هل ننتظر طويلا

[هامة مضر]

هل نحن مستعجلين
ماعندنا صبر
يقال اهل الديرة الفلانيه فيهم عجله ( يلفون قبل العايره )
سأصبر حتى يعجز الصبر عن صبري ----- واصبر حتى ينضر الله في امري
واصبر حتى يعرف الصبر أنني ------ صبرت على شيءن امر من الصبر
كــــــثــــر منها نصبر
دائما مستعجلين نحن في تمير
1- عند اشارة المروربتمير ( الاشاره الوحيده بالدنيا اللي تمشي فيها بحذر وهي خضرا)
يعني تمشي وانت تطالع يمين ويسار - ما تمشي براحه ابدا لأنك خابر الجماعه0
2-في المحلات التجاريه - اذا دخلنا السوق كن مافي السوق الا حنا
لازم يتفرغ لنا صاحب المحل والا تركنا قشه ومشينا ( قل به قل به )
اذكر واحد جا للبنشر لقاه مشغول يبي له 5 دقايق راح لمحطة عشيره يقول اسرع0
3- في المطعم اذا كنا مسافرين ( بين راعي تمير يرفع صوته بسرعه يامعلم )
واغلب طلباتنا اللي ماتحتاج وقت( وش عندك جاهز )نو انتظار
4- في الورش مانسأل عن السعر
اول سؤال متى تخلصها -وبكم ؟
ولو كان يصلح بدينا نصوم رمضان من 25شعبان
ونحج قبل الناس باسبوع-
وحنا في العزيزيه بزود اذا رحنا للخياط في الخالديه وقال بعد يومين تركناه وخذنا جاهز
كذلك الحلاق اذا رحنا له في الخالديه ولقينا عنده زحمه بتلنا للرياض !!!
حتى متى مستعجلين
عزيزي القارء هل انت من الصابرين
هل تطيل الانتظار ام انت من الجماعه
شاركنا برأيك وفي اي الأمور السابقه تكون مستعجلا
ولنبدأ بمحدثكم هامة مضر--
عندي طولة بال في كل ماسبق ومستعد للانتظار طويلا
الا ان يطول غياب المتميزه
هــــــــامـــــة مـــــضــر

[ولد العز]

حياك الله اخي المتميز دوما في موايعك هامة مضر

بالنسبة لاغلب اهل تمير ففيهم عجله تلقانا طالعين البر الساعة ثنتين راجعين الديره


صرنا معروفين بعجلتنا في الديار الى حولنا
احلين اهل سدير لارحت لمهم بكروا بغداهم او عشاهم لان معهم واحد من اهل تمير عجل

بالنسب لي في بعض الامور وليس في كلها عجل

[هامة مضر]

ولد العز;424748]حياك الله اخي المتميز دوما في موايعك هامة مضر بالنسبة لاغلب اهل تمير ففيهم عجله تلقانا طالعين البر الساعة ثنتين راجعين الديره صرنا معروفين بعجلتنا في الديار الى حولنا
احلين اهل سدير لارحت لمهم بكروا بغداهم او عشاهم لان معهم واحد من اهل تمير عجلبالنسب لي في بعض الامور وليس في كلها عجل
حياك الله ولد العز
هذا الصحيح --
لكن الى متى ؟
هــــــــــا مــــة مـــضـــــر

[أبـوحـمـد]

ما دفنوا الرجال وهو حي يا هامه العجله شينه بس وش نسوي

هامه مضر انا من النووووع الي ما احب الانتظااااارولا دقيقه

والله عجزت مدري ليش!!!!

حاولت لكن دووون جدوى

ان كان عندك حل عطناه

تحياتي لك...

