دخول المربعانيه

[أبـوحـمـد]

بسم الله الرحمن الرحيم
السلام عليكم ورحمة الله وبركاته

يوم الخميس القادم بمشئه الله26/11/9002م هو اول يوم من ايام المربعانيه وبدخول موسم المربعانية يكون فصل الشتاء قد دخل فعلا ويتمثل ذلك بهبوب ريح شمالية باردة إلا أن هذا البرد لا يستمر طويلا ويعود الدفء كرة ثانية ويعاود هجمته مع حلول النجم الثاني من المربعانية فأولها موسم برد قارص على المناطق الشمالية أما المنطقة الوسطى والشرقية فأولها يتسم بالاعتدال نهارا أما الليل فيتسم بالبرودة لهذا يعتبر أولها طقساً وسمياً بالنسبة للوسطى لاعتدال الطقس فيه..


التقويم :عمل شخصي وجهدي من جدي اطال الله بعمره..

http://m5awitumair.com/upload/uploaded/12_01258791679.jpg

تدفو يامال الغنيمه وخذوا حقكم
ترا ماوراكم الا المربعانيه الموت الحمر ..:t171::t150:

http://m5awitumair.com/upload/uploaded/12_01258792021.jpg

:t84::t84:<<< يا زين البرد..:t137:

[المتحـ2007ـد]

مشكوووور يا ابو حمد على هذا الجدول

والله يعينا على البرد بس ولو زين

[نسيم]

تسلم يابوحمد ويسلم جدك الله يطول عمره بالصحة والعافية ان شاء الله.
بس لي ملاحظة ان تقويم جدك مقدم نجم كامل وين راح النجم الاخير من الوسم(نجم الزبانا).النجم الاخير يدخل في 24-11-2009م.
ارجو ان تراجع معلوماتك يابوحمد او انك نقلت خطأ من جدك .

[أبوكدش]

االله من البرد بيجي الله يعنا
.
.
بس هالصوره عجبتني أبو حمد

[أبـوحـمـد]

تسلم يابوحمد ويسلم جدك الله يطول عمره بالصحة والعافية ان شاء الله.
بس لي ملاحظة ان تقويم جدك مقدم نجم كامل وين راح النجم الاخير من الوسم(نجم الزبانا).النجم الاخير يدخل في 24-11-2009م.
ارجو ان تراجع معلوماتك يابوحمد او انك نقلت خطأ من جدك .

نسيم يقولون اكبر منك بيوم اعلم منك بسنه!!
وهذا التقويم الحين نمشي عليه لنا الان 3سنوات
و(نجم الزبانا) هو آخر نجم من الوسم وآخره فصل الخريف فبعده ينتهي الوسم وينتهي الخريف وفي( نجم الزبانا) الي هو الآن تكثر فيه الرياح والعواصف البارده كما نلاحظها الآن وتكثر فيه الغيوم ويوصى فيه لبس الثياب الشتويه وشرب الزنجبيل مثل ما انت الحين تشرب لك كم بياله وطاق لك هذيك الثياب
الي ما يلبسها ولا المعاقب:t16:

[أبـوحـمـد]

مشكوووور يا ابو حمد على هذا الجدول

والله يعينا على البرد بس ولو زين

الايام هذي آخر ايام الوسمي وبدايه دخول المربعانيه تبين بقدوم الرياح والعواصف
مع ان اول 10 ايام من المربعانيه تعتبر من الوسمي..
تحياتي لك..

[أبـوحـمـد]

االله من البرد بيجي الله يعنا
.
.
بس هالصوره عجبتني أبو حمد

اهم شي دف رويحك يا ابو كدش والبس
زين وما راح تحس بالبرد..
تحياتي لك..

