لارحت للصمان والضبان ترجيك يوم الخميس

[أبـوحـمـد]

بسم الله الرحمن الرحيم

السلام عليكم ورحمة الله وبركاته

كيف حالكم بخير ان شاء الله لي كم من اسبوع رحت ابا اروح واخيرا رحت... مع شباب شقرديه... في 4/6/1430هـ

المهم للصمان ليله الخميس انطلقنا:t67:
وبالقرب من الريضان نمنا :phroon.com-159:


بيني وبينكم الجو كان في الليل كايف !!!

:t174:



لكن ما بعد الليل!!!
::::::::
::::::
::::
:::
::
:

اصبحنا واصبح الملك لله .....ابو عبدالله يجهز قهوه الصباح....

http://m5awitumair.com/upload/uploaded/12_01243674345.jpg

http://m5awitumair.com/upload/uploaded/12_11243674345.jpg

وبعد القهوه والفطوور كان اتجاهنا خلف روضه بربك دغيم من شمال
.... للتمشي والصيد...

http://m5awitumair.com/upload/uploaded/12_21243674991.jpg
وجدنا زول بجانب ابله واعطانا من حليب الخلفااات الطازج....
وش نسوي الرجال حلف علينا:t170:

http://m5awitumair.com/upload/uploaded/12_21243674345.jpg

http://m5awitumair.com/upload/uploaded/12_01243674405.jpg
لقطه سريع سريع من عند الوايت:t71:
كارف عمره على شي ماله سنه:t123:



تعبنا وحنا ندور على ضبان لكن مابعد لقينا شي الى الآن...

http://m5awitumair.com/upload/uploaded/12_11243674405.jpg

وفي الساعه الثامنه خرجت الضبان من جحورها....
لقطه من قرب ومن بعد!!

http://m5awitumair.com/upload/uploaded/12_21243674405.jpg

وكان لها معنا موعد مع الركض والصيد والضحك.....

ضبين في جحر واحد بس مالنا فيهن نصيب دخلن....





http://m5awitumair.com/upload/uploaded/12_11243674479.jpg

محاوله لامساكه بعيد عن جحره!!!


http://m5awitumair.com/upload/uploaded/12_01243674547.jpg

تم مسكه:77:

http://m5awitumair.com/upload/uploaded/12_21243674479.jpg

يحاول ان يلهي بالضب لكي نتمكن من اصطياده من الخلف.....
تمت الخدعه بنجاااج>>>>>>> لكن!!!!

http://m5awitumair.com/upload/uploaded/12_01243674479.jpg

وجدنا به طلق ناري من بندقيه خرازه لا حول ولا قوه الا بالله...
والله اني اكره الصيد بالبندقيه...
فمصير هذا الضب الموت الا ان كتب الله له الحياه... تم اطلاقه...

http://m5awitumair.com/upload/uploaded/12_11243674547.jpg

ملزومين نتبرد شوي ولو بعصير البرتقال درجه الحراره الحين 42الساعه التاسعه صباحا...:t143:

http://m5awitumair.com/upload/uploaded/12_21243674547.jpg

صيده ثانيه ومحاوله ناجحه....

http://m5awitumair.com/upload/uploaded/12_01243674609.jpg

http://m5awitumair.com/upload/uploaded/12_11243674991.jpg

ضب مكانس بس هرب ولم نمسك به لضيق جحره!!

http://m5awitumair.com/upload/uploaded/12_11243674609.jpg

بحثنا عن مكان لنستريح به لكن حراره الجو و(الذباب) الله يكرمكم ما خلونا نجلس!!
غيرنا اتجاهنا الى شعيب الطوقي حيث البرادات :t54:
والهواء الطلق>>>>امحق هواء درجه الحراره 44 بعد الساعه 12الظهر:t143:


http://m5awitumair.com/upload/uploaded/12_21243674609.jpg

السفاح يسبح في دماء الضبان ما عنده رحمه http://www.reaah.com/vb/images/smilies/051.gif

http://m5awitumair.com/upload/uploaded/12_01243674681.jpg

شلوووطه الضبان بالشاخووووف اسهل طريقه لازاله قشره الضب...

