فلانه محجوزه لفلان وش رايك؟!

[ام منى]

( الحبر يخلص وقضايا مجتمعنا ماتخلص )
نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

http://www.3bir.com/web/a/12544_11185241924.jpg

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان


قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي هتتأثر اكثر
يخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وهل هذا الشي موجود في عائلتكم ؟؟ وماموقفكم منه ؟؟

< مما أعجبنى >

[الموادع]

إم منى "
أتوقف قليلاً وأتذكر قصة حصلت لقريب جداً لي "
القصه "
لي قريب من نفس العائله من طلع على الدنياء وهم يقلون فلان لفلانه
وكل الناس عرفت ذالك ان فلان لفلانه بنت عمه وبعد ما كبر الرجل
قلت له انت ليه ماتتزوج قال مو الآن قلت طيب بنت عمك تبغاها
قال لا قلت طيب علمهم ترآهم ينتظرونك تتملك عليها قال أنا
ماقلت لهم يحجزونها هم ماشاوروني ولاقالوا لي شي
يتحملون غلطهم قلت وش ذنب البنت حرام عليك
ماسمع بكلامي وبعد مده راح وتزوج وحده
من خارج العائله وبصرآحه بنت عمه
تأثرت بكثييير وجاها عقده نفسيه
وعمرها رآح خساره وهي كانت
تتأمل بولد عمها وبالاخير تركها
وتزوج على غيرها وهي جاوزت
سن الزواج وبصرآحه أنا ألوم ابوها
وإخوانها الي حرموها من الخطاطيب الي
خطبوها وقالو فلانه لولد عمها والله انها ترحم
وهاذى وآقع كثير من الفتيات نسأل الله لهم العوض برجال طيبون
---------
شاكر لحسن إختيار الموضوع
ودمتي بخير

[كلاش تمير]

عادات قديمة
مشكورة ياام منى على الطرح الجيد

[جار القمر]

الحجز فيه ظلم للبنت وللولد المفروض يخلونها على فالها البنت يجيها رزقها في يوم خطبتها والولد يبحث عن البنت اللي تناسبه
انا اعرف واحد من الربع كبر وهو ماتزوج قاله ابوه وراك ماتتزوج ياوليدي قال دورو لي قالو فلانه قال اخوانها مهمب زينين خاف تصير مثلهم قالوا فلانه قال سمينه واناما احب السمان
المهم في يوم من الايام فاجأه ابوه قال ترانا خطبنا لك فلانه وابوها وافق
قال لا يايبه هذي سمينه مرة ماابيها قال عاد صار اللي صار ولا تفشلني في الرجال تزوج الولد على مضض وهوعايش معها الان بلاحب ولا شوق مجاملات في مجاملات
شكرا ام منى لطرح الموضوع

[ام منى]

يعطيكم العافيه لتفاعلكم .
بالنسبة لي أنا أرفضه وبشدة..
مازالت تلك العادات والتقاليد تحكم بعض من مجتمعاتنا ....
مما أصاب شبابنا وبناتنا القهر والقلق..
وماتجر وراءها من مشاكل كثيره

[جنون الورد]

انا اضم صوتي لصوتكم
ونقول خلاص الى متى
هذا الجهل وانا اعرف لكم وحده محجوزه اولد
عمها من ايام الثانوي وتخرجت والتحقت
بالجامعه وتخرجت وجلست في بيت اهلها
تنتظر فارس احلامها ولد عمها اللى ماهو كفو
والنتيجه راح تزوج وحده ماهي من حمولته
وتتوقعون موقف هالمسكينه تدهورت حالتها وصارت ترفض الخطاطيب
والذنب منهو ذنبه ذنب اهلها وعمها وعاداتهم الرجعيه وكثير نسمع فلان لفلانه
ولا يصير شى حرام والله ارفقوا بالبنيات وارحموهم والكلام يطول واتمنى اني ماطولت

[قالب ثلج]

تخلف بقوه
كيف يحجر على بنته كذا افهم بس كيف يطيعه قلبه

[ام منى]

يعطيكم العافيه لتفاعلكم .

[سويد السويدي]

انا ضد هذا الشي
واللوم على الاهل مو على الشاب

[اميره بكلمتي]

المفروض البنت اذا جاء احد يخطبها
يسألون الولد اللي هي محجوزه لهـ
اذا يبيها او تتزوج اللي جايها
ام انها تجلس كل هـ السنين وهي تستنه
وفي الاخير يروح ويتزوج غيرها..




(هذاااا ظلممم للبنت )

[ام منى]

يعطيكم العاافيه ع التواجد والرد الرائع

[أبشر]

انا ضد الحجز والتحجير وعصر الجاهليه راح اذكر لكم قصه عكس قصصكم ^_^
انا اعرف شخص من ربعي والمقربين للي وهو من قال للي هذي السالفه

كان الرجال يخطط على بنت عمته ^_^ ومواعدينه فيها لكن كان توه طالب الرجل بعد مرور الوقت
يخطط انه يتزوج عليها ويبيها المهم الرجل خلص ثانوي ودخل دوره عسكريه وكان ناوي بعد التخرج مباشره يتزوجها دخل الدوره مدتها 6 شهور وهو في الدوره في نصفها تقريبآ جاء واحد وخطب بنت عمته وزوجه وسحبوا على الرجال طبعآ الرجال انقهر في وقتها شي طبيعي راح ينضغط لأنه كان يفكر بشي ولاحصل عليه سوء زواج او غيره ولكن خوينا خلص العسكريه وتزوج ورزقه الله بعيال ونسى بنت عمته ^_^ يعني حتى الحريم ^_^ فيهم حقهم على السحبات ^_^

وسوء اللي سحب الرجل او البنت واهلها كلها واحد الصدمه وحده لكن الصدمه تنساها بعد ماتتزوج وتقول خيره من الله .. وبرضو عندي هالسالفه اهون من غيرها من سمع مصيبت غيره هانت عليه مصيبته هههههههه ^_^

تحياتي وتقديري ..

[جار القمر]

البنات ماليات البيوت وين اللي يبي يتزوج بس

[فديت تمير]

والله شي جداا ما له داعي !!
مشكور ام منى عالطرح

[ام منى]

منورين بردودكم ومداخلاتكم