ياللي زعلت ازعل ولاني مراضيك

[جار القمر]

ياللي زعلت ازعل ولاني مراضيك
.............................اشرب كدر ماي البحر كانه ارضاك

لا تحسب اني عقب صدك بداريك
.............................بأعز نفسي عنك مدراك مدراك

أربع سنين وانا متحمل تغليك
.............................راضي بتعذيبك لأجل قلب اغلاك

وخليتني واليوم والله لأخليك
.............................وادوس قلبي لينه يقول خلاك

قبل توريني الحساير بأوريك
............................ليمن يقال فلان هانك ووراك

كانك تحداني فانا اقبل تحديك
...........................وأنسى الغرام اللي مضى واتحداك

ماني بقايل لك عسى الله يهنيك
............................الله يحرمك كل ما كان هناك

عسى العمى ياخاين العهد يعميك
............................فوق الغرور اللي عن الماضي أعماك

وعساك ما تسمع قريب يناديك
............................حيثك تجاهل صوت محروم ناداك

وعسى الشلل يعوق رجل تمشيك
............................لينك تندم ليه غيرت ممشاك

وعسى حياتك بس فرحة لشانيك
............................يلقى بها الفرصة عدوك ويشناك

وعسى الليالي اللي تجيني بطاريك
............................يصبح عليها الصبح ويموت طرياك

وعسى المنام وكل راحة تجافيك
............................آمين حتى اللي تمناه يجفاك

وعساك ما تفرح وتكثر بلاويك
............................وأمك تشق الجيب من عظم بلواك

واذا مت جعلك في جهنم تصاليك
............................نار الجحيم ونار دنياك تصلاك

الله يكره فيك حتى دوانيك
...........................غشاش خاين من من الناس داناك

هذه النهاية روح والله يجازيك
...........................أمسك ويومك عنهم الغد يجزاك

[كلاش تمير]

صح لسانك ياجار القمر

[جار القمر]

صح بدنك ياكلاش تمير بس ترى القصيده منقوله

[سويد السويدي]

مشكور على روعة ذائقتك الشعرية

[جار القمر]

شكرا لمرورك يالسويدي

[لميس]

عاشت يديك على روعة القصيدة

ودي واحترامي لكـ

[جار القمر]

شرفني مرورك لميس شكرا لك

[تحدوك ياقلبي]

وعسى الليالي اللي تجيني بطاريك
............................يصبح عليها الصبح ويموت طرياك

حلووه لابعد حدود هالكلمات احترااامي