[نسيم]

يالعود والله اني قاعد اضحك لين قاموا العيال ياخوي انتم وش قصتكم مع الحلاليق والخياطين والقصاصيب فالخالدية.حطوا فالعزيزية كم خياط وحلاق بس لاتكثرونها اكتفاء ذاتي .
فعلا العجله مذمومه الا في الاشياء المهمه مثل المتميزه .
نسسسسيم

[مخاوي تمير]

العجله فينا يا اهل تمير بزود حتى في كلامنا عجلين نخاف احد يسبقنا في الكلمة اللي نبي نقولها

وحتى في روحتنا للرياض نستعجل في انهاء اشغالنا ونعفس الدعوة حتى لو ما خلصت وكله عشان نرجع بسرعة لتمير

( كن تمير يبي تطير عن مكانه ) .

وفي المناسبات ( خاصة الزواج ) راعي تمير تعرفه على طول وخاصة اذا صار الزواج بالرياض

تلقاه يجي بعد صلاة العشاء مباشرة او يصلي في مكان الحفل .. وكل شوي يتلفت ويسأل اللي جنبه ما قلطوا

وفي مراجعة المستشفيات كل شوي طامر للمسؤول اها ما جاء دوري ؟ كم راح من واحد ؟

بصريح العبارة العجلة شينه وتوهق في اوقات كثيرة وصعب علينا نتخلص من هذه العادة .

عمدة المنتدى " هامة مضر " دائماً ما تطرح الواقع الذي نعيشه وهذا الذي نحن في حاجته

حتى نلامس ونكشف واقعنا بكل وضوح ونحاول ان نعالج بعضاً منه .

عمدتنا الغالي سلمت يمينك وجعل الشر ما يجيها ؛؛

[احلام وردية]

عجله و بس فيكم يا الرجاجيل؟؟ والحمق لاتنسونه تصفقون باالدله وهي حاره الله يكفينا الشر

[المهند]

والله أنك صادق يالعمدة !!

ماسمي أهل تمير قريـ ... شه عبث ...

على طاري الحج فيه ناس من أهل تمير حجوا لهم يومين وجوك طايرين ... يقولون الحج عرفة !!!

وألحين الكشتات تلقاه أول ما ينوي الكشته ويروح للقصاب في الديرة ويشوف زحمه ثم يقول ما أبي لحم , ثم يتحسف ويطير للعزيزية يشوف القصاب اللي عندهم عنده زحمه أو لا !!!
ثم يزعل ويأخذ له حبة دجاجه ... وأول ما ياصل للبر ... يالله عطوناه عطوناه ... وما يمديهم يغسلون يديهم ألا وهم طايرين راجعين للديرة قبل العصر ... عشان يطلعون عقب العصر ويتقهون الشاي في الفيضة !!!

حتى الدلال اللي هي الدلال لو بغى يربها عند اللي جالس في برحة العزيزية وقال تعال بكرة هون ... وقال : أشتري جديدة أزين !!! اللي يشوفه يقول ما يقدر ينقطع عن القهوة لو يوم واحد !!!

[هامة مضر]

ابوحمد ما دفنوا الرجال وهو حي يا هامه العجله شينه بس وش نسوي
هامه مضر انا من النووووع الي ما احب الانتظااااارولا دقيقهوالله عجزت مدري ليش!!!!
حاولت لكن دووون جدوىان كان عندك حل عطناهتحياتي لك...
الحل ما كو حل-- هذا اللي الله عطانا
شكرا لك-- تراني اخترت واحد من نسيم وابو حلا والثاني لك
هــــــا مــــة مــــــضــــر

[هامة مضر]

[QUOTE=نسيم;424809][FONT=Comic Sans MS]يالعود والله اني قاعد اضحك لين قاموا العيال ياخوي انتم وش قصتكم مع الحلاليق والخياطين والقصاصيب فالخالدية.حطوا فالعزيزية كم خياط وحلاق بس لاتكثرونها اكتفاء ذاتي . فعلا العجله مذمومه الا في الاشياء المهمه مثل المتميزه .
نسيم انتبه - لايشتتون ذهنك المغرضين
لا يشغلونك عن نضالك لاستعاده المتميزه الله يردها0
دافع عنها وطالب بعودتها--- وليخسأ الخاسئون
مراسلكم من القوات المرابطه على خط النار--
[SIZE="7"] هـــــــا مـــــة مـــــضــــر

[هامة مضر]

