مشاهدة النسخة كاملة : سوالف التعداد لا تفوتكم
بنــ الاجواد ـــت
20 / 09 / 2004, 18 : 09 AM
في حارتنا انواع العينات بحكم اننا في العاصمه .. وسبحان الله مدري كيف اجتمعت
المفاهيم و العقليات رغم اختلافها .. اعلن عن التعداد السكاني وانقلبت حارتنا
الهادئة فوق حدر حسب العقليات وانواع المتاريس والحصون واللمبات الحمر مولعه
البيت الاول
بيت ابو سليمان والذي كان مؤيد لفكرة " التعدد " لكن ام سليمان الله يهديها كانت ترفض هالفكره
وتحارب وتندد ودايم تجي في بيتنا تصيح وتدعي على من اخترع قرار التعدد بينما حنا نفهمها انه مهوب
تعدد والصحيح هو تعداد .. لكن الله يصلحها من العجله تاخذ طرف السالفه وتاكل حرف الواو .. وصلهم موظف التعداد الساكني
وطق الباب ردت ام سليمان لانها من بداية هالقرار وهي ماتتعدى هالباب تخاف يجون ويزوجون ابو
سليمان وهي ماتدري من عند الباب قال الموظف معك موظف التعداد ياخاله وجايين نحصر اللي
في البيت قالت له والله ان ماتقلعت عن الحاره اني لا اطلع عليك واسوطك بالعصا ياللي ماتخفون الله ..
وهاتك دعاوي ومشاهق .. لين ماداخ راس موظف التعداد وهج ..
البيت الثاني
بيت جارنا سعيد حسونه وكان هو المثقف الوحيد بالحاره لانه كان يلبس نظارات
بس جعله مايسولف عليك ، مسك موظف التعداد وقام يهذر فوقه ويعطيه تاريخ العائلة
لين ما ابترم راس الموظف الضعيف وهج من عنده بلا تعداد
البيت الثالث
بيت شليويح سواق باص خط البلده وصل عنده موظف التعداد وقاله الله لايهينك ودنا تعطينى
التابعيه خلنا نسجل البيانات قاله شليويح يابعدي عندي ثلاث ايهم اللي تبون . قال موظف التعداد
وليه مطلع ثلاث قال شليويح وحده للسلاح والثانيه للشونه والثالثه للتقاعد
البيت الرابع
رافضين فكرة التعداد نهائيا بحجه انه يكشف عورتهم ويعرف اسماء بناتهم وحريمهم جاهم موظف
التعداد طق الباب عليهم سلام وعليكم السلام معكم موظف التعداد طالع فيه ابو صالح وقاله ماعندنا لك
شي الله يرزقنا ويرزقك .. قاله الموظف يابن الحلال ماجيت اشحد انا جاي احصر كم عدد الموجودين في
البيت قاله طيب وش بغيت قال الموظف كم عدد الموجودين في البيت ؟
قال ابو صالح : عددهم معي انا وام صالح 13 نفس قال الموظف وكم عدد الذكور : قال سبعه
وعدد الاناث ؟ هو قالها والا ماقالها العقال ملين على ظهره
تم استخدام الهيلكوبتر علشان يعدون افراد اسره ابو صالح .. وكل ماطلع احد بالحوش
موظف التعداد يقول لاخويه قيد عندك طلع واحد وخويه يطالع ويقوله لا هذا مقيدينه قبل شوي
شوي والا ابو صالح يرفع الشوزن من السطح وطاااخ على الهيلكوبتر وقد علق على هالحادثه وقال
منقاش مهوب اطيب منا يوم يطيح اباتشي
نتائج التعداد السكاني
بعد الكرف والمشوره والهيصه الاعلاميه وتشغيل كادر بشري علشان هالمهمه
في النهايه طلعوا بنتيجه وحده الا وهي
مهوب لازم نعدهم
الغيور
20 / 09 / 2004, 45 : 09 AM
وكل ماطلع احد بالحوش
موظف التعداد يقول لاخويه قيد عندك طلع واحد وخويه يطالع ويقوله لا هذا مقيدينه قبل شوي
شوي والا ابو صالح يرفع الشوزن من السطح وطاااخ على الهيلكوبتر
هههههههههههههههههههههههههههههههههههه
مقلعه
منسمه
بس ما قلتي يوم جو لبيتكم وش صار لهم
يحلفون انهم ما افتكو من حلوف ابوك عليهم الا يوم واعدوه يتغدون عنده بكره
