مشاهدة النسخة كاملة : ((صفحــات مــن همـس القــوافــي))
ابونواف السلوم
15 / 03 / 2009, 01 : 05 AM
بسم الله الرحمن الرحيم
السلام عليكم ورحمــة الله وبركاتــه
أخــوانــي وأخــواتــي الأعــزاء
مـوضــوعنــا ليـس بغـريــب على الجميــع ولأكــن يجــب فيــه روح الحمـاســه مـن
والمـوضــوع هــو ((صفحــات مـن همـس القــوافــي))
الطريقــه:
يكتب العضو أبيات مختاره أو أبيـات من نظمه ،، والعضو اللي بعده يقول رايه بالابيات ويضع لنا أبيات
جديده.. وهكذا....
ان شاء الله تعجبكم وبالتوفيــق .
والبدايه راح تكون منّي:
وأبيــات مـن قصيــده خلاص لشاعــر فهـد المساعــد:
والله وصــرت تمـون يامايــس القــد
ومـن قلـت: أحبـك والحكــي ماتــرده
لا..لاتغرك طـولـــــة البــــال والســـد
القلــب شكلـــه قــرب اليــوم صــــده
أنـا عـزيـز النفـس لا جيــت للجــــــد
واللـي تمــادى يقضــب الحيـن حــده
صـحيـح صعبــه أبنـي الحــي وأهـــد
لكــن تـرى لا ضقــت.. والله لــ أهــده
مهوب أنا اللي يرفــع فـ وجهــك اليـد
ولا عاش من يرفـع علــى البنـت يـده
لاكـن بـ اروح ولو غشـى دمعـك الخـد
بـ قــول: وينـه غـايـبٍ عنــه مـــــده؟
الشاعــر:
فهــد المسـاعــد
شموخ أنثى .ღ.}
15 / 03 / 2009, 46 : 05 AM
صح لسان الشاعر فهد رمز الآحساس
كلمات رائعه وراقيه
شكرآ لك آبو نوآف
/
\
/
العذر كاني في غيابي تماديت
حقك عليّه وادمحي لي خطايه
أبطيت لكني عن الشوق ما أبطيت
قلبي معك لو كان شفته معايه
ذكرتك البارح وبالصوت غنيت
واليا رفعت الصوت جاني بلايه
أذكر زمان راح وأقول ياليت
ليت الليالي ما تبيّح خفايه
لاغبت عن عيني مع الناس سجيت
تطري عليّه واتلفت ورايه
صعب ٍ علي أنساك مهما تناسيت
ما همني هرج العدى في قفايه
الشاهد الله من فراقك تعنّيت
مدري تحس بلوعتي يا عنايه ؟
شفني من اللوعه مع الليل جريت
صوت ٍ حزين وباح لاجلك خفايه
للشآعر عزآم الخريف
عاشق مطير الأول
15 / 03 / 2009, 50 : 11 PM
تسلم يمينك يا شموخ على هالأبيات
وصح لسان شاعرنا المبدع السنافي
مع أرق التحايا للأرواح الطاهرة
\\
\\
\\
\\
تعبت أصارع مع عيوني سهرها
وأعاني من أوجاعي وصدق الحقيقة
وأكابر!! وأقول أقدر سباحة بحرها
ومبطي! وأنا نفسي في قاعة غريقة
والقلب من هم المواجع ضمرها
ومن حرقة الكتمان مقدر أطيقه !!
واللحظة اللي طار منها شررها ؛؛؛؛
شبت على باقي المشاعر حريقه
واللي سلب مني خواطر كسرها
قطع على قلبي بقية طريقه !!
\\
\\
\\
آخر ما قاله
عاشق مطير الأول
ليلة البارحة
ابونواف السلوم
16 / 03 / 2009, 50 : 03 AM
صــح لســانـــك أخـــوي شاعــر مطيـــر
قصيــده جميلــه فقــد خففــت مـا يكتمــه ضميــرك
وأبحــرنــا معــك فــي بحــور شعــرك
يعطيـك العافيــه
//
//
//
يمـر يــوم وكــل يــوم يمــر أحــس أنــي حزيــــــن
أمسي على ضيقة صدر وأصبح على ضيقة صــــدر
قالــوا الفــرج عقــب الصبـر قلت الصبر هـمٍ دفيــن
قالـــوا الوفــي طبعــه وفــي قلــت الزمـن كله غـدر
قالوا الصدف قلت الصدف ماعشمت طول السنيــن
قالـــوا القــدر قلــت القــدر من اللي يــردك يا قــدر
قالــوا الامــل قلــت الامــل مثـل السراب اللي يبين
قلت العهـــد وانا علـى المطــلاع وســط المنحـــدر
قالــوا تشوفــه قلت اشوفــه في حلــوم النايميـــن
اصحــى على شوفه وانا خــدران واصحى وا خـدر
قالـــوا وش اللـــي تذكــــره اذا تنـــاولك الحنيـــن
قلـت التنهاتــــــه اذا طــروه الدمـــــع يحــدر حـدر
قالوا يخونـــــــك قلت انا ياكــرهنــي للخاينيـــــن
لو خاننــي ضــاع الوفـــاء فـي النــــاس الا ماندر
قالوا كــم اللي راح من عمــره شقــى قلنـا سنتيـن
عاميــن وانـا أغــــرب الخطــوات والقلــب يحــدر
قالـوا الكدر ويش الكدر قلت الكدر مثــل السجيــن
إن عـاش في سجنـه كدر واذا طلـع عــــاش الكدر
قالوا سواتــك وش يســوي قلت بيــن الحالتيـــن
اما تمــوت مَّــن غبــن والا قضـــى عمــري هـدر
الشاعــر:
حمــدان المـــري
شموخ أنثى .ღ.}
16 / 03 / 2009, 58 : 05 PM
{..
