النشرة الجوية لهذا اليوم السبت 4-7-1430هه

[نسيم]

السماء بوجه عام على معظم مناطق المملكة صحو بشكل عام مع وجود عوالق ترابية على وسط المملكة .
من اليوم وصاعدا يكون هناك ارتفاع درجات الحرارة بشكل عام تصل العظمى الى فوق 50درجة بمشيئة الله .
الان نحن في نهاية التويبع وبداية دخول نجم الجوزاء اللي يقول فيه الخلاوي (نجم من الجوزاء يستاقد منه الحصا)ونحن بانتظارها بمشيئة الله والنجم الثاني اللي يقول فيه الخلاوي بوارح الجوزاء ربا فيه بسرها .
وبـوارح الـجـوزا ربــا فـيـه بسـرهـا
واختلفت الالوان بين خضـر الجرايـد
والى ظهـر المـرزم شبـع كـل كالـف
مــن الغـيـد وانـحـن الليـالـي الـشـدايـد
المهم انا طلعت عن الموضوع شوي للفائدة .
المصايف الجنوبية تكون بداية الامطار في نهاية شهر شعبان بمشيئة الله .
http://weather.pme.gov.sa/weather-maps/sat_ir1_200906270830.jpg
تحياتي للجميع نسسسسسيم

[طير شلوى]

يعطيك الف عافيه اخوي نسسسسسيم على النشرة والله يعيينا على الحر ودرجه 50 ان ماكانت اكثر

والمصااااااييف جنوبيه

[نسيم]

يعطيك الف عافيه اخوي نسسسسسيم على النشرة والله يعيينا على الحر ودرجه 50 ان ماكانت اكثر

والمصااااااييف جنوبيه
الله يعافيك اخوي طير شلوى .شف درجة الحرارة فالشمس فوق خمس وخمسين درجة لكن هناك طريقة لهم في قياسها ان تكون فالظل وايضا يكون هناك رطوبة وبعد تسجل .
نسسسسسسسيم

[النجدي]

مشكور نسيم على النشرة ..

فرق بين نشرة اليوم ونشراتك في الشتاء ..

لكن الحمد لله على كل حال .. وبنصير زي الضبان نكانس في هالبيوت تحت هاللي ينفخن نفخ ألين يفرجها ربي .. بس على الله شركة الكهرب ما يهايطون سوات العام .

ياقرب واشنطن ولندن وباريس حذفة عصا للي رصيده ملايين

ويا زين النماص لولا بعده ..

تحياتي لك .

[قابوس تمير]

خلاص يانسيم .. صفط خريطتك وعطانها .. في شوال كانا من الحيين

سلام يالغالي:046:

[نسيم]

مشكور نسيم على النشرة ..

فرق بين نشرة اليوم ونشراتك في الشتاء ..

لكن الحمد لله على كل حال .. وبنصير زي الضبان نكانس في هالبيوت تحت هاللي ينفخن نفخ ألين يفرجها ربي .. بس على الله شركة الكهرب ما يهايطون سوات العام .

ياقرب واشنطن ولندن وباريس حذفة عصا للي رصيده ملايين

ويا زين النماص لولا بعده ..

تحياتي لك .


منتب خابر يالنجدي وانت تحسر من البرد وتبي القيض ،هالحين اشرب بكفوفك يالنجدي .شف بلا نماص بلاباريس محناب طالعين من تمير الا كان فيه دخل وغيره والله يالو الجنوب فام ارجوم مارحت له، ليتك ماقلت النماص حامت كبدي يالنجدي مانيب احب الجنوب الله يكرهه .

[المهند]

الله يغفر له عبداللطيف العيوني ...
يوم شفت النشرة ذكرته ...

الله يعطيك العافية ... على هالنشرة الحارة ...
وأهم شيء أبخن للعج والغبرة إن جتنا علمنا ...!!!