ويوم سئلو ابو قمر تمير ليش تلزم عليهم قال ان قمر تقول اذا دهنت سيرهم يزيدزن عدد اللي بالبيت وتكثر الخرجيه
والعهده على الراوي
يسلموووو
هادي
20 / 09 / 2004, 45 : 10 AM
انا لي رجعه اعلمكم بسواليفي انا بدوون اي تقطيع
والله انها كلها صدق
بس ابرتبها وانزلها لكم
سلام
الغيور
20 / 09 / 2004, 54 : 10 AM
لا لا تعلمنا يا هااادي قال لنا عنها حق التعداد
يعني لازم تفضح بعمرك :)
هادي
20 / 09 / 2004, 04 : 11 AM
حسبي الله ونعم الوكيل
والله فضحنا الرجااااااااال
والله اوريك فيه ولد ............. دواه عندي
اجل علم باسم امي عند الناس
سلام
الغيور
20 / 09 / 2004, 09 : 11 AM
لا ما قال ان اسمها موضى ابد :k4:
الله يخليها لك ويطول بعمرها
سمسار 15
21 / 09 / 2004, 41 : 02 AM
ما قال يالغيور
ان اسمها موضي
الله يهديك نسيت
شيء الهوايه القصايد
والهجيني فوق السطح
:::::::::::::::::::::::::::
لا بعد لو اعلمكم وش
صاااار له قبل ما يجي
هادي للبيت ,,
بعدين اكمل لك يالغيور
تحيااااااتي
سمسار 15
الغيور
21 / 09 / 2004, 54 : 02 AM
ابشركم جونا التعداد اليوم وطردتهم
قلت يكفي لعبتو على هاادي وخر لكم السبحه كلها
انا امي شيخه الله يطول بعمرها حالفه ما يطلع اسمها لاحد
سمسار 15
21 / 09 / 2004, 55 : 02 AM
قمر تمير
لاول مره اساندك
فعلا , صار مثل ما قلتي
لا وازيدكم من الشعر بيت
وصل رجل التعداد وقدامي
وطق الباب وطلع عليه واحد
عليه سروال وفنيله علاق
وشوشته واقفه , قلت تمام
نبي نشوف فلم هندي امريكي
رجل التعداد : سلام عليكم
راعي البيت : خبر خير
نبي من وقتك ربع ساعه
::: منهو بامره وش تبي
نبي نعدكم
ليه وحنا ناقصين
لا يالطيب نبي نعد اللي في البيت
كم عددهم ,,
:: هو احد وكلك علينا اذلف وتفل بوجه العداد
العداد : حط الدفتر على الكبوت وقال لحظه
العداد : تل الرجال مع الفنيله وانشقت
وطلعت الفضايح وتفل في وجهه ,,
وقاله حنا تبع الحكومه ,,
الرجال : دلى يلعن ويسب . قربت شوي
ووزيت بطاقه ,,,, واثر الحرمه ورى الباب
تسبه وتشتمه . مريت قال ايه انت
قلت انا قال لا قفاك اجل انت معه
قلت يخسي قال شايفك انت وياه
مع الدريشه , قلت يسئل بس
قال ما لقيت الا بيتي تدله لا بوك لابو,,,,,,,,,
واحط رجلي وانحاش للمكتب ,,
وش صار عقب , يمكن يجي للمكتب
واعلمكم وش صار ,,,
تسلمين قمر تمير
تحياااااااتي
سمسار 15
عليش
21 / 09 / 2004, 56 : 02 AM
هههههههههههههههههههههه
لو انا موظف تعداد كان اشطب بنت تمير من السجلااات ولا ابيها في دفاتيري مرة وحده :39:
اقول ودي اعرف سالفه هادي مع موظف التعداد واكيد هم وصلو لتمير ...
طحيااطي
هادي
21 / 09 / 2004, 40 : 07 AM
السالفه
هم عارفين اني اقشر شوووووووي >>>>> الا اخووف ديره
ابلشني واحد بالجوال ابيك عندي لك موضوع مهم متى تفرغ لي ومن هلاسلووب الحلوووووو ... المهم عطيته موعد عقب العصر وجا الرجال والامعه شنطه سودا فيها كتب اخضر .. والا يوم عرفت انه تبع التعداد
قلت والله اللي جنيت على روحك وانا اقلطه في الملحق
المهم وينشد عن الاسئله وانا اخربط له بدل عمر امي حطيت عمر ابوي وبدل عمري حطيت عمر الخوي قال امك قد جاها علان وماتوا قلت كل شحم وش دخلك والله لوني اللي اولدها مار يسكت ..