[جنون الورد]

الله يعين جانا البرد
بس والله حلو برده ودفاه
مشكور ابوحمد لاهنت

[نسيم]

نسيم يقولون اكبر منك بيوم اعلم منك بسنه!!
وهذا التقويم الحين نمشي عليه لنا الان 3سنوات
و(نجم الزبانا) هو آخر نجم من الوسم وآخره فصل الخريف فبعده ينتهي الوسم وينتهي الخريف وفي( نجم الزبانا) الي هو الآن تكثر فيه الرياح والعواصف البارده كما نلاحظها الآن وتكثر فيه الغيوم ويوصى فيه لبس الثياب الشتويه وشرب الزنجبيل مثل ما انت الحين تشرب لك كم بياله وطاق لك هذيك الثياب
الي ما يلبسها ولا المعاقب:t16:
اوكيه ابوحمد.جدك يعرف النجوم وابخص لكن اقول انت الان نقلت خطا بارك الله فيك.نجم كامل شطبته من على الكرة الارضية ليه ياخي.ماهوب من حقك الزبانا له حق علي وعليك وعلى الجميع.النجم الاخير الزبانا من نجوم الوسم باقي عليه اربعة ايام.
وين الاخوان وين المتحد يشوف ابوحمد سلب حق واضح لاخينا الزبانا اللي يطلع فيه الفقع .
ارجوك رجاء خاص انك تتأكد قبل الكتابة ياصديقي .

[أبـوحـمـد]

الله يعين جانا البرد
بس والله حلو برده ودفاه
مشكور ابوحمد لاهنت

لاهنت يا جنون الورد ومن اليوم ورايح
طلع الخلقان على قوله نسيم وودها للكواي..

[أبـوحـمـد]

اوكيه ابوحمد.جدك يعرف النجوم وابخص لكن اقول انت الان نقلت خطا بارك الله فيك.نجم كامل شطبته من على الكرة الارضية ليه ياخي.ماهوب من حقك الزبانا له حق علي وعليك وعلى الجميع.النجم الاخير الزبانا من نجوم الوسم باقي عليه اربعة ايام.
وين الاخوان وين المتحد يشوف ابوحمد سلب حق واضح لاخينا الزبانا اللي يطلع فيه الفقع .
ارجوك رجاء خاص انك تتأكد قبل الكتابة ياصديقي .

نسيم باليت ترجع للتقويم وتشوف الوسمي متى دخل وتشوف انا حذفت الزبانا اولا..
انت الحين تشاهد الزبانا بتقويمك انت..
لا يا اخوي تأكد منه من نفس التقويم هذا وانت تعرف..:t127:

[نسيم]

ابوحمد التهرب من الموضوع ما راح ينفعك لو اوصلها الى اعلى مسئول في المنتدى.واطلب من المتحد ان يتدخل لان الموضوع فيه نوع من المخاطره في البرد على الناس.

[عصي الدمع]

السلام عليكم ,,

؛؛

ما قصرت يابوحمد . . و الله يطول في عمر جدك بالصحة و العافية

[المهند]

يا نسيم مالك حق تتهم أبوحمد بسرقته لنجم الزبانا ...
أبوحمد سر ونحن خلفك ..

الله يعين جتنا المربعانية .. ياحلالاة من يأخذ له بيات شتوي ألين الله يفرجها ..
وعلى ما أعتقد أن المربعانية لها يوم داخله ... من أمس وأنا باديتني الزكمة ... وهذي عادتها وموعدها ....

[M!ss KSA]

يووووه الله يعين على البرد بس احلا شي فيه ريحة الضو والمطر

مته يجي الصيف هههههههه

[» اِلـَوَفْآءْ بـِنْـتْ]

\
/
.
تبآرك َ الله .. جدك َ حي ----> الله يطول بعمرة
وهو صآدز نسيم ُ عندك َ غلط َ .. الكبر لة دور والتخريف حذف نجمُ الزنوبةع قولة نسيم -----> :t49::t49::t49:
تاكد من عقل جدك َ ومن الأيام وبعدين حط الموضوع صحيح:72:

,

[سُلاَفْ القَصِيدْ]

ابوحمد التهرب من الموضوع ما راح ينفعك لو اوصلها الى اعلى مسئول في المنتدى.واطلب من المتحد ان يتدخل لان الموضوع فيه نوع من المخاطره في البرد على الناس.
*~
الله يعينك يابو حمد وش يفكك من نسيم
لآ ويقول الراقيه نشبه
لآ والله يانسيم انت النشبه الحين هههههههههههه:t49:

يعطيك العافيه ابو حمد
ويطول بعمر جدك

*~

[نسيم]

\

/
.
تبآرك َ الله .. جدك َ حي ----> الله يطول بعمرة
وهو صآدز نسيم ُ عندك َ غلط َ .. الكبر لة دور والتخريف حذف نجمُ الزنوبةع قولة نسيم -----> :t49::t49::t49:
تاكد من عقل جدك َ ومن الأيام وبعدين حط الموضوع صحيح:72:


,

الوفاء ،جده ماسمعناه لكن المشكله في ابوحمد نقل الكلام خطا.

