بنــ الاجواد ـــت
05 / 11 / 2004, 00 : 10 PM
السلام عليكم ورحمة الله وبركاته
مريت من جنبكم قلت لازم اكتب موضوع علشان اواكب التطورات
<<<<عن الهرج الفاضي
عاد مالقيت شئ اكتبه وقمت مسكت الكيبورد
وقعدت اخربط والله يعينكم علي
المهم نبدأ
والله مادري من وين ابدأ ومن وين انتهي
انا بتكلملكم عن موضوع فاقع مرارتي ودابل تسبدي ومقطع تسلاويي
((لاتدققون على الإملاء لاني بيني وبين هالماده كره مثل الكره اللي بين الهلال والنصر ))
نرجع لموضوعنا..
<<<<<<<<اصلا ماقلتي الموضوع عشان ترجعينله
الموضوع ومافيه سلمكم الله يتعلق بمشكله يعانون منها البنات
وانا ادري ان اغلب البنات يعانون منها اذا مو كلهم
<<<<<<<<اقول لا يكثر وادخلي بالموضوع
الحين نبدأ........
اذا كانت امي عازمه حريم طبعا انا آخر من يدري تجي امي تدخل غرفتي الساعه 6 الظهر بعد نص الليل وتقومني عاد تعالوا شوفوا الشكل الجميل والكشه اللي كنها اسلاك كهرب مشبكه بتوصيلتين اللي هم البكلتين اللي كل وحده اقعد اسويلها بحث وتنقيب لين القاها (مو بكله هذي نفط)
عاد تجي وتقول قومي البسي وخلصيني اقولها يمه ليش عسى ماشر وش صاير وش فيك يمه نسيتي انا بطلع مع صديقاتي بكره مو اليوم
تقول وش جاب طاري خوياتس الحين
اقولها اجل ليش تبيني البس
تقول بيجون حريم اليوم
اقولها حياهم الله وش دخلني البس ولا ماالبس
عاد انا اجي مسويه بأمزح واقول يمه لايكون متعيجزه تلبسين وبتطلعيني بدالك
صطرااااااااااااااااااااااااااااااااااااااااااااااا اااااااااااااخ
طبعا هذا الصوت مايجتاج اقولكم وشو ولاتستهبلون اكيد عرفتوه
<<<<<<<<<<ماتبي تفشل نفسها
اقولها يمه ترى امزح وقسسسسسسسسسسسسم بالله
تقول اذلفي والبسي وخلصينا عشان تسوين القهوه وتصبينها لهم اذا جو
اقول يمه ليش كذا كل ماجوتس حريم تعطينهم القهوه والحلا اللي يرد الروح وانا بنتس فلذة كبدتس تسكتيني بريكو ابو نص ريال
<<<<<<< قلبتها دراما
عاد تجي امي تمصعن من اذني اللي جنب رقبتي ويقالها ترقعها وتقول علشان ماتسمنين
واقولها يمه خلاص بروح البس بس ادري اني لو بعدل بشكلي سنوات وقرون مارح يتعدل
تقول الفزيه واذلفي البسي ولاتهرجين واجد واستعجلي الحريم ماراح يبطون (عادي ترى امي عندها ستين امر بالدقيقه.. كل ثانيه امر)
عاد اقولها تامرين امر بس كذا كم ................. عندنا
<<<<<<<<<<<مسويه مثل العيال يستحون يقولون اسماء امهاتهم وخواتهم
بس مدري ليش ودي اعرف السبب؟؟؟
المهم عاد تجي امي وتقول..
تقول واحد........ اثنين .......... وقبل لاتكمل ثلاثه ماتشوفون الا غباري بس موب خوف طبعا بس عشان امي ماتزعل
<<<<<<<ايه هين
والحين عاد تبدأ المعاناة اروح اطلع ملابس من الدولاب اللي كنه مطبخ عزوبي جميع انواع الحلويات فيه مايحتاج اقولكم عن الوالده والممنوعات اللي بالبيت بس لابد لنا من التهريب
وبعدين اروح امشط هالكشه الي مالها امل تتعدل الا بعد المستحيل
وثمن نروح للوجه اللي لازم نحطله خافي للتقاطعات(كروكي مو وجه)
وبعد التعديلات اللتي استغرقت ساعتين ونص ودقيقه الا ربع
تم بحمد الله(اعقلي بس واهرجي زين وخلي عنك تلفزيون السعوديه وبطاقات الزواج)
اهم شئ طلع شكلي مقبول
والحين عاد اروح للمطبخ واسوي قهوة وطبعا هذولا مايكفيهم الا برميل قهوه
عاد الحين جت اللحظه الحاسمه
<<<<<< متأثره بالمسلسلات
وتجي امي تقول يللا جيبي القهوه
وطبعا اروح اجيبها ثمن ادخل غرفة الحريم اسلم عليهم مايعطونتس وجه
ليه لايكون على راسكم ريشه مالت عليكم وعلى اللي عازمكم<<<<< كنها غلطت
وبعدين اقول معليش تراهم حريم انتي كبري عقلك وماعليك منهم
وامسك القهوه واصرقع الفناجيل واصب اول واحد
واقولها سمي ياخاله <<<<<مسويه اخلاق
ماتلتفت علي
اقولها سمي ياخاله
ماتلتفت نوبتن ثانيه
وعاد يجي ابليس يقولي كبي عليها الفنجال وخلي باروكتها تخرب
بعدين اتراجع اذا شفت نظرات امي