صح لسآن حمدآن
شآعر رآئع بكل المقآييس
لاهنت آبو نوآف
/
\
/
تضيق في عيني الدنيا .. وتشعاها
لاصار ليلي يغط النور مجدوله
وافك ازارير ثوبي .. واتحراها
ومن ضيق صدري .. خفوقي ضاق به جوله
الجادل اللي كوتني يوم فرقاها
خلت عيون الغلا بالهم مكحوله
اغفى ..على صوت طاريها.. وملفاها
واصحى .. على شهقة التحنان .. وذبوله
ادري بغلايه ..ولا كن ويش خلاها
تقطع حبال الهوى .. ويضيع مفعوله
لا صار ما جا خفوقي من شقا جاها
( وش خانة الحب دام الصد بيطوله )
و دام القصص .. جابها من كان وداها
تسلم يمين البطل .. ويصح منقوله
من عقب .. ما مالت الكفه وشلناها
والسالفه .. عند راويها ومدلوله
راحت .. وقلبي حلف مايوم ينساها
راحت .. وقلبي عليها تقرع طبوله
الجادل .. اللي يتل القلب طرياها
اللي لها في ضلوعي .. صوله وجوله
راحت .. وعيني عليها منتثر ماها
وامال قلبي .. من التوديع مقتوله
راحت .. وانا في رجا الله ثم رجواها
لا تذبح الخافق اللي عنه مسؤوله
راحت .. وصوت العتب .. لا صحت نداها
( غيبتك طالت .. ترا ماهيب معقوله ) ..
راحت .. وانا مالي إلا طيف ذكراها
لا ارخى علي الظلام الهم بسدوله
راحت .. وكن الجفا ماعاد يبغاها
كنه يقول : الخطيه منك مدبوله
راحت .. وخلت جديد الشعر يرثاها
من عقب ماكان فيها يجتمع لوله
راحت .. وخلت عروق القلب تظماها
من عقب ما غيثها فالصدر هملوله
راحت .. ولا عاد خلت غير لاماها
وخلت عروش الخفوق وباقي الدوله
ومني لها .. بيت واحد بس وعفاااها
ابيه .. لا اشتاق لي خفاقها تقوله
جايز : يدين الكريم المال ما اغراها
بس الاكيد : البخيل يديه مغلوله
.
.
.
للشآعر العذب
جزآء البقمي
عاشق مطير الأول
16 / 03 / 2009, 45 : 08 PM
بيض الله وجهك يا شموخ
هذه القصيدة أخذتها صوتيه من مدونتك
قصيدة في غاية العذوبة والروعة والجمال
\\
\\
\\
أتعبتني كثير كثير
\\
\\
\\
\\
استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديــــــك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: " لـوازم لاقضـاهـا بيـاتـي "
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عـــنـد المماليـك
اكـبــر طموحــــي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احــــاول اذكـــر .. اي شـــيٍ يـطريــك
"واقول هو سوا .. وانـا ذي سواتـي "
كني مـوادع .. كــل شـيٍ حــواليـك
وكني حسبت حساب ((حزة وفاتـي))
احب ... لاني مقدر انسـاك ... وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))
\\
\\
\\
\\
الشاعر
حمدان المري
شموخ أنثى .ღ.}
17 / 03 / 2009, 07 : 12 AM
{..
من آروع قصآئد المرى
صح لسآنه ولاهنت يآعآشق مطير
/
\
/
يقولون العرب صدر الشمالي مايضيق بساع
وانا اقول الصدور اليوم ماعادت شماليـــــــه
بدت في داخلي ضيقه عجزت القى لها مطلاع
تغيب وترجع وترجع نغيب ومالها نيـــــــــــه
عمتني كلمة جتني وضقت وضاق صدر القاع
الا يالله لا تجزى غشيم قالها فيــــــــــــــه
لاهو صفاع ياربي ولاهو للعرب نفــــــــــــاع
بلاني وابتلا حاله وبعض الناس مبليـــــــــــه
نهيته قبل هالمره يخلي سيرتي ماطــــــــــــاع
الا نعنبوا جد القصيد ونعنبوا بيـــــــــــــــــــه
ضعيف النفس (..) يشوف بعينه الاطماع
يحسب اني مثل ربعه يسوق بضاعته ليـــــه
انا اشري لابغيت اشري ولاني مساوم البيـــاع
الى من قال لي ميه عطيته فوقها ميـــــــــــه
انا اكتب لاجل من يقرا ولا ارجي من يقول ابداع
وابد لاتحسب مثلك يشكل لي اهميــــــــــــــه
ترى ياهيه لامني نويتك بس اطق اصبــــــاع
يجيني الف شيطان وراهم الف جنيــــــــــــه
اجرك من طرف حرفك وارد الصاع مية صاع
جنون القاف ارقصها على راسك هجائيــــه
ياويلك لو توليتك وربي مالك الشفــــــــــــاع
يجيك من القصيد احسب ثلاثميه ثلاثميـــــه
ولكن خلك بحالك مادام ان الصدور وســاع
ترى للحين ماضاقت ولساعها شماليـــــــــه
للشآعر
خلف المشعآن
عاشق مطير الأول
17 / 03 / 2009, 09 : 06 PM
الله لا يهينك يا شموخ
وبيض الله وجهك
جداً رائعة وقوية
تسلمييييييييييييييييين
\\
\\\
\\ (file://\\نفكت)
انفكت السبحة وضاع الخرز ضاع
وبغيت ألمه يا سليمـان وازريـت
صار الذهب قصدير والورد نعناع
أنكرت ريحه مختلف يوم شميـت
الباب طايـح والمساميـر خـلاّع
والحَبّ فيه السوس والفار في البيت
أمسيت أكيل الراى بالمد والصـاع
قست الأمور وعفتها ما توريـت
لا فاقد الحيلة ولا قاصـر البـاع
ويا الله يامولاي فيـك استغريـت
الذيب رزقه في مباديـن الأرواع
وانا برزقي في زمانـي تعنيـت
وانا مربّى من زمانـي ومطـواع
ربتنـي الأيـام حتـى تربـيـت
\\
\\
\\الشاعر (file://\\الشاعر)
بديوي الوقداني
رحمه الله
شموخ أنثى .ღ.}
17 / 03 / 2009, 56 : 08 PM
{..
رحمه الله
وآسكنه فسيح جنآته
ولاهنت ياعآشق على الاختيآرات الجزله
/
\
/
مـع السـلامه وانـتهى كل مافات ..
