‎‎لا ضاق صدري رحـت للبـر حطـاب

[دموع انسانه]

http://www.up-00.com/xbfiles/B4N74836.jpg





‎‎لا ضاق صدري رحـت للبـر حطـاب
وشبيت ناري فـي صحـاري خلاهـا
وسط الفياض اللي بها أزهار وأعشاب
ريح الخزامى فايـح(ن) فـي مساهـا
استرجع الذكرى علـى رأس مرقـاب
وأرسم لقلبي صورة(ن) مـا نساهـا
دنياك تلبـس لـك عبايـه وجلبـاب
وتخفي غدر سـود الليـال وجفاهـا
شفت القمر يوم اكتمل صـار جـذاب
نور ليـال(ن) مظلمـه فـي سماهـا
ترى العمر مثل القمر طل ثـم غـاب
أغنـم حياتـك لا تـكـدر صفـاهـا
حافظ على الطاعه قبل يقفـل البـاب
ثـم يتبيـن صحهـا مـن خطـاهـا
اليوم فعل الطيب راعيـه مـا خـاب
عند الرجـال اللـي بعيـد(ن) مداهـا
الطيب يبقى يا فتى الجود لـو شـاب
في شجرة(ن) سيل المكـارم سقاهـا
والبيت ما يبنى بـلا أوتـاد وأطنـاب
ومن لا بنى يسكـن مـذاري هواهـا