[QUOTE=مخاوي تمير;( كن تمير يبي تطير عن مكانه )
مديرنا العام مرورك علينا ليس كأي مرور
علمنا قبل تجي حتى نرتب امورنا ونحط لافتات ترحيب
كن تمير يبي يطير--
صحيح -لا مشينا للرياض ووصلنا للتمريه تصدق اتي التفت ورا
اشوف الديره فيه و الا لا
كانو الطلبه اللي منول يدرسون بالرياض ياخذون معهم حصا من حق الديره
وشباب تجيهم ترقيات خارج تمير ويرفضونها مهمب رايحين عن تمير0
ســــــــــــــــحــــــــــــــــــر لكنه حلال واللي يحب العزيزيه له زود اجر
شكـــــــــــــــرا لك
هــــــــــا مـــــة مــــضـــــر

[هامة مضر]

=احلام وردية---عجله و بس فيكم يا الرجاجيل؟؟ والحمق لاتنسونه تصفقون باالدله وهي حاره الله يكفينا الشر
هلا احلام
صفق الدلال مراجل ياحلام
الحمق في ركض بكن للخياطين كل يوم
واذا قال بميه بكره قلنا له خذ 150 بس خلصه اليوم
وطلباتكن اللي ما تخلص
وايلا جا رمضان شبيتن علينا تكتبن الطلبات
اللي ما تجي في تمير
صيام ومشاوير مقاضي
وين راحن حريم منول اللي مقرصتها يديور فيها الددسن
الله يخلف -تصور وحده اسمها احلام ورديه تبي تعجن وتقرص؟ هههههههه
وليتكن على هالدلال زيــــــــــ------ت
هـــــــا مــــــة مــــضــــر

[هامة مضر]

المهند; ويطير للعزيزية يشوف القصاب اللي عندهم -حتى الدلال اللي هي الدلال لو بغى يربها عند اللي جالس في برحة العزيزية وقال تعال بكرة هون ... وقال : أشتري جديدة أزين !!! اللي يشوفه يقول ما يقدر ينقطع عن القهوة لو يوم واحد
هلا المهند-بالنسبه للقصاب اللي في العزيزيه تراه مايقصب عندنا
يقصب هناك (الخالديه) ويترك الجلود والكرش -
ويجي عندنا يبيع بس
وراعي الدلال الله لايعيده كنه على كبودنا طردناه مانفع
نضلناه ما ضره شي
حاولنا بطرق سلميه- ارساله لكم ورفض
يقول ماعندهم دلال- ما عندهم الا زمزميات الدلال عند اهل العزيزيه بس0
لكن ان جا بعد كلامكم هذا شبينا في خيمته
هـــــا مــــة مــــضـــــر

[ابو الوليد]

بصراحة من أجمل ماقرأت يالمضري
هذي المواضيع وإلا بلاش
بالنسبة للعجلة حدث ولا حرج ياخوي
والواحد اذا جاء يحتري اهله عند الباب يطلعون كنه جالس على مقرصة ويدق بالجوال 20 مرره
حتى تلاحظ اذا كشتنا
اول ماننزل من السيارة ننزل العزبة ونشب الشاهي ماعندنا وقت ولو عشر دقايق نريح
ملاحظة
اجل حاولتم يااهل العزية تنظلون اللي يربي الدلال
اجل الاشاعة اللي طلعت فيكم صحيحة

بس تبي الصدق مردكم للخالدية اذا جيتوا لها كنكم جايين باريس
المضري تحياتي لك ولمن شارك وشاهد

[ابوحلا11]

المضري ماتشوف النتميزه راخت يوم وشبينا .وتهاوشنا .
راعي الصفرا ماسفتوه .من ركب الصفرا وهو مدرهم في شوارع الخالدية متلطم ويضبب والظاهر انك راكب معه

[المتحـ2007ـد]

موضوع حلوووو يا هامة مضر يحكي الوااااقع

مره رحت للرياض في مستوصف اهلى عندي مراجعه وقالو الدكتور بيجي الساعه 4.30 جلست لين 5,30 وما جاء احد مدري وشلون صبرت المهم قصرت وطلعت جاي لتمير عقب 10 دقايق دقو المستوصف يقولون وينك الدكتور جاء قلت انا مشيت ما عاد انيب جاي وهو موعد مهم وعليها الى الحين .