http://m5awitumair.com/upload/uploaded/12_11243674681.jpg

سلايق على الكيف وبيض يحبه قلبك وينك ياالنجدي تجي تشووف....
وهذا احسن مافي الضب...

http://m5awitumair.com/upload/uploaded/12_21243674681.jpg

شكلهن مغري بس عجزت اتقبلهن لكن الي معي ماشاء الله ما خلو شي...


http://m5awitumair.com/upload/uploaded/12_01243674823.jpg

http://m5awitumair.com/upload/uploaded/12_11243674823.jpg

هذي قدرين قدر لي انا وصاحبي ((دجاج))
والقدر الثاني لاخويانا ومرقه الصراحه انسدت نفسي...


http://m5awitumair.com/upload/uploaded/12_21243674823.jpg

حمس السلايق وشوفو الدهن كيف جاي يقولون الضب الواحد يعادل ربع بعير في الكروستلول...


http://m5awitumair.com/upload/uploaded/12_01243674921.jpg

اضافه البصل والطماط اليها... وين الخبز بس!!

http://m5awitumair.com/upload/uploaded/12_11243674921.jpg

الرجال مهتوي يحمس من قلب..... داري ان معد فيه طلعه خلاص______________>>لاطلعه بعد اليوم...


http://m5awitumair.com/upload/uploaded/12_21243674921.jpg

هذي دجاجتي يا حليلها متى تستوي بس....


http://m5awitumair.com/upload/uploaded/12_01243675274.jpg



وبالعافيه يالي تبون الضبان....

وبالعافيه يالي تاكلون الدجاج...

والى اللقاء ان شاء الله

تحياتي لكم وان شاء الله استمتعتم بمشاهده هذي الصورhttp://www.reaah.com/vb/images/smilies/051.gif
...http://www.reaah.com/vb/images/smilies/e1(12).gif

[المهند]

لقطات منوعة ... وفقرات جميلة ... تجسدت في :

** النومة المميزة ..
** فنجاناً من القهوة ..
**احتساءالحليب ...
**أبوجعل مدري وش هو يدربي !!..
**انتظار خروج الضبان ..
** شرب العصير البارررررد..
** صيد الضبان ..
**الانتقال إلى الشعبان..
** تلبية الرغبات في الأكل ..
** كبسة على كيف كيفك ..

كشتة مميزة أخوي أبوحمد كما هي عادتك وإن شاء الله هاليومين عندي كشتة حولها لكن يبي لي شوي وأعد التقرير ...

الله لايهينك ويعطيك العافية أخوي أبوحمد ..

[ابو فهيد]

وش حادك على الغثى والشقى مطامر عشان ضبان وفي عز القوايل والحر مايسوى التعب عشانهن , ملاحق ومطامر
وضما من العطش وعرقان تصبصب وذبان يدودي حولك واخرتها ما تاكله !!


انا نفس نفسيتك يابو حمد ما تقبل الضب ولكن ما افكر اطامر عشانه واغث نفسي سلامتي وراحتى اهم عندي الحمدلله
النعمه متوفره عندنا من لحوم ومن ارانب ومن دجاج ومن حمام ابرك من ملاحق ضب في
الشوكي او في الصمان .


ابو حمد ياحظ منهو يخاويك انشهد انك رجال ولد رجال .

[نسيم]

ابوحمد شف انذار اخير لك ،تطلع المرة الجاية ماتعلمني لاتلوم الا نفسك.خلاص معد ينفع من اليوم ورايح الا القوة ابسوي مثل شموخ انثى ان لم تكن ذئبا كلتك الذئاب صراحة جملة رائعة اعجبتني ياصديقي .
الصورة هذي يابوحمد تسد النفس وشلون ياكلونه !
http://m5awitumair.com/upload/uploaded/12_01243674823.jpg

[عرق الأرطى]

اااااااااااااااوب ياضببه
مشكور اخوي ابو حمد

[ولد العز]

دآئماً متميز يا ابوحمد بكشتاتكـ وطلعاتكـ ومتميز بتقريركـ

ولك مني اجمل تحيه على التقرير الرائع

تقبل كامل تحياتي ولد
العز

[النجدي]

أخيراً تمت الرحلة المرتقبة من عشرات الأيام !!!