ماخنـت لكنـك مع الوقت بتخـون
ساعدني انسى ماحصل دون شرهات
اخـر جـروحـك تاخـذ ايام وتـهون
ماشلت هم الجرح.. ماقلتلك هات
خليتني ضايق.\ وحاير.\ ومغبون
بـسكات ودعني.. واودعـك بـسكات
ماكـنت احـسب فـ يوم تخدعني ظنون
الصـبر مفتاح الـفرج والمـسرات
لكـن معاك الصـبر لايمـكن يكون
ياكـثر زلاتك معي انت بالذات
وياكـبر ذنبـي لاحـسبت انك تمون
كـنت القريب.. وخابت كثير هقوات
وياما على شانـك تحملت...بجنون
عطـني خـبر قبل الخيانه بساعات
عشان اجمع مابقى لي من طعون
هذي النهايه..واستلم هالعبارات
بتخون عادي.. واجد اللي يخونـون
للشآعر عبدالعزيز المطيري
ابونواف السلوم
19 / 03 / 2009, 41 : 07 AM
سلمتـــي أختــي شمــوخ
وقصيــده جميلــه
بـسكات ودعني.. واودعـك بـسكات
ماكـنت احـسب فـ يوم تخدعني ظنون
الصـبر مفتاح الـفرج والمـسرات
لكـن معاك الصـبر لايمـكن يكون
فرغــم الوداع إلا أن الشاعر
أختـار مــن القصيــد أعذبـــه
قصيــدة خيمـــــة عــــــزاء
ياغايــــــــبٍ عـــن عيونـــي وش هـــي السبـــــه
عذبتنـــي بغيبتـــك وأشغلــت لــــــــــي بالــــــي
ماغبـــــت عــن خــاطــري وأبليــــــــــــس يلعبــــه
وكثــــر الطــــــــــواري تــزيـــد الظـــن غربالــــــي
ياللي تبـــي المجمعـــــه فتميـــــــر مـــن غربــــــه
للخالديـــــــــــــه وصيتــــــك( دوك) مرسالـــــــــي
أن كـــان عايـــش فقلـــه يختشــــــــــــــــي ربــــه
في اللي عشــــق طيبتــه وأرخـــص له الغالــــي
مليـــت طـــــــــول الـــسهـــــر والنــار مشتـــبـــــه
ولحــــــدٍٍِ عـــرف علتـــــــي ياكـــــــود جوالـــــــــي
وأن كـــان خلـــــــي توفـــى فالخبــــــر كبـــــــــــه
أرفـــــق علـــي وترفـــــق والله الوالـــــــــــــــي
كابــــــوس موتــــــــه فجـــــع قلبـــي وشيبــــــه
يحـــــــرم عليـــه العشـــق والحـــزن لـه فالـــي
نصبـــت خيمــــــة عـــــــــزاء وأطنابهـــا حبــــــه
ويبكـــي معـــي من سمــع صوتـــي وموالـــي
ياجـــرح قلبــــــــــــي وياجرحـــه ويـا طبـــــــــه
جرحتنـــي بغيبتــــــك وأشغلـــت لي بالــــــي
أبــ نــواف ــو
ديـــوان
البيــــــــــارق
شموخ أنثى .ღ.}
19 / 03 / 2009, 40 : 10 AM
{..
صح لسآنك ابو نوآف قصيده رائعه
وآعجبتني كلمآتهآ رغم وجعهآ
ولاهنت يالطيب
/
\
/
مدخـل .. !
الغياب .. !!شر .. لابدّ .. منه ..!!
فـ سامحوا .. كل .. هذا .!
( .. الغياب .. ) ..!!
مثلي .. بعد .. يا ورد .. راحوا .. وخلّـوك ..؟؟
وإلا .. على غيرك .. من الورد .." طاحوا "
ياورد .. وإن مرّت .. ليــالي .. ولا .. جوك ..!
وإلا .. عقب .. ما جوك ... صــدّوا .. و .. شاحوا ..
طنـّـش .. أنا .. مثلك .. وطت رجلي .. الشوك
من شـــانهم .. / .. واليوم .. صدّوا .. و .. راحوا ...
ما ألوم قلبك .. يوم .. ياورد ... غــرّوك ...!
شفهم .. معي .. لـ أقصى الحنايا .. أستبـــاحوا ...
لو .. أنهم .. ياورد .. من عقب قصـّوك ....!
على .. جفاف أوراقك ... الخضر ... ناحوا ..
يمدي " عذرناهم " .. ولكن .. بلا أبوك ..!
من يوم .. ما طحنا ... ولا يوم .... لا حوا ..
ياورد .. أنا .. ويـّـاك .. شابك ومشبوك ..!
ودموعنا .. تروي الظمأ .. يوم ... ســـاحوا ...
بـ الله .. لو عقب البطا .. بـ يوم مرّوك ..!
وبـ جروحهم .. عندك .. من الضيق .. بــاحوا ...
لابد .. تذكر .. كم ياورد ... بكــّــوك .....!
وكم ليلةٍ تبكي ... إلين .... أستــــــراحوا ...
ياورد .. عادي .. لو بـ الإحساس غشّوك
لو .. أن من طيبك ... مع الناس .. فـــاحوا ..
تبقى لك .. الذكرى ولو هم .. تناسوك ..!
لو أنهم .. عن دربك .. اليوم ... زاحـــوا ....
مخرج
ذات .. مصير ... الورد ....
يعيشه الكثير ولكن ..؟؟
عزاؤنا أن الزمن يحتفظ لهم بـ ذكرياتنا !!
وأنهم يدركون جيداً من نكون ... دائماً!!
عاشق مطير الأول
19 / 03 / 2009, 17 : 10 PM
مشكورة ياشموخ
معانيه رائعة
لا هنت الله يطول عمرك
\\
\\
\\
\\
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه
جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه
قالت انته تـحسبني من بنات صايعين *** تـحسبني في زماني عن طريقي ضايعـه
قلت انا ماراح اطـول كلبوها كلمتين *** وابعـدت عني شويه ثم جتنـي راجعـه
قالت اسال واضح انك من رجال طيبين *** بس هرجك يالسنـافي كان وشهو دافعـه
قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه
اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه
واذكر انـه عاشـق الورد والياسمين *** وصار قلبي بالـورود اللي عشقهـا زارعـه
طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه >>
قاطعتنـي بقولها سبحـان رب العالمين *** كـررتـها مـره .. ومرتين .. ورابعه
قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه
قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه
قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه
قالت ظروف الزمان ماتطيـع العاشقين *** بيعونـي غصب حبك لو هو ماني بايعـه
انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه
زوجوني غصب واحد وحرموني حاجتين *** السعاده فـي زمانـي والحيـاه الرائعـه
والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!