[نسيم]

*~

الله يعينك يابو حمد وش يفكك من نسيم
لآ ويقول الراقيه نشبه
لآ والله يانسيم انت النشبه الحين هههههههههههه:t49:

يعطيك العافيه ابو حمد
ويطول بعمر جدك


*~

يعني الواحد اذا علمكم بالصحيح تنقدون عليه يالراقية .وبعدين انتي دايم ضدي حتى يوم المسابقة وانت تعلمين ام منى ماقلت شي.

[فديت تمير]

يعطيك العاافيه ابوحمد ~

[أبـوحـمـد]

ابوحمد التهرب من الموضوع ما راح ينفعك لو اوصلها الى اعلى مسئول في المنتدى.واطلب من المتحد ان يتدخل لان الموضوع فيه نوع من المخاطره في البرد على الناس.

ما ودي اعيد واكرروخاصه معك انت لانك انسان
متحجر وصعب تفهيمك..http://www.tumaer.com/vb/images/icons/mad3131.gif

[أبـوحـمـد]

السلام عليكم ,,

؛؛

ما قصرت يابوحمد . . و الله يطول في عمر جدك بالصحة و العافية



اللهم امين وجزاك الله خير يا عصي الدمع..
تحياتي لك..

[أبـوحـمـد]

يا نسيم مالك حق تتهم أبوحمد بسرقته لنجم الزبانا ...
أبوحمد سر ونحن خلفك ..

الله يعين جتنا المربعانية .. ياحلالاة من يأخذ له بيات شتوي ألين الله يفرجها ..
وعلى ما أعتقد أن المربعانية لها يوم داخله ... من أمس وأنا باديتني الزكمة ... وهذي عادتها وموعدها ....

لا يهمك يا رجال ماللقاله شغل وبيشغل المسلمين..
والمربعانيه فيه ناس دخلوها وفيه ناس يقولون بعد 15 يوم بس الصحيح التقويم هذا..
ويا زين زكمه الشتاء عند الصيف يا رجال..
الله يشفيك..

[أبـوحـمـد]

يووووه الله يعين على البرد بس احلا شي فيه ريحة الضو والمطر

مته يجي الصيف هههههههه

ازين مافي البرد ان الواحد يتلفف في الفروه
ويجلس عند الضوء ويسمع صوت المطر وش خليتي يا بنت السعوديه..
والصيف تبين تشبعين منه ..
تحياتي لك..

[نسيم]

ما ودي اعيد واكرروخاصه معك انت لانك انسان
متحجر وصعب تفهيمك..http://www.tumaer.com/vb/images/icons/mad3131.gif
ابوحمد ارجوك لا تجرح مشاعري واحاسيسي لاني انا انسان احمل الود والاحترام للجميع.

[نسيم]

المهند ،اذا تسمعني.ترى ابوحمد انسان يحب العناد ويصر على كلامه حتى لو كان خطا .يعني مايعترف انه مخطي .والمربعانية باقي عليها 17يوم .

[» اِلـَوَفْآءْ بـِنْـتْ]

ابوحمد ارجوك لا تجرح مشاعري واحاسيسي لاني انا انسان احمل الود والاحترام للجميع.

\
/
.

نسيمُ .. وش قلت َ لك َ أمس
شوف َ هذا أبوحمد جرح َ مشاعرك َ:t49::t49::t49:
----->مرة ثانية آسمع كلامي :t24::t24::t24::t24:

[نسيم]

\
/
.

نسيمُ .. وش قلت َ لك َ أمس
شوف َ هذا أبوحمد جرح َ مشاعرك َ:t49::t49::t49:

----->مرة ثانية آسمع كلامي :t24::t24::t24::t24:

انا والله خايف منه يالوفاء يشغل موتره ويطقني .زود على جرح المشاعر، لانه شخص متوحش ومتهور وانا من هنا اطلب الحماية منه.
انا استغيث لانه خطير جدا جدا.

