العباة الرهيفه

[الغالي فهد]

للشاعــــــرالهمـــــــزانــــــي :



من ردى الحظ قلبي طول الايام خايف
خايفٍ والليالي ما تجـي لـه بكيفـه
ما تجي له بكيفه مثل ما كان شايـف
غيب الايام جالـه بالحيـاه الكسيفـه
الحيـاة الكسيفـه والعنـا والكلايـف
عقب عزه تعرقل بالظروف الكليفـه
الظروف الكليفه والدمـوع الذرايـف
والسهر والترجي بعد فرقـى وليفـه
بعد فرقى وليفه مالقـى لـه ولايـف
غيّم الجو واظلـم بالهمـوم العنيفـه
الهموم العنيفـه بالضلـوع النحايـف
خلّت القلب يرجف بالضلوع النحيفـه
بالضلوع النحيفه عقب يأس وحسايف
وش تفيد الحسايف والقدر حط سيفـه
القدر حط سيفه دون زين الوصايـف
حال من دون شوفه ما بقى غير طيفه
ما بقى غير طيفه داخل القلب طايـف
طيف زين الوصايف والخدود النظيفه
الخدود النظيفـه والثمـان الرهايـف
يوم جيته وجاني بالعبـات الرهيفـه
العبات الرهيفه فوق ذيـك الردايـف
وا عنا قلبي اللي ما اهتني في مصيفه

[سويد السويدي]

هذي من تاليف فهد بن سعيد
وليس الهمزاني

[تحدوك ياقلبي]

مشكور يالغالي دمت ودام ابداعك

[سُلاَفْ القَصِيدْ]

صح لسان قايلها

وسلمت لنا أناملك على النقل الرائع

قصيدة رائعة

احترامي

[الغالي فهد]

شاكرلكم مروركم العطر