بس جت في وقتها ..

الضبان في عز مرباعها وسلايق وبيض .. وش خليت ..

لكن هين يا ابو حميد ..

تواعدني أنا ونسيم بكشته وتكشت بغيرنا ، يعني حنا ماحنا بشقردية ..

عندنا دواك نروح لوادي لجب ونخليك .




http://m5awitumair.com/upload/uploaded/12_01243674345.jpg

يا بييييي .. ربيع قلبي هالجلسة ..



http://m5awitumair.com/upload/uploaded/12_11243674921.jpg
منظر بانورامي للضب داخل القدر



http://m5awitumair.com/upload/uploaded/12_01243675274.jpg
يا ويل حالي !!! فديت هالكبسة ... جعلها على كبود أهلها بالعافية ...



http://m5awitumair.com/upload/uploaded/12_11243674479.jpg
هذا وش عنده كنه أعمى الـ .... مسوي فيها فاهم الحركات


http://m5awitumair.com/upload/uploaded/12_01243674609.jpg
يا ويلي على الشبب .. ما زين لحمته ..


تدري وش أحسن ما في الضب يا بو حمد ؟!!!!!!!

:t97:

إذا حطيته في القدر وشبيت النار عليه ثم بدا يتحرك وهو يغلي :t161::t161::t161:




رحلة موفقة وسعيدة يا ابو حمد

[ملاك الروح]

دائما متميز برحلاتك يا ابو حمد ومشكور على التقرير الرائع

[وردهـ]

مشاء الله عليكم
وناسه
ليتني رجال اطامر في البران
بس ماكل ضباااااااان

[مخاوي سدير]

سلمت يمينك على التقرير الرائع الجميل

لك تقديري واحترامي الجزيل .

[سُلاَفْ القَصِيدْ]

ماشاء الله تبارك الله كشته جميله و تعليق اجمل
ويعطيك الف عافيه ابو حمد 2011على التقرير المميز **

واكثر صوره اعجبتني هذي
شوف وشلون نظرات الضب للسياره...


http://m5awitumair.com/upload/uploaded/12_11243674479.jpg

[ابوغيداء]

سلمت يمناك يابو حمد على الموضوع
عز الله انك صادق ماخليتا عقره الا عارمها

يابو حمد انت رفيقي في الخطوط الطويلات
اليا غدا في الخط ضلام وعج وميلات

[أبـوحـمـد]

لقطات منوعة ... وفقرات جميلة ... تجسدت في :

** النومة المميزة ..
** فنجاناً من القهوة ..
**احتساءالحليب ...
**أبوجعل مدري وش هو يدربي !!..
**انتظار خروج الضبان ..
** شرب العصير البارررررد..
** صيد الضبان ..
**الانتقال إلى الشعبان..
** تلبية الرغبات في الأكل ..
** كبسة على كيف كيفك ..

كشتة مميزة أخوي أبوحمد كما هي عادتك وإن شاء الله هاليومين عندي كشتة حولها لكن يبي لي شوي وأعد التقرير ...

الله لايهينك ويعطيك العافية أخوي أبوحمد ..


هلا اخوي المهند سعه الصدر زينه وانا اخوك وخاصه اذا جاء مع ناس شقرديه

شرواك تحب تروح معك وانت تحب تروح معها في نفس الوقت...

لا هنت اخوي المهند ومنتظرين تقريرك وشكله كله صلخ في صلخ...

[التميري]

شـكــ وبارك الله فيك ـــرا لك ... لك مني أجمل تحية .