وعاد انا خلاص طقت براسي بخربها واقوم ادوس على رجولها واقولها اسفه سمي ياخاله تمسكه وتقول تسلمين بنفس خايسه
همن اروح للثانيه
واجي بصبلها
تقول لالالالالا مابي توني متعشيه <<<<<<حسبتها بتسوي دعايه لا للمخدرات
وامي تلزم وتقول لا صبيلها يابنت
واقوم واصب امري لله وزارة الداخليه مصدره قرار لازم اصب
وتقول لالالا توني متعشيه
وانا اطالع امي واقول مابقى الا ادخله ببلعومها
(بس خليها والله اذا ماهزت الفنجال مانيب صابتلها تشوف انا اوريها )
عاد الحين جا دور الثالثه
هذيك يقال انها مطوره من دخلت وهي ماسكه الجوال وجالسه تهرج فيه
صبيت لها ومديته ومااسمع غير
ايه , لا لا . طيب..... قلتلك دقي على فلانه ... سمعتي وش صار...............الخ
وانا واقفه برد الفنجال نزلت راسي وقلت ياهووووه
اشرت بيدها وقالت حطيه على الطاوله
<<<<<<بعد هذا اللي بقى اخدمك ودي كان قمت ومسكت جوالها وكسرته قطعة قطعة وقلت لها كان بأمك خير اعرفي جوالك يالفلبينيه ( لان عطرها مثل عطر خدامتنا )
ياربييييييييييييييييييييييييييييييييييييه صب القهوه تواجهنا حنا البنات
قسمن بالله العظيم اكره شئ عندي صب القهوه
والجلسه مع الحريم اللي ماعندهم سوالف غير
من تزوجت؟؟؟
متى حملت؟؟؟؟؟؟؟؟؟
وش جابت؟؟؟؟؟؟
متى ولدتي باكبر عيالتس؟؟؟؟؟؟
متى ناويه تعرسين وليدتس؟؟؟؟؟؟
والله شئ يقههههههههههههههههههههههههههر
وهذي معاناتي ومعاناة اغلب البنات
واللي عنده حل يرزه باسرع وقت ممكن..
(طبعا هذي سواليف والله يخلي لنا امهاتنا بس حبيت اصرقع بكم شوي)
تحيــــــــاتي
مريت من جنبكم قلت لازم اكتب موضوع علشان اواكب التطورات
<<<<عن الهرج الفاضي
عاد مالقيت شئ اكتبه وقمت مسكت الكيبورد
وقعدت اخربط والله يعينكم علي
المهم نبدأ
والله مادري من وين ابدأ ومن وين انتهي
انا بتكلملكم عن موضوع فاقع مرارتي ودابل تسبدي ومقطع تسلاويي
((لاتدققون على الإملاء لاني بيني وبين هالماده كره مثل الكره اللي بين الهلال والنصر ))
نرجع لموضوعنا..
<<<<<<<<اصلا ماقلتي الموضوع عشان ترجعينله
الموضوع ومافيه سلمكم الله يتعلق بمشكله يعانون منها البنات
وانا ادري ان اغلب البنات يعانون منها اذا مو كلهم
<<<<<<<<اقول لا يكثر وادخلي بالموضوع
الحين نبدأ........
اذا كانت امي عازمه حريم طبعا انا آخر من يدري تجي امي تدخل غرفتي الساعه 6 الظهر بعد نص الليل وتقومني عاد تعالوا شوفوا الشكل الجميل والكشه اللي كنها اسلاك كهرب مشبكه بتوصيلتين اللي هم البكلتين اللي كل وحده اقعد اسويلها بحث وتنقيب لين القاها (مو بكله هذي نفط)
عاد تجي وتقول قومي البسي وخلصيني اقولها يمه ليش عسى ماشر وش صاير وش فيك يمه نسيتي انا بطلع مع صديقاتي بكره مو اليوم
تقول وش جاب طاري خوياتس الحين
اقولها اجل ليش تبيني البس
تقول بيجون حريم اليوم
اقولها حياهم الله وش دخلني البس ولا ماالبس
عاد انا اجي مسويه بأمزح واقول يمه لايكون متعيجزه تلبسين وبتطلعيني بدالك
صطرااااااااااااااااااااااااااااااااااااااااااااااا اااااااااااااخ
طبعا هذا الصوت مايجتاج اقولكم وشو ولاتستهبلون اكيد عرفتوه
<<<<<<<<<<ماتبي تفشل نفسها
اقولها يمه ترى امزح وقسسسسسسسسسسسسم بالله
تقول اذلفي والبسي وخلصينا عشان تسوين القهوه وتصبينها لهم اذا جو
اقول يمه ليش كذا كل ماجوتس حريم تعطينهم القهوه والحلا اللي يرد الروح وانا بنتس فلذة كبدتس تسكتيني بريكو ابو نص ريال
<<<<<<< قلبتها دراما
عاد تجي امي تمصعن من اذني اللي جنب رقبتي ويقالها ترقعها وتقول علشان ماتسمنين
واقولها يمه خلاص بروح البس بس ادري اني لو بعدل بشكلي سنوات وقرون مارح يتعدل
تقول الفزيه واذلفي البسي ولاتهرجين واجد واستعجلي الحريم ماراح يبطون (عادي ترى امي عندها ستين امر بالدقيقه.. كل ثانيه امر)
عاد اقولها تامرين امر بس كذا كم ................. عندنا
<<<<<<<<<<<مسويه مثل العيال يستحون يقولون اسماء امهاتهم وخواتهم
بس مدري ليش ودي اعرف السبب؟؟؟
المهم عاد تجي امي وتقول..
