مافيه داعي

[الغالي فهد]

مافيه داعي تهلّ الدمع من شااني
بكره يقولون ليه يالحبّ بكيّته

انا تمنيّت تذكرني وتنسااني
وانته ياليتك تمنّى اللي تمنيّته

رسايلك جااات بين اسمي وعنواني
وتعلقّت بين ضيّعته ودليّته ؟؟

بعض البشر لو يدوّرني ما يلقااني
وبعض البشر لو يجاذب سيرتي جيته

لا تنشغل خلنيّ يا سيد خلاّني
استسمحك وقتي اللي معك قضيّته ؟

قولي ( ؟ )الحلم خلّيته وخلاّاني
او قول بالعكس خلاّاني وخليّته ؟؟

ياسيفي ودرعي وخيلي وميداني
البيرق المنكسر لرضااك رزيّته ؟

اموت من ضيقتي مير الله احياني
وجوارحي نوب لا حيّه ولا ميته

رغم اني اعاني من الوقت ما اعاني
مسحت صبري على جرحي ودااويته

فرشت لك قلبي وشلتك وسط وجداني
وارتحت في قلبي المفروش واذيّته

في ذمتك لا ترااودني على اجنااني
وصلت حدّ الجناان ولا تعديّته

وان قلت وش جاك مدري منك وشجااني
مغير مديّت لك كفيّ وعضيّته ؟؟

ماعاد مع راسي الا روس جنحااني
والريح لاهبّ مع طاريك هبيّته

اسمح لي اجر صوتي واسحب الحاني
والشعر لا ضقت غنّااني وغنيّته ؟

العام 00 انا مبتلش في عقدة الساني
واليوم 00 انا شاعرن ما ينهدم بيته

ومافيه داعي تهلّ الدمع من شااني
بكره يقولون ليه يالحبّ بكيّته

[» اِلـَوَفْآءْ بـِنْـتْ]

**
رائعه الأبيات
كل بيت احلى من غيره
كل التقدير

[سويد السويدي]

ما فيه داعي تهل الدمع من شاني

ابيات رائعه يالغالي فهد

[الغالي فهد]

**

رائعه الأبيات
كل بيت احلى من غيره

كل التقدير



العفو اختي الوفاء بنت وشاكر لك مرورك في صفحتي تحياتي وتقديري لك

[الغالي فهد]

ما فيه داعي تهل الدمع من شاني

ابيات رائعه يالغالي فهد


الإروع حضورك في صفحتي اخوي بقايا انسان تحياتي وتقديري لك