[أبـوحـمـد]

وش حادك على الغثى والشقى مطامر عشان ضبان وفي عز القوايل والحر مايسوى التعب عشانهن , ملاحق ومطامر
وضما من العطش وعرقان تصبصب وذبان يدودي حولك واخرتها ما تاكله !!

تبي الصدق يا ابوفهيد حنا ندور الوناسه والضحك وسعه الصدر مع ناس شراواك
والا مالنا في هالضبان شي كل سنه على هذي الطريقه ولي الحين 3سنوات
طردي ضحك فرفشه وفي الاخير اطلاق صراااااااح...


انا نفس نفسيتك يابو حمد ما تقبل الضب ولكن ما افكر اطامر عشانه واغث نفسي سلامتي وراحتى اهم عندي الحمدلله
النعمه متوفره عندنا من لحوم ومن ارانب ومن دجاج ومن حمام ابرك من ملاحق ضب في
الشوكي او في الصمان .

مافيها غثى ولا شي والمهتوي يقطع المستوي كلها عشان سعه الصدر
لو تجربها مره ادمنت عليها وخاصه اذاكنت انت وربعك متفاهمين...

ابو حمد ياحظ منهو يخاويك انشهد انك رجال ولد رجال .


وياليت منهو يجلس معك يا ابو فهيد واخوتك تنشرى عساك سالم..
الله لا يهينك اخوي..

[أبـوحـمـد]

ابوحمد شف انذار اخير لك ،تطلع المرة الجاية ماتعلمني لاتلوم الا نفسك.
خلاص معد تبينا يا نسيم تغيرت علينا من يوم تمدنت وصرت ما تاكل الا سمك تركتنا
بس راح يجيلك يوم.. تراي ما اكلهن والله
بس خلك حولي وحولي الايام الجايه فيه مشروع قوي وابيك معي فيه ...
خلاص معد ينفع من اليوم ورايح الا القوة ابسوي مثل شموخ انثى ان لم تكن ذئبا كلتك الذئاب صراحة جملة رائعة اعجبتني ياصديقي .
شموخ انثى والله اشتقنا لها ولطلاتها على مواضيبعنا لها فقده كبيره في المنتدى مع انها متواجده على طول اليوم بس ما اقول الا الله يسامح الي كان السبب راحت تلك الايام الجميله والذكرايات التي لازالت راسخه في مخيلتي..الذيب ابدن عمر حقه مايضيع منه يا صاحبي...
اذا ماكنت قوي وتاخذ حقك ولا غيرك راح يطلع عليك قوته وياخذ حقك...

الصورة هذي يابوحمد تسد النفس وشلون ياكلونه !
http://m5awitumair.com/upload/uploaded/12_01243674823.jpg

كنت سنه من السنوات آكل هذي يا صديقي واكثر من هذا وانت ايضاَ
لذالك لن اعلق عليها حاليا..
كلها فتره ونهقه وراح تروح بس حنا يمكن سبقناهم...
لاهنت على هذا الحضور....

[أبـوحـمـد]

اااااااااااااااوب ياضببه
مشكور اخوي ابو حمد

وش جاك يا عرق الارطى كانك بغيت شي ابشر

جبت لك بس شكل عينك قويه...:t155:

تحياتي لك...

[أبـوحـمـد]

دآئماً متميز يا ابوحمد بكشتاتكـ وطلعاتكـ ومتميز بتقريركـ


ولك مني اجمل تحيه على التقرير الرائع

تقبل كامل تحياتي ولد
العز




هلابك اخوي ولد العز والله اني احبك واغليك بس انت ما تعطينا وجه:t112:

وما ينقصنا الا رجاجيل شروك...

تشرفت بحضورك ولك مني احلى تحيه...

[أبـوحـمـد]

أخيراً تمت الرحلة المرتقبة من عشرات الأيام !!!

بس جت في وقتها ..

الضبان في عز مرباعها وسلايق وبيض .. وش خليت ..