تقول واحد........ اثنين .......... وقبل لاتكمل ثلاثه ماتشوفون الا غباري بس موب خوف طبعا بس عشان امي ماتزعل
<<<<<<<ايه هين
والحين عاد تبدأ المعاناة اروح اطلع ملابس من الدولاب اللي كنه مطبخ عزوبي جميع انواع الحلويات فيه مايحتاج اقولكم عن الوالده والممنوعات اللي بالبيت بس لابد لنا من التهريب
وبعدين اروح امشط هالكشه الي مالها امل تتعدل الا بعد المستحيل
وثمن نروح للوجه اللي لازم نحطله خافي للتقاطعات(كروكي مو وجه)
وبعد التعديلات اللتي استغرقت ساعتين ونص ودقيقه الا ربع
تم بحمد الله(اعقلي بس واهرجي زين وخلي عنك تلفزيون السعوديه وبطاقات الزواج)
اهم شئ طلع شكلي مقبول
والحين عاد اروح للمطبخ واسوي قهوة وطبعا هذولا مايكفيهم الا برميل قهوه
عاد الحين جت اللحظه الحاسمه
<<<<<< متأثره بالمسلسلات
وتجي امي تقول يللا جيبي القهوه
وطبعا اروح اجيبها ثمن ادخل غرفة الحريم اسلم عليهم مايعطونتس وجه
ليه لايكون على راسكم ريشه مالت عليكم وعلى اللي عازمكم<<<<< كنها غلطت
وبعدين اقول معليش تراهم حريم انتي كبري عقلك وماعليك منهم
وامسك القهوه واصرقع الفناجيل واصب اول واحد
واقولها سمي ياخاله <<<<<مسويه اخلاق
ماتلتفت علي
اقولها سمي ياخاله
ماتلتفت نوبتن ثانيه
وعاد يجي ابليس يقولي كبي عليها الفنجال وخلي باروكتها تخرب
بعدين اتراجع اذا شفت نظرات امي
وعاد انا خلاص طقت براسي بخربها واقوم ادوس على رجولها واقولها اسفه سمي ياخاله تمسكه وتقول تسلمين بنفس خايسه
همن اروح للثانيه
واجي بصبلها
تقول لالالالالا مابي توني متعشيه <<<<<<حسبتها بتسوي دعايه لا للمخدرات
وامي تلزم وتقول لا صبيلها يابنت
واقوم واصب امري لله وزارة الداخليه مصدره قرار لازم اصب
وتقول لالالا توني متعشيه
وانا اطالع امي واقول مابقى الا ادخله ببلعومها
(بس خليها والله اذا ماهزت الفنجال مانيب صابتلها تشوف انا اوريها )
عاد الحين جا دور الثالثه
هذيك يقال انها مطوره من دخلت وهي ماسكه الجوال وجالسه تهرج فيه
صبيت لها ومديته ومااسمع غير
ايه , لا لا . طيب..... قلتلك دقي على فلانه ... سمعتي وش صار...............الخ
وانا واقفه برد الفنجال نزلت راسي وقلت ياهووووه
اشرت بيدها وقالت حطيه على الطاوله
<<<<<<بعد هذا اللي بقى اخدمك ودي كان قمت ومسكت جوالها وكسرته قطعة قطعة وقلت لها كان بأمك خير اعرفي جوالك يالفلبينيه ( لان عطرها مثل عطر خدامتنا )
ياربييييييييييييييييييييييييييييييييييييه صب القهوه تواجهنا حنا البنات
قسمن بالله العظيم اكره شئ عندي صب القهوه
والجلسه مع الحريم اللي ماعندهم سوالف غير
من تزوجت؟؟؟
متى حملت؟؟؟؟؟؟؟؟؟
وش جابت؟؟؟؟؟؟
متى ولدتي باكبر عيالتس؟؟؟؟؟؟
متى ناويه تعرسين وليدتس؟؟؟؟؟؟
والله شئ يقههههههههههههههههههههههههههر
وهذي معاناتي ومعاناة اغلب البنات
واللي عنده حل يرزه باسرع وقت ممكن..
(طبعا هذي سواليف والله يخلي لنا امهاتنا بس حبيت اصرقع بكم شوي)
تحيــــــــاتي