[نسيم]

خلاص يانسيم .. صفط خريطتك وعطانها .. في شوال كانا من الحيين

سلام يالغالي:046:
والله لك وحشة ياقابوس .مشتاقين لك انت حي والا ميت .
الخريطة اذا مااحطها ماتجي نشرة لازم تزين المنظر وتبين ان فيه علم .
نسسسسسسيم

[النجدي]

منتب خابر يالنجدي وانت تحسر من البرد وتبي القيض ،هالحين اشرب بكفوفك يالنجدي .شف بلا نماص بلاباريس محناب طالعين من تمير الا كان فيه دخل وغيره والله يالو الجنوب فام ارجوم مارحت له، ليتك ماقلت النماص حامت كبدي يالنجدي مانيب احب الجنوب الله يكرهه .


والله يا صديق صديقي أبو حمد أنا هلحين مستانس آخر وناسة علي فنيلة علاقية وسروال نص وتحت المكيف ينفخ في ، ولوني في البرد كان متلفلف في فروتي وعلي سبعين خلق ومقصعر وكل شوي طامر للحمام أعزك الله

وانا مثلك مهوب من حبي للجنوب ما فيها إلا القرود والزحمات وضيق الأنفس

بس لاذكرت هاك الضباب اللي يدخل في البيوت والمطر قال قلبي لها

تحياتي لك

[نسيم]

الله يغفر له عبداللطيف العيوني ...
يوم شفت النشرة ذكرته ...

الله يعطيك العافية ... على هالنشرة الحارة ...
وأهم شيء أبخن للعج والغبرة إن جتنا علمنا ...!!!
الله يرحمة ويسكنه فسيح جناته .
ماعليك العج خله علي يالمهند .
شاكر تعاونك ووقفاتك الكبيرة وفقك الله يالمهند .
نسسسسسسيم

[عرق الأرطى]

يعطيك العافيه نسيم

[أبـوحـمـد]

وش رايك يا نسيم

نبي لنا روحه نغير الجو هالسنه بس مدري وين

لكن مالنا مقعاد في الديره

ومشكور على النشره مبطين عنها والله

والله يكتب الي فيه الخير..

[نسيم]

يعطيك العافيه نسيم
تسلم ياعرق الارطى .
نسسسسسيم

[نسيم]

وش رايك يا نسيم

نبي لنا روحه نغير الجو هالسنه بس مدري وين

لكن مالنا مقعاد في الديره

ومشكور على النشره مبطين عنها والله

والله يكتب الي فيه الخير..
والله يابوحمد بصرك انا والم في اي لحظة .يمدحون سيرلانكا والله ياعليها اجواء ومناظر لكن غيره يخلف الله ياصديقي .والا نروح تايلند معانق هم ماهوب اطيب منا.نتحزم فالجيب ولايردنا الا برج ايفل نشب الغداء جنبه نمر سوريا على تركيا والمانيا .
نسسسسسيم

[نسيم]

لانزال نتأثر بالرياح السطحية المثيرة للاتربة والغبار خصوصا جنوب وشرق وسط المملكة .هناك سحب متفرقة جنوب المملكة قد تكون ركامية نوعا ماء.
الان الحاصل من الاتربة والغبار يسمى(كواتح الجوزاء)او بوارح الجوزاء.
وبـوارح الـجـوزا ربــا فـيـه بسـرهـا
واختلفت الالوان بين خضـر الجرايـد

والله اعلم وصلى الله على محمد
نسسسسسسسيم

[عاشق ديرتي]

الله يعافيك اخوي نسيم

[نسيم]

الله يعافيك اخوي نسيم
تسلم والله ياعاشق ديرتي.
نسسسسسسسسيم

[نسيم]

لاتزال الرياح النشطة الشمالية الحارة المثيرة للاتربة والغبار مستمرة الى اربع ايام قادمة بمشيئة الله تعالى .
الان بداية دخول الجوزا .
هناك سحب ركامية جنوب المملكة ممطرة من بعد الظهر على المرتفعات .
والرياح النشطة الان من اسبابها بمشيئة الله .
http://62.149.72.50/weather-maps/sat_ir1_200906301700.jpg