تبي الصدق يالنجدي تراي مهوجس فيك بس انا عارف انك ما انت ممرح اقل من يوم
يالله يسدك 4ايام وانا حدي يوم واحد في البر الى يومين ان طولت ويمكن تصخني بعد..


لكن هين يا ابو حميد ..

تواعدني أنا ونسيم بكشته وتكشت بغيرنا ، يعني حنا ماحنا بشقردية ..

تبي الصدق نسيم من تالي معد يتعدى بيتهم
كل ماقلت له خلنا نروح قام يصرفني
يقول مالي في الشموس بس تبي طيور ابشر بسعدك والرجال راعي مطراش بس اذكر له طيوروالا والله انكم شقرديه وتنحطون على الجرح ويبرى وانت يالنجدي راعي طويله
يالله يسدك 10 ايام الى 5ايام
وانا ما عندي استطاعه..

عندنا دواك نروح لوادي لجب ونخليك .
اخاف اسبقكم الاسبوع الجاي
خلوكم معي واحمدو ربكم..




http://m5awitumair.com/upload/uploaded/12_01243674345.jpg

يا بييييي .. ربيع قلبي هالجلسة ..
يوم من الايام سنكون هنا بس اصمل..
ومرني وما يصير خاطرك الا طيب..



http://m5awitumair.com/upload/uploaded/12_11243674921.jpg
منظر بانورامي للضب داخل القدر
تصدق اني مصوروانا مغمض عيوني..:t37:



http://m5awitumair.com/upload/uploaded/12_01243675274.jpg
يا ويل حالي !!! فديت هالكبسة ... جعلها على كبود أهلها بالعافية ...
الله يعافيك والجايات اكثر..



http://m5awitumair.com/upload/uploaded/12_11243674479.jpg
هذا وش عنده كنه أعمى الـ .... مسوي فيها فاهم الحركات
هذا الله يسلمك مضيع بيته وتوهق طاح له في ناس ما ترحم...


http://m5awitumair.com/upload/uploaded/12_01243674609.jpg
يا ويلي على الشبب .. ما زين لحمته ..
ابشر بسعدك يالنجدي ..


تدري وش أحسن ما في الضب يا بو حمد ؟!!!!!!!
اهاااا

:t97:

إذا حطيته في القدر وشبيت النار عليه ثم بدا يتحرك وهو يغلي :t161::t161::t161:

انت على خبري الا الحين يالنجدي تاكلهن وهن حيات>>>مشبه الرجال عليك...
بس اتشرف بمعرفتك وانت رجال تنشرى والمنتدى من دونك ولا حاجه..


رحلة موفقة وسعيدة يا ابو حمد


الله لا يهينك اخوي النجدي تشرفت بحضورك وتعليقاتك التي اعطت للموضوع رونقا جميلا...

[أبـوحـمـد]

دائما متميز برحلاتك يا ابو حمد ومشكور على التقرير الرائع

هلابك اختي ملاك الروح والرئع تواجدك الجميل...

تحياتي لك...

[أبـوحـمـد]

مشاء الله عليكم
وناسه
ليتني رجال اطامر في البران
بس ماكل ضباااااااان


هههههههه حلوه يا الورده البيضاء والله ان تغتثين خليك على ما انتي عليه بس

واحمدي ربك ...

ولو صرتي رجااال راح تاكلين الضباان بس الغريبه ان اكثر النساء

ما ياكلن ضبان ابد ولا يدانون ريحته ماهو السبب...

تحياتي لك....

[أبـوحـمـد]

سلمت يمينك على التقرير الرائع الجميل

لك تقديري واحترامي الجزيل .

وسلمت اناملك على هذا الحضور العطر اخوي مخاوي سدير

تحياتي لك....