[» اِلـَوَفْآءْ بـِنْـتْ]

انا والله خايف منه يالوفاء يشغل موتره ويطقني .زود على جرح المشاعر، لانه شخص متوحش ومتهور وانا من هنا اطلب الحماية منه.
انا استغيث لانه خطير جدا جدا.



نسيمُ تبي الفزعة أبشر بها

[أبـوحـمـد]

\

/
.
تبآرك َ الله .. جدك َ حي ----> الله يطول بعمرة
وهو صآدز نسيم ُ عندك َ غلط َ .. الكبر لة دور والتخريف حذف نجمُ الزنوبةع قولة نسيم -----> :t49::t49::t49:
تاكد من عقل جدك َ ومن الأيام وبعدين حط الموضوع صحيح:72:


,


الله يطول بعمره ويخليه لنا ان شاء الله..
وهذي بدايات تخريف على نسيم قام يحسب
التقويم الي هو ماشي عليه الحين ويدخل حساباته على تقويمنا واعتقد ان العدوى انتقلت لك يالوفاء قمت تذكرين اسم النجم بالغلط
ومعد تجمعين زينhttp://www.tumaer.com/vb/images/icons/mad3131.gif http://www.tumaer.com/vb/images/icons/mad3131.gif

[نسيم]

نسيمُ تبي الفزعة أبشر بها

هههههههههه ابي العافية يالوفاء.

[» اِلـَوَفْآءْ بـِنْـتْ]

\
/
.


هههههههههههههههههههههههههههههههههه
لاتكثرَ حسي ِ ومتعمدة اكتبها غلط َ..
وجدك َ اللي ماعاد يجمع ُ مو الوفآء ----> http://www.tumaer.com/vb/images/icons/tongue326.gif
,

[أبـوحـمـد]

يعطيك العاافيه ابوحمد ~

الله يعافيك اختي فديت تمير وهلابك..

[جار القمر]

شكرا يا ابوحمد على الجدول بس وش هالصوره اللي حاط هذا أكيد مايداني البرد خير شر أجل شاب بنبع الله من زين الريحه
الله يعجل بقلعة هالبرد ويجيب الصيف بسرعه

[أبـوحـمـد]

ابوحمد ارجوك لا تجرح مشاعري واحاسيسي لاني انا انسان احمل الود والاحترام للجميع.

باين عليك الود يا نسيمhttp://www.tumaer.com/vb/images/icons/cool313.gif

[أبـوحـمـد]

المهند ،اذا تسمعني.ترى ابوحمد انسان يحب العناد ويصر على كلامه حتى لو كان خطا .يعني مايعترف انه مخطي .والمربعانية باقي عليها 17يوم .

اخ يالقهر لي موضوع حاطه هنا السنه الي فاتت ولك عليه ردود زينه يا نسيم وتقول هذا العلم الزين والتقويم الي عليهالكلام
والله اني اشوف كتبتك قدام عيني بس ما لقيته
كان جبته لك هنا ونشوف وش الي تغير..
انت او التقويم..

[أبـوحـمـد]

\
/
.

نسيمُ .. وش قلت َ لك َ أمس
شوف َ هذا أبوحمد جرح َ مشاعرك َ:t49::t49::t49:

----->مرة ثانية آسمع كلامي :t24::t24::t24::t24:


رجاء يالوفاء لا تخربين بيني وبين صديقي
وانا واياه نتفاهم لو انتذابح:t175:

[أبـوحـمـد]

شكرا يا ابوحمد على الجدول بس وش هالصوره اللي حاط هذا أكيد مايداني البرد خير شر أجل شاب بنبع الله من زين الريحه
الله يعجل بقلعة هالبرد ويجيب الصيف بسرعه

هلابك يا جار القمروهذا واحد قعيطي
بشببه من اول الشتاء الين اخره يالله يقضيه..
ومستانس بريحته بعد هههه
والله يطول بالبراد ولا يورينا الصيف طباخ اللون ..