قصيده لشاعر مجهول
وهو الذي عرفها من مشيتها في مكان عام ومع ذلك لم تعرفه ..!!
ابونواف السلوم
20 / 03 / 2009, 05 : 05 PM
سلمــت أخــوي عاشق مطيــر
وقصيده جميلــه
وصحيــح أن قلـب العاشق
دليلـــه
وبيض الله وجهــك
الراية البيضاء لكم ياهل تمير------- الطـيـب والنومـاس تستـاهلـونـه
تستاهلون المدح في كل تعبير------ ونـشيـد بالـطـيـب اـلذي تفعـلونـه
صفوة ارجال مهذبين مناعير------- اخـتـاروا مـنـزال العـلا يـنـزلـونه
خويــهم يلــقا مــعزة و تـقدير------- واليـا تـقـاعس بيـنهـم يعـرفـونـه
ابيوتهم مــفتوحة لـلخطاطـير------- والـبــاب مـالـه عــادة يـقـفـلـونـه
شيبـانـهم متـحملة للمـخاسـير------ والـمـال لاجـا واجـبـه يرخصـونـه
شبابهم على المراجل مغاوير------ طـموحـهم حتى الـقـمـر ياصـلونـه
لي حضروا عندك وجيههم مسافير---- آمـر ومـاتـامـر بــه يـنـفـذونـه
يوم الجناح مبلل الريش مايطير----- صاروا لنا فزعة ونخوة وعونة
يوم الليالي لاقحات معاشير------ قــامــوا لـنـا فـي كـل مـا يـمـلـكـونـه
عايشتهم مدة ولا شفت تقصير---- رجـالهـم يـعـطـيـك حـتـى عـيـونـه
ماهم من اللي يصنعون المعاذير---- والضيف ذا من طبعهم يكرمونه
ادعى لهم مع كل الابواب تيسير------ واللي زرعوا ياعلهم يحصـدونه
عسى مراويح السحاب المباكير------ لاصار فوق تـميـر تمـطر مـزونـه
تمـطر على دار ذكرنـاه بالـخير------- عـشنا بها ماقـط شـفـنا المهـونـة
يكسي اراضيها النفل والنواوير----- والفـقـع قـدام بيوتـهـم يلـقطـونـه
يضفي القصيم وكل قرية من سدير---- واللي ورا ذيك الاراضي ودونه
وانهى الكلام بذكر من يرزق الطير----- وصلوا على اللي امته يتبعونه.
الشاعر: سليمان الهويدي
شموخ أنثى .ღ.}
20 / 03 / 2009, 18 : 06 PM
{..
صح لسآنك ابو نوآف
ولسآن شآعرهآ
وتمير تستآهل الكثير
ولاهنت آخوي
/
\
/
كل مــافي الأرض ينذر بـالـمفـارق والـغيـاب
اللقا .. والشمس .. وحـــروف الرسايل .. والقبور
وش بقى يوم أكتشفت أن آخر الدرب السراب ؟!
والـبحـر دمـع لـسـواحـل هـاجـرت عـنها الطيور !
مالحزني صوت ؟ .. مدري هو خطأ والا صواب !
بـس أعـرف أنـي حـزيـن وصـوتـي الـلـيـلـه جـهور
مـن يـدّثر صـوتي الـلـيـله ويكسـب لــه ثـواب ؟!
مـــالـــها يــالشــعر غيرك أنـــت .. ياجبر الكســـور
يـكـفي أنـي .. لابـكـيـت بـدونـك أشـعـر بـإرتـيـاب
وكل ماأبكي فيك .. أشوفك لي .. عن اللي فيّ .. سور
أدري بــيــوتــك عــرايــــا .. لـكن أوزانـك ثـيـاب
لبّس جـروحـي مـن أحـزانـك وألـبّـسـك الـصــــــدور
كــان يــامــا كـــان والنـسيـان للـعـشّـاق بــــــاب
عــاشــق ٍ لاشـدّ درفــة بــاب .. صـاح بـلا شـعـور :
يـقـدر الـنـسـيـان يـنـزع غــصــن من فوق التراب
بــس مـايـقــدر يــقـــرّب لـــلـــتراب ولـلـــجـــذور
كـيف أبـنـسى ذكـريات الـطيـش الأول .. والشبــاب
ورفــقـة الـلـيـل الـعـتـيـقـه .. وأول الـفـجـر الـطهور
والــمـواعيـد وشـغـبـهـا .. والـولـه قـبـل الـعـتـاب
وســاعـة ٍ كـم كـنـت أحـاول فـي عـقـاربـها تـــــــدور
والـمـكان اللي وهـن سـقـفـه مـن الـفـرقـا وشـــاب
مــن بــعــد مـــاكـان يـحـضّــنـا مـثـل طـفـل ٍ غـيــور
والـمـطر لا لـوّن الشـــارع .. وقـلـنــا لـلـسـحــــاب :
بللّ أيدينا .. تــرى الـــعشّـــاق أيـــاديـــهـــم زهـــور
كـيـف أبـنـسـى والـريـاض لـسـيـرتـي مـثـل الـكتاب !
حــافـظـتـني بـيـت بـيـت .. و حـي حـي .. و دوُر دوُر
مـن كـثـر مـاكـنـت أدوّر فـي شـوارعـهــــا جـــــواب :
هو صحيح الحب أعــمى ! أو عيـون النـاس عــور ؟!
كــنت أشــوف الـحب عذب .. وهـم يـشـوفـونـه عــــــذاب !
كــان هــذا الـحـب سـر ! .. وقـلـتـه وكـلي ســــــرور
عـلمّونـي فـي الـمـديـنـه كـيـف لاحـبـيـت أهــــــــــــاب
لـكـن الـقـريـه قـمـرهــــا قــــال : كـُـن لـلـحـب نــور
فـي بـلادي كـنـت عـاشـق .. بـس شـاعــر بــإغــتراب !
