ولدعنبر
16 / 09 / 2004, 35 : 03 PM
يا لله إني في ذراك مـن المصايـب والبـلاوي
والتكبـر والتغطـرس والجهـل والجاهلية
والزنـا والقتـل والشـلاّت وعيـال القهـاوي
والردى وأهل الردى وأهل الحيَل وأهل الملاوي
والنمائـم والكـلام الشيـن والنفـس الدنية
وعن هروج الكذب والزمّات والهرج المـراوي
والنفـاق ورفقـة الأنذال والنـاس الـرديـه
وأكل مال الغير من الأيتام ولا مـن غنـاوي
ومن غضبك ومن سخطك ومن عقوقي والديـه
وعن دروب العيب وأهل الظلم صحبة كل غاوي
والنكـاده والقـراده والحـسـد والعنجهية
والقهر والديـن والنكبـات والشـر المخـاوي
وعن قلال الدين وأهل الفسق وأنواع الزريـه
يا إلهي ذا رجاي وفيـك أنا قلبـي رجـاوي
طلبتي لك طلبـة المحتـاج وارفـع لـك يديـه
أنت ما غيرك يعرف بغايتـي ولا ايـش نـاوي
جـل شانـك يا عليـم عالـم عـن كـل نـيـه
بعدها يا هاجسي سجـل بيوتـي فـي النـداوي
البيـوت اللـي لهـا عنـد النشـامـا قابلـيـه
الهدف منها شرف لا هـو طمـع ولا هـراوي
الطمع فـي طاعـة الرحمـن خـلاّق البرية
بنصح اللي عاد قلبه فـي هوى الدنيـا هـواوي
لا تغـره لاتضـره نزغـة النفـس الشقية
الهوى والنفـس والشيطـان والحـظ الشقـاوي
وصحبة أهل الشر وأهل العيب ناس فوضوية
من يطاوعهم جميع.. يصير في الدنيـا عنـاوي
لايفـاد ولايفـيـد وذمـتـي مـنّـه بـريـه
انتبه من صحبـة اللـي دايـم دربـه خنـاوي
مـاوراه إلا المضرة والنـكـد ولاّ البلية
تستحي من النـاس لشافـوك وايّـاه امتخـاوي
خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي
لا يفرق في الصواب.. ولا يفرق فـي الخطية
لابلتـك الباليـه فـي فزعتـه ما هـو بقـاوي
فـي العلـوم التالية ولاّ العـلـوم الاولـيـه
اشهد إن فرقاه يا هل المعرفة عيـد.. ومنـاوي
ابتعـد عنـه تـرى رفقتـه مسكـه مخلبـيـه
كان ما أنت بعند نفسـك لا طبيـب ولا مـداوي
فأعتبر نفسـك مـع العـراف ما عندك هوية
الحياة بـدون ديـن ..والله أنها مـا تسـاوي
اشهد إنها ما تسـاوي بالثمـن (ربـع الوقيـه)
دوّر اللي صحبته صحبة شرف ما هـو دنـاوي
سمعته عند العرب دين ..ونامـوس.. وحميـه
بالكرم والطيب تلقى سمعتـه مـع كـل راوي
مـا تناسـى مـن حقـوق الله ولا سنـة نبيـه
وان حضر بين العرب في صلح ولاّ في دعاوي
ينهـي الموقـف ولا راوى مـع هـذا وذيّـه
رفقة أهل الطيب راس المال وكبـار الهقـاوي
الرجـال اللـي مواقفهـم مـع العالـم نـديـه
لابـدا لـك لازم تلقـى مواقفـهـم تــداوي
ما حسب حجم اللزوم ولاحسب حجم القضية
البيـوت مفتّحـه للضيـف والبـارق سنـاوي
ان لفاهم مـا لقـى غيـر الشحـم والشاذليـه
والعلوم الطيّبه مـن هـرج ولا عـود جـاوي
كـل أبوها عندهـم نامـوس وعلـوم شليـه
ذي مزاياهم وأنا قلبـي علـى ذولا نحـاوي
أتمنى خّـوة أهل الطيـب والنية مطـيـه
ذي نصيحة شاعر قلبه علـى الغالييـن يـاوي
قلتها وارجوك يـارب المـلا ترضـى عليـه
قلتها ما أبغى وراهـا لا جـزاء.. ولا عطـاوي
ما علي امن الجـزاء ولا علـي امـن العطية
لابس ثوب جديـد.. ولابـس بشـت حسـاوي
