صور خراف اليوم بمساعدة صديقي

[نسيم]

اليوم عقب صلاة الفجرانا وصديقي ابوحمد ،وقال ماودك نشوف كان فيه خراف ،قلت ياالله وانا ماودي.
المهم رحنا فالظلمة وانا خايف يجي شي يعضني ،قال امش يارجال ماجايك الا العافية .قلت زين ياصديقي.والله ولقينا اللي فيه بركة.

http://www.up-tumaer.net/up/uploads/images/tumaer-ce73c51556.jpg
http://www.up-tumaer.net/up/uploads/images/tumaer-65128a5dc7.jpg

http://www.up-tumaer.net/up/uploads/images/tumaer-0a61b4e225.jpg

http://www.up-tumaer.net/up/uploads/images/tumaer-ea1f7be15d.jpg

http://www.up-tumaer.net/up/uploads/images/tumaer-6018e51720.jpg
المهم كلناه يعني مافيه داعي احد يقول اعزمنا ومن الحركات هذي !!!
شكرا صديقي والوعد بكرة عقب الفجر ههههههه
نسسسسسسسيم

[المهند]

ماشاء الله ... خراف ... خراف ...

أجل الدخل وصل ...

جعله يباري مذابحك يانسيم أنت وأبوحمد وتأكلونه بالعافية ..

ماعلمتنا وش نوعه ذا ...

[النجدي]

أجل كلها اسبوع ويجلبون في السوق

إن لقيتوا بكرة شي خلو لنا لو النقادة ترانا أحق من العصفور

[نسيم]

http://www.up-tumaer.net/up/uploads/images/tumaer-6018e51720.jpg

العنز هذي وخرنا عيالها وحلبناها .فاضين الصبح ماعندنا شغل انا وصديقي .
http://www.up-tumaer.net/up/uploads/images/tumaer-b4a9947bcc.jpg

[أبـوحـمـد]

اليوم سطل وبكره سطلين والي عقبه 4 سول

ترى عين المهند قويه يا نسيم

شكلنا ما حنا لا قين شي باكر..

[احلام وردية]

ماشاء الله
خرافكم يشهوي ويازين القهوة معه على الصبح
وكملتوها بالحليب
والله انكم رايقين
تتهنون به ومداخيله العافية
موفق اخوي نسيم

[نسيم]

ماشاء الله ... خراف ... خراف ...

أجل الدخل وصل ...

جعله يباري مذابحك يانسيم أنت وأبوحمد وتأكلونه بالعافية ..

ماعلمتنا وش نوعه ذا ...
المهند قل ماشاء الله لايخرب تمرنا .تراك تروع ههههههههه.
تعال بعد صلاة الفجر عند صديقي ابوحمد كانه وافق لاحظ كانه وافق .

[الساطع 323]

مااشاء الله ... باين عليه خراااف طيب
تاكلونه بالعااافية

تحيااااااتي لك أنت وابو حمد :)

[نسيم]

أجل كلها اسبوع ويجلبون في السوق

إن لقيتوا بكرة شي خلو لنا لو النقادة ترانا أحق من العصفور
ماهوب على كل حال يجلب بعد اسبوع .وتبي الصحيح يالنجدي ضاق صدري يوم جاء الخراف لانه سبحان الله يروح عجل .
نبي نقهويك الصبح ان شاء يالنجدي .

[نسيم]

اليوم سطل وبكره سطلين والي عقبه 4 سول

ترى عين المهند قويه يا نسيم

شكلنا ما حنا لا قين شي باكر..


الله يستر منه ياصديقي .انا لاشفت هالشمالة عليه ارتاع من جد .

[نسيم]

ماشاء الله
خرافكم يشهوي ويازين القهوة معه على الصبح
وكملتوها بالحليب
والله انكم رايقين
تتهنون به ومداخيله العافية
موفق اخوي نسيم
ابشري يا احلام وردية بسطل بكرة تشوفينه فالمنتدى هههههههههه

[نسيم]

مااشاء الله ... باين عليه خراااف طيب
تاكلونه بالعااافية

تحيااااااتي لك أنت وابو حمد :)
الله يعافيك اخوي الساطع .تشرفنا بزيارتك الكريمة وان شاء الله نقدعك منه بحول الله .
نسسسسسسيم

[المهند]

المهند قل ماشاء الله لايخرب تمرنا .تراك تروع ههههههههه.
تعال بعد صلاة الفجر عند صديقي ابوحمد كانه وافق لاحظ كانه وافق .

وأنا ما قلت ما شاء الله .. والله أني قايلها ...

