عهود
28 / 10 / 2004, 55 : 02 AM
هات القلم واكتب حروفي بقرطاس=مثايلٍ بأقصى الضماير نظيفة
،(ياحمس قلبي حمس بنٍ بمحماس)،=بيدين معتوهٍ عيونه كفيفه
انا رمتني فالهوى عين قرناس=سود النواظر والمحاجر لطيفه
ترسل سهومٍ تجعل القلب ينحاس=تجعل جبابرة الخلايق عسيفه
ابو رموشٍ كنهن صف حراس=تظلل على خده سوات السقيفه
والله لو انه سكن يوم مدراس=مركب غرامي ما يجنب رصيفه
ابو ثمان مثل ما وصف الالماس=اموت واحيا ما لقيله وصيفه
الى تبسم يعزف القلب مرواس=والى زعل دنياي راحت مخيفه
مثل البحر يغري نظر كل غطاس=وموجه غضب مثل الجبال المنيفه
ريمٍ ربيته في فؤادي عن الناس=من غض عوده لين مالت عطيفه
ارجي واراجي وامنع القلب لا يأس=واقول يمكن مقبلاته مريفه
حبٍ على وضحا النقا ما به ادناس=نشا وترعرع في بياض الصحيفه
مثل الورود اللي تعطر بالانفاس=تهدي نقابين الوليف ووليفه
حبه بنيته في فؤادي على ساس=ساس الوفا ما فيه دونه نكيفه
ويوم استوى ثمره على قد مياس=حالن من دوني نفوسٍ ضعيفه
الله ولا ناسٍ تبا البعد نوماس=والله ولا علومٍ عليه كليفه
ما يقبل الذلات يا كود الانجاس=ولاتقبل الذله نفوسٍ شريفه
ان ما حصلي ناعم العود لاباس=جرحه على جروحٍ قديمه نظيفه
لاباس، لو هــن يدقن الاجراس=الحقد عند الناس بعضه وظيفه
هي كم مرة يحرج الخد عساس=وهي كم مرة تختلف فيه شيفه
لا باس انا منيب معدوم الاحساس=والله ما اقبل بالعلوم السخيفه
لو ان قلبي يشتعل فيه مقباس=حرام مااقبلها عليه محيفه
بالعدل عدل ونعرف الوضع حساس=ولا نقبل الميلات لو هي خفيفه
اقفي بهمي بس ما ينحني راس=لو ان ربيع العمر يقبل خريفه
،(ياحمس قلبي حمس بنٍ بمحماس)،=بيدين معتوهٍ عيونه كفيفه
انا رمتني فالهوى عين قرناس=سود النواظر والمحاجر لطيفه
ترسل سهومٍ تجعل القلب ينحاس=تجعل جبابرة الخلايق عسيفه
ابو رموشٍ كنهن صف حراس=تظلل على خده سوات السقيفه
والله لو انه سكن يوم مدراس=مركب غرامي ما يجنب رصيفه
ابو ثمان مثل ما وصف الالماس=اموت واحيا ما لقيله وصيفه
الى تبسم يعزف القلب مرواس=والى زعل دنياي راحت مخيفه
مثل البحر يغري نظر كل غطاس=وموجه غضب مثل الجبال المنيفه
ريمٍ ربيته في فؤادي عن الناس=من غض عوده لين مالت عطيفه
ارجي واراجي وامنع القلب لا يأس=واقول يمكن مقبلاته مريفه
حبٍ على وضحا النقا ما به ادناس=نشا وترعرع في بياض الصحيفه
مثل الورود اللي تعطر بالانفاس=تهدي نقابين الوليف ووليفه
حبه بنيته في فؤادي على ساس=ساس الوفا ما فيه دونه نكيفه
ويوم استوى ثمره على قد مياس=حالن من دوني نفوسٍ ضعيفه
الله ولا ناسٍ تبا البعد نوماس=والله ولا علومٍ عليه كليفه
ما يقبل الذلات يا كود الانجاس=ولاتقبل الذله نفوسٍ شريفه
ان ما حصلي ناعم العود لاباس=جرحه على جروحٍ قديمه نظيفه
لاباس، لو هــن يدقن الاجراس=الحقد عند الناس بعضه وظيفه
هي كم مرة يحرج الخد عساس=وهي كم مرة تختلف فيه شيفه
لا باس انا منيب معدوم الاحساس=والله ما اقبل بالعلوم السخيفه
لو ان قلبي يشتعل فيه مقباس=حرام مااقبلها عليه محيفه
بالعدل عدل ونعرف الوضع حساس=ولا نقبل الميلات لو هي خفيفه
اقفي بهمي بس ما ينحني راس=لو ان ربيع العمر يقبل خريفه