لين صرت الشـاعـر اللـي تـعـشـقـه كـل الـبـحــور
عـلمّـيـني يــالـقـصـايـد هـــو خـــــطأ والا صـــــواب ؟!
لارفــضــت أنـسى عـيـون ٍ عـشـتـها شعر وشعور
هـــذا أنـــا لحالي .. هزيل الحــــال .. وأشعـــــر بإكتئاب
كـن قلـبـي جـال بـحـر ٍ هــاجـرت عنـه الـطـيــور
أجرع الفــرقا وأقـــول الـحــب عـــذب .. وللــعــذاب ..
كـــل قــــلب ٍ لاحـــرمه الـــوقـــت مـــن خلّه .. يبور
ولـيـن هـذا الـيـوم أدوّر فـي الـمـديـنـه عـن جـــواب :
ليه في شرعك .. يكــــون الحــب معنى للفجور ؟!!
جديد فهد المسآعد
عاشق مطير الأول
21 / 03 / 2009, 23 : 08 PM
تسلم يمينك يا شموع......
عفوا !!
يا شموخ.
وصح لسان الشاعر فهد
قصيدة في منتهى الروعة ..... والعذوبة ... والجمال.
نبرتها رقيقة...... ومعاني عميقة
\\
\\
\\
\\
قصيده صاحبها الظاهر انه مات على كلامه في آخر شطروكل من نقلها نسبها لشاعر مختلف وشخصية الشاعر غائبه لا يعرفها إلا الشاعر نفسه او من يعرفه..
وهي قصيدة المعلم اللي يقولون انه تعين في ديرة فيها حبيبته التي تزوجت قبل 8 سنوات وكان ولدها يقولون انه ابو سبع سنين ( ويدرس في اولى ج في المدرسة اللي تعين فيها المعلم
[ويقول فيها]
مرت ثمان سنين حل ٍ وترحال *** مرت ثمان ٍ كلهامِدلهمّه
سألت عنها سنين وشهور وليال *** ولا فيه فج ٍ غير وجهت يمه
وبعد الثمان اللي تعبها شقي الحال *** جاب الزمان الكارثة والمطمه
جاني ولدها يبتسم بين الأطفال *** ومن بسمته ذكرت أنا بسمة امه
شفته وصاحت داخلي كل الآمال *** وصوت ٍ عجزت بكتم الأنفاس ألمه
واستلهمت نفسي مقاديم الأهوال *** وتم الضياع ووكدت لي متمه
ساعةحضنته والطفل في يدي مال *** وشميت ريحتها على أطراف كمه
والحين بنت الناس في بيت رجال *** وحب ٍ على غير الشرف لي مذمه
برجع غريب ٍ سكته بر ورمال
يموت , يحيا , يندفن , مايهمه !!-
ابونواف السلوم
25 / 03 / 2009, 56 : 10 PM
يعطيك العافيــه
أخــوي عاشق مطيــر
أبيــات وأختيــار فــي غايــة الروعــه
فجمعــت بيــن طيــاتــهــا الحــب والصــدفــه والوفاء والفراق
ولك خالص التقدير
يـاكـيـف ســـوا عقـبـنـا تـــاج راســــي
وامــي الحبيـبـه وش ســوى بـهــا الـيــاس
اسـمـع صــدى صـــوت يـهــز الـرواســي
قـولــوا لـهــا لاتـلـطـم الـخــد يــانــاس
قـولـوا لـهـا حــــق وتـجـرعــت كــاســي
لاتـحـتـرق كـــل يـبــي يـجــرع الـكــاس
أصبحت فـــي قـبــري ولابـــه مـواســي
واسـمـع قـريــع نعـولـهـم يـــوم تـنــداس
مــن يــوم قـفـوا حـــل مـوثــق لـبـاسـي
وعـلــى رد الـــروح صـــوت بالأجراس
هـيـكـل غـريــب وقـــال لـيــه التـنـاسـي
صـوتـه رهـيـب وخـلـفـه اثـنـيـن حــراس
وقــف وقـــال ان كـنــت يـانـمـر نـاســي
هـــاذي هـــي اعـمـالـك تـقــدم بـكــراس
ومــن هــول ماشفـتـه وقــف شـعـر راســي
وانــهــارت أعصابي ولا أرد الانــفـــاس
يالـيـتـنـي فــكــرت قــبــل انـغـمـاســي
بالـغـفـلـه الــلــي منـتـهـاهـا للإفلاس
وفـزيـت مــن نـومـي عـلـى صــوت نـاسـي
واصــرخ أقول الـمـوت وأحـــذر الـنــاس
توفي صاحب هالقصيده رحمه الله بحادث مروري بعد يوميــن
منقـــولـــه
شموخ أنثى .ღ.}
29 / 03 / 2009, 03 : 07 PM
{..
