بحظر زفافك ياحياااااااتي..

[ضحكة الدنيا]

أبد .. ما جيت ابارك ولكن جيت باوصّيك
على اللي ناوي ٍ تدخل بها الليله .. مُعذّبْتي
.

ترى لولا الظروف اللي عطتْك وحدّت محاكيك
قسم بالله ما تدخل عليها لو على رْقبْتي
.

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

.
كذا شاءت بنا الأقدار تحرمني لجل تعطيك
كذا لازم عشان تفوز إنت .. أخسر بتجربْتي
.

تراها غاليه جـداً .. وتكفى .. والله يخليك
تدللها .. تدلعها .. تنسّيها مصاحبْتي
.

أنا من كثر ما اغليها أحس اني بديت اغليك
ولا تسأل بأيّة حق ولا ّ وش مناسبْتي
.

لإنك لو بتسألني بتسمع شيء ما يرضيـك
لذا ياخـوي لا تسـأل ولا تسمـع لأجوبْتـي
.

أبيك تحطها في داخل عيونك وبين ايديك
وهي دلوعه اعتادت على كثـرة مداعبْتي

.
فداعبها شوي شـوي حتى تشتهي طاريك
وشاغبها إلين تقـول لـك: بطّـل مشاغبْتي
.

واذا هي مالها خلقك..ولا تضحك ولا تسلّيك
تحمّلها وإسألها: يا عمري ليه عصّبْتي
.

وبالك اسمع انّك يوم تضربها وهـي تشكيك
ما يحتاج اورّي لك بفـن الضرب موهبْتي
.

صحيح انك بتملكها ومعـك الصك بالتمليك
وانا عارف حدود الله ومن حقك معاقبْتي

.
ولكن قلّها المجنون وصّاني وهـو يعنيك
يقول انّـه بينتظرك ولو شيّب وشيّبْتـي
.

وانا مجنونها اللي ما نساها وانت ما يمديك
تغطّي ذكرياتي في هواها.. وربْـع تجربْتي
.

أحس اني تماديت بكلامي.. والغضب حاديك
ولو انّك في مكاني ما تفكّر في محاسبْتي

.
كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبْتي

.
وانا ما جيت اخرّب عرسك الليله ولا أذّـك
أنا جيتك عشان اخاطبـك واسمع مخاطبْتـي

.
توصّى..وانتبه..واحرص عليها والله يهنّيك
ترى كل الكلام اللي طلَع من ضيقيَ وكبْتي
.

ولكن ما قدرت انّي أقوله وانت ما يخفيك
أخاف انّـي إذا قلتـه تقـوم وتقطـع رْقبْتي

مما راقى لي..

[لميس]

قصيدة ولا آروع

سلمت على هالذائقه الشعرية

احترامي لكـ