوى لاجل الشكوى فقط .... هناك عيوب كثيرة في المستشفى ... لا اظن انك تجهلها ... واذا ما كان في المستشفى الا هالعيب فالمستشفى بالف خيرورضى الناس غاية لا تدرك

[قائدالأسود]

خخخخخ ما تبي احد يسأل عنك يا اخي اكيد بيسأل شكلك معقد
وان دل على شي دل على التلاحم الي مازال ان شاء الله بيننا موجود
واذا بقولك انك جاي وبيشوف وين تتروح انت وحرمتك اسمح لي اقولك كلامك هذا لا صحه له
في الاطلاق ابدا والله يسامحك كلامك هذا كبيرجدا جدا.
والحمد لله كل ماجيت للمستشفى وجدت الممرضين والصيدلين موجدودين صح يخت له دقيقه
دقيقتين لكن موجودين ومداومين

[مثل القمرعالي]

انامعك اذوديت اهلي للمستشفى لقيتهم كلهم عندالباب مادري ويش عندهم الا البعض منهم متربي تربيه حسنه اذاشاف معك نساء صد عنك وهؤلامشكورين اما الاخرين ماقول اللى الله يهديهم....اوجه الى المسؤل ان يعمم على موضفيه بان كل واحد يكون في مكانه الذي وضع فيه ولا يحرجون المرضى....اسف على الاطاله وشكرااااا

[خطوة أمل]

ياأخوان لي فترة اتردد على المستشفى لأخذ حقنة ولم أرى لماقلتوه من صحة

لكن بالصدفة تلقاهم بر وبعدين وسع صدرك والحمد لله لقيت أحد يسأل عنك عندنا بالرياض تموت على الطوارئ ماجاك أحد

[المحقق كونان]

مشكورين اخواني على التفاعل ولكن ليس انا الواحيد الذي يشتكي من هذا الامر جلست مع اكثر من واحد وكلهم يشتكون من المستشفى ومن الجلوس في الاسياب فلماذا نجلس في الاسياب لماذا لا يجلس كلن في عمله المخصص له نحن ننظر الى المستشفيات الاخر ولا نجد مثل ما نجده في مستشفى تمير وخاصه الجلوس في الاسياب وانا هذا من وجهت نظري وقد اكون مخطئ وقد اكون مصيب فكل منا له رأي وغيره على محارمنا فالرسول صلى الله عليه وسلم اوصانا بغض البصر

[أبوكدش]

كلامك عسسل
بسس أنــا قعدت ســـاعه عند الصيدليه عشان علاج
وماشفت احد ...

[عاشق الديرة]

انت اول واحد اتحداك تجلس في الاستراحة اذا جيت المستشفى وتشغلهم بعدين تفسر الكلمه على كيفيك كلمة عسا ماشر يطمن عليك موب زي ماقلت وش (عندك جاي) وبعدين اذا عندك اي شكوى قدمه لمدير المستشفى وهو مايقصر

[النوخذة]

مشكورين اخواني على التفاعل ولكن ليس انا الواحيد الذي يشتكي من هذا الامر جلست مع اكثر من واحد وكلهم يشتكون من المستشفى ومن الجلوس في الاسياب فلماذا نجلس في الاسياب لماذا لا يجلس كلن في عمله المخصص له نحن ننظر الى المستشفيات الاخر ولا نجد مثل ما نجده في مستشفى تمير وخاصه الجلوس في الاسياب وانا هذا من وجهت نظري وقد اكون مخطئ وقد اكون مصيب فكل منا له رأي وغيره على محارمنا فالرسول صلى الله عليه وسلم اوصانا بغض البصر


يالله لك الحمد..!!

صدق ماعندك سالفه؟
شكلك موسوس بزياده...

ياخي ..الموظف يعرفك ويسأل عنك..تبي شي ..آمر..

تصير هذي لقافه؟؟

وهم اكبر من انهم يلتفتون الى اشياااء ثانيه.....

نصيحتي وسع صدرك...واترك عنك الوسوسه..!

[سويد السويدي]

بصراحه يا اهل تمير
عندكم نظره للحياة عكس البشر
يامشاكل بالبلديه يا بالمستشفى
الواحد اذا سال عنك اكيد يبي يتطمن عليك
بصراحه انتم تشتكون من ربعكم ومن جماعتكم
انا الحين اجي لم تمير واروح المستشفى
وما اشوف الي انتم تتكلمون عنه نهائي
وكانها عن الصيدلي يمكن كان مشغول
بنقل الادويه من المستودع ولا ذاهب ليقضي حاجه
لا تكون دقيق لهذي الدرجه وان كنت تشتكي منه
فذكر انه من ابناء جلدتك وديرتك فلا نرضى
انك تقوم بتشويه صورة الموظفين بالمستشفى

تقبل ردي بكل صدر رحب

[ابو مشعل]

تم اغلاقه
والموضوع خذ كفايته من النقاش
شاكر للجميع