البحر الهادئ
30 / 09 / 2004, 50 : 12 PM
عشرة ايـام غبتـي كـل يـومٍ بعـام=عشرة ايـام خلـت خافقـي يستجيـر
عشرة ايام خلت مـن فـؤادي حطـام=كيف لو عاد غبتي بالشهر وش يصير؟؟
صرت كنّي رضيعٍ ذاق مـر الفطـام=ماتت امّه وتـوّه فـي حياتـه صغيـر
من غيابك طريقـي يكتسيـه الظـلام=من غيابك اتوه وصرت كنّـي ضريـر
عفت شربي وزادي صرت حتى ماأنام=صار همّي وسـاده والليالـي حصيـر
اسهر الليل اهوجس والخلايـق نيـام=استفزّ الخواطـر واستفـزّ الضميـر
قلت بكتـب قصيـده للغـلا والهيـام=قلت بكتب قصيـده للحسيـن الغريـر
ياأم رمشٍ كحيلٍ فـي طرفـه السهـام=قلبي اللي يحبك صار لأجلـك كسيـر
ياأم عينٍ تناعـس ارحمـي المستهـام=المفـارق مصيبـه هـمّ قلبـي كبيـر
غارن البيض منّك وانتي ريـم العـدام=غارن البيض منّك يـاأم خـدٍ حريـر
تقتليـن العـذارى لاإستملتـي القـوام=خصرك ليا تثنّى شـب فيهـنّ سعيـر
إن وقفتـي يفـزّن كلـهـن بالقـيـام=وإن جلستي تركتي كل عـذرى تحيـر
وإن حكيتي غرقتي في الدلـع ياسـلام=وإن سكتي سكووتك للسوالـف يثيـر
وإن ضحكتي جمعتي زين كـل الأنـام=نور وجهك تكاشف كالسـراج المنيـر
لبّا قلبـك وكلـك لابديتـي الخصـام=لازعلتي فـؤادي مـن مكانـه يطيـر
لاعقدتي الحواجب وابتديتـي المـلام=زاد حسنك وقلبي صار وضعه خطيـر
لك بقلبـي معـزّه لـك بقلبـي مقـام=والله إنك لحالـك والله مالـك خشيـر
ليت منهو بلـغ بـك غايتـه والمـرام=ليت منهو يضمـك للحشـى ياعشيـر
والله انّي لأشيلك فـي عيونـي غـرام=وأنسجن في غرامـك ياغناتـي اسيـر
شاب قافـي وباقـي ياحياتـي كـلام=وبختم اللـي بديتـه بإختصـارٍ يسيـر
عشرة ايام خلّت مـن فـؤادي حطـام=كيف لو عاد غبتي بالشهر وش يصير؟
محمد السبيعي
عشرة ايام خلت مـن فـؤادي حطـام=كيف لو عاد غبتي بالشهر وش يصير؟؟
صرت كنّي رضيعٍ ذاق مـر الفطـام=ماتت امّه وتـوّه فـي حياتـه صغيـر
من غيابك طريقـي يكتسيـه الظـلام=من غيابك اتوه وصرت كنّـي ضريـر
عفت شربي وزادي صرت حتى ماأنام=صار همّي وسـاده والليالـي حصيـر
اسهر الليل اهوجس والخلايـق نيـام=استفزّ الخواطـر واستفـزّ الضميـر
قلت بكتـب قصيـده للغـلا والهيـام=قلت بكتب قصيـده للحسيـن الغريـر
ياأم رمشٍ كحيلٍ فـي طرفـه السهـام=قلبي اللي يحبك صار لأجلـك كسيـر
ياأم عينٍ تناعـس ارحمـي المستهـام=المفـارق مصيبـه هـمّ قلبـي كبيـر
غارن البيض منّك وانتي ريـم العـدام=غارن البيض منّك يـاأم خـدٍ حريـر
تقتليـن العـذارى لاإستملتـي القـوام=خصرك ليا تثنّى شـب فيهـنّ سعيـر
إن وقفتـي يفـزّن كلـهـن بالقـيـام=وإن جلستي تركتي كل عـذرى تحيـر
وإن حكيتي غرقتي في الدلـع ياسـلام=وإن سكتي سكووتك للسوالـف يثيـر
وإن ضحكتي جمعتي زين كـل الأنـام=نور وجهك تكاشف كالسـراج المنيـر
لبّا قلبـك وكلـك لابديتـي الخصـام=لازعلتي فـؤادي مـن مكانـه يطيـر
لاعقدتي الحواجب وابتديتـي المـلام=زاد حسنك وقلبي صار وضعه خطيـر
لك بقلبـي معـزّه لـك بقلبـي مقـام=والله إنك لحالـك والله مالـك خشيـر
ليت منهو بلـغ بـك غايتـه والمـرام=ليت منهو يضمـك للحشـى ياعشيـر
والله انّي لأشيلك فـي عيونـي غـرام=وأنسجن في غرامـك ياغناتـي اسيـر
شاب قافـي وباقـي ياحياتـي كـلام=وبختم اللـي بديتـه بإختصـارٍ يسيـر
عشرة ايام خلّت مـن فـؤادي حطـام=كيف لو عاد غبتي بالشهر وش يصير؟
محمد السبيعي