وبعد شوي نشدني عندكم تلفزيون قلت ايه قال كم عددهن قلت رزق من الله
ثم نشدني عندكم غرف نوم قلت لا ننام في السطح في الصيف وفي الشتاء نرقد في الملحق اللي انت فيه قال وذا العماره وشي قلت ابد بانينها علشان سطحها
والا يوم جا السؤال اللي روعني كم عندكم من حمام >> تكرمون >>> واللي قهرني ما قال لي تكرم قلت ما عندنا والله يخلي لنا حمامات المساجد
قال عندكم دش قلت ما عندنا حمام وشلون يجي دش قاك وضحك وانا عارف اصلا وش يقصد بس اتلكع
قال عندكم ( والله نسيت اسمها حقت اللعب ) قلت ابدااا ولا اعرفها وانا من قالوا ان التعداد ييجي موزيها تحت السرير علشان احسبه ييفتش ويلقاها
وسألني بعد كم سياره عندكم قلت موتر واحد قال والصالون قلت بعناه علشان ما تسجلونه علينا
وسألني وين رحتوا هالسنه قلت وين يا حسره مغير منطقين في هالدار نعد جدرانها قال مار حتوا مكه او الطايف قلت ابد قال هماني شايفك في مكه قلت ولو >> عاد كلمة ولو دورو لها حل
المهم وانشدني عن اسم امي وانا اعطيه اسم زين اثره يعرف اسمها وقال ما تخاف تكتسذب وتفشلت
وقال كم صرفتوا الشهر اللي راح وانا اشيله معي في الموتر واروح للبقالات اللي اسجل عندهن واجمع المصروف كله >>> قالك هذي اللي ابصدق فيه
وهذا قليل من كثير ما حصل لي مع موظف التعداد وسامحونا بس عقب ما خلص قلت له اشطب ورقتك واكتب من جديد قال اراه قلت اصلا قاعد العب عليك
ههههههههههههههههههههههههههههه
ومار يزعل ويمشي قلت بالطقاق مردك تترجع لي ولكن حتى ساعته وتاريخه ما جاء احد وانا خوفي يلقون ابووي والله ان يهد السبحه كلها
سلالالالالالالالالالالالالالالالام
أبوفيصل
21 / 09 / 2004, 46 : 07 AM
عليهم أسأله حلوووه....؟
عندك بلاستيشن سوني .....<======<< وش دخل السوني..؟؟؟
كم سيارة للعائله<======<< ليه السؤال تبي تصدق علينا بسيارة
وسأله غبيه كثيييره
سمسار 15
21 / 09 / 2004, 18 : 03 PM
مره ثانيه اجيكم
اظاهر انها دبلت سبد
رحت امس انا وواحد من العدادين
لبيت راعيه عيا يدلي بالمعلومات
المهم طقينا الباب الساعه ثنتين
وطلع الرجال ويده فيها دسم
يتغدى والمصيبه انه ما عليه
الا هاف سنه مهوب صروال
يااااااااااا ساتر اول مره اشوف
عصاقيل فيهن خريطة العالم
الرجال شاف العداد وبغى يصطره
بس استحى فيني , قال اقلطوا
العداد على فكره صغير شوي
دخلنا ابي امهد الموضوع وامشي
اروح اشيك على الباقين ,
دخلنا المجلس واثره حوسه ولا
فيه صجه دريت ان الرجال عزوبي
جاب ترمس الشاهي اظاهر انها عقب
قبل امس , وصب للعداد قال بس
قال تشرب وانت رجال والا يجي علم
ثاني ,, صبلي واخذت البياله وتقهويت
وكلمت الرجال واقتنع وانا بيني وبينكم
خايف ,, قلت انا اجل ابروح واذا بغيتوا
شيء اتصلوا علي ,
الغريب راعي البيت على طول قال الله
يحييك ومحناب محتاجينك اكفي انا بس
بدا الفار يلعب فيني .. العداد تكف يابو.......
