عهود
21 / 11 / 2004, 48 : 12 AM
راع الـذهب مـايوالف راعي التبني=حـتى تـوالف نـمور الوقت وبساسه
والـهرج لايغضبك ، ماهوب مغضبني=نـاسٍ تـقول الـصحيح وناس هلاّسه
بـعـض الـلغه يـازميلي مـاتناسبني=كـلام مـانعرف أخـماسه من أسداسه
أكـسبك يـاطيّب الـمذهب وتـكسبني=والـنجس مـاهمنا ، يـقعد مع أنجاسه
الـصدق عـندي وفاء ، والكذب يتعبني=مـجلس كـذوب العرب مأحب مجلاسه
يـكذب عـليّه وفـي قـولي يـكذبني=مـليان كـيد وحـسد وأضغان وبلاسه
قـربه مـن الـعيب والـشكه يقربني=مـاريد قـربه عـسى الله يبعد أرماسه
والّـله لـقص حـبلٍ فـيه يـربطني=الـلي عـلى الـطاق طاقيه تغطراسه !
والـيـوم يـإبن الـحموله لاتـعاتبني=هـذا قـراري وهـذا الـثوب وقياسه
والـهرج لايغضبك ، ماهوب مغضبني=نـاسٍ تـقول الـصحيح وناس هلاّسه
بـعـض الـلغه يـازميلي مـاتناسبني=كـلام مـانعرف أخـماسه من أسداسه
أكـسبك يـاطيّب الـمذهب وتـكسبني=والـنجس مـاهمنا ، يـقعد مع أنجاسه
الـصدق عـندي وفاء ، والكذب يتعبني=مـجلس كـذوب العرب مأحب مجلاسه
يـكذب عـليّه وفـي قـولي يـكذبني=مـليان كـيد وحـسد وأضغان وبلاسه
قـربه مـن الـعيب والـشكه يقربني=مـاريد قـربه عـسى الله يبعد أرماسه
والّـله لـقص حـبلٍ فـيه يـربطني=الـلي عـلى الـطاق طاقيه تغطراسه !
والـيـوم يـإبن الـحموله لاتـعاتبني=هـذا قـراري وهـذا الـثوب وقياسه