صقر تمير
23 / 03 / 2009, 27 : 12 AM
هذه احدى قصائد الوالد رحمه الله في النزهات البرئية والبر فقد كان محبا للبر والرحلات البرية
ابدي بذكر الله عدد كل ماقيل 000 عالم خفايا سرها مع جهرها
ارجيه يجلى كل هم وتهاويل 000 الله يعدينا بلاها وقشرها
يقول منهو هاوي(ن) للتماثيل 000 يختار من زين المعاني ثمرها
في نزهة يازين صقع الفناجيل000 في جلسة ٍ ولد الردي ماحضرها
اللي يحب الهمز والقال والقيل 000واليا سمع له كلمتين(ن)نشرها
خلك مع قرم العيال المشاكيل 000 اللي ليا جاء خلت ٍ بك سترها
قرم ٍ شجاع للثقيلات بيشيل 000 يجلى عن النفس العليلة كدرها
يازينهم لاقربوا للمعاميل 000 في ظل ذرو ٍ مايل ٍ من شجرها
فراشها بطحاءً غسل طينها السيل 00من مزنةٍ أنشت وهلت مطرها
استدرجت واستلحمت كنها الليل 000 صبت على المنشا وربك ومرها
شربت مراعيها وكل الحياييل 000 الغيث إلى من جاء ديار(ن) عمرها
ريح الخزامى والنفل ينعش الحيل 000 يعجبك لاهبت روايح زهرها
هذي تصب وذيك يسحق لها الهيل 000 وهذيك بالمحمس والأخرى بأثرها
فنجالها يجلي العمس والتعاليل 000 عمالها ذرب اليمين اختبرها
يازينهم هذي سواة الرجاجيل 000 من بدوها ولا فهم من حضرها
تلقى بقايا ضوهم عقب ترحيل 000 جمر ٍ يلوفه ذاري ٍ من سمرها
المرجله ماهي لجيل على جيل 000 كلن يود المرجله ماذخرها
من عقبها دارت هروج التماثيل 000 هروج ٍ احلى من لألي دررها
هذي مصادير ٍ وهذي مقابيل 000 سوالف ٍ من سمع فيها اعتبرها
خلاف ذا الهرفي خيار المواكيل 000 ألذ وأطعم ماوضع في سفرها
نشوي ونطبخ من صباح ٍ إلى الليل 000 والحمد للي زادها ماقصرها
من عقبها الجاوي من الطيب تكميل 000 كبر الحجارة حطها ماكسرها
ومادامنا في الصيف نهوى المقاييل 000 حتى تزول الشمس يبرد وغرها
ياماحلا السمرة مع هدأت الليل 000 نصف الشهر حتى يشعشع قمرها
وسلامتكم00
ابدي بذكر الله عدد كل ماقيل 000 عالم خفايا سرها مع جهرها
ارجيه يجلى كل هم وتهاويل 000 الله يعدينا بلاها وقشرها
يقول منهو هاوي(ن) للتماثيل 000 يختار من زين المعاني ثمرها
في نزهة يازين صقع الفناجيل000 في جلسة ٍ ولد الردي ماحضرها
اللي يحب الهمز والقال والقيل 000واليا سمع له كلمتين(ن)نشرها
خلك مع قرم العيال المشاكيل 000 اللي ليا جاء خلت ٍ بك سترها
قرم ٍ شجاع للثقيلات بيشيل 000 يجلى عن النفس العليلة كدرها
يازينهم لاقربوا للمعاميل 000 في ظل ذرو ٍ مايل ٍ من شجرها
فراشها بطحاءً غسل طينها السيل 00من مزنةٍ أنشت وهلت مطرها
استدرجت واستلحمت كنها الليل 000 صبت على المنشا وربك ومرها
شربت مراعيها وكل الحياييل 000 الغيث إلى من جاء ديار(ن) عمرها
ريح الخزامى والنفل ينعش الحيل 000 يعجبك لاهبت روايح زهرها
هذي تصب وذيك يسحق لها الهيل 000 وهذيك بالمحمس والأخرى بأثرها
فنجالها يجلي العمس والتعاليل 000 عمالها ذرب اليمين اختبرها
يازينهم هذي سواة الرجاجيل 000 من بدوها ولا فهم من حضرها
تلقى بقايا ضوهم عقب ترحيل 000 جمر ٍ يلوفه ذاري ٍ من سمرها
المرجله ماهي لجيل على جيل 000 كلن يود المرجله ماذخرها
من عقبها دارت هروج التماثيل 000 هروج ٍ احلى من لألي دررها
هذي مصادير ٍ وهذي مقابيل 000 سوالف ٍ من سمع فيها اعتبرها
خلاف ذا الهرفي خيار المواكيل 000 ألذ وأطعم ماوضع في سفرها
نشوي ونطبخ من صباح ٍ إلى الليل 000 والحمد للي زادها ماقصرها
من عقبها الجاوي من الطيب تكميل 000 كبر الحجارة حطها ماكسرها
ومادامنا في الصيف نهوى المقاييل 000 حتى تزول الشمس يبرد وغرها
ياماحلا السمرة مع هدأت الليل 000 نصف الشهر حتى يشعشع قمرها
وسلامتكم00