رحمه الله
قصيده مؤثره
لاهنت آخوي
/
\
/
راح ليل الشعر مابيـن المعانـي والجزالـه
في عيون الشعر دور الحرب بارود وسريـه
شعر شاعر بالمشاعر شاع شعره واستوالـه
كيف ماجـات القوافـي جرهـا بالسامريـه
اتزان الحظ واضح لو بـدا عيـب اختلالـه
وانحلال الوصل جارح لو بدا سـن الثنيـه
ماتت عروق العنب والتوت يرثـي مابقالـه
والنهايـه فالبدايـه والحكايـه سرمـديـه
انجرح وجه المساء والكون يصرخ من خلاله
وانتحى فكر ولحى من دون مضمون القضيه
والشفق قبل الغسق لو يدفق الحمره سرالـه
بإتفـاق الاختـراق وبإنطبـاق الجاذبـيـه
والنكد بعد الرمد مثل الردى بعـد الشكالـه
والنخل لا مابخل لو شحت عـروق ٍ نديـه
والنقا روح التقا عنـد الشقـا وإلا زوالـه
والاوادم لو تنـادم مابقـى نفـس ٍ شقيـه
والعيوب ذنوب والجاني على راس العدالـه
والحروب دروب صوب الموت ويدين المنيه
والجفا بعد الوفا بعد الصفا جـرح ونكالـه
والامور تدور مـن قبـل العصـور الاوليـه
حسب تقديـر الالـه المعتلـي رب الجلالـه
خالق الخلق ومليكه عالـم السـر وخفيـه
والرضا حين القضا بالمقتضا شرط ودلالـه
والعفو عند اقتدار المرء من طيب السجيـه
والفتن جرح الوطن وقت المحن فعل الجهاله
والخطا رد العطا جهل وسطا وسـط البريـه
والهوى لامن ضوى ماله دوى ياشين فالـه
راعي الحب ودروبـه ماتجيـب الا الاذيـه
وافتراض الاعتراض أدى الى سرد المقالـه
والحقيقه مابقى غيـر الحـروف الابجديـه
اسمعوني وافهموني وصلولـه ذا الرسالـه
كان باقي للهوى في قلـب محبوبـي بقيـه
علموه اني شربت الحب من صافـي زلالـه
وعلموه اني نذرت العمر مـن اجلـه هديـه
وعلموه اني سكرت من الهوى حد الثمالـه
وعلموه انه جعلني عن هجير الشمس فيـه
وعلموه انه كتبني شعر فـي دفتـر خيالـه
وعلموه انه وضع شمس المحبه فـي يديّـه
وعلموه انه غزى الخفاق وأسرف باحتلالـه
وعلموه انـه تمكـن بالحشـا وال الرعيـه
وعلموه انه عطاني وعد فـي مقبـل ليالـه
مايروح ولا يبـوح ولـو تفـوح الشاذليـه
وعلموه اني ابسهر فـي رجـا رن اتصالـه
وعلموه اني برجـوى يـا هـلا يالله حيـه
وعلموه اني احبه حب ما يخطر فـي بالـه
وعلموه اني احب مشاهده لو هـي شويـه
وعلموه ان القصايد من يمينه فـي شمالـه
فدوة ٍ لعيونـه الثنتيـن مـع زاك التحيـه
وعلموه ان المشاعـر كلهـا منـي حلالـه
وعلموه ان الخوي دايم على هقـوة خويـه
علمـوه وفهمـوه وصلولـه ذا الرسـالـه
والوصيه وسط مظروف الغلا نص الوصيـه
شاعره لو غاب مادور على شخص ٍ بدالـه
مال لغيره فـي خفوقـه شـف وإلا قابليـه
للشآعر جزاء البقمي
عاشق مطير الأول
01 / 04 / 2009, 32 : 10 PM
شفت الهموم اشلون صـارت قصايـد
ووشلون صفق لي من الهم جمهـور!
شهـرة جروحـي تنكتـب بالجرايـد
والناس تنطرني مـع الهـم بالـدور!
وانتـه .. ولا فكـرت حتـى تعايـد
واللي بصدري عيّـد العيـد مقهـور
صار السهر ل جفون عينـي وسايـد
وقص الكلام اللـي ابحكيـه بالـزور
صـدرت لكـن مـا جنيـت العوايـد
والشاهد الله ما انتظر منـك مشكـور
اصبحت ل حـزاب المجاريـح قايـد
وعلى همـوم الحـب استـاذ دكتـور
اقرضتـك الخفـاق بـدنـى فـوايـد
وحطيت لـك دون العمـلاء معـذور
وصار التغلـي سايـد ٍ وانـت سايـد
وكني رجعت اصف بالعشـق طابـور
اليـا وصلـت اتقـول خلـك محايـد
وتضمني ضمتـك واجيـك مجـرور!
شفتـك تزيـد الهـم والهـم زايــد
معن خوفي بـس.. لاجيـك بقصـور
وانتـه تـوردنـي دروب النكـايـد
حتى الماسنجر حالتي فيـه محضـور!
وش حيلتي والقلـب سنتيـن جايـد
وازرت عيوني تحضن الدمع بغـرور
ولا صف جيش الحرب ماهـو برايـد
كنه على ادنـات مـا جبـت مجبـور
ولاشن حربه .. شنهـا عنـك ذايـد
وانته تكسّر خاطـر ٍ منـك مكسـور
مرات احس انـي مـع الوقـت نايـد
ومرات كنـي فـي محبتـك ماسُـور
برض الرخا ما شفت غيـر الشدايـد
وبرض الشقى لو يضحك الحب مدحور
\\
\\
\\
لا أعرف قائلها
مجمعاوي كان متين
17 / 06 / 2009, 37 : 08 AM
صح لسان شاعرها
والله يهونها بوجهه ويعطيك العافيه أخوي عاشق
أبيات جزله
واختياراتك رائعه تسلم يمينك*
*
*
يالصاحب المتغلي وعلى البعد مجبور ..........
..........ماتدري عن صاحبك وش جرابه...
حالته صعبه وفي بعادك صبور...............
.......وفيك يرجي رب جزيل ثوابه...
أباختصرلك ياصاحبي في سطور....................
........كيف حالك؟ أنت طيب كلا م تشابه........
وبأدعي الله أنك دايم في سرور..............
.......ويرزقك على طيبك ويفتحلك من عند بابه...
صحه يداويبها تجبر الخاطر المكسور.....
...............في طاعته عز هني منهو فيها شقابه
والله يهون ياصاحبي كل مستور.........