اما في الكشتات مره كشت يوم الجمعه ونزلت العزبه وشبيت الشاهي وصلحنا الغداء وتقهوينا عقب الغداء
واناظر الساعه ولاها 11.30 مدري وين اروح والله وارجع للديره واصلي الجمعه .

والمواقف واجد والظاهر انها طبيعه في اهل تمير فقط

[المهند]

هلا المهند-بالنسبه للقصاب اللي في العزيزيه تراه مايقصب عندنا
يقصب هناك (الخالديه) ويترك الجلود والكرش -
ويجي عندنا يبيع بس
وراعي الدلال الله لايعيده كنه على كبودنا طردناه مانفع
نضلناه ما ضره شي
حاولنا بطرق سلميه- ارساله لكم ورفض
يقول ماعندهم دلال- ما عندهم الا زمزميات الدلال عند اهل العزيزيه بس0
لكن ان جا بعد كلامكم هذا شبينا في خيمته
هـــــا مــــة مــــضـــــر


ما فيك حيلة .... يا هامة مضر ...

تم نقل الموضوع لساحة الحوار لجماله ... ولحواريته الرائعة !!!

[قوت القلوب]

يقولون في التأني السلامه وفي العجله الندامه
فليش العجله الي مالها داعي هي احيانآ تفيد لكن مودايمآ
وانا الاحظها بكثره في اهل سدير بصفه عامه
تقبل مداخلتي بصدر رحب
كل الشكر لك على هذا الطرح
احترامي وتقديري

[هامة مضر]

يقولون في التأني السلامه وفي العجله الندامه
فليش العجله الي مالها داعي هي احيانآ تفيد لكن مودايمآ
وانا الاحظها بكثره في اهل سدير بصفه عامه
تقبل مداخلتي بصدر رحب
كل الشكر لك على هذا الطرح
احترامي وتقديري
قوت القلوب شكرا لمشاركتك معنا
اهل سدير اهدأ كثيرا من اهل تمير
هـــــــــا مــــة مــــضــــــر

[هامة مضر]

موضوع حلوووو يا هامة مضر يحكي الوااااقع
مره رحت للرياض في مستوصف اهلى عندي مراجعه وقالو الدكتور بيجي الساعه 4.30 جلست لين 5,30 وما جاء احد مدري وشلون صبرت المهم قصرت وطلعت جاي لتمير عقب 10 دقايق دقو المستوصف يقولون وينك الدكتور جاء قلت انا مشيت ما عاد انيب جاي وهو موعد مهم وعليها الى الحين .
اما في الكشتات مره كشت يوم الجمعه ونزلت العزبه وشبيت الشاهي وصلحنا الغداء وتقهوينا عقب الغداء
واناظر الساعه ولاها 11.30 مدري وين اروح والله وارجع للديره واصلي الجمعه .
والمواقف واجد والظاهر انها طبيعه في اهل تمير فقط
شكرا يالمتحد
[SIZE="6"][FONT="Arial Narrow"][COLOR="Green"]من الحب ما قتل
حب الوطن من الايمان-
الاشاره في الديره - المحلات في الديره
وش يعجلنا
هــــــــــــا مــــة مـــــضــــــــر

[هامة مضر]

[QUOTE=ابو الوليد;424873][COLOR="Navy"]بصراحة من أجمل ماقرأت يالمضري
هذي المواضيع والا بلاش
[SIZE="6"]شكرا يبو الوليد
والاشاعه صحيحه
حاولنا كم مره وجبنا شيبان كبار
وما اصابته الا الاخيره
قامت البلديه بتأجير البراحه كلها محلات-- مهوب لاقي محل ان جا ثانيه
هـــــــــــــــا مــــــة مـــــضــــر

[راعي الصفرا]