ومـن وصايـا شايبـي متحـزّم بالحضرميـه
منقول
والتكبـر والتغطـرس والجهـل والجاهلية
والزنـا والقتـل والشـلاّت وعيـال القهـاوي
والردى وأهل الردى وأهل الحيَل وأهل الملاوي
والنمائـم والكـلام الشيـن والنفـس الدنية
وعن هروج الكذب والزمّات والهرج المـراوي
والنفـاق ورفقـة الأنذال والنـاس الـرديـه
وأكل مال الغير من الأيتام ولا مـن غنـاوي
ومن غضبك ومن سخطك ومن عقوقي والديـه
وعن دروب العيب وأهل الظلم صحبة كل غاوي
والنكـاده والقـراده والحـسـد والعنجهية
والقهر والديـن والنكبـات والشـر المخـاوي
وعن قلال الدين وأهل الفسق وأنواع الزريـه
يا إلهي ذا رجاي وفيـك أنا قلبـي رجـاوي
طلبتي لك طلبـة المحتـاج وارفـع لـك يديـه
أنت ما غيرك يعرف بغايتـي ولا ايـش نـاوي
جـل شانـك يا عليـم عالـم عـن كـل نـيـه
بعدها يا هاجسي سجـل بيوتـي فـي النـداوي
البيـوت اللـي لهـا عنـد النشـامـا قابلـيـه
الهدف منها شرف لا هـو طمـع ولا هـراوي
الطمع فـي طاعـة الرحمـن خـلاّق البرية
بنصح اللي عاد قلبه فـي هوى الدنيـا هـواوي
لا تغـره لاتضـره نزغـة النفـس الشقية
الهوى والنفـس والشيطـان والحـظ الشقـاوي
وصحبة أهل الشر وأهل العيب ناس فوضوية
من يطاوعهم جميع.. يصير في الدنيـا عنـاوي
لايفـاد ولايفـيـد وذمـتـي مـنّـه بـريـه
انتبه من صحبـة اللـي دايـم دربـه خنـاوي
مـاوراه إلا المضرة والنـكـد ولاّ البلية
تستحي من النـاس لشافـوك وايّـاه امتخـاوي
خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي
لا يفرق في الصواب.. ولا يفرق فـي الخطية
لابلتـك الباليـه فـي فزعتـه ما هـو بقـاوي
فـي العلـوم التالية ولاّ العـلـوم الاولـيـه
اشهد إن فرقاه يا هل المعرفة عيـد.. ومنـاوي
ابتعـد عنـه تـرى رفقتـه مسكـه مخلبـيـه
كان ما أنت بعند نفسـك لا طبيـب ولا مـداوي
فأعتبر نفسـك مـع العـراف ما عندك هوية
الحياة بـدون ديـن ..والله أنها مـا تسـاوي
اشهد إنها ما تسـاوي بالثمـن (ربـع الوقيـه)
دوّر اللي صحبته صحبة شرف ما هـو دنـاوي
سمعته عند العرب دين ..ونامـوس.. وحميـه
بالكرم والطيب تلقى سمعتـه مـع كـل راوي
مـا تناسـى مـن حقـوق الله ولا سنـة نبيـه
وان حضر بين العرب في صلح ولاّ في دعاوي
ينهـي الموقـف ولا راوى مـع هـذا وذيّـه
رفقة أهل الطيب راس المال وكبـار الهقـاوي
الرجـال اللـي مواقفهـم مـع العالـم نـديـه
لابـدا لـك لازم تلقـى مواقفـهـم تــداوي
ما حسب حجم اللزوم ولاحسب حجم القضية
البيـوت مفتّحـه للضيـف والبـارق سنـاوي
ان لفاهم مـا لقـى غيـر الشحـم والشاذليـه
والعلوم الطيّبه مـن هـرج ولا عـود جـاوي
كـل أبوها عندهـم نامـوس وعلـوم شليـه
ذي مزاياهم وأنا قلبـي علـى ذولا نحـاوي
أتمنى خّـوة أهل الطيـب والنية مطـيـه
ذي نصيحة شاعر قلبه علـى الغالييـن يـاوي
قلتها وارجوك يـارب المـلا ترضـى عليـه
قلتها ما أبغى وراهـا لا جـزاء.. ولا عطـاوي
ما علي امن الجـزاء ولا علـي امـن العطية
لابس ثوب جديـد.. ولابـس بشـت حسـاوي
ومـن وصايـا شايبـي متحـزّم بالحضرميـه
منقول