..................غيابك شي غريب وفيك شفت العجابه
عاشق مطير الأول
18 / 06 / 2009, 46 : 01 PM
مشكور يالمجمعاوي اللي كان متين على اختيار
إي بالله أخطوا والخطا اللي جابهم عين الصواب http://www.hamedzaid.com/dewan/space.gif
مبطي وأنا أشوف الطمع يكشف رداهم وأستره http://www.hamedzaid.com/dewan/space.gif
مايملي عيون الحسود بهالزمن غير التراب http://www.hamedzaid.com/dewan/space.gif
ومن لايتوب من الخطا تحرم عليه المعذره http://www.hamedzaid.com/dewan/space.gif
اللي من أولها خراب أكيد تاليها خراب http://www.hamedzaid.com/dewan/space.gif
والبندق اللي ماتثور في هدفها تذعره http://www.hamedzaid.com/dewan/space.gif
ودك اليامن جاتك الغلطه من الناس القراب http://www.hamedzaid.com/dewan/space.gif
الصاحب اللي ماكسبت محبته ماتخسره http://www.hamedzaid.com/dewan/space.gif
مشكلتي إني ماعرفت أحسب لصدتهم حساب http://www.hamedzaid.com/dewan/space.gif
قلطتهم صدري على ذكرى قصيد وحنجره http://www.hamedzaid.com/dewan/space.gif
صوت ٍ يصول بمنبره واخطاب مامثله خطاب http://www.hamedzaid.com/dewan/space.gif
والطيبه اللي زعزعت صوت الخطيب ومنبره http://www.hamedzaid.com/dewan/space.gif
مافيه دمع ٍ صوبوه أحبابي بوجهي وخاب http://www.hamedzaid.com/dewan/space.gif
ولازرق حزني على غالي ولافج انحره http://www.hamedzaid.com/dewan/space.gif
كل الزهاب اللي معي ذكرى من أصحاب الزهاب http://www.hamedzaid.com/dewan/space.gif
واللي بقالي من عذاب اشرس طريقي وأخطره http://www.hamedzaid.com/dewan/space.gif
لأني تجنبت الغرق.. عديت من فوق السحاب http://www.hamedzaid.com/dewan/space.gif
لأن أكثر أصحابي ورق..ماشفت للطيب إثمره http://www.hamedzaid.com/dewan/space.gif
والله ماحطيت بين الحقدوالخوه حجاب http://www.hamedzaid.com/dewan/space.gif
حتى غدوا ربعي يحدوني على الضيق أشكره http://www.hamedzaid.com/dewan/space.gif
البارحه ثارت علي رقاب وأوتني رقاب http://www.hamedzaid.com/dewan/space.gif
البارحه ياثقل دم البارح ويامحقره http://www.hamedzaid.com/dewan/space.gif
أثر المصايب ماتجيك إلا من الناس القراب http://www.hamedzaid.com/dewan/space.gif
وبهالزمن حتى الخوي اللي تثق فيه أحذره http://www.hamedzaid.com/dewan/space.gif
أهب ياوجه الحسد وشلون جمعهم وغاب http://www.hamedzaid.com/dewan/space.gif
كيف السنين اللي عطتني بعثرتهم بعثره http://www.hamedzaid.com/dewan/space.gif
لابارك الله في رفيق ٍ تزعله كلمة عتاب http://www.hamedzaid.com/dewan/space.gif
ولاجمع الله الرجال اللي تفرقهم مره http://www.hamedzaid.com/dewan/space.gif
الصاحب اللي مايجي من صحبته غير العذاب http://www.hamedzaid.com/dewan/space.gif
نذر ٍ علي إن ماهجرني وإلا أنا اللي ب أهجره http://www.hamedzaid.com/dewan/space.gif
من يفتح لفرقاي باب أفك له عشرين باب http://www.hamedzaid.com/dewan/space.gif
وأذا خويي مايقدر خوتي ما أقدره http://www.hamedzaid.com/dewan/space.gif
عو ّدت نفسي كل ماشددت لليمّه ركاب http://www.hamedzaid.com/dewan/space.gif
مأصد وجهي عن طموح إلا لياجبت خبره http://www.hamedzaid.com/dewan/space.gif
أن روّحوا فأنا بري منهم ليوم الحساب http://www.hamedzaid.com/dewan/space.gif
وإن جرحوا قولوا لهم ماحركوا فيّ إشعره http://www.hamedzaid.com/dewan/space.gif
شفهم لهم حول السنه ولا خذوا مني جواب http://www.hamedzaid.com/dewan/space.gif
أحسن دوا للي يحاول يستفزك تحقره http://www.hamedzaid.com/dewan/space.gif
ماكنت أحاتيهم صغيّير ..عاد أحاتيهم شباب http://www.hamedzaid.com/dewan/space.gif
الصاحب اللي ما أذخره لليوم الأسود ما أذخره http://www.hamedzaid.com/dewan/space.gif
شفني جمعت أوراقهم بكتاب وأغلقت الكتاب http://www.hamedzaid.com/dewan/space.gif
ياوقت لم اللي تلمه وأنثر اللي تنثره http://www.hamedzaid.com/dewan/space.gif
اللي يخاف من الظما يترك لنا طرد السراب http://www.hamedzaid.com/dewan/space.gif
واللي ماهو بقد الظلام ووحشته لايسهره http://www.hamedzaid.com/dewan/space.gif
عقب أكتئاب البارحه ماعاد انا حمل إكتئاب http://www.hamedzaid.com/dewan/space.gif
الطيب جرجرني وانا ماني بناقص جرجره http://www.hamedzaid.com/dewan/space.gif
انا تجرعت الظما لين أحترق وجهي وذاب http://www.hamedzaid.com/dewan/space.gif
انا كسرت بخاطري قبل الصداقه تكسره http://www.hamedzaid.com/dewan/space.gif
انا خسرت اللي غيابه غير عن كل الغياب http://www.hamedzaid.com/dewan/space.gif
انا غفرت لعالمٍ ماتستحق المغفره http://www.hamedzaid.com/dewan/space.gif
انا أكثر (أنسان) تعلم من كثر ماأخطأ وصاب http://www.hamedzaid.com/dewan/space.gif
انا أخر (لسان) يتكلم في زمان الثرثره http://www.hamedzaid.com/dewan/space.gif
انا القصيد اللي فزع من دفتره مليون ناب http://www.hamedzaid.com/dewan/space.gif
وانا الوحيد اللي جمع مليون ناب بدفتره http://www.hamedzaid.com/dewan/space.gif
جفني وجرّحه السهر ، حيلي وهدّته الصعاب http://www.hamedzaid.com/dewan/space.gif
دمعي هدر،ضحكي ندر،عمري وضيعت أكثره http://www.hamedzaid.com/dewan/space.gif
شيبت بعقول العرب..هيبت روس ٍ ماتهاب http://www.hamedzaid.com/dewan/space.gif
جمهرت ناس ٍ عمرهم مايعرفون الجمهره http://www.hamedzaid.com/dewan/space.gif
ماصرت ذيب إلا لأن اللي تحدوني ذياب http://www.hamedzaid.com/dewan/space.gif
ما كنت أغيب إلا لأن العفو عند المقدره http://www.hamedzaid.com/dewan/space.gif
ترى حلاتك لاحملت لصاحبك كلمة عتاب http://www.hamedzaid.com/dewan/space.gif
أن مانطقت بها بوجهه ماتذمه بظهره http://www.hamedzaid.com/dewan/space.gif
في هالزمن مايملي عيون الحسود إلا التراب http://www.hamedzaid.com/dewan/space.gif
والا الحظيظ.. الطلقه اللي ماتصيبه تذعره http://www.hamedzaid.com/dewan/space.gif
ودك اليامن جاتك الغلطه من الناس القراب http://www.hamedzaid.com/dewan/space.gif
الصاحب اللي ماكسبت محبته ماتخسره http://www.hamedzaid.com/dewan/space.gif
الشاعر:
حامد زيد.
