قصيده وصف الشاص

[المتحـ2007ـد]

الســـلام عليكم يالربع
مســاكم الله بالخير
حبيت انقلكم قصيده لشاعر كبير وغني عن التعريف
وهو لافي حمود الغيداني
وهي قصيده في وصف الشاص
اترككم مع الابـــداع..

http://www.mekshat.com/pix/upload03/images104/mk67513_gqda0o5vuhr5klokb522.jpg

يقول الشاعــر:






راكب اللي كـن زولـه زول ذيـب *** ان نطحتـه .. وان قفيتـه مـن ورا
وان عرض لك قلت مابالوصف ريب *** جنب ذيب ٍ لاحقـه جـوع وعـرا
شاصي التصميم لاند كـروز جيـب*** مايبيعـه مــن شــراه ليـاشـرا
مايبيعـه غيـر مـردي النصـيـب ** او مـن يحـده علـى قروشـه زرا
مايهـمـه لانـفـود ولاجـذيــب *** ولا الطلوع اللي مثـل طلعـة كـرا
لاهمزو قير أدبله .. جالـه نحيـب *** مثل مـن ميتـه علـى بالـه طـرا
ناحل الاطـراف تصميمـه عجيـب *** مع سمـاح الـدرب مشيـه بختـرا
كـن جـرات الربابـه بالسبـيـب *** صـوت ماطـوره ليامنـه ســرا
نحروه الليـل مـع وقـت المغيـب *** الثنين اللـي علـى العـز أقصـرا
ماعليه الا صحيـب ٍ مـع صحيـب *** الملح .. والزاد .. والطيب .. خشرا
ماعليهم من بسيط .. ومـن صعيـب *** بالـدروب .. وبالمحـلات خـبـرا
ودهـم مايمـرحـون الا قـريـب *** مـن مكـان ٍ تقـل لاجـوه ومـرا
من شعيب يحدرونـه مـع شعيـب *** والفضى مشمـوس والديـره ثـرا
ديـرة ٍ ربـي لهلـهـا مستجـيـب *** كل وادي مـن فضـل ربـي جـرا
جوها من صادق الوسمـي عشيـب *** للحبـاري والقطـا فيـهـا حــرا
نبتهـا يفـوح كنـه فـوح طـيـب *** ماتصـدق باللـي عيـونـك تــرا
والله ان عمـاس راسـي مايطيـب *** ولا يطيـب الـزاد ويلـذ الـكـرا
غير لا رقبت النبـاء مثـل الرقيـب *** ونمت فيها ايـام لـو شـح الـذرا
بالخصوص لياصدف جـو ٍ رهيـب *** وقمت ادوج من الفياض الى القـرا
فوق جيبٍ كـن زولـه زول ذيـب*** ان نطحتـه .. وان قفيتـه مـن ورا







وسلامتكم

[» اِلـَوَفْآءْ بـِنْـتْ]

مايبيعـه غيـر مـردي النصـيـب
او مـن يحـده علـى قروشـه زرا

صح لسانك ع هالجمال
تقديري
كون بخير
.
.
مسلفه الراجحي

[سُلاَفْ القَصِيدْ]

صح لسانك يالغيداني
ولاهنت على الاختيار يالمتحد
دمت بكل خير

[سويد السويدي]

صح السانك

[قصام]

مشكووووووور اخوي المتحد

والشاص شهادتي فيه مجروحه

[أبو تميم الفيصل]

بيض الله وجهك اخوي على النقل الرائع