[نسيم]

وين راح النجدي .
ابوحمد ابطلع انا والنجدي لحالنا بس ونطلع صور بالمايوهات على البحر وناكل قنبري على جال الخليج العربي من شرق .
نسسسسسسسيم

[ام منى]

ماشاء الله عليكم
كشته ووناسه ووساعة صدر
بس الي محيرني مطامرك وراء الضبان وانت ماتحبها؟1
والله يعطيكم العافيه

[طير شلوى]

لاهنت اخوي ابو حمد على التقرير الاكثر من رائع

اهنيك على تقريرك

وصورت لنا الطلعه وكأنني حاظر معكم ماشاء الله

والله يوسع صدوركم بالعافيه بس مالك حق تشوف هالضبان مربعه ماشاء الله ولا تاكل منها
بس كل نفس وما اشتهت

ولاتحرمنا من تقاريرك القااااادمه

[قائدالأسود]

http://m5awitumair.com/upload/uploaded/12_01243675274.jpg

ما خليت لنا شي انت والمهند يا ابوحمد

بالعافيه عليكم

اكثرماكلته هالسنه

دمت سالم على هذا التفريروالصور الجميله

[المتحـ2007ـد]

الحمد لله على السلامه يا ابو حمد

ورحله راااائعه على هذي الضبان الحلووووه

http://m5awitumair.com/upload/uploaded/12_01243674681.jpg

وهذا الشغل اللي مهوب شغل المهند

كل الشكر لك والله يعطيكم العافيه

[المستشــــار]

رحله رااااااااااائعه وجميله

تسسسسسسسسسلم على التقرير وماتقصر

[أبـوحـمـد]

ماشاء الله تبارك الله كشته جميله و تعليق اجمل
ويعطيك الف عافيه ابو حمد 2011على التقرير المميز **

واكثر صوره اعجبتني هذي
شوف وشلون نظرات الضب للسياره...


http://m5awitumair.com/upload/uploaded/12_11243674479.jpg


هلابك اختي الراقيه واسرني اعجابك بالموضوع والصوره والضب فطين

بس يستسلم على طول اذا شاف روحه توهق مثل هذا الموجود الحين

تشرفت بحضورك وتواجدك

تحياتي لك...

[أبـوحـمـد]

سلمت يمناك يابو حمد على الموضوع
عز الله انك صادق ماخليتا عقره الا عارمها
ابو عبدالله اعقل هههههههههههههههههههههه
عجزت لي ساعه وهي في فمي عجزت اتقبلها بس عشانكم
قعدت اعلس فيها ويوم صديت وانا الي الفظهااااااااا


يابو حمد انت رفيقي في الخطوط الطويلات
اليا غدا في الخط ضلام وعج وميلات

يا رفيقي
لك مشاعر ما تغيب
لك أحساسيس العطاء
لك مشاعر من ذهب
ولك غلا مع عتب
ولك تحياتي
وسلامي
ولك قلبي وعيوني !!

اهداء خاص الك

ابوحمد

[أبـوحـمـد]

شـكــ وبارك الله فيك ـــرا لك ... لك مني أجمل تحية .

هلا والله بالتميري وابرك الساعت الي نشوفك فيها...

موفق بإذن الله ... لك مني أجمل تحية .

[أبـوحـمـد]

وين راح النجدي .
ابوحمد ابطلع انا والنجدي لحالنا بس ونطلع صور بالمايوهات على البحر وناكل قنبري على جال الخليج العربي من شرق .
نسسسسسسسيم


قصدك تطلع بصروال السنه في ام الشقوق علق مراكيز وشبك واحمد ربك!!

عجزت اتخيل شكلك انت والنجدي بالما يوهات عجزت مره ما تجي ابد

حاولت بس ما فيه الا خليج ام الشقوق

تحياتي لك يا صديقي العزيز...

[أبـوحـمـد]

ماشاء الله عليكم
كشته ووناسه ووساعة صدر
بس الي محيرني مطامرك وراء الضبان وانت ماتحبها؟1
والله يعطيكم العافيه


انا احب ملاحقها يا ام منى كنت سنه من السنوات اكلها

بس الحين خلاص نهقه وعدت على خير

والحين اطامر وراها ووسع صدري واطلقها

والله يعافيك اختي وتشرفت بحضورك الرائع...

