عهود
10 / 11 / 2004, 02 : 01 AM
لاصار طول الصداقـه مالهـا قيمـه=وش عاد نجني من الدنيا وماضيهـا
ان جاء رفيقك يدوّر عنـدك الشيمـه=بالك تخيّـب ضنـون ٍ فيـك بانيهـا
اعطه حقوقه وعجّـل لـه بتكريمـه=الحق مثـل الامانـه يـوم توفيهـا
لابد ترحل وتبقـى اذكـارك مقيمـه=مهما يطول الزمن فالنـاس تحييهـا
للغيـر تدويـن ماتفعـل وترقيمـه=وعمر السوالف يدوم بذكـر راعيهـا
ياغافـلٌ بالزمـن هـذي مفاهيمـه=فيه يتعاقب مطرهـا مـع سوافيهـا
لاتنخـدع بالنعـم ومتابـع الغيمـه=كم واحـد ٍ لـو جمعهـا مايزكيهـا
كم من غنيٍ (بخيل) يعانـده ضيمـه=يعيش مر المعيشـه رغـم حاليهـا
وكم من فقيرٍ (كريم) بدفـع مليمـه=يشعر بلذ المعيشـه رغـم قاسيهـا
وكم من عظيم (تواضع) رغم تعظيمه=ولأجل (التواضع)يصنف من دوانيهـا
وكم من سفيه ٍ (تغطرس) رغم تعليمه=ولاجل (المظاهر) يصنف من عواليها
وكم غاوي ٍ في حياته صعب تفهيمه=ياكـل ويشـرب ولا همـه معانيهـا
هذا الزمن بيـن تحليلـه وتحريمـه=مثـل المقاديـر ماترحـم مواطيهـا
الكون واسـع وبيـد الله معاصيمـه=والخلق ياكثرها سبحـان محصيهـا
والشخص ماله ولا له عن مقاسيمـه=والروح متعلقـه فـي كـف باريهـا
يامستطيب الكـرى يكفيـك توهيمـه=انهض وشرهة رفيقك باشـره فيهـا
اشمخ بتاج الوفاء واعلن مراسيمـه=النفس عزّز بهـا واحفـظ مباديهـا
وان ماحصل منك للعانـي لوازيمـه=لا واخسارة حياتك وانـت شاريهـا
عذر الردي مايفيده (زيـن) تقديمـه=والاقنعـه ذاتهـا تكشـف خوافيهـا
لاصار طول الصداقـه مالهـا قيمـه=يقطعـك ياعشـرة ٍ هـذي تواليهـا
ان جاء رفيقك يدوّر عنـدك الشيمـه=بالك تخيّـب ضنـون ٍ فيـك بانيهـا
اعطه حقوقه وعجّـل لـه بتكريمـه=الحق مثـل الامانـه يـوم توفيهـا
لابد ترحل وتبقـى اذكـارك مقيمـه=مهما يطول الزمن فالنـاس تحييهـا
للغيـر تدويـن ماتفعـل وترقيمـه=وعمر السوالف يدوم بذكـر راعيهـا
ياغافـلٌ بالزمـن هـذي مفاهيمـه=فيه يتعاقب مطرهـا مـع سوافيهـا
لاتنخـدع بالنعـم ومتابـع الغيمـه=كم واحـد ٍ لـو جمعهـا مايزكيهـا
كم من غنيٍ (بخيل) يعانـده ضيمـه=يعيش مر المعيشـه رغـم حاليهـا
وكم من فقيرٍ (كريم) بدفـع مليمـه=يشعر بلذ المعيشـه رغـم قاسيهـا
وكم من عظيم (تواضع) رغم تعظيمه=ولأجل (التواضع)يصنف من دوانيهـا
وكم من سفيه ٍ (تغطرس) رغم تعليمه=ولاجل (المظاهر) يصنف من عواليها
وكم غاوي ٍ في حياته صعب تفهيمه=ياكـل ويشـرب ولا همـه معانيهـا
هذا الزمن بيـن تحليلـه وتحريمـه=مثـل المقاديـر ماترحـم مواطيهـا
الكون واسـع وبيـد الله معاصيمـه=والخلق ياكثرها سبحـان محصيهـا
والشخص ماله ولا له عن مقاسيمـه=والروح متعلقـه فـي كـف باريهـا
يامستطيب الكـرى يكفيـك توهيمـه=انهض وشرهة رفيقك باشـره فيهـا
اشمخ بتاج الوفاء واعلن مراسيمـه=النفس عزّز بهـا واحفـظ مباديهـا
وان ماحصل منك للعانـي لوازيمـه=لا واخسارة حياتك وانـت شاريهـا
عذر الردي مايفيده (زيـن) تقديمـه=والاقنعـه ذاتهـا تكشـف خوافيهـا
لاصار طول الصداقـه مالهـا قيمـه=يقطعـك ياعشـرة ٍ هـذي تواليهـا