المهم عقب الفجر أبجيب الساكتون وقهووني وأفطركم دخيخلات ...

نقطة ضعف أبوحمد هالدخيخلات ...

[نسيم]

وأنا ما قلت ما شاء الله .. والله أني قايلها ...

المهم عقب الفجر أبجيب الساكتون وقهووني وأفطركم دخيخلات ...

نقطة ضعف أبوحمد هالدخيخلات ...
انا ماسمعتك قايلها .وابوحمد يقول انه ماقالها .وشلون صديقي يكذب ماهوب معقوله .
الدخل توه والله ان تبطي ماذقته يالمهند

[ام منى]

ماشاء الله
ماشاء الله
الخراف له طعم غير بس مشكلته مايطول..
فيه بعضهم يحبه مع القهوه
والبعض يحبه مع اللبن
وتاكلونه بالعافيه ولو انكم شهويتونا..

[عرق الأرطى]

مشاءالله الله ينطح فيه البركه اجل تحرو لدخل
مشكور اخوي نسسسسسسيم

[ابو مشعل]

ماشاء الله عليكم
تمر وحليب جعله مداخيل العافيه
وهني على قلوبكم

[تحدوك ياقلبي]

ههههههههه يعطيكم الف عافيه وصحتين على قلوبكم بس زعلت يوم قلت مافيه عزومه ولا كنت ناوى اجى واقلط معاكم

[المـــــختار]

ما شاء الله تبارك الله
باهناء و العافيه
هذي النخله المبروكه

[ملاك الروح]

باين عليه خراف طيب تتهنون به تحياتي لك يا نسيم ولابو حمد

[نسيم]

ماشاء الله
ماشاء الله
الخراف له طعم غير بس مشكلته مايطول..
فيه بعضهم يحبه مع القهوه
والبعض يحبه مع اللبن
وتاكلونه بالعافيه ولو انكم شهويتونا..

اجل لو حنا خارفين البرحي !والله ياعليه نظرة يقطع القلب من زينة .لكن وعدكم الصور الجاية يا امنى

[نسيم]

مشاءالله الله ينطح فيه البركه اجل تحرو لدخل
مشكور اخوي نسسسسسسيم
ينطح فيه البركة!هذي والله جديدة علينا ياعرق الارطى .
الدخل توه وان كانك حريص على الدخل ولم الشبك هالسنة بحول الله تبي تشوف شي ماقد مر من كثره.

[نسيم]

ماشاء الله عليكم
تمر وحليب جعله مداخيل العافيه
وهني على قلوبكم
تسلم يابومشعل .وانت ابشر بسطل برحي تشوفه بس فالمنتدى وبكتب عليه هدية لبومشعل .

[نسيم]

ههههههههه يعطيكم الف عافيه وصحتين على قلوبكم بس زعلت يوم قلت مافيه عزومه ولا كنت ناوى اجى واقلط معاكم
اقعد معنا الى الفجر وصل فالمسجد وابشر باللي يقلطك على خراف ولبن بقرة ماهوب حليب عنز.

[نسيم]

ما شاء الله تبارك الله
باهناء و العافيه
هذي النخله المبروكه
ايه هذا الكلام والدعاء الطيب ماهوب مثل المهند .

[نسيم]

باين عليه خراف طيب تتهنون به تحياتي لك يا نسيم ولابو حمد

وانت اطيب ياملاك الروح .
تحياتي لك نسسسسيم

[ولد العز]

نسيم اعزمنا انا والمهند وابشر بالقهوة اللي تسمد الراس والفطور اللي ما قد ذقته

[نسيم]

نسيم اعزمنا انا والمهند وابشر بالقهوة اللي تسمد الراس والفطور اللي ما قد ذقته
وشلون اعزمكم وابشر بالقهوة ؟ماتجي هذي ابد !
والفطور اللي ماقد ذقته ،ولد العز الظاهر ان فيك النوم ،ماالله بحادك على السهر وانت رجال ماتعودت السهر. رح ارقد واذا قمت من النوم راجع كلامك بارك الله فيك .صراحة مافهمت شي .

[تحدوك ياقلبي]

اقعد معنا الى الفجر وصل فالمسجد وابشر باللي يقلطك على خراف ولبن بقرة ماهوب حليب عنز.

