عهود
17 / 11 / 2004, 01 : 07 PM
يا صباح الصدق والنيـة السليمـة=يالله اني ما اطلبك غيـر السلامـة
الزمـن هـذا مفاهيمـه عقيـمـة=هالزمن يكـره دروب الاستقامـة
الصراحـة مالهـا معنـى وقيمـة=والصدوق اعلن مع الوقت انهزامه
من عقب ماكان له قـدر وحشيمـه=صار وسط عيونهم واطـي مقامـه
وبسبب كلمة لقـى سـب وشتيمـة=وسلبوه أبسـط حقوقـه والكرامـة
ياحمامة
ياحمامة كـان باقـي فيـه شيمـة=وصلي له هرجتي ذي يـا حمامـة
خبريـه ان طعنتـه جـداً أليمـة=يـوم يجرحنـي بفعلـه وبكلامـه
علميه ان كلمتـي ماهـي جريمـة=فهميـه يزيـل عـنـي اتهـامـه
وليه يومي كنت بعيونـه عظيمـه=ثار في وجهي.. وانا مدري علامه؟
كانهـا لـه حجـة ونيـة قديمـة=ناوي الفرقا..وفيّ أطلـق سهامـه
بشريـه انـي ابـد مانـي مقيمـة=وله تحيـات الخفـوق واحترامـه
وطمنيه انـي بعـد بنـتٍ فهيمـه=لي أهل ما عرفوا دروب الرخامـة
ما اتبع المقفي ولو هو زاد ضيمـه=أحبس بقلبـي جروحـه والملامـه
حتى لو يشعر خفوقـي بالظليمـة=بأكتم احساس الالـم ويـا الندامـة
وحتى لو أشعر بخـذلان وهزيمـة=بارسم بوجهي علامـات ابتسامـة
من صفاتي بالغضب جـداً حليمـة=وأضبط أعصابي بقوة وبصرامـة
هو سـأل وانـا ردودي مستقيمـة=ليه يزعل؟ ليه يبدي في خصامـه؟
لازم أكذب وأحرمه صدقي حريمه؟=لاجل ما يزعل ويبدا في شتامـه؟
بشريـه لسانـي بيَبـدا رجيـمـه=يترك الصدق ويبي يخلـي نظامـه
وابتـدي بـه بالمسايَـر والنميمـة=لين أعلق رتبة الزيـف ووسامـه
ياصباح الكـذب والنيـة السقيمـة=يالله اني ما ابـي كـود السلامـة
عهود
الزمـن هـذا مفاهيمـه عقيـمـة=هالزمن يكـره دروب الاستقامـة
الصراحـة مالهـا معنـى وقيمـة=والصدوق اعلن مع الوقت انهزامه
من عقب ماكان له قـدر وحشيمـه=صار وسط عيونهم واطـي مقامـه
وبسبب كلمة لقـى سـب وشتيمـة=وسلبوه أبسـط حقوقـه والكرامـة
ياحمامة
ياحمامة كـان باقـي فيـه شيمـة=وصلي له هرجتي ذي يـا حمامـة
خبريـه ان طعنتـه جـداً أليمـة=يـوم يجرحنـي بفعلـه وبكلامـه
علميه ان كلمتـي ماهـي جريمـة=فهميـه يزيـل عـنـي اتهـامـه
وليه يومي كنت بعيونـه عظيمـه=ثار في وجهي.. وانا مدري علامه؟
كانهـا لـه حجـة ونيـة قديمـة=ناوي الفرقا..وفيّ أطلـق سهامـه
بشريـه انـي ابـد مانـي مقيمـة=وله تحيـات الخفـوق واحترامـه
وطمنيه انـي بعـد بنـتٍ فهيمـه=لي أهل ما عرفوا دروب الرخامـة
ما اتبع المقفي ولو هو زاد ضيمـه=أحبس بقلبـي جروحـه والملامـه
حتى لو يشعر خفوقـي بالظليمـة=بأكتم احساس الالـم ويـا الندامـة
وحتى لو أشعر بخـذلان وهزيمـة=بارسم بوجهي علامـات ابتسامـة
من صفاتي بالغضب جـداً حليمـة=وأضبط أعصابي بقوة وبصرامـة
هو سـأل وانـا ردودي مستقيمـة=ليه يزعل؟ ليه يبدي في خصامـه؟
لازم أكذب وأحرمه صدقي حريمه؟=لاجل ما يزعل ويبدا في شتامـه؟
بشريـه لسانـي بيَبـدا رجيـمـه=يترك الصدق ويبي يخلـي نظامـه
وابتـدي بـه بالمسايَـر والنميمـة=لين أعلق رتبة الزيـف ووسامـه
ياصباح الكـذب والنيـة السقيمـة=يالله اني ما ابـي كـود السلامـة
عهود