احلا بنت

[البحر الهادئ]

ما نهدي الورد يا احلا بنت في جيلك=الورد يحسـدك يـوم إنـك تشمّينـه
شِعري وقلبي وتفكيري وكلّـي لـك=ملكك تسوّيـن فيـه اللـي تسوينـه
تدرين لو هي بكيفي وش أسوي لك؟؟=طلّعـت قلبـي وخليتـك تشوفيـنـه
تطلعينـه علـى كـفّـك بمنديـلـك=وليـا عرفتـي مضامينـه تردّيـنـه
تلقين في داخله وش كثر حبـي لـك=وتلقين صورتك تمشي في شرايينـه
متربّعة في صميم القلب يا حليلـك.!!=وجيوش حبّك يسار القلـب ويمينـه
تحميه من خوف أحد يدهل مداهيلـك=وتمشين فيه إبسعة حيث السّعة زينة
لكنّ ما دامـت إنـك شـادّة حيلـك=غيرك حـرام يتهنّـى فـي ميادينـه
وأنتي سكنتيه ماهـو قـادر يزيلـك=لو الزمـن راكـزٍ فوقـه سكاكينـه
ما فيه روحة بعد طاح متواتـي لـك=ينهض ويضرب بخـدّه والله يعينـه
يرتاح لن جاه وصلٍ مـن مواصيلـك=والوصل مع "وصل" يا حِلوه ويازِينِه
طبعاً حاشاك القصور .. الله يخلّي لك=خِلّك ..عسا الحب دايم بينـك وبينـه
يقوله المغـرم اللـي قلبـه يشيلـك=وإن كان قلبه ما شالك شالتك عينـه
من زود حبّه صلاة الصبح يدعي لك=يدعي وينسى الثّنين اللي مربّينـه!!
هذي حقيقة ولو تنسيـن ياويلـك!!=وهذا هو العشق مدري وش تسمّينه ؟
وصل العطياني

[هادي]

لله درك يالبحر الهادئ

اختياااااار حلوووو لهذه القصيده

مشكووووووووووور

سلام

[أمير الحروف]

البحر الهااادي

رووعة الشعر وحروفه

قصيدة مررره حلوووه

تسلم يالغالي

وكل عام وأنت بألف خير

[المدرس]

البحر مشكور

قصيدة رائعة كما عودتنا

[البحر الهادئ]

اخواني

هادي

امير الحروف

المدرس

الرائع هو حضوركم المشرف في صفحتي

أسعدني حضورك الكريم فـ لكم كل الشكر

[ولدعنبر]

مشكووووووور

يالبحر الهادئ

قصيده جميله

ومشكووور على اتحافنا فيها..

[هبوب الشمال]

البحر الهااادي

رووعة الشعر وحروفه

قصيدة مررره حلوووه

تسلم يالغالي

وكل عام وأنت بألف خير