مشكله تفحيط في الحواري

[قتيل الذكريات]

السلام عليكم ورحمة الله وبركاته

ياناس ياجماعه انا ماقدر انام والله ولا حتى اقعد في البيت كله من ازعاج التفحيط

وكل مامرو الشباب المراهقين مع الشارع فحطو حتى الظهر ابي اقيل الا واسمع تفحيط ابي يمر يوم بدون تفحيط
وحتى الدوريه ماتمر على الشارع هاذا ((والله ازعاج ياجماعه والله))

اروح اشتكي او لا واذا اشتكيت على الشرطه مايجون الا بعد شهر وش تبيني اسوي اذا مسكت الواحد وظربته

راح يشكي عند ابوه ويسوي سالفه ((( ابي حل ياجماعه )))

[نسيم]

ادع لهم بالهداية .ويجب تقدير سن المراهقة .لا يصير فينا انانية حنا قبل نسوي مثلهم وكبرنا وعقلنا .
انا اعطيك راي منصح ومخلص الصبر زين اخوي.

[قتيل الذكريات]

ادع لهم بالهداية .ويجب تقدير سن المراهقة .لا يصير فينا انانية حنا قبل نسوي مثلهم وكبرنا وعقلنا .
انا اعطيك راي منصح ومخلص الصبر زين اخوي.
والله ندعي لهم وشيبانا يدعون لهم بس مانقدر نقول غير الله يهديهم يارب

[قتيل الذكريات]

فيه سدات للاذن تباع في الصيدليااات
حطهاا في اذنك وارتح

بس اكيد راح تفيد كان اروح اشتريها الحين

[L O R D]

ايه اشتر حقة الأذان وسكر عليها


ووحدة بوحدة

هع هع

[عرب تمير]

مالك الا الصبر والا ان كانك تبي المشاكل

فعليك تجيب مشعابك وترصد لهم

[ابن المملكة]

هداهم الله إلى الطريق الصحيح

[الكااايد]

الله يصلحهم يارب
ادع لهم بالصلاح والهداية يمكن توافق دعوتك باب مفتوح وتكون سبب بهدايتهم

ومثل هالامر طبيعي يصير خصوصا بوجود هالفراغ الكبير بالاجازة

واذا كل شخص مااهتم ورتب كيف يقضي وقف فراغ عياله لاتنتظر منهم ينضمون انفسهم

والله يعين الكل مو انت بس اللي بشارعكم تفحيط :)

[بن هديب]

ما لك ألا الصبر او
احترهم يوم و ادبغهم

[الطيار]

الحل :

١- ادع لهم بالهدايه .

٢- ارقد بالنخل ..... الدوريات ماهي حولك

[قتيل الذكريات]

أشكركم على تعليقاتكم

انا اتكلم عن شرطة تمير بشكل خاص

اين المسئول في شرطة تميرعن التفحيط الي صاير اين نقاط التفتيش اين الحملات

او ينتظر ان يحدث كارثه بسبب التفحيط ...

[البحار الشبرمي]

الحل عندي وأنا أبو هندي علمني بس وين المكان بالضبط اللي يفحطون فية علشان أعطيك خطة تسويها ورح تفتك منهم بإذن الله

[دحوم الخالديه]

ادع لهم بالهداااايه او اشتر حقت الاذان او فقع وجيههم...

[المتحـ2007ـد]

موضوع مهم جدا

اثناء الدراسه وبعد خروج الطلاب لا نراى الشرطه الا في الشارع العام فقط

في متوسطة الملك خالد وعند خروج الطلاب في الحواري وخاصه عند الجامع يجتمعون الطلاب

ويبداء التفحيط والهبال

لكن انا اخذ حقي بيدي واي واحد يفحط اصكه بالبياله او اي شي قدامي لاني ادري ان الشرطه

بتبطي ما جت

وابلغت ابو احد المفحطين عن ابنه وقال ( ولدي ما يسويها عاقل من المدرسه الى البيت ) لكن كان الدليل

معي مصوره بالجوال عقبها تغيرت ملامح وجهه واسكت ولا عاد شفت الولد يفحط ولا يمر مع ذاك الشارع

لكن خذ نصيحتي وسجل رقم اللوحه ونوع السياره واسم السائق اذا عرفته وبلغ عنه اذا ما استجابو لك

طبعا بعد ما تصوره وتسجل عندك وقت البلاغ واليوم والتاريخ بلغ ابوه او قدم شكوى لرئيس المركز

وان شاء الله بتنعم بحياة هااادئه دون ازعاج او تفحيط

[20]

عين العقل يا المتحد

[طير شلوى]

صدقني لو توقف الي مفحط وتكلمه بالهداوة"
والطيبه ماعاد يجيك ولايقبل على بيتكم

اما اذا مانفع الطيب فترى القوة لها دورها "
بس انا غير مسؤول عن الاضرار الي بتصير لكم خخخ

[NET]

يا اخي خذ رقم اللوحة و لونه وموديله و بلغ عنه ... ويفضل يكون المبلغ اكثر من 3 اشخاص

[NET]

الحل الثاني:
او انك تكتب خطاب للبلدية يحطون مطبات او اذا كان الشارع وسيع ومافي رصيف يحطون صبات ..

[مشقاص]

مساء الخير
بلنسبه للمفحطين في تمير او غير تمير من سنين ومنين وحناء على ذا لحال يروح جيل
ويجي الي بعده ولا تفكر في
يوم من الايام بتروح هذه العاده

[ab0 dahem]

اطلع وتفرج ووسع صدرك:21-312:

[أبشر]

خلو الناس تفحط وتاخذ راحتها وتستانس :65:باكر يكبرون ويعقلون
بس اهم شي لاتسرعون عشان مايجيكم شي :t92: يعني استفاهم على 80 :t67:
وها انتبهو شارع الثلاثين في خياطين واجد ماله داعي اطلع من البيت والقاء واحد داخل بخياط
الي مايعرف يسوق :80:يدور له شارع اوسع منه :88:

اخوي صاحب الموضوع من جدك بتوقفهم تقولهم لاتفحطون ههههههه بيفحطون عناد اعتقد الاغلبيه مجربين هذا الشي او سجن او دوريه بتردهم والله مايردهم احد ولاتزعجون الشرطه بالزهمي عشان تفحيط مره من المرات واحد يفحط ماتسمع الا صريخ كفراته ويطمر الشايب بلعن اصله ههههههههه قلت يايبه اجلس وخلهم يستانسون ^_^ يوم فتح الباب لقاه ولده راكزن الوجهيه خمسات هههههههههههههههههههههههههههه يعني كلهم عيالنا اهم شي الله يستر عليهم ويحفظهم وبيكبرون ويعقلون

[عضيد المهند]

مشكورياصاحب الموضوع والله يعينك على الازعاج
بس صدقني لوفيه مخفرشرطه صح كان ماشفت التفحيط منتشرفي تمير
كان يروحون خارج الديره ويطيح مافي راسه لاكن لاحياة لمن تنادي
والله يعقل عليك ياصاحب الموضوع وان شاءالله ينفرج همك ويفكون إيقافك وتشارك معنا
بس ممكن سؤال ليش تم حظرالعضو هل بسبب هذا الموضوع تم حظره
ارجو عدم الحذف

[بنوتة الخالدية]

هههههههههههههههههههههههههههه

عااااااااااااادي حارتنا هاديه بمعنى الكلمه >>مسويه تقهر

[أبوكدش]

لاحول ولاقوه الابالله العضيم

أطلع عليهم وهاوشهم ومالكـ مني أنهم معد يجووون بالمره