[نسيم]

اخ يالقهر لي موضوع حاطه هنا السنه الي فاتت ولك عليه ردود زينه يا نسيم وتقول هذا العلم الزين والتقويم الي عليهالكلام
والله اني اشوف كتبتك قدام عيني بس ما لقيته
كان جبته لك هنا ونشوف وش الي تغير..
انت او التقويم..
هذي من بركات الهكر ههههههههههه يابوحمد راح الاول والتالي.

[هذا انا]

[QUOTE=أبـوحـمـد;586727]
يوم الخميس القادم بمشئه الله26/11/9002م هو اول يوم من ايام المربعانيه

مشكور اخوي ابو حمد على هذا الموضوع مجهود تشكر عليه بس وينا وين عام 9002م هههههههه ادري غلط مطبعي الله يبارك فيك دائمآ

[معانق هم]

وعليكم السلام ورحمة الله وبركاته
مشكور يابو حمد على الجدول

[أبـوحـمـد]

[QUOTE=أبـوحـمـد;586727]
يوم الخميس القادم بمشئه الله26/11/9002م هو اول يوم من ايام المربعانيه

مشكور اخوي ابو حمد على هذا الموضوع مجهود تشكر عليه بس وينا وين عام 9002م هههههههه ادري غلط مطبعي الله يبارك فيك دائمآ


اكتشفت انك انسان دقيق وراح يتعدل ان شاء الله وهلا فيك اخوي وشكر على تواجدك..
تحياتي لك..

[أبـوحـمـد]

وعليكم السلام ورحمة الله وبركاته
مشكور يابو حمد على الجدول

هلا بمعانق هم ولا شكر على واجب والله يلحقنا حياه طيبه..
تحياتي لك..

[النجدي]

مشكور الغالي أبو حمد على الموضوع وإن شاء الله تكون المربعانية هالسنة برد وسلام علينا وعلى المسلمين

حساب جدك سابق لحساب تقويم أم القرى بعشرة أيام تقريبا

حفظك الله وحفظ جدك ومتعكم بالصحة والعافية

[أبـوحـمـد]

مشكور الغالي أبو حمد على الموضوع وإن شاء الله تكون المربعانية هالسنة برد وسلام علينا وعلى المسلمين

حساب جدك سابق لحساب تقويم أم القرى بعشرة أيام تقريبا

حفظك الله وحفظ جدك ومتعكم بالصحة والعافية

يا هلا ومرحبا الف بالنجدي..
وين الغيبات يا رجال على شمسك غيوم..
وهالسنه عسى الله يجيب لمطر عشان تهون عليناالمربعانيه..
صدقت في الحساب تسبق ب 10 الى 15 يوم تقريباَ
وهذا هو الصحيح..
والله يجزاك خير ويحفظك..

[نسيم]

ابوحمد الظاهر ان حنا في المربعانية.قل ليش؟

[أبـوحـمـد]

ابوحمد الظاهر ان حنا في المربعانية.قل ليش؟

ليش؟؟؟

[نسيم]

لانهم يقولون ،طبعا الاولين ان المربعانية ماتدخل بمشيئة الله الا بمطر ولاتطلع الابمطر .وكل النجوم السنة هذي ملاحظها تمشي بعلامة كل 13 يوم يتغير الجو.واذا تبي تتأكد من كلام احسب من اليوم13يوم وشف تلاحظ اما هواء قوي او كدره او برد او سحاب يعني يجي شي يلفت النظر.

[أبـوحـمـد]

طيب انا ما قلت لك اننا الان في اخر الوسمي الي هو نجم الزبانا بس انت راسك يابس ومعند
والحين تقول صادق ..

[المهند]

تبي الصحيح يا أبوحمد ..
ودنا نأخذ بقول جدك الله يحفظه في الصيف ... على شان يعجل على سهيل والوسم ,, أما الشتاء فخلنا على تقويم أم القرى وهيّن ..

[أبـوحـمـد]

تبي الصحيح يا أبوحمد ..
ودنا نأخذ بقول جدك الله يحفظه في الصيف ... على شان يعجل على سهيل والوسم ,, أما الشتاء فخلنا على تقويم أم القرى وهيّن ..

حتى لو هي ودنا مهيب على كيفنا يالمهند
الا اذا سوينا حركه وغيرنا الجدول يمكن..
<< محششين..