أمير الحروف
22 / 11 / 2004, 26 : 04 PM
ثــلاث شهــور لا هبـّـه ولا شبـّـه ولا قـيفان = وأنا والله على ماقيل * صاحب كار * ومعاني
وش اللي غـَـيب أمهـار القصيد وخاطري ميدان = وطرفي لا اظلمت ماطاح .. له رمشٍ على الثاني
كبَــرت.. أوهو " علي السبعان " ما عاده " على السبعان " = تغـيـّـر وانقتل في داخله حِلم ونسى الجاني
أحـِـطّ إيدي على ضلوعي.. مكان النبض والإيمان = ولا القى النبض هو الأوّل ولا ايماني هو ايماني
أطالعني.. واعاتبني.. وأدور لي على برهان = ألاقي كل شي حولي ومن حولي ولا القاني
وانا ما الله خلقني للعقال وجوخة القيطان = أجي واقفي كذا.. كنـّـي كمالة عـدّ لاخواني
أبي فعلٍ يقول اللي يشوفه ذي فعول " فلان " = ولد والا تـلَـد وإلا بـَـلَـد ويصير عنواني
يقولون اللسان حصان.. عز الله صحيح حصان = وأنا ما هو مغربلني سوى إن حصاني لساني
تعدتني " كديش الخيل " والرجلي سرى طربان = وأنا من الظل للظلما وأقول لساني حصاني
وهذا آنــا بلا شهره.. ولا ثروة.. ولا ديوان = على تصفيقة الإعجاب أهيجن جوع قيفاني
للشاعر علي السبعان
وش اللي غـَـيب أمهـار القصيد وخاطري ميدان = وطرفي لا اظلمت ماطاح .. له رمشٍ على الثاني
كبَــرت.. أوهو " علي السبعان " ما عاده " على السبعان " = تغـيـّـر وانقتل في داخله حِلم ونسى الجاني
أحـِـطّ إيدي على ضلوعي.. مكان النبض والإيمان = ولا القى النبض هو الأوّل ولا ايماني هو ايماني
أطالعني.. واعاتبني.. وأدور لي على برهان = ألاقي كل شي حولي ومن حولي ولا القاني
وانا ما الله خلقني للعقال وجوخة القيطان = أجي واقفي كذا.. كنـّـي كمالة عـدّ لاخواني
أبي فعلٍ يقول اللي يشوفه ذي فعول " فلان " = ولد والا تـلَـد وإلا بـَـلَـد ويصير عنواني
يقولون اللسان حصان.. عز الله صحيح حصان = وأنا ما هو مغربلني سوى إن حصاني لساني
تعدتني " كديش الخيل " والرجلي سرى طربان = وأنا من الظل للظلما وأقول لساني حصاني
وهذا آنــا بلا شهره.. ولا ثروة.. ولا ديوان = على تصفيقة الإعجاب أهيجن جوع قيفاني
للشاعر علي السبعان