موضوع رائع وتشكر عليه ياهامة مضر.
العجله مافيها خير .فيه ناس اذا راح ساعة عن الديرة يجيه مر ويتحسر .الديرة في محلها ولامتغير شي رح وسع صدرك وانبسط .والله اني اتمنى الاجازات اطلع اغير جو .الان انا اعد الايام للاجازة ابي اطلع اشوف الناس .ناوي نيه ان شاء الله اذا جت الاجازة اقلع ولا ارجع الا يوم الدوام .
راعي الصفرا

[المتميزة 26]

الطبع يغلب التطبع

مهما حاولنا تغيير انفسنا وعودناها على التأني يغلب الطبع في احياناً كثيرة

وأهل تمير مشهورين بالعجله ...


موضوعك شيق يا هامة مضر ... وتعليقاتك على الردود جميلة وفيها بوادر


حرب خفيه بين احياء تمير

تحياتي لك

[دموع انسانه]

باااااااالعكس العجله زينه خصوصااااا ل الرجاااال من زينه اذا صار بااارد احسه يرفع الضغط
بس العجله في بعض الامور وبس وناااااااامااحب الانتضاااااار اكرررررهه جااااااااااااااااااني عقده منه
هاذا رائيي والاراء تختلف
وااااله احياااان ارسل لوحده غاليه علي اسئلها عن شي واجلس اليوم كله انتضررررر ولاشوف الرد الا من بكره ودي ازنطهاااااااا تعرف نفسهاااااا واالله اكره شي اسمه الانتظاااااااااار
ااااالله يسعدك دنيااء واااااااخره اخي هامة مضر

[هامة مضر]

باااااااالعكس العجله زينه خصوصااااا ل الرجاااال من زينه اذا صار بااارد احسه يرفع الضغط
بس العجله في بعض الامور وبس وناااااااامااحب الانتضاااااار اكرررررهه جااااااااااااااااااني عقده منه
هاذا رائيي والاراء تختلف
وااااله احياااان ارسل لوحده غاليه علي اسئلها عن شي واجلس اليوم كله انتضررررر ولاشوف الرد الا من بكره ودي ازنطهاااااااا تعرف نفسهاااااا واالله اكره شي اسمه الانتظاااااااااار
ااااالله يسعدك دنيااء واااااااخره اخي هامة مضر
شكرا يدموع -- هاه - هذا انا رديت بسرعه -ليييييييييه
خايف من الزنطه
اذا كنت بحاجه للوقت العجله مطلوبه
بس اغلب عجلتنا على الفاضي

هــــــــــــا مــــــــــة مــــــضـــــــــــر

[هامة مضر]

الطبع يغلب التطبع
مهما حاولنا تغيير انفسنا وعودناها على التأني يغلب الطبع في احياناً كثيرة
وأهل تمير مشهورين بالعجله ...
موضوعك شيق يا هامة مضر ... وتعليقاتك على الردود جميلة وفيها بوادر
حرب خفيه بين احياء تمير
تحياتي لك

يا هلا بها الطله
عودا حميدا
ما فيه حرب ( العزيزيه داجه من يومها )
والخالديه حركات
او نسيتي--- هذا كلامك قي موضوع صور الفديو القديمه لتمير
مره اخرى-- اهلا اهلا اهلا
هـــــــــا مـــة مضــــر

[هامة مضر]

موضوع رائع وتشكر عليه ياهامة مضر.
العجله مافيها خير .فيه ناس اذا راح ساعة عن الديرة يجيه مر ويتحسر .الديرة في محلها ولامتغير شي رح وسع صدرك وانبسط .والله اني اتمنى الاجازات اطلع اغير جو .الان انا اعد الايام للاجازة ابي اطلع اشوف الناس .ناوي نيه ان شاء الله اذا جت الاجازة اقلع ولا ارجع الا يوم الدوام .
راعي الصفرا
راعي الصفرا- 10000 مبروك
من قدك اليوم
الروحات والمشاوير ذبحتك
اركد شوي - ياخي لبدنك عليك حق
هالعطله راحت ----- كان الجايه ان شا اللههـــــــــا مـــة مــــضـــــــر