[أبـوحـمـد]

لاهنت اخوي ابو حمد على التقرير الاكثر من رائع

اهنيك على تقريرك

وصورت لنا الطلعه وكأنني حاظر معكم ماشاء الله

والله يوسع صدوركم بالعافيه بس مالك حق تشوف هالضبان مربعه ماشاء الله ولا تاكل منها
بس كل نفس وما اشتهت

ولاتحرمنا من تقاريرك القااااادمه

هلا والله بطير شلوى والله لا يهينك اخوي

والله ودي انك معنى ومخليك تلاحق وراء هالضبان

بس انت ما تتعدى من هالفيضه وجاي ...

خلصنا وانتهينا والدور عليكم الحين

لا هنت على هالحضور ...

[أبـوحـمـد]

http://m5awitumair.com/upload/uploaded/12_01243675274.jpg

ما خليت لنا شي انت والمهند يا ابوحمد

بالعافيه عليكم

اكثرماكلته هالسنه

دمت سالم على هذا التفريروالصور الجميله

لا والله انا حبيب يا قائد الاسود بس انت افتك من المهند ولا عليك من الباقي

والدليل ضبانه الي شفت مصلوخه ...

وبالعافيه عليك

تحياتي لك...

[أبـوحـمـد]

الحمد لله على السلامه يا ابو حمد

ورحله راااائعه على هذي الضبان الحلووووه

http://m5awitumair.com/upload/uploaded/12_01243674681.jpg

وهذا الشغل اللي مهوب شغل المهند

كل الشكر لك والله يعطيكم العافيه

ما كتب الله لك روحه وتجي لمنا بس خيرها بغيرها

وشغل المهند ينكره صلخ مره وحده

ما كلتهن وهن سذا ابا اكلهن وهن سذاك :t123:

[أبـوحـمـد]

رحله رااااااااااائعه وجميله

تسسسسسسسسسلم على التقرير وماتقصر


انت والله الجميل يالمستشار

والله يسلمك وما قصرت على هالطله الحلوه...

[أبـوحـمـد]

الدامياء

متابعتك للموضوع شرف لي....

تحياتي لك..

[ابوروان]

ابوحمد بما انها اول مشاركه لي سجاني من المتابعين لك
وتسجيلي ودخولي انت سببه

[النجدي]

قصدك تطلع بصروال السنه في ام الشقوق علق مراكيز وشبك واحمد ربك!!

عجزت اتخيل شكلك انت والنجدي بالما يوهات عجزت مره ما تجي ابد

حاولت بس ما فيه الا خليج ام الشقوق

تحياتي لك يا صديقي العزيز...
هذا حدنا وش بعد غرك نسيم يومه يبي يلبس مايوه وياكل جنبري ( كتبتها كذا صح ؟ ) هذا شنبي كانه يعرف القنبري ، ولا ويقول على جال الخليج العربي من شرق !!! وين يا شيخ العرب ناوي متعة ؟!!!حدنا نخوض في طين أم شقوق طالعة شمايلنا ونركز عسبان نخلوناكل على جال شاطئ أم شقوق شوية تحياتي ؛؛؛؛؛؛؛؛

[نسيم]

قصدك تطلع بصروال السنه في ام الشقوق علق مراكيز وشبك واحمد ربك!!

عجزت اتخيل شكلك انت والنجدي بالما يوهات عجزت مره ما تجي ابد

حاولت بس ما فيه الا خليج ام الشقوق

تحياتي لك يا صديقي العزيز...
ابوحمد بعد مانطلع من ساحل ام شقوق ،نبي ناخذ حمام شمس فلابرق.
نسسسسسسيم

[أبـوحـمـد]

ابوحمد بما انها اول مشاركه لي سجاني من المتابعين لك
وتسجيلي ودخولي انت سببه

يسعدني ويشرفني اخوي ابو روان بأن تكون اول مشاركاتك

في موضوعي واتشرف بمتابعتك لي...

واني سبب في دخولك الى هذا المنتدى..

تحياتي لك...

