قرض الصندوق العقاري و الإجحاف.

[ساكتون]

السلام عليكم ورحمة الله وبركاته
عاجل يا الربع ..
إخواني الكرام :
أتصلت على الصندوق العقاري أسألهم عن قيمة القرض الذي سيقدم لي !!:t177:
ففوجئت أن ما يعطى لأهل المجمعه 300 ألف :t31:
و لأهل الحوطه 250 ألف .
و لأهل تمير 200 ألف فقط !!؟؟:t8:
فلماذا التفرقه ؟؟
أليس سعر الأرض نفسه و تكلفة البناء نفسها ؟ و سعر مواد البناء نفسها في كل ديره ؟؟
لماذا لا نقف صفا واحده لنطالب بحقوقنا و نبين عدم كفاية هذا المبلغ ، مثل باقي الديار.:t145:
أرجو التفاعل و الرد :t166:
و جزاكم الله خيرا .

[قلب الاسد]

على الأقل يخلونا زي الحوطه .. 250 ألف ريال .. !!

[تمـــــيم]

والله قهر..... تمير اللحين بتصير كبر المجمعه وحاطين لها 300 الف وهالحوطه ما تجي ولا حي الخالديه عندنا وحاطين لها 250 الفاتمنى من رجالات تمير النهوض بهذا الشي الي راح يفيد اهل تمير والي يعمرون...

[المـــــختار]

والله ليتهم يحطون تمير 300 الف مثل المجمعه
اما الحوطه 250 الف ليش ؟؟

[ابودقس]

200 ألف ريال فقط ؟؟؟


والله غريبة ؟؟؟؟



طيب ما بينوا الأسباب يا خوي ؟؟؟



وينبغي علينا عدم السكوت على هذا الوضع



ورفع الأمر إلى محافظ المجمعة عاجلاً ،،،،،

[ابو ديما]

خذ العلم :

مبلغ القرض العقاري يتعلق بفئة المركز (( الامارة)) وللمركز عدة فئات أ ، ب ،ج

وهكذا ...

عليكم اولا بمطالبة رئيس المركز لرفع فئة مركز تمير طبعا في صالح المركز والضيافة

المقدمة له لانها ستزيد..

[التؤام]

لا أزيد على اخي ابو ديما سوى بالمطالبة عن طريق مخاطبة الملك او الامير سلمان

[النجدي]

هذي ما لها دخل في فئة المركز

هذا تصنيف قديم قبل تقسيم المراكز إلى فئات

أزيدك من الشعر بيت

في بلدة الحصون في سدير إذا كتبت في الطلب الحصون بحوطة سدير عطوك 250 وإذا كتبت مدينة الحصون عطوك 200 ومثله كثير في عدة مدن

لكن أبشرك إن مجلس الشورى أقر توحيد القرض في جميع مدن وقرى المملكة بـ 500 ألف وما باقي إلا يوافق عليه مجلس الوزراء وعسى الله يفكنا من تجار العقار الحساد اللي في المجلس لا يعارضونه

والله يكتب اللي فيه خير

[تمير يا عشقي]

يا بن الحلال خلهم يعطونا 100 الف وبركه بس وينها لنا 10 سنوات ما شفنا شي وانتم تشرطون !! الله لو انهم كل يوم يقسمون كلها خرطي في خرطي