تسلم وانا اخوك ولله وافى وماتقصر بس انا مانى من سكان تمير اسكن بالمجمعه و ان شالله بيجي يوم وتعرف عليكم جميعا تحيتي لك وانا اخوك وصحتين على قلبك انت واخوى ابو حمد

[مخاوي تمير]

مشتاق لكم حيل

ولك شوق يا نسيم

ومع سطل الخراف ازداد الشوق

لنا نصيب من السطول اللي تبي تجيبها يانسيم او حنا خارج النطاق

[نسيم]

تسلم وانا اخوك ولله وافى وماتقصر بس انا مانى من سكان تمير اسكن بالمجمعه و ان شالله بيجي يوم وتعرف عليكم جميعا تحيتي لك وانا اخوك وصحتين على قلبك انت واخوى ابو حمد

مرحبا والله .عزيز وغالي .

[جےـوِد آلحےـزטּ]

خرافَ طيبَ
يازينَ أيامنَ مضتَ أتسلقَ النخلهَ وأخرفهاَ:t6:
مشششكورَ ع الصورَ
تحيتيَ

[نسيم]

خرافَ طيبَ
يازينَ أيامنَ مضتَ أتسلقَ النخلهَ وأخرفهاَ:t6:
مشششكورَ ع الصورَ
تحيتيَ
الله يونسك بالعافية .الماضي جميل .
نسسسسسسسيم

[ولد العز]

وشلون اعزمكم وابشر بالقهوة ؟ماتجي هذي ابد !
والفطور اللي ماقد ذقته ،ولد العز الظاهر ان فيك النوم ،ماالله بحادك على السهر وانت رجال ماتعودت السهر. رح ارقد واذا قمت من النوم راجع كلامك بارك الله فيك .صراحة مافهمت شي .
نسيم الظاهر الفهم عندك صعب
المعنى علمونا موقعكم ونجي نزهب القهوة عندكم وناكل من الخراف
والفطور ما قد ذقت مثله من يدين الشيف المهند مقلقل وحركات حلوه

[نسيم]

نسيم الظاهر الفهم عندك صعب
المعنى علمونا موقعكم ونجي نزهب القهوة عندكم وناكل من الخراف
والفطور ما قد ذقت مثله من يدين الشيف المهند مقلقل وحركات حلوه
ايه قل كذا من اول، سم ابشر ياولد العز .
تراي هالايام لك علي شوي لا تواخذني !!!!!!!!!!

[قائدالأسود]

يا سلام عليك يا نسيم اجل انت الي با سط في السوق من يومين

يعطيك العافيه عندي نخله تحمل سنه وراء سنه مدري ليش يا اخي

مع اني مدلعها ومن اجود النخل عندي بس ما عطتني

[نسيم]

يا سلام عليك يا نسيم اجل انت الي با سط في السوق من يومين
فعلاً انا اللي ابيع امس وقبل امس .

يعطيك العافيه عندي نخله تحمل سنه وراء سنه مدري ليش يا اخي
وش نوعها ؟وكم عمرها ؟

مع اني مدلعها ومن اجود النخل عندي بس ما عطتني
وين ياقائد الاسود والله لك وحشة وين الناس ؟ليتني داري انك تبي تجي ونشوفك مع صور الخراف كان حاط صور العام .
وينك غايب كل الايام اللي راحت؟

[قائدالأسود]

وين ياقائد الاسود والله لك وحشة وين الناس ؟ليتني داري انك تبي تجي ونشوفك مع صور الخراف كان حاط صور العام .
وينك غايب كل الايام اللي راحت؟


نوعها هلاليه وعمرها 13سنه

تسلم يا نسيم وما تقصر والله بس الدوام غثى شوي

اطلع تعبان انوم اقوم ويضيع علي الوقت ما بين مشاويرودوام ودراسه

ومزرعه ونخل يبي رش وزرع يبي حصد وعلى هالموال

ودي ادخل دايم لكن ظروفي ما تسمح

تصدق مخلي الجهاز يشتغل عقب العشاء

ويوم جيت اصلي الفجر لقيته شغال شيكت والحين ما شي

[نسيم]

نوعها هلاليه وعمرها 13سنه
الهلالي زين الى صرموا الناس بدء خرافه وتبتل الى المربعانه تاكل خراف.

تسلم يا نسيم وما تقصر والله بس الدوام غثى شوي

اطلع تعبان انوم اقوم ويضيع علي الوقت ما بين مشاويرودوام ودراسه

ومزرعه ونخل يبي رش وزرع يبي حصد وعلى هالموال

ودي ادخل دايم لكن ظروفي ما تسمح

تصدق مخلي الجهاز يشتغل عقب العشاء

ويوم جيت اصلي الفجر لقيته شغال شيكت والحين ما شي


اعانك الله اخوي قائد الاسود .الله اقوى ليه خانتنا الظروف !
المهم انك غالي واذا غبيت مفقود .

الله يوفقك ويرزقك ان شاء الله .