[المتميزة 26]

يا هلا بها الطله
عودا حميدا
ما فيه حرب ( العزيزيه داجه من يومها )
والخالديه حركات
او نسيتي--- هذا كلامك قي موضوع صور الفديو القديمه لتمير
مره اخرى-- اهلا اهلا اهلا
هـــــــــا مـــة مضــــر




المهلي ما يولي يا هامة مضر


والله من خلال الصور اللي شفت ومن خلال الواقع اللي حاصل فيه

اختلاف بين العزيزية والخالدية


بس يقولون فيه مشروع سوق مركزي في العزيزية


أنا من رايي تسوون مظاهرات لتحويله لمول أو بزنس سنتر ...


وتشوف أهل الخالديه مطيحين عندكم : )

[راعي الصفرا]

الظاهر يالمضري هالليلة مالنا فيها نصيب .او فيه كلام ثاني .
.
راعي الصفرا

[هامة مضر]

المتميزة
أنا من رايي تسوون مظاهرات لتحويله لمول أو بزنس سنتر .
عقب الخيمه اللي عندها اعرابي وونيت وكلب
يجي مول وسنتر
كان يجينا زلزال او ( تطيح علينا المقرصة الحاميه )
حلوه -- مول ونبيع فيه خضري وصقعي
يالله العافيه
اهل الخالديه يبون شكليطه و زنطه ( طماط وخيار وخس )
وكشتينو-وهم بقر- ومناقيش -- المناقيش خابرها منول نطلع بها الشوك من رجلينا
هذولي ما نشتريهن الا بتصريح من البلديه والشرطه
من الممنوعات عندنا
الشورمه ما عرفناها الا عام 1425ه
والعكسريم اللي يشريه يصد كنه مسوي جريمه
اقول --- ما عاد هوب ممدينا على ذولي الا كان في الآخره
هـــــــــــــــا مـــــة مــــــــضــــر

[هامة مضر]

راعي الصفرا; الظاهر يالمضري هالليلة مالنا فيها نصيب .او فيه كلام ثاني
الليله بتمير ولا كل الليالي ( من جد )
الجو راييييييييق وهـــــا دي
الليله ولا كل الليالي( قسم بالله )
روعه ما بعدها روعه هدوء وسكينه
اللي ما عاشها بتمير فاته نص عمره
النفوس رايقه.عند الجميع حتى الاطفال
لك اشواقي وحبي وتقديري
هـــــــــــا مـــــة مــــــضــــر

[راعي الصفرا]

الليله بتمير ولا كل الليالي ( من جد )
الجو راييييييييق وهـــــا دي
الليله ولا كل الليالي( قسم بالله )
روعه ما بعدها روعه هدوء وسكينه
اللي ما عاشها بتمير فاته نص عمره
النفوس رايقه.عند الجميع حتى الاطفال
لك اشواقي وحبي وتقديري
هـــــــــــا مـــــة مــــــضــــر
اني والله داري ياهامة مضر .
بس تراه وجع راس دايم تمير تمير اطلع وسع صدرك .
ياويلي عليكم ويلاه
راعي الصفرا

[.قاهر الصحراء]

مشكور ياخوي هامه مضر .,’,.:t151:
اما العجله في اهل تمير في كل شي تقول ملحوقين .,’,.:t183:
حتى وانت تقراء الموضوع تقراء شوي وتطمر سطرين وعلى هلحاله .,’,.:t53:
اذكر وكل عاده اذا كشتنا اول مانصل الفيضه لازم تشوفهم اول ماينزلون يقلون اهاااااااا كم باقي :ونمشي .,’., :81:
ولا الغذاء يوكل قبل ما تستوي لحمته .,’, :t87:

[هامة مضر]

مشكور ياخوي هامه مضر .,’,.:t151:
"]ولا الغذاء يوكل قبل ما تستوي لحمته .,’, :t87:[/QUOTE]

شكرا ياقاهر الصحرا
القدر الكاتم ما شاف معروف الشركه اللي صنعته
الا حنا- وندعي للي صنعوه
هــــــا مـــة مــضــر