[أبـوحـمـد]

هذا حدنا وش بعد غرك نسيم يومه يبي يلبس مايوه وياكل جنبري ( كتبتها كذا صح ؟ ) هذا شنبي كانه يعرف القنبري ، ولا ويقول على جال الخليج العربي من شرق !!! وين يا شيخ العرب ناوي متعة ؟!!!حدنا نخوض في طين أم شقوق طالعة شمايلنا ونركز عسبان نخلوناكل على جال شاطئ أم شقوق شوية تحياتي ؛؛؛؛؛؛؛؛



تبي الصدق يالنجدي يازين عجه وطين وتراب وهبايبنا وسيولنا عند المايوهات والبحيرات

واشكالها وضيقه صدر في تمير تسوءميه الف سعه صدر برا تمير...:t114:

[أبـوحـمـد]

ابوحمد بعد مانطلع من ساحل ام شقوق ،نبي ناخذ حمام شمس فلابرق.
نسسسسسسيم


:t189::t189::t189::t189::t114: الك يا صديقي ويمدحون الحمام الرملي:t43:

[اكتوبر]

الضب الصفر ابروح معكم اصيد الضبان

[مخاوي تمير]

دخول شعري ممتميز يا ابوحمد

واكملت تميزك بمطاردتك للضبان

ما شاء الله عليك يا ابو حمد في وصفك وتعليقك

على الصور وفي سرد التقرير .. بصراحة تقرير ما تمل

من مشاهدته ومتابعته للدرر المنثورة داخله ..

ابو حمد كلمات الشكر تعجز ان توفيك حقك لما تقدمه من جهد

وعمل كبير داخل هذا الصرح الشامخ .. فالف الف شكر وجزاك الله الف خير

ابو حمد سيكون هنالك طرح عن صيد الضبان قديماً في ماضي تمير

اهداء لك ولمحبي الضبان ؛؛

[أبـوحـمـد]

الضب الصفر ابروح معكم اصيد الضبان

الله يحييك يا اتوبر وابشر بالاصفروالاسود

بس انت اصمل وتعال...

[أبـوحـمـد]

دخول شعري ممتميز يا ابوحمد

واكملت تميزك بمطاردتك للضبان

ما شاء الله عليك يا ابو حمد في وصفك وتعليقك

على الصور وفي سرد التقرير .. بصراحة تقرير ما تمل

من مشاهدته ومتابعته للدرر المنثورة داخله ..

ابو حمد كلمات الشكر تعجز ان توفيك حقك لما تقدمه من جهد

وعمل كبير داخل هذا الصرح الشامخ .. فالف الف شكر وجزاك الله الف خير

ابو حمد سيكون هنالك طرح عن صيد الضبان قديماً في ماضي تمير

اهداء لك ولمحبي الضبان ؛؛



حياك الله أخوي ابو عبد العزيز شاكرا لك ثنائك الجميل..

وابشر كل ماهو جديد ومفيد...

ومنتظرين هذا الطرح بس لا تبطي علينا ترانا محملين القش...

تحياتي لك...

[الساطع 323]

ماشاء الله عليكم

كشتة في قمة الرووعة ... ومهتوين في ذا الحر

سلمت اناملك ع التقرير الرااائع

ودمت بالف خير ,,,

[أبـوحـمـد]

ماشاء الله عليكم

كشتة في قمة الرووعة ... ومهتوين في ذا الحر

سلمت اناملك ع التقرير الرااائع

ودمت بالف خير ,,,

ما نقصنا الا انت بس __________>>> عووووووووووووووووبي

وين الغيبات يا اخي اشتقنا لك والله

وللطلعات الي انت خابر...لا تقاطع....

يقولك المهتوي يقطع المستوي..

الله من مره رفعت عفريته العود حدر ضاحك

وفي وعره الشوكي بين هالظهار>>>مهتوين

الحين خلاص يالساطع شكلنا نبي نصيرمثلكم نوم وعند هالمكيف

وفي الرياض...