لا تروح وتخليني لحالي , قلت افى قلبه
وانت عجل واكتب المهم ,
ممداني اطلع من باب المجلس الا والرجال
حاط رجله وراي وراعي البيت يقول اصبر
ما بعد زينا شيء تونا في الاسم ,,
والعداد يقول لابوك لابوا؟؟؟؟؟؟؟؟؟؟؟
قلت سلامات قالي مهوب شغلك
وذب علي السجل قال انا في السياره
اذا خلصت تعال ,,
قلت انا مهبول يالله نروح ونرتاح ونتقهوى
ونرد له العصر ,, يوم مشينا شوي ونلقى
صاحبنا الاولاني اللي شق الفنيله واعطيه
السجل قلت رح الرجال مسنتر ,,
وهو لايحه ,, قال فيه شيء
قلت بسرعه كذا وكذا ,,
قال نم ,,, ربع ساعه واثره جايبه للمكتب
بعلباه وصك عليه في المستودع اثره
يعرفه ومن جماعته ,, الين وافق واعطلى
المعلومات ,,,
بس تبون وش قال لصاحبنا الاول
بعدين اقولكم ياهو مصل اخر تمام
تحيااااااااتي
سمسار 15
هادي
21 / 09 / 2004, 11 : 05 PM
تكفى علمني
سمساااااااااار 15 تراني ما اصبر تتعملني والا جيتك برااااااسي
هاه وش قلت
سلام
بنــ الاجواد ـــت
21 / 09 / 2004, 34 : 05 PM
هههههههههههههههههههههههه
هههههههه
والله المصايب سمسار ما صار تعداد ذا صار تصطير
ههههه
سمسار 15
22 / 09 / 2004, 47 : 03 PM
قمر تميييييييييير
لا وابشرس الله لو تدرين
بسوالف العدادين كان
تموتون من الضحك ,,
ياني جامع لس واااااجد
شرط بداية موضوعك يبي
يتعدى الميه وتشوفين
انت فتحتي الباب ويبي
يطلعون الفضايح ,,
تحملونا ,,,
تحيااااااااااااااتي
سمسار 15
سمسار 15
22 / 09 / 2004, 00 : 04 PM
هااااااااااادي
انت مهبووول تبيني
اعلمك وش اللي صاار
بعدين لان فيه شيء ينقاال
وشيء ما ينقاال ,,
الله يا شيء نشوفه
تضحك حق سنه
ابشر بس على مسئوليك
تحياااااتي
سمسار 15
بنــ الاجواد ـــت
22 / 09 / 2004, 37 : 05 PM
حياك سمسار حط كل اللى عندك
وابد على مسؤليتي
ولو
عليش
23 / 09 / 2004, 24 : 02 AM
سمساار اعقل هذا تسريب للمعلومات
بيعلم عليك المس عولين
سمسار 15
27 / 09 / 2004, 19 : 04 AM
اخوي علوش
انا ما راح اذكر اساااااامي
ولا مواقع ولا شوارع ولا
مناطق ,, انا ابعلمكم
هالمساكين العدادين
وش يقابلهم من احراج
من طرد مع الباب ,
واشياء اخرى ,,
انا ماراح اجيب اسرار
الناس هذي مسؤليه
على الجميع ,, انا ابي
اذكر المواقف الي تحصل
لرجال التعداد والمعانات
اللي يعانونها من بعض
الناس والحمد لله قله ,,
ابشر بسعدك علوش باشا
ما راح اقول شيء ,,
تحيااااااااااااااااااتي
سمسار 15
بنــ الاجواد ـــت
27 / 09 / 2004, 59 : 04 PM
سمسار لالالالا
خذ راحتك وقلنا الحكاوي
وما عليك من احد على مسؤليتي والا منت مصدقنى
سمسار 15
28 / 09 / 2004, 37 : 01 AM
قمر تمير ,,,, مع احترامي وتقديري
انتي صاحيه او مهبوله ,,
اقول كل شيء كل شيء
حتى صاحبنا العداد الصغير
الجسم وش صار له يوم اني
طلعت من المجلس والرجال حاط
رجله , واقوله سلامات قال لي
مهوب شغلك ,,, اقول بس ما
ينقال , عطيني الامان واقول
راعي العصاقيل الشهب ,,
والله ما ادري ويش اقول ,,
تحيااااااااتي واحترامي
سمسار 15