أمير الحروف
08 / 09 / 2004, 25 : 05 AM
للشاعر عبدالله بن نايف بن عون
قصيدة معروفة لشاعر غني عن التعريف تأتينا بين فتره وأخرى مطالبات بنشرها ونحن نرحب بذلك فقصيدة كهذه لا يمل سماعها
يا ملّ قلبٍ يسج وفيه دولاجه = من هاجس بالضماير قام يدرجها
في معزلٍ عن جميع الخلق وازعاجه = ما اسمع من الناس لو تكثر لجالجها
ما غير أهوجس تقول مضيعٍ حاجه = وآخذ واسنّد على روحي واهرّجها
وأدوج لو كان ما رجلي بدواجه = أدلّه النفس لين الله يفرجها
تفرج لعينٍ ليا نامت بسوهاجه = تجهز عليها الطواري لين تزعجها
بالصدر ضيقه ونوم العين هملاجه = عيني من العام والسهر متولّجها
نوبٍ سهرها شديد ونوب نهاجه = مرٍّّّ تكنّ الدموع ومر تزعجها
عليك ياللي بقلبي كن وهاجه = وهاج نارٍ هوى الغربي يسارجها
أبو ثمانٍ تشادي اللولو لعاجه = كن البرد يوم يضحك في مفالجها
قلبٍ يناجيك بسلوم الهوى ناجه = يشكي لك الحال داخلها وخارجها
إما التفت له وتم الوصل بمواجه = والا بلا عشرةٍ هذي نتايجها
وش ينفعك من حنين القلب وخلاجه = وجروحي أسبابها أنت ولا تعالجها
قصيدة معروفة لشاعر غني عن التعريف تأتينا بين فتره وأخرى مطالبات بنشرها ونحن نرحب بذلك فقصيدة كهذه لا يمل سماعها
يا ملّ قلبٍ يسج وفيه دولاجه = من هاجس بالضماير قام يدرجها
في معزلٍ عن جميع الخلق وازعاجه = ما اسمع من الناس لو تكثر لجالجها
ما غير أهوجس تقول مضيعٍ حاجه = وآخذ واسنّد على روحي واهرّجها
وأدوج لو كان ما رجلي بدواجه = أدلّه النفس لين الله يفرجها
تفرج لعينٍ ليا نامت بسوهاجه = تجهز عليها الطواري لين تزعجها
بالصدر ضيقه ونوم العين هملاجه = عيني من العام والسهر متولّجها
نوبٍ سهرها شديد ونوب نهاجه = مرٍّّّ تكنّ الدموع ومر تزعجها
عليك ياللي بقلبي كن وهاجه = وهاج نارٍ هوى الغربي يسارجها
أبو ثمانٍ تشادي اللولو لعاجه = كن البرد يوم يضحك في مفالجها
قلبٍ يناجيك بسلوم الهوى ناجه = يشكي لك الحال داخلها وخارجها
إما التفت له وتم الوصل بمواجه = والا بلا عشرةٍ هذي نتايجها
وش ينفعك من حنين القلب وخلاجه = وجروحي أسبابها أنت ولا تعالجها