عهود
25 / 11 / 2004, 55 : 12 PM
قبل القصايد اشقـر الكيـف دنـه=صبه من اللـي كنهـنّ الغرانيـق
بغـداد كيفـي ياسعـد يطربـنّـه=فنجالهن مثله من الكيف مـا ذيـق
اشقر كمـا انـه للخونـدات حنّـه=ينعش شرابـه يابسـات المعاليـق
يطرب مزاجي ريح هيلـه وبنّـه=واغيب لي لحظه عن الناس وافيق
اوجس خفوقـي يومهـن ينعشنـه=كنه دبا بـه ذر بيـن الصناديـق
انا اشهد انه كيف وانا اشهـد انـه=كيفٍ يروّق عامس الراس ترويـق
يبري جـروح ٍ بالحشـا مستكنـه=مثله على خطو الردييـن ماسيـق
واليا ارجهن الكيف واليا ارجهنـه=روح المعنـا استمـع للطواريـق
اسمـع نديمـك والليالـي لـونـه=يسهر يوثق بالحـروف المواثيـق
غنيت قافي وانـت يالقـرم غنّـه=قـافٍ لـك الله ماتجيـه التلافيـق
لا ياسعد ماني مـن اللـي تظنّـه=ماني من اللي بالعـذارى مطافيـق
ماقلبـي اللـي ياسعـد يجرحنـه=من دونهن كـل المـوارد مغاليـق
عيب ٍ علـى اللـي مثلنـا يفتننـه=من روحن للسوق ويـا السواويـق
ماهو انـا اللـي بالهـوى وهقنـه=الا اذا العارض يسير على ابقيـق
مثلي يعيي عن هوى الخـود لنّـه=تنزيل نفسـه للغناديـر مايطيـق
لا ياسعـد واللـي بقلبـي اكـنـه=انه طموحي نايـفٍ كنـه طويـق
واللـي طموحـه عاليـه يتعبنـه=مثله من اللـي للمعالـي مشافيـق
وان يسر اللي ساير الـرزق منـه=غاية طموحي مالها غيـر تحقيـق
واليا بغينا العشق والعشـق سنّـه=مانعشق الا من بنـات المطاليـق
كـل القبايـل طيبهـم يعرفـنـه=اللي سمو بالطيب فوق الشواهيـق
بنت اللذي يامـا السرايـا نخنـه=في حزةٍ يابس بها العـرق والريـق
واليـا العـذارى فرّعـن فزّعنـه=يودع طوابيـر المعـادي تفاريـق
واخت اللذي يوم العـزاوي دعنـه=فيها تعزوى وانتخا ساعة الضيـق
اللـي نفـل كـل العـذارى بفنـه=سيد العنـادل لابسـات المخانيـق
هاف الحشا والعنق منتـوق كنـه=عنق الفريد اللي بروض الزماليـق
والعين حـرٍ برقعـه شيـل عنـه=عين العديم اللي يشـوق التفافيـق
والـزول مهـره لقموهـا الاعنـه=اقفت مع اللي ينطح القـوم ويعيـق
ماهي من اللي لبسهـن خصّرنـه=ولا هي من اللي غنجهن بالمساحيق
في غنجهـا ياكـود كحـل وحنـه=طرقا عليها يرهـم الغنـج ويليـق
الـراس طـول قرونهـا يجهدنـه=من فوق نابي ردفها كنهـا تويـق
الجادل اللـي كنهـا حـور جنـه=ياحيث ماهو وصفهـا بالمخاليـق
عينـي وروحـي مثلهـا يعشقنـه=على النقا عشق ٍ يفوق العشاشيـق
وعزاه من بيض العـذارى كونـه=كية غشيم ٍ عمـق الكـي تعميـق
واستغفـر اللـي رزقنـا مايمنـه=واطلب من الله رحمتـه والتوافيـق
مختارات عهود
بغـداد كيفـي ياسعـد يطربـنّـه=فنجالهن مثله من الكيف مـا ذيـق
اشقر كمـا انـه للخونـدات حنّـه=ينعش شرابـه يابسـات المعاليـق
يطرب مزاجي ريح هيلـه وبنّـه=واغيب لي لحظه عن الناس وافيق
اوجس خفوقـي يومهـن ينعشنـه=كنه دبا بـه ذر بيـن الصناديـق
انا اشهد انه كيف وانا اشهـد انـه=كيفٍ يروّق عامس الراس ترويـق
يبري جـروح ٍ بالحشـا مستكنـه=مثله على خطو الردييـن ماسيـق
واليا ارجهن الكيف واليا ارجهنـه=روح المعنـا استمـع للطواريـق
اسمـع نديمـك والليالـي لـونـه=يسهر يوثق بالحـروف المواثيـق
غنيت قافي وانـت يالقـرم غنّـه=قـافٍ لـك الله ماتجيـه التلافيـق
لا ياسعد ماني مـن اللـي تظنّـه=ماني من اللي بالعـذارى مطافيـق
ماقلبـي اللـي ياسعـد يجرحنـه=من دونهن كـل المـوارد مغاليـق
عيب ٍ علـى اللـي مثلنـا يفتننـه=من روحن للسوق ويـا السواويـق
ماهو انـا اللـي بالهـوى وهقنـه=الا اذا العارض يسير على ابقيـق
مثلي يعيي عن هوى الخـود لنّـه=تنزيل نفسـه للغناديـر مايطيـق
لا ياسعـد واللـي بقلبـي اكـنـه=انه طموحي نايـفٍ كنـه طويـق
واللـي طموحـه عاليـه يتعبنـه=مثله من اللـي للمعالـي مشافيـق
وان يسر اللي ساير الـرزق منـه=غاية طموحي مالها غيـر تحقيـق
واليا بغينا العشق والعشـق سنّـه=مانعشق الا من بنـات المطاليـق
كـل القبايـل طيبهـم يعرفـنـه=اللي سمو بالطيب فوق الشواهيـق
بنت اللذي يامـا السرايـا نخنـه=في حزةٍ يابس بها العـرق والريـق
واليـا العـذارى فرّعـن فزّعنـه=يودع طوابيـر المعـادي تفاريـق
واخت اللذي يوم العـزاوي دعنـه=فيها تعزوى وانتخا ساعة الضيـق
اللـي نفـل كـل العـذارى بفنـه=سيد العنـادل لابسـات المخانيـق
هاف الحشا والعنق منتـوق كنـه=عنق الفريد اللي بروض الزماليـق
والعين حـرٍ برقعـه شيـل عنـه=عين العديم اللي يشـوق التفافيـق
والـزول مهـره لقموهـا الاعنـه=اقفت مع اللي ينطح القـوم ويعيـق
ماهي من اللي لبسهـن خصّرنـه=ولا هي من اللي غنجهن بالمساحيق
في غنجهـا ياكـود كحـل وحنـه=طرقا عليها يرهـم الغنـج ويليـق
الـراس طـول قرونهـا يجهدنـه=من فوق نابي ردفها كنهـا تويـق
الجادل اللـي كنهـا حـور جنـه=ياحيث ماهو وصفهـا بالمخاليـق
عينـي وروحـي مثلهـا يعشقنـه=على النقا عشق ٍ يفوق العشاشيـق
وعزاه من بيض العـذارى كونـه=كية غشيم ٍ عمـق الكـي تعميـق
واستغفـر اللـي رزقنـا مايمنـه=واطلب من الله رحمتـه والتوافيـق
مختارات عهود