في حضور الشمس

[الفيصليه]

في حضور الشمس ,,

--------------------------------------------------------------------------------

تحياتي للجميع

واستلموا الله لايهينكم وأتمنى ان تعجبكم

,,,,,,,,,,,,,,,,,,,,,


أشرقت شمس(ن) ترجّيت مطلعها

******* واختفا غيم(ن) حجب نظرة اعياني


لي ثلاث شهور الاحزان اصارعها

****** لابرى جرح(ن) بدا جرحي الثاني


لي ثلاث شهور عينك مودِّعها

****** واحمد الله جابك الله علشاني


ياحبيبي فرحتي مقدر امنعها

***** فرحتن صرّح بها القلب ولساني


دمعتي من فرحة القلب طالعها

***** يوم شفتك يابعد كِـّـل خلاني


جيت لك ياقرة العين بايعها

****** شايل(ن) بالكف قلبي والاكفاني


الغنايم والفرص لانضيعها

****** جيتني ظامي ,, وانا جيت ظمياني


ياحبيبي شمعة الحب ولّـعـهـا

***** عطني الليله وانا اعطيك ميداني


للغلا بيبان الاشواق شرعها

***** دوك شوقي جابني لك وودّاني


كلمة (آحبك ) ترى ودّي اسمعها

****** منك ياعمري ترى لك طعم ثاني


أشهد اني ياعرب ضايع(ن) معها

***** كامله بالزين والزين ربّاني


سولفت باريس في عطر برقعها

***** وانقهر منها فرنسي ولبناني


والجديل اللي تِلمّه بمسفعها

****** لو نسيته جعل الافراح تنساني


شيختن تستاهل اللي يدلعها

****** دون كل الناس تآمر وتنهاني

,,,,,,,,,,,,,,,,,


وسلاااااااامتكم

[لميس]

تشكرات خيو على روعة ذائقتك الشعرية

احترامي لكـ

[سويد السويدي]

يسلمووو على روعه الابيات

[أبـوحـمـد]

ابيات رائعه تسلم اخوي الفيصليه..