ابونواف السلوم
21 / 06 / 2009, 59 : 11 PM
يعطيـــك العافيـــه أخوي عاشــق مطيــر
وقصيــده جميلــه لشاعر مميــز
وأختيار موفق
يقـول مـن عــدا عـلـى روس الـطـوال النايـفـات
مــن ضيـقـة بالـصـدر كانيـهـا وحزتـهـا عصـيـر
يالله يـا اعظـم مـن الاسمـا واجـل مـن الصفـات
يالله يالله يـاغـفـور ويـــا سـمـيـع ويـــا بـصـيــر
يارب اجرني مـن عـذاب القبـر مـا بعـد الممـات
واغفر لبـي وابيـه واخوانـه واجرهـم يـا مجيـر
يـارب انـا عبـدُ خلقـتـه مــن تــراب وطـيـب ذات
ونفخت فيه الروح وانـت الـذي علـى ذلـك قديـر
يا رب انا ما اخترت اكون الشاعر الي قاسيـات
الطـرق يطرقهـا وتصبـح لـه ارق مــن الحـريـر
انــت الــذي خلـقـت كـائـن حــي غـيـر الكائـنـات
الحمـدلـك والشـكـر والمـنـه بـفـضـل الله كـثـيـر
يـارب انـا شاعـر واهيـم بكـل وادي مـن شتـات
واقوا مالا افعل وانا مؤمـن ولـي قلـب وضميـر
شاعـر ويتبعنـي مــن الغـاويـن كـثـر الغـاويـات
اذنيهم وان غـررو بـي صـرت اقـل مـن الغريـر
والشعر مثل السيف ابـو حديـن وعيـون البنـات
ياليتهـا كانـت مـدى الشـاعـر ومـرسـاه الاخـيـر
مـا كـان جبـت العيـد والعـذر البـنـات المتـرفـات
والعالـم الله وش نـوى قـلـب المـقـدي للضـريـر
البارحـه هبـت علـي الـريـح مــن كــل الجـهـات
حتـى عرفـت ان اليـالـي غـيـر والوقـفـات غـيـر
وقمـت اتلفـت فالسنيـن الـي غـدت مـنـي فــوات
وآمنـت بـان العمـر مهمـا طــال فالدنـيـا قصـيـر
كلن يموت وينتهـي والوقـت يمضـي هـات هـات
ولا عاد يبقى الا الذكر ان كان شر او كان خيـر
والشاعـر ابـقـى بـعـد مـوتـه بالعـلـوم الطيـبـات
او عكسهـا والـوقـت يـاخـذ والقصـايـد تستخـيـر
اقـرب دلـيـل الــي لـهـم فالبـيـت سـبـع معلـقـات
راحـو ولا زالـت قصايدهـم كـمـا الـبـدر المنـيـر
الاعشا وعمر وطرفه بن العبـد والعبسـي ثبـات
والنابغـه وابـن ربيعـه وابـن ابـي سلمـى زهيـر
والشعر فضل شاعره عن من سواه وله سمات
فضل ابو الطيب وهـو سقـى وابـي فـراس اميـر
والشعـر مهمـا فضـل الشاعـر مـقـام ودرجــات
مـا فضـلـه بالفـعـل فالـيـوم العـبـوس القنطـريـر
لقولهـا وانـا اعـرف انهـا مــا تلحفـنـي العـبـات
الي طرفها فـي يـدي واكمامهـا فـي ايـد الوزيـر
لكـن علـى الله يـا متـم الصـوم ومقيـم الـصـلات
تدفـا الكفـوف البـاردات ويجبـر العظـم الكسـيـر
ياصاحبـي ياحظـي المكتـوب يـا اغلـى الامنيـات
يا اجمل الصدفات لو مـا جـات يالسهـل العسيـر
من صيف عامه ما خذاني عنـك بعـد ولا سبـات
وانت اتجاهلني وانا وضعي مـن اسبابـك خطيـر
والـحـب ذنــبُ مــا يكـفـره التجـاهـل والـسـكـات
واجه فديتك واحسم الموقـف يصيـر الـي يصيـر
ولا تعـلـقـنـي عــلــى امــــل نــجــومُ ســاريـــات
وابقى على قول البـدو لـولا الامـل مـات الفقيـر
يا صاحبي يا اغلى السنين المقبله والماضيـات
يا اعز واغلـى مـن علـى الدنيـا برجلينـه يسيـر
لا تحسـب انـي جاهـل ُ بعـض الامـور الخافيـات
الـي تحـدك وانـت مالـك عـن مـدى قلبـي مطيـر
ادري واقـــدر واتـحـمــل واتـحـاشــا الانــفــلات
ولا تراني في بعض الاحيـان مـا اطيـع الشويـر
والصـبـر مفـتـاح الـفـرج والـقـل جــراح اللهات
وسهيـل يبـدي فالسـمـا ويهـيـج فالـقـاع البعـيـر
وانا مـن الـي مجدهـم علـى ظهـور المسرجـات
قـومً ماهـي بتشـد لا جـاهـا مــن الـقـوم النـذيـر
وش عادنـي حـيً علـى شانـه وش لـي بالحيـات
ان كـانـي لسرجتـهـا مـافــرق الـجـمـع الغـفـيـر
لعيون من حبه رسى مرسى الجبـال الراسيـات
واليا اصطفق ماكنـه الا المـوج فالبحـر الغزيـر
الشاعــر
ضيدان بن قضعــان